رواية راهب ابو غضب الفصل الثامن عشر 18 - بقلم Zahra_Alhussnawy

اتعلم حجم الكارثة؟؟
اتعي انك بدأت تموت داخلي رويداً رويداً؟؟
اتعي أن قلبي قد فقد القدرة على المغفرة؟؟
لم اعد ابعث الرسائل التي يلح علي قلبي ان ابعثها بدافع الحب.. لم اعد احاول استرجاع مارأيته يتسرب من بين يدي.. ببساطة لأنه من مات لايحيا من جديد.. ابدأ لايفعل ومن فارقته ذات يوم حتئ لو عاد.. ابدأ لن تعود قيمته كما كانت.. حتماً ستجد نفسك امام شخصاً غريب

لارا،،واگفه علئ صفحه وجسمي يرجف اباوع لبوي شبه فاقد يلطم ساعه علئ راسه وساعه علئ وجها واني مدري ابجي علئ ابوي مدري ابجي علئ روحي

محمد هد علئ راهب بس واحد من الضباط صار گدامه والثاني لزمه
متت قهر واني اشوف اخوي اول مرة يفرفح يريد يجر راهب
لأن ابتسامته بااستهزاء تستفز المقابل

راهب،،ها جلال متفاجئ?

والله وجنت انتظر هذا اليوم بفارغ الصبر وانتظرة ساعه ساعه اريد اشوفك وانته بهاي الحاله والاخذته من ابوي رجعته اني بالحيلة والمكر لعبت نفس لعبتك واتعاملت وياك بنفس دنائتك وحقارتك

لهنا وخلص وكتك ورجع المال ل اصحابه وراح تعيش نفس عيشتهم وراح تجرب الجوع والفقر والذل مثل ماجربناهن اني وامي واخواتي

سعاد،،الله لاينطيك حقيررر دخلناك بيتنه وثقينه بيك تااالي هيج سويت والله ل اشهرك شهيره وانبش ابوووك من گبرررة

راهب،،مالگيت روحي غير هجمت عليها اريد اسحلها من كفشتها
بس قاسم لزمني والزلم ادخلت

سعاد،،ووللللك الجبتهاااا باااسم امك منووو ?
انته اكيد نصاااب وحرامي هسه اتصل بالشرطه تجي تاخذذك انته والجلاب الجايبهم

راهب،،وصلت حدي وياها مرة السانها متبري منها گتلها اذا تتصلين تسويلي فضل حتئ اقدم الملف مال زلمتج العار وبدل ماياخذوني ياخذو وينحكم اذا موااعدام مؤبد
والعينتين اولادج كل واحد اصكه بتهمه اربعه ارهاب واطشركم مثل ماطشرتو عائلتي

والله لخليج تبيعين علج وباكيتات اكلنس بالتقاطع

وانته جلال اسمعني ماعندك اي دليل ضدي بس اني عندي ضدك دلائل مو دليل واحد غير سوايتك بيه وباخوك انت بعثي قديم وتعرف اذا كتبت عنك تقرير اگدر اشمرك بالسجن تتعفن بقية عمرك بس عقوبتك هاي كافيه وزيادة

وهاي گدام حجي ياسين وحجي سالم وهمه الشهود عليك
وبشهادتهم اگدر اسجنك هسه بس يكفي الاخذته منك
ومن اليوم بنتك تنساها فاهم ?

وقسمااااا بذات الله اذا حاولت توصل الها
ارجع واكمل شغلي وياك وساعتها اقرة علئ روحك الفاتحه انفيييك انته واولادك عن بكرة ابيكم

گبت العيطه بالبيت والاسمها سعاد تعد وتصف
انتبهت عليها گاعدة بالزويه ترجف وتهذي بصوت مامسموع

ردت اشيلها اخذها واطلع بس ماردت تنهار اكثر

التفتت لبوها وامها بعد ماطلعو الشهود والضابط مرتضئ طلع وياهم بقئ بس قاسم
امها ماسكتت  بالعة مسجل تلعلع بعلو صوتها تگول دلاله مثل رجلها

گتلها اذا ماتسكتين اذبهم الج اثنينهم بالتوقيف احسن الج سدي حلگج واسمعيني زين

بنتج بس اليوم تبقئ يمج وباجر اجي اخذها من الصبح الگاج محضرتها واذا مانفذتي كلامي تعرفين الينتظركم شنو ماكو داعي اعيدلج

سعاد،،اگكص ايدي اذااا انته ابن ضيأء لان مستحيييل الجبتها اتكون امك لان ضياء ماجان متزوج غيييير امل ام احلاااام

راهب،،وهذا الناقصني اجيب امي ادوس بساط الكتل زلمتها
ولج اهوااااي عليكم اجيب الكم وحدة بنت ليل جبتها من بيوت الدعارة لان هذا مستواكم

سعاد،،والله ثم والله اذاا مااحرگ گلب امك بيك مثل ماحرگناااا باابوك مااتسمئ سعاد

راهب،،اتمنئ الزمج اله امسح بيج الگاع مرة جبيرة رجلج بالگبر سويلج زين ل اخرتج
وجهج مطرودة النعمه منه

محمد،،احتتترم نفسك وحجي عدل ويه امي
اختي اطلگها ورجلك فوگ راسك

راهب،،ولك گلبي وارم منكم والشيطان متربع براسي سد حلگك لااوكلك تبن
حجاية مني الزگك تهمة اخليك تحلم تشوف الشمس
اختك مرتي بالشرع وبالقنانون بس جرب تفك حلگك وتشوف شنو اسوي بيكم

رجعت التفتت ل امها
مثل ماوصيتكم الصبح اجي ادگ هورن مرة وحدة
تطلعلي بتج والا مايصير خير فاااهمه?

تركتهم وطلعت وقبل مااوصل الباب شفتها علئ وضعها ردت ارجع بس قاسم اشرلي بمعنئ عوفها اليوم

طلعت واني ناري تزيد بصدري ماتنقص ولاتبرد

قاسم، ،انشاءالله تكون ارتاحيت

راهب،،اسكت ماناقصك

قاسم،،ماكاسر خاطري غير المسكينه الوگعت بيدك بسبب انتقامك من ابوها

راهب،،قااااسم

قاسم،،عمييي سكتنه دخيل ربك حرگت الاخضر واليابس بنارك

راهب،،جان قاسم هو اليسوق گتله وصلني البيتي وجنت اقصد الي اشتريته من جلال

وصلني وراح دخلت واحس راسي يريد ينفجر صرت اكسر بكلشي گدامي

مووووو اخذت ثارري موووو رجعت افلوووس ابوووي مووودمرته هو وعائلته
چاااا ليش مااجاااااي ارتاااح ?

اباوع للمكان احسها كدامي جاي اسمع صوت بجيها بأذني يدوي

گعدت وعيوني مغوشه مااشوف بيهن اتصلت بقاسم يرجع لان خشمي ينزف
شويه واجه رحنه للمستوصف ماخليته ياخذني للمستشفئ قست ضغطي صاعد كلش
انطوني حب مدرر وعلاج وطلعت

گتله اخذني البيت سعديه

قاسم،،ولك صدك تحجي جذب بهذا وضعك شتسوي رايح

راهب،،قااسم تاخذني لو اروح وحدددي

قاسم،،ياطلابه الماتخلص عمي اخذك امري لله

راهب،،وصلنه البيت سعديه روحي شايطه ومتاكد غزل ورة السالفه
من شافتني وجها انخطف لونه وبدون مقدمات سحلتها

بس ماگدرت ابرد گلبي بيها لان سعديه جرتها من ايدي وقاسم وكف كدامي يمنعني اضربها ولو حصلت مني شكم ضربه بس بعدني مامرتاح

غزل،،ااانته ماتحبهاا شكوو مجلبب بيهااا

راهب،،واانتي شنوو الحبيتها والماحبيتها مررتي هاي
احرگ اهلج وعشيرررتج نفر نفر اذا جبتي طاريهاا علئ السانج

غزل،،هسسه صارت مرتك موو؛؟؟
اتهنا بيها بس لتفرح اهوااي لان موبسهووله تخلص مني ماتعرف شنو ضامتلك والله لخليك تجيني برجلك وااانته الممنون

راهب،،ردت ارجع اسحلها بس راسي مسطور وصوتهن عالي سطرني بالزايد

عفتهن وطلعت البيه مكفيني

رجعت للبيت

مالي نفس اصعد لفوگ مااريد اتذكر شي
بقيت جوة نمت ع القنفه وقاسم ماقبل يعوفني
بات يمي
اليل كله افكر بيها ومنظرها مايطلع من بالي ليش هيج سويت ليش هيج دمرتها شنو ذنبهااا?
جريت الموبايل مثل كل يوم ضحكتها ترن من اتصل بيها
اشتاقيتلها تمنيت اخليها بحضني وابجي واگلها مو اني هذا مو اني بس الدنيا وقسوتها وصلتني الهذا الشي

لارا،،طول ماجانت الهوسه وصياح الزلم وصوت امي العالي وابوي الي اشوفه گاعد ويفرك بصدرة اعرفه مايتحمل عندة ذبحه
حسيت بروحي نهاريت وعلئ ساعه اتخبل
الم بصدري فضيع عبالك نار تسعر بين ضلوعي لزمت المكان افرك بصدري دخيلك ربي
گعدت بالگاع ومااعرف شحجي مثل التحت تاثير البنج الساني يحجي بس مااعرف شنو الحجي

الحد ماصرت مااسمع بس اشوف واباوع بعيوني
راحو واني علئ گعدتي وامي مامنتبهتلي اصلا يمكن حرگة گلبها ع الفلوس الخسرناهن اكثر من حركة گلبها علئ ابوي وعلئ حالتي

حسيت ايد احتضنتني شميت عطرة هذا ابوي اي ابوي
صرت اناشغ. بحضنه بصوت عالي وارجف

جلال،،كلله مني اننني السبب بدماركم اني

سعاد،،خسرررنه ياجلال خسرررنه كلشي

لارا،،ابوي انتفض ونهض من مكانه جر امي من شعرها والاول مرة اشوفه يضربها بحرگة

محمد يريد يبعدة عنها بس هو فاقد

جلال،،كلللله مننننج ولللج ااانتي السببب لو ماعينننج الفارغه وزنج بااذنييي ليل نهااار جان ماااصار الي صااار كرهتيني بروحي خليتيني اكررره اخوووي دمرتيني ودمرتييي الكل انتتتتتتتي

ولج اكتلج واكتل روووحي واخلص
حتئ اولادنه دمرناهم بسبببنه بسببب الطمع راحو ضحية اعمااالنه

لارا،،تركها وكعد يبجي ومحمد واگف علئ صفحه يبجي بدون صوت وامي تمسح بحلگها يجري دم ورغم الضرب ماسكتت بقت تحجي

سعاد،،فوگ مااتشكررني خليتك زلمه تحجي وتمشي ويه الوادم سوووويت براسك حض تالللي تضربني

جلال،،حض براااااس منووو?
برااس اخووي ولللج صرت بيييه حض برااس اخوي بتعبه وشگة عمرررة

لارا،،ماحسينه غير وگع بنصنه لايحرك ايد ولارجل
امي ولاجن هذا ابو بيتها الدللها ابد ماادنت يمه واني ومحمد اول ماوكع ركضناله رغم حالتي مو احسن من حالته احس داخله بحرب اعصاب وعلئ ساعه تنهار قواي وتنهار اعصابي

بقيت لازمه ايدة وهو مغمض ويتمتم بصوت ناصي

جلال،،اب ابريني الذمه ب بويه

لارا،،نسيت كلشي وحرت بس بحالة بابا محمد شاله واني ركضت وياه فتحتله باب السيارة

حتئ ماانتبهت علئ روحي واني بعدني بالجبه ومنظري وحالتي يصعبن ع الكافر

صعدت بالورة وخليت راسه بحضني وافرك بصدرة ومحمد يمشي بين السما والگاع
ماصدگنه نوصل للمستشفئ

محمد خطيه ماگدر ينتظر بين مايجيبون سديه
فتح الباب ورجع شاله ويركض بي دخله للطوارئ
اني رجليه غدت خيوط صدمه من ورة صدمه
گعدت لان مااگدر اخطي حتئ خطوة وحدة

يمي نسوان اسمعهن يگولن خطيه شوف شصاير بيها والثانيه تسالها هذا رجلها لو ابوها

التفتت الها كتلها خاله هذا بابا بروح شهيد كربلاء ادعيله الله يستجاب دعوة الغريب

جنت احجي وابجي انقهرن علئ حالتي اجت مرة جبيرة گعدة يمي بالگاع بعبايتها طلعت بطل ماي وغسلت وجهي
المرة حنت وامي ماحنت ولاااجت ويانه وگالت هذا زلمتي

المرة،،گولي ياالله خاله انشاءالله مابي شي

لارا،،بجيت كتلها عندة ذبحه مايتحمل اكثر

المرة،،ربج رحيم بعبادة
قل مايصيبنا الا ماكتب الله لنا

لاتخافين يمه وصيري قويه ادعيله بدل ماتبجين الله سبحانه وتعاله يستجاب الدعاء الي وياها دمعه صادقه وخشوع

لارا،،ياالله يااالله رحمتك ياارب

شويه واجه خالي سعد ضل واگف ويه محمد وبعد تشخيص الدكاترة گاله صاعد عندة السكر 450
واليوم مانگدر نطلعه للصبح