الفصل السادس عشر

رواية رقية الجزء السادس عشر 16 بقلم أميرة خالد رقيةرواية رقية الحلقة السادسة عشر اما في بيت رقيه كانت قاعده مع العيله واتكلمت سلوى هتعملي ايه يا رقيه دلوقتي بعد ما النصبه اتكسرت ردت عليها العمل عمل ربنا وانا في دماغي حاجه وعايزه مساعده من جابر

رد عليها قولي يا رقيه وانا معاكي في اي حاجه هتقوليها قالت لي انا عايزاك تنزل تشوف محل ناجره او تمليك وشوف في حدود كام رد جابر اقل حاجه دلوقتي في التمليك وفي الصاغه نص مليون جنيه ردت رقيه طب لو ايجار قال لها 8000 في الشهر ردت عليه طب انزل شوف انت محل وقول لي وانا هشوف صاحب المحل عايز ايه

ردت سلوى هو انتي معاكي الفلوس دي يا رقيه ردت عليها انا كنت شايله فلوس على جنب عشان اجهز منه بيها بس بعد ما النصبه اتكسرت مش هينفع ارجع افتح تاني في الشارع لازم يبقى لي محل وكمان عشان بيومي حاططني في دماغه وكمان يا جابر شوف عليك كام لبيومي

وقول لي عشان يدي له فلوسه ونخلص من الهم ده بس قسما بالله لو لقيتك بتلعب ثاني قمار المره اللي فاتت كانت قرصه ودن المره الجايه هتبقى حبسه حق وحقيقه وفي السجن فاهم ولا لا رد جابر خلاص انا حرمت وهخلي بالي من بيتي وعيالي وهنزل اشتغل معاكي رده رقيه ماشي يا جابر و ويلا اخش انام عشان تعبانه تصبحي على خير ودخلت فردت على السرير وهي بتفكر في كلام نور على تدريبها في الشركه

اما البيت متولي كانوا قاعدين واتكلم فوزي بس يا خالد لو عايز تقعد هنا وتبقى بينا تروح تطلق البنت دي وتتجوز اللي احنا اخترناها لك رد خالد ومين قال لك ان انا عايزه اقعد هنا انا اصلا ماشي بس جيت احذركم ما لكوش دعوه بيهم تاني عشان المره دي ربنا سترها

ورقيه ما حبتش تعمل محضر فيكم رد فوزي يعني ده كلامك رد عليه ايوه يا بابا ده اخر قرار ليا رد فوزي طب يلا امشي ما تجيش هنا تاني وخرج خالد وامل كانت بتعيط وقالت له ليه عملت كده كنت سبته قاعد في وسطينا ولو كان على الجوازه ديت مع الوقت كان هيسيبها الرد محمود ايه اللي انتي بتقوليه ده هي بنات الناس لعبه في ايديكم زعقت امل

وقالت له يعني انت لو كان ابنك اتجوز البنت دي كنت هتوافق رد محمود وما وافقش ليه دي دكتوره زي الفل وكفايه ان اختها رقيه يعني بنت اصيله وبنت اصول ضحكه امل وقالت له طبعا عشان خاطر صاحبك لازم تقول الكلام ده وتكلم عاصي ممكن بقى افهم ايه حكايه ابو رقيه ده واهله مين اللي بيسالوا عليهم

رد كامل الموضوع طويل يا ابني بس اللي اقدر اقوله لك ان اهل رقيه ناس جبروت وهو بيهمهمش حد غير اللي منهم وكمان معاهم فلوس تعيشهم ملوك رد عاصي طب ليه سايبين بنت ابنهم كده بتبيع فول وطعميه في الشارع رد محمود عشان سلطان زمان خالف امر ابوه وسابه ومشي عشان يتجوز البنت اللي بيحبها وهو كان متعلم في عياله واللي كان ماسك الشغل

رد عاصي ده الموضوع كده طويل طب انتم هتقولوا له على مكان رقيه رد متولي لا طبعا ما حدش هيقول حاجه ده لو عرفوا اللي حصل مش هيسكتوا الموضوع اتقفل وما حدش يتكلم فيه رد كامل ازاي يا بابا ده هم جم وسالوا على سلطان ومحمود كان خايف يؤذوا البنت فعشان كده قال لهم انها مراته بعد ما سلطان مات سابت المنطقه ومشيت هي وبنتها

رد متولي كده احسن حاجه مش ناقصين نقف قصاد العيله ديت كفايه اللي حصل لنا زمان من وراهم رد عاصي حصل ايه يا جدي ما تفهمونا يا جماعه ايه اللي بيحصل رد متولي يا ابني بعد ما عرفوا ان سلطان كانت بيشتغل عندنا وان احنا كنا قريبين منه خسرونا بالارض بتاعتنا اللي كانت في اسكندريه واخذوها برخص التراب الارض دي لو اتبعت دلوقتي كانت هتجيب اكثر من 80 مليون جنيه رد عاصي للدرجه دي

رد كامل واكتر من كده يا ابني انت ما تعرفش هم جبروت ازاي واتكلم متولي بقول لكم ايه الموضوع اتقفل ويلا كل واحد يطلع على شقته وانت يا فوزي ملكش دعوه برقيه تاني مش ناقصين مشاكل رد فوزي طب وخالد يا عمي هنسيبه كده رد عليه مش هو اختار خلاص يتحمل نتيجه اختياره ويلا تصبحي على خير عشان عايزه انام

وكل واحد طلع على شقته دخل الاوضه وهو بيفكر في رقيه وقعد على السرير ومسك التليفون واتصل على شخص وقال له عايزك تعرف لي معلومات عن عيله العزايزي اللي في اسكندريه وعن ابنهم سلطان العزايزي قبل ما يمشي من عنده رد الشخص حاضر خلال يومين هجيب لك كل المعلومات

وقفل معاه ودخل الحمام واخذ دش وخرج لبس الترنج ونام على السرير اما خالد وصل شقه رامي رن الجرس وقام رامي فتح له وقال له ايه عريس يعني ما تاخرتش ضحك خالد وقال له انا كنت في بيت العيله رد رامي في حاجه حصلت ولا ايه رد عليك لا ما فيش ويلا بقى تصبح على خير عشان ورايا شغل بكره في المستشفى

رد رامي طب يا عم وانت من اهله ودخل رامي الاوضه ومسك التليفون وبعت رساله لايات واستنى الرد اما خالد دخل الاوضه قلع هدومه ودخل اخذ دش وخرج لبس شورت وتيشرت مسك التليفون ويتصل على منه ردت عليه مين معايا قال لها انا خالد جوزك لحقتي تنسيني اتكسفت منه وسكت

واتكلم بخالد والله نفسي اشوفك دلوقتي عشان خدودك اللي احمرت ديت ردد ببراءه وانت عرفت منين قال لها طبعا عارف ده انت روحي وقلبي قالت له ممكن اسالك سؤال قال لها قولي قالت له انت ليه اتحديت اهلك عشاني

رد عليها انا عمري 33 سنه عمري ما حسيت بدقه قلب ولا مشاعر زي اللي حسيتها معاكي وقلت يوم ما هتجوز لازم يكون عن حب وربنا وقعني فيك ما اقدرش اسيبك تروحي لحد تاني ولازم اقف قدام العالم كله عشان تكوني من نصيبي ردت عليه يعني انت بتحبني قال لها انتي دخلتي طب ازاي المفروض تكوني ذكيه انا مش بحبك بس ده انا بعشقك اتكسفت منه وقفلت التليفون في وشه وهو ضحك وبيقول طفله والله و بعث لها رساله على التليفون ونام على السرير نوم عميق

وتاني يوم في الصاغه محلات بيومي كانت شغاله نار والصناعيه بشتروا منه الفول والطعميه وهم متضررين عشان رقيه مش قاعده واتكلم رضا شفت يا معلم النهارده القيراط زايد عن كل يوم رد المعلم بيومي وهو بيشرب الشيشه طبعا يا ابني مش رقيه قافله هتلاقي الكل بيجي ياخد منك

رد رضا يا ريت يا معلم تفضل قافله على طول واحنا نشتغل رد بيومي يبقى انت بتحلم ورقيه مش هتسكت غير لما تفتح النصبه تاني رد رضا يبقى احنا نقفلها لها ضبه ومفتاح وما نخليهاش تفتح خالص رد بيومي يا ريت بس البنت دي ما بتتهداش وهتعمل اللي هي عايزاه وزياده سيبني كده اقعد افكر واشوف هعمل ايه معاها وروح انت شوف الزباين رد رضا من عينيا يا معلم

اما في بيت الهلالي صحي عاصي وبص في الساعه لقاها 9:00 دخل الحمام اخذ دش وخرج لبس هدومه ورش برفانه ومسك التليفون والمفاتيح ونزل شقه جدو لقى الكل صاحي عيشه والحريم بيحضروا الفطار ومتولي قاعد متضايق ومحمود وكامل قاعدين في جنب لوحدهم

وفوزي قاعد جنب متولي واتكلمت عيشه يلا عشان تفطروا الكل راح قعد يفطر في صمت واتكلم ياسين وحدوا الله رد الكل لا اله الا الله سيدنا محمد رسول الله اول مره يعني تفضلوا ساكتين كده رد محمود عايزنا نقول ايه رد ياسين ما تقولوش حاجه قام عاصي و قال لهم انا رايح الورشه محتاجين حاجه

رد متولي لا ومحمود وكامل قاموا نزلوا على شغلهم ويتكلم فوزي عايزك يا عم في كلمتين في المكتب رد متولي حاضر واتكلمت ندى بصوت واطي شكله كده ابوك هيخربها على اخوك ومش هيسكت ردت ايات ربنا يستر انا خايفه على خالد قوي ردت ندى لا يا اختي ما تخافيش جدك هيخاف يقرب منهم ثاني من ساعه ما عرف ان اهل رقيه بيدوروا عليهم

في البيت رقيه صحي جابر الساعه 10:00 دخل الحمام غسل وشه وخرج وسلوى صحيت من النوم وقالت له انت رايح فين من بدري كده رد جابر هروح لبيومي عشان اشوف موضوع الوصوله وكمان هدور على المحل لرقيه قالت لي طب استنى هقوم احضر لك الفطار قبل ما تنزل رد جابر ماشي وخرجت سلوى من الاوضه لقت زياد قاعد في الصاله بيذاكر

وقالت له انت صاحي من بدري يا زياد قال لها ايوه يا ماما كنت بذاكر شويه قالوا طب يا حبيبي انزل هات لنا عيش ولبن و بيض عشان نفطر عقبال ما اصحي اخواتك البنات رد زياد طب يا ماما هاتي البطاقه عشان اجيب بيها واديته سلوى البطاقه ونزل زياد …..