رواية رماني ... و قال : ما ابيها الفصل السابع والثلاثون 37 - بقلم 🎶أميرة ابوي🎶

البارت الـ 37

شقة آهــل رنــا

رنا تنهدت بضيق وهي تمد ملعقة الشوربه لها : إشربيها يالغلا عشآني
آم سعود بتعب : لا يمه مو مشتهيتها
رنا نزلت الملعقه بالصحن : طيب قولي لي وش مشتهيه وآجيبه لك
أم سعود : ولا شيء يآرنا
رنا تنهدت : يايمه عشآن رجلك آكلي تراها تطيب من التغذيه
أم سعود :...
رنا هزت رأسها بعدم رضا وقآمت من مكانها آخذت الصينيه ورآحت للمطبخ
دخلت المطبخ وشافت روآن تحوس فيه
رنا وهي تنزل الصينيه ع الطأوله : وش تسووين ؟
روآن إبتسمت : آسوي عصير لأومي
رنا ضحكت غصب وقربت لها : روني إطلعي ولا آمي بتزعل عليك
روآن بوزت : لاآآ آبي أسوي نفسك
رنا تنهدت وجت بتتكلم بس فاجأها دخول سعود لهم ومعااهـ آكياس وش كثرها
رنا عقدت حوآجبها : من له هذي
سعود إبتسم : هذي من عمي يوسف
رنا إبتسمت ع طاريه وآخذت الأكياس من سعود وهي ترتبها ع الطآوله
كآن جايب معاه آغراض لـ سعود وروآن وآكل للبيت
رنا رتبت آغراض المطبخ وعطت آخوانهآ آغراضهم وهم طايرين من الفرحه فيهااا

بالمـــزرعهـ

عند البنآت

رؤى بترجي : تكفين غلاوي نامي عندنا
غلا تنهدت : وفهد ؟
دانا لوت فمها : ياسلام مو صاير فيه شيء يوم وآحد
خزآمى : ههههههه صح كلام البنات نامي اليوم بغرفتنا فووق وبكرهـ فيه آلف حلاآل
غلا جت بترد بس رن جوآلها ورفعته وشافت المتصل وتنهدت : هذآ فهد
رؤى : قولي له بسرعه
غلا قآمت من مكانها : لا بروح لغرفتنا وأقوله
رؤى وهي تطالعها تمشي قالت بصوت عالي : بنت ترى ننتظرك
دانا تفاجأت من سمر : حتى آنتي بتروحين عند عبدالله
سمر : ههههههه آكيد
خزآمى : إجلسي عبدالله مو صاير له شيء ليله وحدهـ بس
سمر طالعت فيها شوي وبنفسها وإتركه يفكر فيـك : لا أنا قلت له بجي
خزآمى : عاادي إتصلي عليه وعـ
سمر قآطعتها بنرفزهـ : خلآآآآص قلت له بجي ,, ومشت بطريقها وتحس بتنفجر من كثر ماإرتفع ضغطها وإنقهرت منهآ
خزآمى إستغربت وهي تطالعها تمشي من آمامها : وش فيها ذي
دانا بلا مُبالاهـ : ماعليك ترى سمور كذآ تصآرخ اليوم بكرهـ تجي وهي فاتحه خشتهآ
خزآمى تنهدت بضيق وإحتارت آكثر وآكثر

كل زوجين غرفه خاصه بالمزرعه

غرفة فهد وغلآ

بعدت عنه وهو يرجع يسحبها من جديد ويبوسها : وش فيك مو ع بعضك
غلا تنهدت : ولا شيء بس البنات ينتظروني تحت
فهد بعد عنها وعقد حوآجبه : ليه ينتظرونك ؟
غلا بتردد : يبوني آنام عندهم الليله
فهد : وأنتي تبين تنآمين عندهم ؟
غلا بحيرهـ : مدري ! ودي آكون معك ومشتااقهـ لهم
فهد رجع يسحبها له : لا إجلسي هنا بس بكرهـ تشوفينهم
غلا إبتسمت وسكتت

غرفة عبدالله & سمـر

كان نظراته تلاحقها وهي طالعه من الحمام ( آكرمكم ) بعد مابدلت لبسها فيه
إلتقت عينه بـ عينها وإبتسمت له وهو بادلها الإبتسآمه وطرى في باله موضوع عمـه
عبدالله قآم من مكانه متجهه لها : سمر
سمر رفعت رأسها له تنتظر كلامه
عبدالله بتردد : بتكلم معاك بموضوع
سمر تنهدت : وحتى أنا أبيك بـ موضوع
عبدالله إبتسم : طيب قولي اللي عندك
سمر بتردد : لا قول أنت وبعدها آنا
عبدالله : ماراح أتكلم إلا بعدك
سمر ترددت بس سمت بالله وتوكلت عليه : آنا السبب في رجوعنا لأهلنآ
عبدالله رفع رأسه بتعجب وعجز يصدق قآم من مكانه : أيش ؟
سمر قآمت من مكانها ودمعت عينها : مثل ماقلت لك
عبدالله عقد حوآجبه وغمض عيونه يحاول يستوعب , فتحها وطالع لسمر : ليه ؟ ليه سويتي كذآ ؟
سمر بكت : كله عشاني وعشآنك والله
عبدالله بنرفزهـ : آنا مو قلت لا تجبين لي طاااريهم آبد خلهم يعرفون خطآهم من نفس
سمر إنفجرت فيه : فهمني كيف يعرفون وحنا مختفي عنهم فهمني كيييييف
عبدالله آخذ نفس وجلس ع السرير : عصيتيني
سمر جلست جنبه : آنت آفهم ليه آنا سويت كذآ وبعدين خلاص ماصار شيء هذانا عندهم وحنا مع بعض الحين ومرتاحين
عبدالله بسخريه : من قالك ؟ بنتطلـق
سمر إنصدمت : آيش ؟
عبدالله ببرود : عمي وأبوي إتفقوا ع هالشيء
سمر : وبتطلقني ؟ آنا سمر ؟
عبدالله :......
سمر دمعت عينها : جاوبني ؟
عبدالله قآم من مكانه وصد عنها مايبي يشوف دموعها والحل الوحيد الطـلاق
سمر مشت له ووقفت قدآمه وبصيآح : آنت ليه ماتحس ؟ أنت حجر ماتفكر فيني آناااا زوجتــــك
تفهم وش معناة زوجتــــك اللي تحملت كل شيء عشآآآآنك بينما هي زوجة آخووك ( ضربته ع صدره ) : إصححححى تراااها زوجة آخوووك
عبدالله مسك يدها : وش قاعده تقولين آنتي
سمر بعدت عنه وبآلم : آدري إنك تبيها والله آدري ,, بس إلتفت لي آنا آبيك لا تطلقني عشآنها
ألتفت للي تحبك مو تحـــب آخوك
عبدالله بعد مافهمها إنصدم : سـمر آنـ,
قآطعته : آنت وشو ؟ آنت حجر ؟ طوووول فترة عيشتي معااااك كنت متحمله بما فيه الكفااايه بس خلاص تعععبت تعرف شلووون تعبت تعبت آنااااام الليله ودمعي ع خدي تعبت من الغيره اللي تأكلني وكله منهاااااااا
( بهمس ) : و تعبت من حُبك !
جلست سمر ع السرير ودست وجهها بالخداديه وبكت آلم وقهر وظلم وتعب وكل شيء عشااانه
وكل شيء تحملته بسبيل سعادة عبدالله
عبدالله قرب منها ومسح ع ظهرها بحنااان وهو ندماان : قوومي سمر عشآني ولا تبكين
سمر تبكي آكثر وتسحب اللحاف لها
عبدالله فك اللحاف من يدها وسحبها لحضنه وهي تحاول تبعده بس سحبها له وضمها بحناان وثبتها في حضنه وهو يمسح ع شعرها ويده الثانيه تمسح دموعها : كلمة آسف ماتوفي حقك ولا تشفع لي عشان تسآمحيني
سمر :......
عبدالله : آطلبي اللي تبينه ووالله ماأتردد لحظه عشآن أسويه وحقك علي يالغلا
سمر :.......
عبدالله رفعها عن حضنه وشاف الدموع بعينها إبتسم بحنان ومسح دموعها : والله ياالغاليه لك مكااان ماله لإحد يكفي تحملتي عشآني كل شيء ,, كانت عيوني معميه عنك بس صدقيني أقسم لك برب البيت فتحتها لأجل خااطرك وكل يوم تكبرين بعيني أكثر وآكثر وحسبي الله علي كاني نزلت من هالعيون الحلوه الدموع وقهرتها
سمر ببحة صوت : لا تتحسب على نفسك عشآني
عبدالله إبتسم وضمها : فديتك
سمر بعدت عنه : مابي إلا آنت
عبدالله تفاجئ من كبر قلبها توقع ع طوول تطلب الطلاق ولكن سامحته بمجرد كلآمه ماقدر إلا أنه يبوس رأسها ويدها وسمر إبتسمت له ومانطقت ~

غرفة عادل & ريم

عادل قرب منها لما شاف ملامحها تتغير : فيك شيء ؟
ريم بتعب : آحس بآلم فظيع
عادل سحبها له وصار شبه حاضنها : آلم ؟
ريم دمعت : آحس بطني بيتقطع من الآلم
عادل بلع ريقه وحط يده ع بطنها : هنا الآلم
ريم هزت رأسها بـ إيه وهي تبكي
عادل مسح دموعها : ماعليه حبيبي يمكن من الحمل
ريم حطت يدها ع بطنها : خايفه ع الجنيـن
عادل حط يده ع يدها : لا إن شاءالله مافيه شيء يالله ناامي الحين وإرتااحي
ريم تنهدت : شلون يجيني النووم ؟
عادل سدحها وإنسدح جنبها : إستهدي بالله ولا تخااافين بكرهـ بسأل الدكتورهـ عنك
ريم تنهدت وقربت له وهو حضنها بحنااان
عادل : خف الآلم آو لا
ريم بخوف : يجي ويروح
عادل مسح ع شعرها بحنااان وضمها آكثـــر ~

عند هنآدي ووسن

هنادي : آمممم مافهمت عليك
وسن إنسدحت جنبها : مدري آحسها حاقدهـ علي بنظرآتها
هنادي : لا وسون ترى سمر مو كذا كل الحكايه إنها مزآجيه شووي
وسن تنهدت : مدري بس حاسه عكس هالشيء
هنادي تأفأفت : خلاص لا تفكرين كثير سمور طيبه ترى وماتحقد ع آحد
وسن :......
هنادي إلتفت لها : وش فيك سكتي
وسن : هاهـ .. لا ولاشيء معآآك
هنادي بسخريه : وآضح
وسن تنهدت بضيق : والله معاااك
هنادي : تبيني أسأل سمر عنك
وسن : لالا تكفين فكيني بس
هنادي بطفش : برآحتـك

صبآح اليوم التآلي

طلعت من الغرفه لبرآ المزرعه وهي تطالع كل شبر فيها مبسوطه بجيتها هنا
وتتذكر آيامها هي وجدتها فيها دمعت عينها ع طاري جدتها لكن مسحتها ع طول وهي تشوف آمها الثآنيه
جالسه برآ بالجلسآت , رآحت لها غلا وهي مشتاااقه لها حيل
أم محمد : هلا يمه هلا
غلا باست رأسها ويدها : صبآح الخير يمه
أم محمد إرتاحت بشوفتها : وش آخبارك يمه وعلومك ؟
غلا قربت من عندها وجلست جنبها : الحمدالله ماااشي حااالي
أم محمد مسحت ع شعرها : ياربي ياحبيبي لا تحرمني منها ومن شوفتها
غلا إنبسطت ع دعوتها وحطت رأسها بحجر آمها
آم محمد وهي تمسح ع رأس غلا اللي بحجرها : يمه فيك شيء
غلا هزت رأسها بـ لا
أم محمد كملت تمسح رأسها وتدعي لها من دآخلهاا

غرفة فهـد & غـلا

قآم من النوم وبعد الفرآش عنه وتلفت لمكانها وإستغرب عدم وجودها
إلتفت لمكان الحمام ( آكرمكم الله ) وماكان فيه آحد : هذي وين رآحت ؟
قآم من السرير ودخل للحمام ( آكرمكم الله ) آخذ شاور سريع وطلع بغضون دقايق
ولبس بسرعه بنطلون جينز وبلوزهـ خضرآء غااامق وفيها كتابات بالبني
مشط شعرهـ ع السريع وطلع من الغرفه لنآحية المزرعه
لمح جدته من بعيـد وإبتسم ورآح لها يعرفها تحب تقوم الصبح مبكر
باس رأسها ويدها وجلس جنبها وهو يشوف غلا اللي نايمه بحضنها : صبآح الخير يمه
أم محمد : هلا يمه فهد
فهد يطاالع غلا : غلا نايمه ؟
آم محمد إلتفت لـ غلا : إيه يايمه جت عندي من سااعه سولفت علي لحد مانامت
فهد وهو يطالع غلا فهى بشكلها كانت حاطه رأسها بـ حضن جدتها وشعرها متناثر حولها
ونآيمه شكلها كان فاااتن حيل وهي مغمضه عيونهآ وغرقاانه بالنوووم
فهد إنتبه لجدته : هاه هلا يمه
أم محمد : آقولهم يسوون لك فطور
فهد رجع يطالع غلا : بفطر مع غلا إذا قآمت
آم محمد وهي تقوم من مكاانها وتعدل شيلتها
فهد قام معاها : ع وين يمه
أم محمد : بروح آصلي الضحى وآنا آمك
فهد هز رأسه بـ إيه : آها
آم محمد مشت بطريقها وتركتهم بالجلسه
فهد أول ماغابت عن عينه إلتفت لـ غلا وشافها نايمه إلى الآن
قرب لها ونزل لـ مستوآها طاالع فوجهها شوي وهو منسحر من جماله
مد يدهـ ولعب بشعرهآ وبخصلآآته تضايقت شوي وبعدت عنه
آبتسم ع شكلها ومده يده الثانيه وهو يتحسس ملامحها
غلا إنزعجت وفتحت عينها
فهد إبتسم ع شكلها : صح النوم
غلا بصوت ناعس : متى نمت ؟
فهد قرب منها وصار شبه حاضنها : لك آكثر من سااعه
غلا قآمت من مكانها وبعدت عنه وهي تلم شعرها المنتثور وتتمغط
فهد قآم معاها : تبين فطور
غلا : إيه والله جوعااانه
فهد : اوكي آنا منتظرك تقومين عشاان نفطر مع بعض
غلا إبتسمت له : أقول لهم يجهزونه
فهد : لا ماله دااعي آمي قالت لهم
غلا : إيه صح كانت هنا قبل شووي , وين راحت ؟
فهد : رآحت تصلي ,, المهم تعاالي أفرجك ع المزرعه ع مايخلص الفطور وحتى مدآم الناس نايمه الحين ولا فيه إزعااج لنا ؟
غلا مسكت يده اللي مدها له : كنت بقولك آمس تخليني آشوفها بس ماكآن فيه وقت
فهد إبتسم : الحين بخليك كل شيء فيها لحد مااتشبعيـن
غلا إستحت من قربه منها
فهد وهو يآشر : شووفي هذيك الجلسآت جنب المسبح الخاارجي
غلا : وآو المسبح جنااان , ماقلت لي إنك حطيت مسبح
فهد : إيه سويناها قبل إسطبل الخيل وبعدناه عن بيت المزرعه
غلا فكت يدهـ ورآحت للمسبح تركض له جلست ع حااافته ونزلت رجولها فيه
لسعتها المويه البارده وبعدت رجلها بسرعه
فهد : ههههههههههههه هذي نهاية اللقافه
غلا : تعااال وآجلس عندي
لبى رغبتها وقرب عندها وجلس جنبها
غلا : فهد آنت تعرف تسبح ؟
فهد هز رأسه بـ إيه : من مايعرف يعني
غلا : آهااا
فهد مد يده وحاوط خصرها وبهمس : ودي ننزل نسبح فيه آنا وآنتـي
غلا إرتبكت منه وإستحت حيــــل بقربه
فهد إبتسم ع حياءها وبعد عنها وقآم من مكانه : يالله نمشـي
غلا مدت يدها له وهو سحبها من يدها ووقفت ومشـوآ بطريقهم يشوفون الزرع

دآخل البيت / غرفة البنآت

خزآمى : إفففف يالله قوموآ
رؤى رمتها بالخدآديه : إنقلعي برا والله تعبااانه مانمت زين
دانا : خزوومه والله مانمنا إذلفي برآ آحسن لك
خزآمى عصبت : ترى مالي شغل فيكم جدتي قالت قوميهم
رؤى ودانا نااايمات ومادروآ عنها
خزآمى تأفأفت بقهر ومشت عنهم طالعه من الغرفه
ومتجهه للصااله شافت كل الحريم الكبار هناك
أم سلطآن : يمه خزآمى ماقآم إلا آنتي
خزآمى تنهدت وجلست : إيه كلهم ناايماات
أم سلطآن إستغربت : غريبه عن سمر المفروض تقوم الحين
أم وسن : مسكينه تلاقينها مسهرينها غصب
خزآمى : لا سمر نامت عند عبدالله آمس
أم سلطان : إيه والله نسيت هي رآيحه آمس صح
أم خالد : خزآمى تبين فطور يمه ؟
خزآمى : لا إذا قاموآ البنات بفطر معاااهم
أم محمد : خزآمى يمه جيبي لي من الطبخ ماء بأكل علاجي
خزآآمى قآمت من مكانها وإتجهت للمطبخ رن جوآلها مُعلن وصول رساله رفعته وكان من نوآف يسألها نايمه آو لا ووينهآ فيه ,, إبتسمت بحب وإرسلت له .. لا أنا بالمطبخ , إرسلت هالرساله وخبت الجوآل بجيب بنطلونها
ورآحت تجيب من الثلآجه مويه لجدتها حست بأحد يمسكها ع خصرهآ ويشدها له
إلتفت بقوه وبخووف وشافته وصرخت : حرآم عليك
نواف : ههههههههههه لبى ياناس
خزآمى بوزت : دآيم تخوفني يعني
نواف ضمها له وهو لسى يضحك
خزآمى بعدت عنه : رووح لا يجي أحد يشوفك
نواف عقد حوآجبه : ترآك زوجتـي
خزآمى تنهدت : آدري حيآتي لكن محد يدري إنك بمطبخنا هنا عشان تشوفني
نواف تأفأف : جيت طاير عشان أشوفك وآخرتها تصديني
خزآمى قربت له وباسته ع خدهـ بجرآءهـ : لأجل خآطري
نواف إبتسم : عشآنك بس
خزآمى إبتسمت له وسكتت
نواف غمز لها : لبى الإبتسااامه ولبى البيجامه الورديه آمس
خزآمى إنصدمت : وش عرفك ببجامة نومي
نواف وهو طالع أرسل لها بوسه : عندي مصآدر خاااااصه
خزآمى بقهر وخجل وهي تشوفه يطلع من المطبخ : آكيد دوين
أخذت المويه حقت جدتها ورآحت لها بالصاااله

عند فهـد & غـلا

غلا تمد يدها له : شوف يدي صاارت آحسن
فهد باس يدها بشغف : الحمدالله
غلا إستحت منه ونزلت رأسها وهي تلف خصلها بحيآء
فهد لفها له ومسك كتوفها : يازينك ويازين حيآك
غلا خجلت آكثرر
فهد كمل : ويازينك كلك
غلا بدآ تنفسها يسرع وضربات قلبها تزيد من كلامه وقالت بدون شعور : آحبك
فهد حس بإحساس حلو مع هالكلمه لا قالتها وطالع عيونها اللي تلمع ماقدر ينطق لها ويتكلم
كل اللي قدر عليه يحضنها بقووهـ وشغـف
غلا إستوعبت اللي قالته وهي بحضنه إستحت حيــل واللي قدرت عليه إنها تتمسك فيه
فهد بعدها عنه : نمشي هناااك في نخله آعجبتني حيل وخليتها بخليك تشوفينها
غلا هزت رأسها بـ إيه ومشت معاااهـ
فهد وقف مكانه وآشر لها : هذي هي
غلا إنصدمت إمتألت عيونها دموووع ونزلت تغطي وجهها
فهد تفآجئ ولفها له : وش فيك ؟
غلا بكلمات متقطعه وشهااق : هـ ــذ ي حـ قـ ت
فهد : هااه .. وش فيها وحقت مين ؟
غلا تشااهق وصوتها متقطع : جــ ـد ي مـ مـ ـآ ت عـ نـ دهـ ـآ
فهد غمض عيوونه وسحبها له وضمها بقوووه : خلاص غلاتـي
تقطع قلبه ع صوت صيآحها وبكااءها المرير
بعدها عنه ومسح دموعها وقرأ عليها لحد ماهدت نفسها : قولي لي شلون حقت جدك
غلا تنهدت بضيق وهي تمسح دموعها : آكرره هالنخله جدي مااات عندهآ لما طاااح منها تعب وماات
فهد آخذ نفس وضمها : هذي حكمة ربك وش دخل النخله لا تحطين هالأمور بأشياء مالها دخل
غلا تمسكت فيه ورجعت تبكــي
فهد بعدها عنه وبحناان : بس غلاي ماأحب أشوفك تبكين
غلا مسحت دموعها وإنبسطت ع كلامه
فهد بمزح : صااايرهـ دلووعه
غلا ضربته ع صدرهـ بدلع
فهد : هههههههههه

حبيبي صار لي مدة أشوفك تايه وحيران
وانا والله لا شفتك حزين تزود أحزاني

أنا احبك ولا ودي تعيش بدنيتك ندمان
ترى ألأيام محسوبة وتالي ها لعمر فاني

تصدق بسمتك والله تفرح خاطري الولهان
يطير من الفرح قلبي واصير بعالم ثاني

والى من شفتك بضيقة أحس اني انا الغلطان
أعاتب نفسي بنفسي ولو ما كنت أنا الجاني

غـرفة البنآت

دانا وهي تكلم بالجوآل : يااحيآتي آنت ..... وربي حتى أنا ميته من الشوق لك
ههههههههههه فديتـك .... آمممممم آكيــد ........ أنسى نفسي ولا آنسآك باللحظه
حست بآحد يرمي عليها الخدآديه
إلتفت وشافت رؤى معصبه : إنقلعي كلمي برا خليني آعرف آنااام خلصت من خزيم وجتني هااذي
دآنا قآمت من مكاانها : هين يارؤوين هين ياادوبه
رؤى ماعطتها وجه ونآآمت من جديد
وهي نايمه حست بأحد يشيل عنها المفرش ويضربها بالخيرآنه
إلتفت وشافت جدتها : قووومي صلي الفجر ياجعلتس للي مانيب قاايله
دآنا تضحك من ورآها : هههههههههههههههه
رؤى إنقهرت من دانا وقآمت وهي تلم شعرها : خلاص يايمه قمت
رؤى وهي طالعه من البآب : دوين يالشينه مالقيتي إلا جدتي تعلمينها
دانا : ههههههههه روحي لا تسمعك
رؤى رآحت بسرعه للمغااسل وغسل وجهها بمويه باااردهـ ووضت عشان الصلآه
رجعت للغرفه من جديد وإلتفت للسااعه وكانت تشير إلى عشر الصبح
إستغفرت ربها ع التآخير صلاة الفجر إبسطت سجدتها وصلت . لما إنتهت من الصلاه
بدلت لبسها ع السريع ولبست برمودآ جينز عناابيه وبلوزهـ سكريه كاات
ربطت شعرها وماحطت شيء ع وجهها ومشت متجهه للصااله
شاافتهم كلهم مجتمعين والبنات يفطروون
ريم : صح النووم
رؤى سحبت كرسي وجلست تفطر معااهم : شسوي نمت متأخر
دانا ضحكت فجأه
البنات كلهم إلتفتوا لها
خلود : الظاهر إنهبلتي
دانا : هههههههه جدتي ضربت رؤى وهي نايمه
البنات إلتفتوا كلهم لـ رؤى وكان القهر لاعب فيها تسدحوا من الضحك ع شكلهاا
رؤى عصبت : كله من الزفت دووين
دآنا : هههههه
خزآمى : محد قالك تأخرين الصلآهـ , المهم وين غلاوي بنات محد شافها ؟
جنى : مع فهد برآ شاافهم سلطان قبل شوي لما طلعنا من غرفتنا
رؤى : غريبه غلو تقوم مبكر ؟
دانا : آحسن منك هههههههه
رؤى طالعتها بقهر ودانا خافت وسكتت

غـرفة سمـر & عبدالله

إلتفت سمر للمره الثاانيه له وكان نفس وضعيته نااايم
تأفأفت من داخلها وهي ودها تصحيه لكن خافت إنه مانام زين
رجعت أإلتفت لتسريحتها وهي تضبط الكحل من جديد وتعدله
خلصت من اللمسات الأخيره بشكلها وهي تطالعه بالمرآه : وهـ فديتني آهبل
: وآنا آشهـد
سمر إلتفت بسرعه لـه : هاه .. آمممم متى قمت ؟
عبدالله إبتسم وهو يتمغط : توني قااايم
سمر إبتسمت ع شكله النااعس : طيب قوم بدل بنطلع لهم ترى تأخرناا
عبدالله عقد حوآجبه : ليه كم السااعه ؟
سمر وهي تطالع ساعتها : عشر ونص
عبدالله فز من مكانه : عز الله الشياب زعلوا منا اليوم
سمر ماتت ضحك وهي تشوفه يلم آغراض الشاور بسرعه بيآخذ له شاور ع السريع
جلست ع السرير تنتظر خروجه , ولكن إنعاادت عليها تفااصيل ليلة آمس وكلآمهم
يااربي ليه وآفقت أبقى معاااهـ ؟ ليه ماخليته يطلقني ويتهنى بخزآمى
يمكن لإني حتى أنا شفت لهفته علي بعيونه , صحيح مايكن لي الحُب
لكن يكن لي مشاعر والإهم يبيني كـ زوجه له مو آي شيء
وبإستطاعتي آنا آخليه يموت فيني مثل ماهو خلاني آعشقـه
بنسيه خُزآمى وطوآيفها , واللي تقوله سمر يصير غصب يعني يصير
آبيه لك لي لوحدي , مايشاركني فيه غيري , عشان كذآ فضلت آكون معاك ياعبدالله ع آهلي
آحبـك وبربي آحبـك غمضت عيونها بآلم تمنع دموعها تنزل وتخرب كحلها
تنهدت بضيق ونزلت رأسها وأناملها تلعب بطرف بلوزتها الفوشيه
رفعت رأسها له وشافته وآقف عندها : فيك شيء ؟
سمر إبتسمت له غصب : لا
عبدالله لمح الدمع بـ عينها : والله موتي ولا دمعك آهون
سمر مسحت بقايا دموعها : لا تقول كذآ
عبدالله مسك يدها وشدها له وصارت وآقفه آمامه : وربك إنك عيني الثنتين
سمر قالت بنفسها وخزآمى ؟
عبدالله قطع تفكيرها وهو يضمها لـ صدرهـ : والله ياأغلى من سكن قلبي كان الفرآق آحسن لنا ولك آنتي بالذآت لأخليك تختارينه . بس أنتي لي فااهمه آنتي زوجتـي والله آبيك
سمر تعلقت فيه ودمعت عينهااا
بعدها عنه عبدالله : واللي خلقك قولي آي شيء , لا تسكتين , يعذبني سكوتك , يخنقني
سمر إبتسمت له : سلآمتك
عبدالله بادلها الإبتسآمه : ياجعلني مانحرم من هالمبسم , ودك نطلع ؟
سمر هزت رأسها بـ إيه
عبدالله : آجل يالله آمشي والله يعينا ع المحاضرآت
سمر ضحكت وهي تسحب جلالها ونقابها وتلبسه ع السريع
مسك يدها عبدالله ومشـى وهي ورآهـ يدها بيدهـ
ماسكها بحناااااان بااالغ ومحتضنها بكفه

عند البنآت

دخلت عندهم غلا وهي مبسوطهـ حيــــل من طلعتها مع فهد
جلست جنب جدتها بعد ماباست رأسها

ريم : وين رحتي ؟
غلا بفرحه : مع فهـد خلاني أشوف المزرعه كلها
رؤى : مبسوطه آنتي ووجهك سااحبه علينآ آمس والحين طالعه تتمشين دووبه
غلا : ههههههههههه والله آدري بزعلكم علي بس فهد آخذني معااه
رؤى :.....
غلا قربت منها : رؤى خلاص كنت بقول شيء بس الحين مو قايله لكم
جنى : قولي ماعليك منها
دانا : إيه تحمست وقسم
غلا : بس رورو زعلانه
دانا : رؤى إرضي لا أفقع لك وجهك
رؤى : بسم الله علي , قوولي إخلصي
غلا إبتسمت : فهـد خلاني أشوف مسبح البنات اللي هنآ
البنات تفآجؤآ وأستانسوآ
خزآمى : بس اللي أعرفه مافيه إلا للشباب
غلا : لا ياحلوه فيه للبنات ورآء البيت مغطينه بالكامل
رؤى برجااء : ودي أرووح له
غلا : نقدر نروح له من البوابه الخلفيه
خزآمى : آبي نرووح شوي
دخلت هناادي ووسن ع كلمتها : ع وين ؟
رؤى : للمسبح الخلفي
هنادي عقدت حوآجبها : مسبح للبنات
غلا بحسن نيه : إيه فهد خلاني أشوفه
هنادي جت بترد لكن قاطعها كلام آم وسن : وينك آنتي وياها من اليوم
وسن : كنا بغرفتنا يمه يعني قايمين من اليوم
أم وسن : آهاا . آجل يالله تعالي آكلوا لكم آي شيء قبل الغدآ
رآحووآ وسن وهنااادي وجلسوآ ع كنباات بعيدهـ شووي عنهم

سيـف ~

دخل البيت وهو يمشي بتعب جلس ع إحدى كنباات الصاله وتنهد بضيق
لمتى ع هالحال لا ليلي ليل ولا نهاري نهااار
لعبتي فيني لعب وتركتيني , لا والله ياسيف ماغيرك إللي لعب فيها
حوبة هالبنات واللي سويته فيهم رد علي فيك ياارؤى
آحس إني عاااشق فيك كل شي لحد الثمآله
عاااشق لك وحدك , يكفي إن نبض قلبي أنتي الوحيدهـ اللي خليتيه ينطق بأسمك
تنهد ورفع رأسه لـ فووق يمسح ع شعرهـ
قطع عليه هدوءهـ وسكونه آخته : سيف
سيف إلتفت لها : هلا
نور قربت له وجلست جنبه : خوفتني عليك وينك آمس
سيف تنهد بضيق : نمت عند وآحد من آصحااابي
نور بضيق : الله يخليك مرهـ ثاانيه قولي
سيف إبتسم غصب : من عيووني
نور بتردد : آممممممم سيف آنت وش فيك هالإيآآم ؟
سيف عقد حوآجبه : ليه وش فيني
نور : صاير ماتجلس بالبيت ولا تأكل ولا تسولف حتى ماترد ع إتصالاتك
سيف إبتسم غصب ( ومن غير صديقتك لعب فيني ) : لا عااادي آنتي موسوسه بزيآدهـ
نور تنهدت بضيق وهي تحاااول تبعد هالإفكاار عنها
سيف قآم من مكاانه : بطلع آنااام الحين لا أحد يزعجني طيب
نور إبتسمت : نوم العوآفي
سيف بادلها الإبتسآمه وطلع لغرفته وهو يجر نفسه جر من كثر التعب والهلاك اللي عايش فيه
نور كانت تطاالعه لحد ماإختفى من عندها : يااابعد عمري ياخوي حااسه فيك شيء ومو آي شيء لا كبيررر
تنهدت بضيق وقآمت من مكاانها بس وقفهآ صوت التلفووون
قربت من عندهـ ورفعته : آلـو
المتصل : السلام عليكم
نور عقدت حوآجبها : وعليكم السلآآم
المتصل : سيف الـ .. موجود
نور مستغربه من الصوت : إيه, من يبيه ؟
المتصل : آنا ناائبه عـــــزآم الـ.. هو صار له فترهـ مايرد ع جوآله وحنا نحتااجه بالشركه
نور : هو تعباان الحين ونايم إذا قآم قلت له عنك
عزآم : اوكي سلآمته , آتصل بوقت ثااني , مع السلامه !
سكرت نور التلفون وهي مستغربه نائب مدير سيف ؟
اللي أعرفه إن إسمه محمد هشآم بس يمكن سيف غيرهـ بـ هذا اللي إسمه عــزآم
تنهدت بضيق وبعدت هالإفكآر من بااالها وصعدت لغرفتها بترتآح

عزآم

سكر التلفون وهو يفكـر بصآحبة الرد
ياااالبيه يالصووت ., معقوله سيف يكون عندهـ أخت حلووهـ وصوتها خقق لهالدرجهـ
لا الظاااهر بحط عيني عليها آنااا ,, بس يمكن تكون زوجته ياعزآم
حتى ولو كانت زوجته بنت هالقد صوتها رهيب لا مانتركها مستحيــــل
إبتسم من دآخله وهو يفكر تفكير خبيث بـ نور ,

شقـة آهل رنــــآ

رنا كالعادهـ جالسه عند آمها تداريها بتعبها : يمه تبين مويه ؟
أم سعود : لا يمه مو عطشاانه
رنا بضيق : بس يايمه آنتي ماشربتي من آمس
آم سعود : لا يمه ماابي بس أبي له وساايد تسند ظهري
رنا فزت بسرعه ورآحت لغرفتها وجابت وساادتين
قربت من عند آمها ورفعتها وحطت الوسايد تحت ظهرها وسندتها من جديد ع الوسايد : كذآ مرتااحه
أم سعود تنهدت : إيه الله لايحرمني منتس
رنا إبتسمت وجلست جنبها : ولا منك
سعود فتح الباب عليه ودخل بسرعه وهو يلهث
رنا قآمت له : وش فيك ؟
سعود إلتفت لأمه : يمه عمي يوسف جاء ودخلته للمجلس يقول بتطمن ع آمك
أم سعود من قلب : الله يجزآه خير ويعاافيه وأنا آمك
رنا : هو بالمجلس الحين ؟
أم سعود بسرعه : روحي رنا وجهزي القهوه والله مايطلع إلا إذا تقهوهـ
رنا إتجهت للطبخ بدون ماتنطق ركبت إبريق القهوه وجهزت الصينيه من فنااجيل
وطلعت الحلا اللي مسويته اليوم من الثلاجه ورتبته ع الصينيه وبالها مو معها معاهـ هـو وجيته

بالمجلس

سعود : لا والله يااعمي مااتروح آمي حلفت إن قهوتك عندنا
يوسف تنهد وجلس : عشاان الوآلدهـ بجلس
سعود جلس جنبه وإبتسم
يوسف : متأكد إن آمك بخير ؟ ولا تحتاج شيء !
سعود إبتسم : إيه الحمدالله
يوسف : تحتاج آجيب لها ممرضه ترعاها عشان كبر سنها
سعود : لا رنا عندنا أطلق من مية ممرضه
يوسف كتم ضحكتـه وسكت
شوي وطق الباب عليهم وقآم يوسف لـ باب وفتحه وآخذ من رنا آخته القهوه
دخل عند يوسف وحط القهوهـ وصب له : سم
يوسف إبتسم ع حركاااته : سم الله عدوك
شرب يوسف من القهوهـ وآخذ من الحلا اللي سحرهـ شكله قطعه وذآقه
أعجبه الطعم حيل ورجع آخذ منه , أكيد ماغيرها هي مسويته قآدرهـ ع كل شيء آجل ؟
صحاهـ صوت سعود من سرحانه : عمي وين رحت
يوسف إنتبه : هااهـ معااك
سعود طاالع فيه وسكت
يوسف : آجل وين روآن ؟
سعود : بغرفتها , آناديها لك ؟
يوسف إبتسم : إيه ياليت حبيبة عمها هي !
سعود قآم من مكانه وطلع من المجلس
يوسف بعد ماطلع إلتفت للمجلس وطالع فيه وبترتيبه وبتنااسقه
الله يجزآك خير يافهد من جد تحتااج الدعاء والشكـر !
دخل سعود وهو ماسك روآن اللي متخبيه ورآء آخوها ومستحيه
يوسف إبتسم : هلا هلا تعاالي روني عندي
روآن ماصدقت جت له تركض , ضحك يوسف وضمها وبوس خدودها : وش آخبارك وآنا عمك
روآن بحياء : زينه ؟
يوسف : طيب حلوهـ هديتي لك آمس
روآن هزت رأسها بـ إيه وهي طاايرهـ من الفرحه
يوسف قرب لها : طيب عطيني بوسه وآجيب لك هديه بكرا
روآن باسته ع خدهـ
يوسف إبتسم وقبص خدها : شطورهـ
نزلها من حضنه وقآم من مكانه طلع من جيبه فلوس ودسها بجيب روآن
سعود بإحراج : لا عمي ماله دآعي
يوسف إبتسم ع عـزة نفسه يشبه آخته رنا بهالشيء : لا عشاان روآن تكون مبسوطه وتشتري اللي تبيه
سعود إنحرج وسكت ونزل رأسه
يوسف رفع له رأسه : لا وأنا عمك إرفع رأسك , خلك مثل أبوك
سعود إبتسم له ورفع رأسه
يوسف : إيه هذا عشمي فيك , يالله أنا طالع الحين تبون شيء
سعود : عمي وين بتروح
يوسف : عندي شغل وآنا عمك
سعود تضايق وببرائه : طيب تعال عندنا دآيم
يوسف إبتسم له : إن شاءالله , يالله سلم لي ع أمك وتحمد لها بالسلامه نيابه عني وقول لها والله لو مااكانت بالعدهـ كان دخلت بنفسي وتحمدت لها بالسلآمه
سعود هز رأسه بـ إيه : تأمر آمر
يوسف مشى عنهم طالع من المجلس ومن الشقه كلها متوجهه لسيآرته المركونه برآ
سعود طلع من المجلس هو وآخته روآن وتوجهوآ لغرفتهم وقفهم صوت رنا : وين رآيح وتارك الرجال بالمجلس
سعود إلتفت لها : طلع !
روآن ركضت لرنا وطلعت من جيبها الفلوس : رنو شووفي
رنا عقدت حوآجبها وهي تطالع ميتين ريال : من عطاك هذي
سعود تنهد : عمي يوسف عطاها
رنا فار دمها : ليش ماااقلت لاآآآ مو محتاجينهااااا
روآن خافت وسكتت
سعود : قلت له والله , بس خباها بجيب روآن مايمديني آطلعها
رنا تنهدت وهي تقلب الميتين بيدها وتقول بنفسها بحيااتي ماقد لمست هالميتين كنت أشوفها من بعيد مع آبوي
وماأتجرآ آخذها وجاك يارنا اللي يعطي آختك اللي ماتعدت خمس سنين ميتين ريال وأنا اللي عمري 19
ماقد فرحت فيها , صحاها صوت آمها وهي تناديها
رنا خبت الفلوس بجيبها ومشت عند آمها : هلا يمه
أم سعود : صوتس ورآه طاالع ؟ ترى الرجال عندنا لا يسمع حستس
رنا تنهدت : سعود يقول إنه طلع
روآن جت لهم قاطعه حديثهم وبزعل : رنو عطيني الفلوس
أم سعود إنهبلت : هااو , أي فلوس ؟
رنا تنهدت : يوسف معطيها ميتين ومنهبله الآخت تبيها
أم سعود : هاتيها لا آنتي ولا هي تأخذها ميتين تعيشنا أسبوع
رنا طلعت الفلوس من جيبها : من الأساس كنت بعطيك الفلوس
أم سعود آخذت الفلوس : روحي رتبي المجلس آنتي والشغاله
رنا قآمت بآمر من آمها ورآحت للمجلس بتشل القهوه
أول مادخلت له إستنشق آنفهاا ريحة العطر الرجااليه الممزوجه بريحة القهوهـ
إبتسمت ع الريحه وتحس ذآبة منها وقالت بدون شعور : عطرهـ روعهـ ~
صحاها صوت روآن : يمه تكلمين نفسك
رنا إبتسمت : يااطول لسان هالبنت

لو يخون آلبرد ثلثين آلضلوع
.................. أي شي يبقى فـ صدرك .. أشعله !

آلشتآ محتآج لـ إحسآس و دمـوع
.................. لا تكآآآآبر بـ..آلجروح و تزعلـه ..

كآن صيدك ( مستحى ) ! شوف آلشموع
.................. [ قـد بكت من ذنـب هي ما تفعله ! ]

نرجع للمزرعــــهـ

البنات صرخوآ : لاآآآآآ
أم محمد : قص لسانتس آنتي وياها
رؤى : إف يمه مسرعكم تروحون
أم سلطآن : ماعليه يمه بكره دوآماتكم
دانا بوزت : نغيب مافيها شيء
خُزآمى : ماإنبسطنا ولا رحنا المسبح
أم وسن : هههههههههه خلاص فيه طلعه ثاانيه
غلا تقهر البنات : أنا شفت المسبح وإنبسطت فيه
سمر رمت عليها الخداديه : برآ يالله
البنات : هههههههه
آم محمد : إستعجلوآ ألبسوا الرجال مو فاضين لكم
قاموا كل البنات بتأفأف يجمعون آغراضهم بالشناط ويلبسوون

سااعه كانت كافيه يكونون كل العوآئل بسيارتهم متوجهين للخبـر

سيارة سلطآن

سلطان إلتفت لـ جنى وهو يشوف ملامحها تتغير : فيك شيء
جنى بتعب : آحس بتعب وآلم
سلطان بخوف : آوقف السيارهـ
جنى تنهدت : لا ماله دااعي
هنادي بطفش وهي راكبه معاهم وراء : كل الحوآمل كذآ لا تخااااف
سلطآن طالعها من المرايه ولمس السخريه بصوتها : يااليت تبلعين لسآنك دآخل حلقك آحسن
هنادي جت بترد
وطالعها سلطان بنظرهـ وسكتت : ياليت اللي عطاء سمر يعطيك ,
إنقهرت هنادي من هالكلمه وسكتت ماتحب آحد يقارنها بأحد
جنى بترقع الموضوع : شفت إسطبل الخيل
سلطآن إلتفت لها : إيه , آنتي ماشفتيه
جنى : لا والله
سلطان عقد حوآجبه : غريبه فهد قالي عنكم وإنكم شفتوهـ
جنى تنهدت : يقصد البنات الصغاار وزوجته
هناادي ول ماطروآ إسمه فززت من مكاانها وإستمعت لكلآمهم زين
يالبى الإسم وطاااريه , خلآآص آنا ماعاد آقدر أتحمل لازم آسوي لي شيء أردهـ لي لاآآزم
صحاها صوت جنى : هنااادي يالله إنزلي وصلنا , وش فيك ؟
هنادي نزلت بهدوء وهي تنفض هالإفكار من بالها , وتقول بنفسها إصبري ماجاء وقتها

في بيت بو فهد / جنآح رؤى ~

رمت عبايتها ع جنب وفوقها الشنطه ورمت نفسها هي ع السرير بتعب
وهي تفك شعرها وينتثر ع وساادتهاا , غمضت عيونها كـ محاوله للنوم
لكـن فزت بقوهـ وقآمت من مكانها وهي تلهث مسكت قلبها اللي يعتصر من الآلم وهي تسمي بالله
تبي يتوقف هالآلم مو قاادرهـ , آلم فظييع تحسهـ يقطع شراايينه تذكرت سيف باللحظة هالآلم
يمكن سيف فيهـ شيء وهالآلم آحسآآس منها لهـ
قآمت من مكاانها وسحبت جوآها بسرعه وإتصلت ع رقم : آلو
نور : بسم الله , وش فيك ؟
رؤى بلهفه : نور آنتم بخير مافيكم شيء
نور إستغربت منها : آيش ؟
رؤى تنهدت لما تأكدت من صوتها
نور خافت : رؤى حبيبتي فيك شيء
رؤى إبتسمت غصب والدموع تنزل ع خدها : قلبي أوجعني وتذكرتك وخفت وإتصلت ع طوول
نور إبتسمت : يااحيااتي آنتي , لا والله ماافيني شيء
رؤى ببحة صوت : الحمدالله

إنتهـى البآرت ،

× غياااب سيف بأغلب البارتات يحمل صدمهـ لـ رؤى مؤلمهـ جدآ ؟!
× سمر وآختارت البقاء مع عبدالله عشقآ بهـ ؟ من المُمكن تغير رأيها ؟
× إحساااس جميل ممزوج بإرتباااك فظيع من الطرفين , غلا & فهد ؟
× عــزآم & نــور ؟ والسؤال هو بيعرف إنها أخت سيف يومآ ما ؟