واشتاگلك وارجع طفل
مايقتنع هو بعذر
مايعرف افراگ وهجر
كل اليشوفه يريدة
حاجاته كلهن بس اله
وممنوع واحد يقترب
حاضنهن بچف ايدة 💔
،،،،،،،،،،،
راهب ابو غضب ج 2
/////// بقلم زهراء الحسناوي ///////
،،،،،،،،،،،،،،،
عيني بعد چلاوويي
راح اعمئ من الكتابه دوسنهاا 👈⭐
ترة راح اتخلني اغني
ااانه المضيليمه
انه المسيچينه 😂😂😂😂
وصلن البارت 10الف صوت وكثرن بالتعليقات ادللجن 😁
راح اراقب الاشعارات
الاشوفها تصوت من اول بارت الاخر بارت راح انطيها متابعه اذا اجتها متابعه مني معناتها تم نشر حسابها
هاااااا اچلووني 😂😂😂
،،،،،،،،،،،،،،،،،،،،،،،
لارا،،رفعت راسي شفته نفسه الشاب الضرب رجلي برجله
مااهتميت كملت لميت كتبي وگمت وگفت اباوعله اتخصر رفع حاجبه گال
همام، ،منو هذا الاعمئ?
لارا،،ممكن تبعد عن طريقي?
همام،،موقبل مااعرف منو الاعمئ?
لارا،،روحي طافرة وهو متخوصر گتله منو صدمني
همام،،اني
لارا،،معناتها انته الاعمئ
ردت اعبر جرني من ايدي
انضربت بالحايط دنگ المستواي صك علئ اسنانه وحجه بنبرة خلتني اعيد حساباتي علئ هاي الكلمه
همام،، اتجاوزي مرة ثانيه وشوفي اشلون اسحلج بالجامعه ذهابا وايابا علئ هذا السانج المتبري منج
لارا،،ردت احجي نتر ايدي ومشه اجذب اذا اگول ماخفت بالعكس اول مرة شخص غريب يحجي وياي بهل اسلوب
مرة. الايام وراهب بعيد عني يمكن اقتنع اني وياه انتهينه لذالك سحب نفسه
،،،،،،،،،،،
راهب
مانسيتها ولالحظة عايشه وياي وين ماروح هي گبالي انام اگعد اكل ماتفارگ بالي ابد
كل يوم يمر بسنه بفراگها
ماجنت اضن راح احبها هلگد
كانه الله سبحانه وتعالئ عاقبني بحبها لان عذبتها
طول هاي الفترة مصبر روحي منيم ثوبها بحضني
صعبه حييل صعبه
جانت گبال عيني احبها واتفنن بااذيتها
هسه هي بعيدة عني وماشايف طعم الراحه بدونها
يجي الليل واااخ يليل الوحشه بدونها مايخلص لمن تخلص روحي
يصير طوويل يهيج بروحك مواسم شوگ
وتعب والم وجرح غميج موبسهوله يشفئ
انفتح الباب دخلت امي هي الشاهدة علئ عذابي ولوعت گلبي
گعدت يمي ادنيت يمها خليت راسي بحضنها خلت ايدها بشعري غمضت
الحجيه،،كافي ييمه والله روحي تنمرد من اشوفك هيج
راهب،،جريت حسرة احسها شگت گلبي وطلعت
گتلها يمه ماجاي تحن ولاتسامح
دوهنتني خلتني مااندل راسي من رجليه
اسبوع بالدوام مامفتهم شي بالي يمها
الحجيه،،گول ياالله وليدي انطيها مجال تلملم جروحها واداويهن ترة الصار موسهل انه وياها ع الحگ موياك لان من البدايه جنت باطل وياها هل ربك جازاك بفراكها
راهب،،شلت حالي يمه شلتني الدرجة احس روحي مجتف مجاي اگدر اسوي شي
الحجيه،،اوليدي ادري اذا رحت الها واترجيتها راح ترجع وياي
اخذني ليها
راهب،،رافعت راسي كتلها لااا مستحيل اخليج تذلين روحج لسعاد لوعلئ كص رگبتي
اهواي امي رادت تقنعني حاولت وياي بس رفضت
لواعرف الهوئ الاشتمئ بيد لارا هم مااخلي امي اطخ راس واتروح تتوسلها
طلعت امي جريت موبايل اتصفح بالفيس
شفت واحد ناشر مقطع شعر لرائد ابو فتيان
انملت روحي حنين وشوگ لعيونها
دزيتلها المقطع بلكت تحن علئ مگرودها وتسامحه
ماكلفت نفسك بالحلم مريت
ورد بيه الضعف ردة حمام البيت
انه مقرر وناسي وكارهك مرات
وجم مرة اعله ذكرئ اتخصك انغثيت
لارا،،گاعدة اقرة رن موبايلي شفته داز مقطع تركت الكتاب
جريت الهيتفون شكلته اسمع المقطع
ويه كل كلمه تنقبض روحي وابلع بعبراتي
اختنگت ومعاندة ويه دمعتي معاند
صرت اضحك علئ روحي مانعه عيني من البجي
وروحي ناصبتله ماتم تنوح علئ فراگه
بهاي الفترة راهب يامقطع يسمعه ويلامس روحه يدزة الي
كانه يريدني احس بعذابه بدوني
ختمتها وياه دزيتله مقطع حسيته صدگ يشرح حالتي
دزيت اغنية علي سالم
بعد ماكو احجاية
ترجعك ويايه
واهسي خربان بيك
والجروح اهوايه
دقايق ودزلي لايك ادري مايگدر يحجي شي
ايامي ماشيه عاديه مخلصتها بين البيت والجامعه مرات من اضوج يجي رافد ياخذني البيته اغير جو لليل وارجع سجئ حلو اسلوبها
من اروح نخلصها نسوي حلويات لووحدة تحف للثانيه لو نلعب ويه احمد اتمنيت اتكون عايشه ويانه
اقترحت علئ رافد يجي يعيش ويانه بدل مايدفع ايجار يكسر الظهر وهو عايش علئ وراد المحل يادوب يكفيهم مصرف
رافد،،تدرين كلش زين من اجيت شصار
لارا،،اكيد الگلوب اتغيرت هسه لان بابا مات وامي وضعها اتغير فااكيد راح تتقبلكم وهذا بيتك حالك حالنه
سجئ،،فدوة راهب وافق والله اضوج وحدي وانته تطلع من الصبح ماترجع غير بليل عاد اهناك عمتي ولارا راح يسدون الوحشه
لارا،،ضلينه نقنع بي شبه اقتنع بس گال خلوني افكر وبعدين يصير خير
رافد طلع بقينه اني وياها اتصلت بساندرا
ضلينه نحجي اني وياها
فاجئتني بكلامها
ساندرا،،يروحي الشخص الي حجيتلج عنه اتقدملي البارحه
لارا،،ويييي يعمري انتي الله يتمم علئ خير والله فرحتلج
ساندرا،،هههههه لج بابا واسماعيل بعدهم مارجعوله خبر
لارا،،ليش?
ساندرا، ،اذا احجي حتئ انتي حتضوجين فماراح احجيلج مااريد ازيد همج
لارا،،حتئ اموتج كتل اذا ماحجيتيلي يالله بسرعه كتي الاول والتالي
ساندرا،،هههههه اوك
مازن من اجه خطبني وحجه لهلي عن وضعه
عندة اخو عايش بالمانيه فاتح مطعم يسترزق منه
وحالته كلش زينه ف اقترح علئ مازن يسافر يمه هم الوضع بالعراق تعبان وهم يلزم المطعم بمكان اخو
لذالك قرر اذا انخطبنه يسوي الزواج بتركيا يم اخته
ومناك نطلع تهريب قچق بالباخرة من تركية علئ المانيه
نستقر اهناك
لارا،،بلعت العبرة مااتحملت كلامها صح هي بااربيل بعيدة عني بس ع الاقل وجودها بمحافظة من محافظات العراق اكدر من اشتاقلها اروحلها
بس اذا سافرت بعد وين اگدر اشوفها مرة الثانيه
گتلها يروحي سوي التحبي دام انتي تحبي ومقتنعه بقرارة وتكدرين تخطين هيج خطوة تبتعدين بيها عن اهلج عادي اتوكلي علئ الله والبي خير يقدمه ربج
ساندرا،،لارا احبه مازن انسان اكثر من رائع صح ماصار غير كم شهر من عرفته بس گدرت اتعرف علي وادرس شخصيته
انسان طيب البگلبه علئ السانه حنون وحباب
مااريد اخسرة وشي ثاني اختي الجبيرة سوزان متزوجه وعايشه بفرنسه صار اسنين
بس بابا لان يشوف نفسه محروم من شوفتها واطفالها متردد يگول انتي اخر العنگود اشلون اتحمل افارگج?
لارا،،والله حتئ اني مااگدر بس اذا قسمتج مسجلة الهذا الشخص صدگيني ابوج راح يقتنع من وحدة بزواجكم
واذا موقسمتج راح تصير بسالفتكم الف اعتراض
ساندرا،،هم صح
اي انتي اشلونه وضعج?
راهب تشوفي لولا?
لارا،،من ينجاب طاري راهب لااراديا اختنگ
بس ماانطي مجال لدموعي يهزمني
ساندرا،،سكتي
لارا،،لامااشوفه
ساندرا،،وليش تحجيها بحزن?
لارا،،لايتهيالج
ساندرا،،لارا ترة اني ساندرا حافظتج اكثر من روحج
ادري مشاعرج متناقضه ومنتبها الوضعج
مرة اتگولين اكرها ومرة تذكرين سوالفه ومعاملته وحبه
ادري بعدج تحبي بس مجروحه منه
لارا،،بلعت الغصه گتلها موبس مجروحه راهب ذبحني
ساندرا،،اثنينكم تحبون بعض ليش تخلصون عمركم بالعناد
اذا تحبي انطي فرصه خل يكفر بيها عن اخطائه بلكت يگدر يكسب ثقتج مرة ثانيه
لارا،،موبيدي ساندرا لاهنه جرح ولاجرحين
راهب ترسني طعنات استنزفت كل طاقتي وياه
ماعدت اگدر ارجع واكمل كانه ماصاير شي
ساندرا،،صدگيني مقهورة عليكم اتمنئ الله يهديكم علئ بعض
لارا،،كملت اتصالي ويه ساندرا
انتبهتلي سجئ شافتني ضجت جرتني من ايدي
سجئ،،گومي عيني عمة احمد المن محسوبه عمه
جاية بس تتصفنين
لارا،،ابتسمت لعد شتردين،?
سجئ،،گومي مشتهية كيكه ومااعرف اسويها رافد يگول لارا تسوي كيك ماينشبع منه گومي علميني
لارا،،گمت وياها تعرف بوضعي ويه راهب بس ابد ماادخلت بيه بالعكس اتحاول اطلعني من حزني من تشوفني ضايجه
گمنه سوة اني اسوي وهي تكتب المقادير بالورقه
كملت شويتها وانتظرتها تبرد
كتلها سوي الكريم شويه وجابته صاير مرگ مكثرتله ماي
اخذته منها ضفتله حليب مجفف وبديت اخفق شويه اتعدل وضعه
خليته بالثلاجه گتلها من تبرد ملغطي خلقتها
خربت ضحك
بعدها رجعني رافد للبيت
يومين واتصل بيه گال خلص راح اجيب سجئ واجي الظهر وهاي اخر مرة اذا انطردت بعد تحلم افوت بيتها مرة ثانيه
وفعلا ماحجيت ل امي عن جية رافد
صرت النهار كلة احمد بسجئ وامدح بيها گدام امي بلكت گلبها يحن وتخلي يرجع يعيش ويانه بدل ماعايش بعيد عن بيت ابو
ثاني يوم ورة الغدة الظهر اندگ الباب فتحه محمد دخل ورافد وراه هو ومرته بيدها جنطه جبيرة تسحل بيها
شافتهم امي فتحت عيونها وگفت علئ حيلها اتقربت منهم
سعاد،،خير شكوو جايبها وجاي?
لارا،،رافد باوعلي وغمض بقهر التفت لمي
رافد،،كافي يمه المفروض اتفرحين رجعت للبيت بعد ماطردتيني ذيج المرة
سعاد،،واطردك مرة واثننيين وعشررة اذا جبتلي هاي وياك
طلگها وتعال عيش ابيت ابوك ازوجك اغاااتها
رافد،،وين لگيتي هاي السالفه يمه
اخذتها بدون رضاكم لان احبها وتالي اطلگها وهي مالها سند غيري
سعاد، ،مشكلتك هاااي مااريدها يعني مااريدهااا
ماكافي ابوك مات ماراضي عنك وزعلان
انوووب تريد تمووتني?
اخذهااا وانگلع منااا
لارا،،رحتلها وكفت گدامها اعصابي تفور مااعرف شنو من گلب شايلة
گتلها كاافي يمه ماتعبتي?
عبالنه موتت ابوي كسرتج وراح تستقبلين رافد هو وزوجته وابنه تالي بعدج نفس وضعج مااتغيرتي
سعاد،،اتسكتين لااهينج انتي الثانيه وخررري من وجهيي يلااا
وانته اخذها اولييي مناااا مااريدها وحتئ انته مااريدك لاابني ولااعرفك
لارا،،اباوع علئ سجئ تمسح بعيونها لازمه ابنها حاضنته علئ صدرها كانه تحتمي بي من كلام امي
رافد حط ايدة علئ متن سجئ گلها
رافد،،هاي اخر مرة امشي ورة حجايتج وتجيبيني لهنا
الف مرة گتلج ماعندي ام مثل الامهات گلبها يحن علئ بزرتها بس انتي لحيتي
لارا،،اخذهم وطلع محمد ماحجه ولاحرف بس مكور ايدة
نهض من مكانه عبالك يريد ينفجر عليها
محمد،،رحمة الدينج هم محسوبه ع الامهات انتي ?
معقوله الجنه تحت اقدامج?
مسسسسستحيل لان الجنه تحت اقدام الام التتعب ويه اطفالها مو الام المااااعدها گلب مثلج
عبالج بس خسررتي مهند ورافد?
لاسهمج الراحه لان من زمااان جنت ناوي الحگ مهند
بس جنت متردد لان مااگدر اعوفج وحدج بعد مامات ابوي بس هسه اتخذت قراري
ومن الاسبوع اليجي اسااافر واخلص من هلعيشه الطايح حضهااا
لارا،،اخذ سويجه وطلع امي مسيطرة ع الكل من البدايه
اكو راح يگولون بيت ابو ويكدر يرجع هو ومرته وابنه يعيش بدون ماياخذ رائيها
بس اخواني مستحييل يكسرون كلمة ل امي ابد
ردت اروح البيت رافد ماخلتني وهي كل مرة بشلاع الگلب يالله تخليني من اگلهاا اختنگت من البيت ياالله تقبل
اخوتي اثنينهم طلعو زعلانين من امي اتعجب علئ قساوة گلبها المفروض من يموت الاب الام تقود العائله وتمنعها من التشتت تصير هي تجمع اطفالها
وتحاول تخليهم يعيشون تحت سگف واحد
بس امي تصرفاتها بالعكس
تصرفاتها عمت حتئ علئ نفسيتي واني گوة ماصدگت شويه اتخطه مرحلة صعبه ع الاقل تساندني بس الجاي يصير يازم نفسيتي اكثر خلتني اناسنه ثانيه عدائيه وهجوميه مااتحمل اقل كلمه انفجر
حتئ لبسي واسلوبي اتغيرن
قبل جنت البس ملابس نفهات
من يوم طلاگي تيهت دربي وتيهت طريقي
محتاجه الياخذ بيدي يدليني علئ الطريق الصحيح
احس تصرفاتي كلها غلط محتاجه الينصحني
اتمنيت عندي ام تاخذني بحضنها اطبطب علئ متني اتگلي اشكيلي همج واني اسمعج
صرت احسد فاطمه علئ عمتي امل الحجيه
مشتاقتلها حيل شفت بيها الحنيه الماشفتها عد امي
صدفت عطلة الجمعه والسبت ماكو دوام ارتاحيت لان مالي نفس اداوم بعد الصار
الاحد رحت للدوام وابتدأ اليوم بين المحاضرات والنادي
جنت لابسه تنورة رصاصي شويه وقميص ابيض وسترة قصيرة رصاصي ورتبت مكياج خفيف
رحت للنادي حتئ اتريگ اجت بسمه وعصام گتله مييته جوع وانته كريم وبالكرم معروف
عصام،،ضلي اصبغي بس بوكت الاكل تمدحيني
لارا،، ديالله علئ اساس ذابحلي بعير شو هي لفة فلافل تنفخ المعدة
من اجي للدوام انسه جو البيت والمشاكل ابقه اضحك علئ تحشيش عصام صدك ينسيني الحزن
جنه نضحك اجو شباب گعدو ع الميز گدامنه
من ضمنهم همام الغثيث باوعلي ورفع حاجبه ماعاجبته
گلبت عيوني ودرت وجهي اجه عصام جايب لفات وببسي
گعدنه ناكل ونضحك علئ تحشيش عصام
انتهبت خزرني مااهتميت كملنه وگمنه انطيتهم ظهري ردت اخذ الجنطه اخذتها والتفتت اريد اعبر
صارت عيني بعينه گصته دماراتها مبينه مكور ايدة
عض شفته مثل اليتوعد
عفته وطلعت شعليه بي
بنهاية الدوام اخذت كتبي وردت اطلع صادف اني اخر وحدة بالقاعه بقيت انقل المحاضرة والمعروف عني بطيئه بالكتابه
وصلت للباب مدنگه احط الكتب بالجنطه واني امشي
رفعت راسي انصدمت صار گدامي وجها احمر دم
تركته وردت اعبر رجع وگف گبالي
رفع اصبعه حطه علئ متني ودفعني الداخل القاعه
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!