الفصل السابع عشر

رواية رقية الجزء السابع عشر 17 بقلم أميرة خالد رقيةرواية رقية الحلقة السابعة عشر نزل زياد يجيب الطلبات اما سلوى دخلت اوضه البنات وصحه رقيه ومنه ومنه سالتها الساعه كام ردت عليها 9:00 الصبح ردت منه يا لهوي انا نمت كثير قوي مش هلحق اروح المستشفى ردت رقيه عادي ابقي روحي بكره مش لازم النهارده يعني وبصراحه كده انا نفسي اكل كشري من ايديكي

ردت منه من عيني الاثنين وخرجوا دخلوا الحمام غسل وشهم وطلع الصاله ودخلت منه المطبخ تحضر الفطار مع سلوى ورقيه قعدت مع جابر وقالت له ابقى اتصل بيا لما تعرف الفلوس كام اللي بيومي عاوزها رد جابر حاضر اما في شقه رامي صحي خالد ودخل الحمام خد شاور وخرج لبس هدومه وبص في الساعه لقاها 9:30 وطلب عربيه وخرج مسك التليفون ومفاتيحه ونزل وراح على المستشفى وبعد وقت دخل وسال على وائل وحياه ومنه وعرف انهم لسه ما جوش وبدا شغله

اما في مكان ثاني في اسكندريه قصر في منطقه راقي جدا وهو قصر حمدي العزايزي وكان الجد نايم في السرير ودخل عليه حفيده فهد هو بيقول لقيتها جدو رد حمدي لقيتها فين قال له في القاهره رد حمدي طب يلا بينا نروح نجيبها

رد فهد مش هينفع يا جدي الموضوع مش سهل واللي عرفته عنها يخلينا صعب نتعامل معاها رد حمدي بقلق ليه رد فهد انا هحكي لك وحكى له كل اللي عرفه عن رقيه وقد ايه كانت بنت جدعه وما بيهمهاش حد رد حمدي زي ابوها اللي خلف ما ماتش رد فهد طب انت هتعمل ايه يا جدو رد عليه هات التليفون الاول عشان لازم اعمل قرصه ودن اللي متولي عشان شكله نسي هو مين حمدي العزايزي

رد فهد من غير ما تقول يا جدو انا نفذت رد حمدي جدع يا فهد بتفهمني من نظره غير ابوك رد فهد المشكله في ابويا هتعمل معاه ايه ده لو عرف اللي انت عملته هيبهدل الدنيا مش هيسكت وممكن يؤذي رقيه ضحك حمدي وقال له يبقى انت اهبل بعد اللي انت قلته لي رقيه مش هتخليه يقرب منها رد فهد طب يا جدو هنعمل ايه دلوقتي رد حمدي اصبر شويه وانا هقول لك تعمل ايه

رد فهد ماشي يا جدي وخرج من الجناح واقابل ابوه وقال له كنت بتعمل ايه عند جدك رد فعل ما فيش حاجه كنت بتكلم معاه في الشغل رد عليه عارف لو لقيتك بتدور في موضوع اخويا سلطان هعمل فيك ايه رد فهد بقول لك ايه يا بابا انا لغايه دلوقتي بقدر ان انت ابويا بس انك تيجي ناحيه جدي مش هسكت واي حاجه هو عايزها هنفذها وانا مغمض عينيا فاهم يا بابا ولا لا وسابه ومشي واتكلم سالم انا هعرف بتعملوا ايه من ورايا

اما عند متولي كان قاعد في المكتب مع فوزي واتكلم اهدى كده يا فوزي وخلينا نفكر بالعقل بلاش التسرع ده رد فوزي ازاي يا عمي عايزني اسكت عن المهزله ديت رد متولي خلاص يا فوزي هو اتجوز وخلصنا والبنت مش وحشه دي دكتوره برده رد فوزي ايه يا عمي انت جبت ورا عشان اهل رقيه رد متولي ابدا بس انا بقصر الشر على احفادي رد فوزي براحتك يا عمي لو انت مش معايا انا هتصرف رد متولي براحتك بس ما تجيش تلومني على اللي هيحصل لك خاف فوزي وخرج

اما في بيت رقيه كانوا قاعدين بيفطروا وجابر قام وقال انا شبعت ونزل اما سلوى قالت اتغدوا ايه يا ولاد ردت منه هعمل كشري يا ماما عشان رقيه نفسها فيه ردت سلوى لا عضمها مكسور انا هعمل لها فرخه بلدي واخلي الكشري يوم ثاني ردت رقيه خلاص نعمل محشي كمان نعزم خالد على الغداء ردت سلوى طيب يا حبيبتي

وقالت لمنه خلاص يا حبيبتي ما تزعليش ابقى اعملي الكشري يوم ثاني ردت منه انا مش زعلانه انا عشان خاطرك انتي كنت هعمله ردت رقيه انا عارفه وسلوى قالت لهم انا هنزل السوق اجيب الطلبات واجي ردت منه وانا هقوم اروق الشقه عقبال ما تيجي

ودخلت الاوضه ومسكه التليفون واتصلت على خالد وقالت له انها مش جايه الشغل وان رقيه عزماها على الغداء رد خالد حاضر يا حبيبي هاجي لك اتكسفت منه وقالت له طب سلام عشان ورايا شغل كثير قال لها طيب وقفل معاه

اما في الصاغه وصل عاصي الورشه وهو متضايق واتكلم ياسين مالك يا صاحبي متضايق ليه رد عليه ما فيش حاجه انا قلقان بس عشان الشغل رد ياسين ماشي يا صاحبي اطلب لك قهوه معايا قال له ماشي ونده على بندق وقال له روح هات لنا قهوه نسكافيه من عند ام محمد

رد بندق ام محمد قافله رد ياسين اه صحيح انا نسيت طب روح هات من القهوه عند بيومي قال له حاضر وراح عشان يجيب الطلبات وبعد وقت جاء واول ما شرب ياسين بق النسكافيه تفو وقال ايه القرف ده ضحك عاصي وقال له شكلك اتعودت على النسكافيه بتاع ام محمد رد ياسين طب اشرب القهوه بتاعتك ونشوف انت كمان اتعودت على قهوه ام محمد ولا لا وشرب عاصي القهوه وتفها

وقال ايه القرف ده ضحك ياسين وقال له لا شكلك اتعودت مش على قهوه ام محمد بس لا دي قهوه رقيه وسرح عاصي في شكل رقيه امبارح تليفونه رن باسم خالد واتكلم ياسين تليفونك بيرن يا عاصي وهو كان لسه سرحان وقرب ياسين منه وخبطه في كتفه

وقال له يا ابني سرحان في ايه تلفونك عمال يرن رد عاصي ما فيش ورد ايه خالد رد عليه بقول لك ايه يا عاصي انا كنت عايز منك خدمه رد عاصي اؤمر يا خالد قال له كنت عايز منك دبله وخاتم شكلهم حلو كده عشان اقدمهم لمنه رد عاصي من عيني وعليهم هديه كمان سلسله جميله رد خالد طب شوف هيكلفوا كام وابعت لي عشان اديك الفلوس

رد عاصي اللي انت بتقوله ده انت اخويا وانا هعمل لك الشغل ده بايدي انا وبره عن حاجه جدك رد خالد برده قل لي الحساب كام رد عاصي اقفل يا خالد بدل ما اقلب عليك واقفل التلفون ودخل يشتغل في الحاجه بتاعه خالد

اما فيلا طه الدسوقي كانت قاعده نور وهي بتحكي لوالدها كل اللي حصل امبارح رد طه بصراحه كده البنت دي جدعه وشاطره ان عملت كده وقالت وفاء بس برده ما كانتش كتبت كتاب اختها ردت نور يبقى ما تعرفيش يا ماما ورقيه ما عملتش كده غير لما عرفت ان اختها بتحبه وعايزاه

رد طه قولي لها لو محتاجه حاجه تبقى تتصل عليا قالت له حاضر يا بابا انا مستنيه بس منها مكالمه على حوار تنزل معايا تدريب في الشركه بتاعه حازم اخويا رد طه يا ريت احسن من المرمطه اللي هي فيها ردت نور والله انا قلت لها كده بس مش عارفه اردها ايه بس انا هروح النهارده اطمن عليها رد طه طب يا حبيبتي وبيسلمي لي عليها

اما جابر وصل الصاغه وراح على محل بيومي واتكلم بيومي عاش من شافك يا راجل اختفيت فين الفتره دي كلها رد جابر ما فيش كنت في سفريه شغل ولسه راجع ضحك بيومي وقال ايوه انا عارف السفريه ديت باماره البوليس رد جابر بقول لك ايه فكك من الكلام ده وقول لي انا عليا كام رد بيومي ايه ده ده انت مستقوي قلب قوي ومعاك تدفع بقى على كده رد جابر ايوه هدفع عليا كام رد بيومي 30 الف جنيه قال له طيب

وخرج جابر واتصل على رقيه وقال لها على المبلغ وردت رقيه قول له اخر النهار هيكونوا عندك قال لها طيب وقفل معاها دخل بيومي وقال له اخر يوم والفلوس هتكون عندك رد بيومي يبقى صحيح اللي احنا سمعناه ده رد جابر سمعت ايه رد عليه ان انت نسيت عيله الهلالي وهم اللي هدفعوا لك ديونك رد جابر مفيش منه الكلام ده اه احنا ناسبناهم بس ما حدش هيدفع لي الفلوس انا اللي هدفعها ويا ريت تبعد عننا وما تتصلش بيا تاني

ومشي جابر وهو متعصب وراح يدور على المحلات اما بيت رقيه قامت دخلت الحمام وغسلت وشها وخرجت لقيت منه بتمسح الصاله ودخلت اوضتها غيرت هدومها ولبست العبايه والطرحه وخرجت وقالت لها منه انتي رايحه فين ردت رقيه رايحه مشوار كده وجايه مش هتاخر عليك ردت منه طب استنى اجي معاكي بدل ما تمشي لوحدك ردت رقيه لا خليكي عشان لما تيجي ماما تساعديها في الاكل قالت لها طيب ونزلت رقيه ودخلت المخزن ورفعت البلاطه واخذت التليفون ودفتر التوفير

وخرجت ركب التوك توك وراحت البوسطه بعد وقت صغير وصلت ودخلت والموظف قال لها الف سلامه عليك ردت عليه الله يسلمك كنت عايزه اسحب 60 الف جنيه من الدفتر بتاعي رد الموظف حاضر وبدا يطلع لها الفلوس ومضاها على الورقه بتاعه سحب الفلوس

وخرجت بعد ما استلمت الفلوس وركب التوك توك واتصلت على جابر وقالت له انت فين رد عليها وقال لها انا في محل على ناصيه الشارع بتاع الصاغه رده رقيه انا جايه لك استناني قال لها طيب وقفلت معاه وبصت للسواق وقالت له ودينا على الشارع بتاع الصاغه رد السواق حاضر وبعد وقته صغير وصلت رقيه

واتكلمت مع جابر ها عملت ايه قال لها تعالي شوفي المحل ده دخلت وبصت عليه وقالت له محتاج توضيب رد جابر وش نظافه وانا هعمله بس محتاجين الرخامه ومحتاجين بتاعه الطعميه ردت رقيه الحاجات دي موجوده قال لها طيب هتعملي ايه قالت له انت اتكلمت معاه في السعر قال لها لسه قالت له طيب هو فين

قال لها بره خرجت مع جابر وقابلت صاحب المحل واتكلمت معاه واتفقوا على السعر و جابر راح جاب العقد من المكتبه وكتبوه ودفعت رقيه الفلوس وبصت لجابر وادته المفاتيح وقالت له المحل معاك من النهارده توضبه تظبطه رد جابر من عينيا وطلعت ال 30 الف وقالت له خد دي الفلوس بتاعه بيومي روحي ادفعها وهات الوصوله وريها لي قبل ما تقطعها رد جابر حاضر

وخرجت رقيه وشافها رامي وقال لها ايه النور ده بتعملي ايه في الصاغه قالت له ما فيش كنت بشوف محل هنا قال لها طيب يا ستي مبروك عليك قالت له الله يبارك فيك محتاج حاجه قال لها لا شكرا انتي لو محتاجه حاجه قولي لي قالت له طيب وقفي التوك توك ومشيت وكل ده كان تحت انظار بيومي اللي كان متضايق

وراح جابر بعد ما قفل المحل على بيومي وقال له انا عايز الوصولات رد بيومي حاضر فين الفلوس قال له اهيت وحط الفلوس قدامها على الترابيزه وبيومي نده لرضا وخليها جاب الوصولات من المكتب واداها لجابر وجابر خدها بعد ما اتاكد منها ومشي واتكلم رضا معقول دي رقيه رد بيومي ايوه ما انت كنت فاكر ايه لما كنت عايزه اتجوزها رد رضا بس بصراحه دي جامده اخر حاجه رد بيومي وهو بيزعق امشي يا رضا من قدامي مش عايزه اشوف وشك

اما في الورشه دخل رامي وهو بيقول لهم عارفين انا شفت مين رد ياسين شفت مين يا عم قال له شفت رقيه كانت من بره وبتقول بشوف محل رد ياسين احسن برضو بدل المرمطه للصناعيه فيها النهارده اشتروا السندوتشات والفطار اغلى من رقيه بكثير وكانوا متضايقين رد رامي معاك حق عليها شويه فول حكايه وتكلم ياسين وجت بقى بمنظرها ده ضحك رامي

قال له منظر ايه يا عم دي لابسه عبايه شيك وزي القمر اتعصب عاصي وسكت وتكلم رامي هو انتم بتعملوا ايه رد ياسين ما فيش يا عم خالد طلب من عاصي يعمل له دبله حلوه لمراته رد رامي هو لازم يجيب لها دبله بدل ما هو ما جابش شبكه خالص رد عاصي بقول لكم ايه بطلوا كلام ملوش لازمه كل واحد يروح على شغله يشوف وراه ايه وخرج رامي وياسين يشوفوا شغلهم

اما عاصي كان لسه قاعد وتليفون رن رقم مش متسجل وطنش عاصي وكمل شغله والتليفون فضل يرن ورد الو مين معايا ردت هنا معقول مش عارف صوتي رد عاصي مين معايا قالت له انا هنا هو انت ما سجلتش الرقم لما اديته لك في الحفله رد عاصي معلش اصل كنت مشغول انتي عامله ايه ردت عليه انا كويسه انت اللي فين من ساعه ما عزومه وانا بسمعش صوتك رد عليها معلش عندي شويه شغل هخلص وهبقى اكلمك

ردت هنا طيب مش هعطلك وقفلت معاه واتكلمت عبير قفلت معاه بسرعه عليه ردت هنا بيقول مشغول ردت عبير طب هاتي تليفوني وانا هتصل على عمته واتكلم معاها واعزمهم على الغداء عندنا ردت هنا حاضر وجريت جابت التليفون وعبير طلعت رقم امل واتصلت عليها وامل كانت قاعده في وسط العيله ولقى التليفونها بيرن باسم عبير واتكلمت عيشه ما تردي يا بنتي قالت لها ما ليش نفس يا ماما دي عبير مرات محمد الاسيوطي

عيشه طب ما تردي عليها شوفيها عايزه حاجه ردت امل حاضر وفتحت عليها واتكلمت عبير ازيك يا امل عامله ايه وحشتيني والله ردت امل وانتي كمان عامله ايه وهنا عامله ايه قالت لها احنا كويسين ايه ما حدش سامع صوتكم يعني ردت امل ما فيش والله عندنا شويه مشاكل وبنحلها ردت عبير في ايه قولي لي وانا يمكن اقدر اساعدك ردت امل لا ما خلاص احنا حليناه الحمد لله ردت عبير طيب ايه مش هتيجوا عندنا ردت امل مش عارفه هشوف بابا وابقى ارد عليك

ردت عبير خلاص يا حبيبتي هستناكم الخميس الجاي على الغداء رده امل حاضر هقول لبابا قالت لها ماشي يا حبيبتي وقفلت معاها وكلمه عيشه في ايه يا امل ردت عليها عزمانه يا ماما عندها الخميس الجاي قلت اقول لبابا واشوف هيقول ايه ردت عيشه ماشي يا حبيبتي

اما عاصي كان في الورشه وبيخلص الشغل جاله اتصال من المهندس اللي بيبني العماره ورد في ايه يا باشمهندس قال له الحقنا يا عاصي بيه الحي جه ومع البوليس ووقفوا البناء وقالوا ان الترخيص مش مظبوطه رد عاصي طب اقفل انا جاي لك حالا وقفل معاه واتصل على متولي وقال له اللي حصل ورد متولي طب انا جاي لك اقفل وخرج عاصي الاسطى محمد وبيقول له في شغل جوه عايزاك تكمله وتبقى تدي له ياسين رد الاسطى محمد حاضر

واتكلم ياسين في ايه يا عاصي قال له ما فيش في مشكله في العماره وانا رايح احلها الحاجه اللي الاسطى محمد هيخلصها ابقى خدها واديها لخالد النهارده رد ياسين حاضر وخرج عاصي وركب العربيه وراح الحي وبعد وقت وصل متولي ومع المحامي وفوزي والمحامي قال لهم استنوني هنا انا اخش افهم في ايه واطلع لكم رد عاصي ماشي وما تتاخرش قال له حاضر

اما رقيه وصلت البيت ودخلت لقت سلوى ومنه بيعملوا الاكل واتكلمت سلوى ايه يا بنتي كنت فين قالت لي ما فيش ياما كنت بمضي العقد بتاع المحل وبدي الفلوس لجابر عشان يجيب الوصولات ردت سلوى طب الحمد لله والف مبروك يا بنتي ويجعلها قدم السعاده عليك ردت عليه يا رب ياما هخش بس اغير هدومي

واتصل على ام محمد واقول لها واشوف معاها كام عشان نجيب الحاجه اللي ناقصه المحل ردت سلوى طب يا حبيبتي وبصت لمنه وقالت لها عزمت خطيبك ردت منه ايوه قلت له وهو هيجي النهارده قالت لها طيب ودخلت رقيه الحمام غسلت وشها وغيرت هدومها ولبست بيجامه بنص كم

وقعدت واتصلت على ام محمد وقالت لها على اللي عملته كله ام محمد فرحه وقالت لها من عينيا شوفي انتي عايزه كام وانا هديهم لك رده رقيه ماشي يا ام محمد ابقي تعالي بكره وهاتي معاكي 15000 عشان نجيب الحاجه اللي ناقصه للمحل والمونه ردت ام محمد حاضر يا حبيبتي وقفلت معاها

اما عند عاصي خرج المحامي وهو بيقول لهم الموضوع متعقد شويه رد عاصي في ايه ما تفهمنا اتكلم المحامي وقال لهم الارض متباعه من واحد لواحد والواحد ده بقى لواحد وصاحب الارض رجع وقال الارض دي بتاعتي وما بعتهاش لحد وده اللي خلك حكومه والحي يتدخلوا رد عاصي ازاي طب انت جبت رقم صاحب الارض قال له ايوه طب هي باسم مين

قال له واحد اسمه فهد سالم حمدي العزيز اتصدم متولي وقال بكده مصيبه سوداء هنحلها ازاي هم عرفوا منين اللي حصل رد فوزي في ايه يا عمي قال له في ايه في مصيبه سوداء عيله رقيه عرفوا اللي حصل وبداوا ياخدوا حقها رد عاصي اهدى بس يا جدي وانت عرفت منين انهم من عيله رقيه رد متولي حمدي العزايزي يبقى ابو سلطان وده حفيده

رد عاصي طب يا جدي ايه ده وانا هتكلم معاك وان شاء الله هوصل لحل قال له متولي انت ما تتكلمش خالص ابوك اللي يروح يتكلم معاهم هو وعمك رد عاصي حاضر يا جدي واللي انت عايزه انا هعمله وفوزي خاف من اللي بيحصل وعرف انه مش قد العيله ديت

اما رقيه كانت قاعده وتليفونها رن وكانت نور وردت عليه ايه يا بنتي ردت نور على فكره انا تحت البيت افتحي لي الباب ردت رقيه طب يا حبيبتي وندهت على منه وقالت لها افتحي الباب وفتحت الباب ولقت نور شايله شنط وداخله ورقيه اول ما شافتها وقالت لها ايه ده كله يا بنتي قالت لها ما فيش سياده اللواء اللي قال لي اجيب الحاجات دي لحضرتك ضحكه رقيه وقالت لا يا ستي شكرا خدي منها يا منه الحاجه وهاتي لنا عصير ردت منه حاضر وقعدت نور جنب رقيه

وقالت لها تعملي ايه هتنزلي معايا الشركه ولا لا ردت رقيه لا هنزل بس هرتب امور المحل الاول وهوقف فيه جابر مع ام محمد وهنزل معاكي فرحه نور وحضنت رقيه انا مبسوطه قوي ان انتي هتبقي معايا رده رقيه طب يا ستي بالراحه دراعي لسه مكسور ردت عليها انا اسفه قالت لها ما تتاسفيش يا حبيبتي ويلا بقى يا بينا فين العصير وخرجت منه بالعصير وقعدوا يتكلموا

ورقيه قالت لها انتي هتقعدي تتغدي معانا عاملين محشي وبط رده نور الله انا نفسي في الاكله دي من زمان قالت لها طيب يا ستي قالت لها ماشي وفضلوا يتكلموا وبعد وقت صغير جه جابر

وقرب من رقيه وقال لها هي دي الوصلات وفتحت الرقيه الوصلات وتاكدت وجابت الولاعه ولعت فيها وقالت له كده كويس ام محمد هتيجي بكره ومعاها الفلوس تاخدها وتنزل تجيب الحاجه اللي ناقصه وهديك اسم تاجر في سوق العبور تجيب منه البطاطس والباذنجان والفلفل والحاجات اللي هنحتاجها والخضره عشان المحل رد متولي هو انتي هتخليه فول وطعميه وبس

قالت له لا وبعد العصر هنعمل وجبات للصنايعيه زي اكل بيتي فاصوليا بيضاء حته لحمه حته فرخه كده يعني ورز وعيش رد جابر فكره حلوه وسهله عشان الصنايعيه قالت بس انت شد حيلك معايا عشان مش هتلاقيني اقف معاك كثير قال لها حاضر وقام جابر دخل الاوضه واتكلمت نور ايه ده هو اتغير كده ازاي

ردت رقيه البركه في ابوكي علموا الادب صح ضحكه نور وقالت ابويا ده ادب واصلاح وتهذيب ضحكه رقيه وقالت لها عشان كده نسي يربيكي انتي رده نور اخص عليك وفضلوا يتكلموا

اما البيت متولي وصل محمود وكامل وبيقولوا ايه اللي حصل يا بابا رد عاصي وحكى له كل اللي حصل واتكلم محمود مش قلت لك يابا انت اللي ما سمعتش كلامي رد متولي مش وقته الكلام ده عايزك تروح تكلمه وتخليه يحل الموضوع ده رد كامل انا بره الحوار ده مش هروح لهم وبالذات عشان سالم رد محمود هات رقم فهد وانا هكلمه واقابله واحاول معاه رد عاصي حاضر يا بابا وادى له الرقم

اما في جناح حمدي كان قاعد وهو فاتح قلبهم الصور بتاع سلطان وبيقول له حقك عليا يا ابني ما تخافش بنتك هتبقى في عنيا وما حدش هيقدر ياذيها انا عارف ان انا غلطت في حقك بس انت عقبتني كويس لما بعدت عني وما خلتنيش اشوفك قبل ما تموت وكفايه ان انت مشيت قبليه ورحت لامك اللي زمانها فرحانه بيك

ودخل فهد وقال له حصل يا جدي وعرفوا ان انا صاحب الارض رد حمدي كويس اللي حصل ده وانا عايزك تلوحهم وتاخذ منهم حق الارض وتفتح حساب وتحطه باسم بنت عمك رد فهد من عيني يا جدي واللي انت عايزه هنعمله رد حمدي عايزه اقول لك على حاجه يا فهد لو انا جرالي حاجه قبل ما رقيه تعرف ان انا جدها اتجوزها وحافظ على حقها من ابوك

رد فهد الف بعد الشر عليك يا جدي انت اللي هتجوزها لي بايديك وانت اللي هتحافظ على حقها من اي حد حتى لو كان ابويا هقف معاك رد حمدي ربنا يخليك ليا يا ابني صحيح ربنا عوضني بيك عن عمك …..