رواية روابة صعيدي ولكن قاسي الفصل الثالث 3 - بقلم ساجدة محمد

مساء اليوم دلفت سيلا وهي تسند غزل التي شبه غائبة عن العالم. خرجت سيلا من أوضة غزل بعد أن تأكدت أن غزل بخير ونائمة. مريم من خلف سيلا: "إنتي جيتي إمتى؟ سيلا: "خضتيني، لسه جايه." مريم: "أمال غزل فين؟ سيلا: "تعبانة ودخلت تنام." مريم: "إنتوا كنتوا فين طول اليوم؟ سيلا: "وإنتي مالك، هو تحقيق؟ مريم: "براحة على نفسك يختي، أعصابك." خرجت يقين من المطبخ على صوتهم: "مالكوا؟ سيلا: "مفيش." يقين: "حضرت العشا، يلا عشان ناكل."

سيلا: "أمال وتين فين؟ يقين: "قالت عندها كورس وهتتأخر شوية." سيلا: "تمام." يقين: "حد ينادي على غزل عشان تاكل؟ سيلا: "لا، غزل نايمة مش هتاكل." في الصعيد كان يجلس زين في المندرة. شهد: "ينفع أدخل؟ زين: "طبعًا." شهد: "عامل إيه؟ زين بابتسامة خبيثة: "عاوزة إيه يا بت عمي؟ جولي جولي." شهد: "مقفوشة جوي." زين: "جوي جوي." شهد: "الصراحة أنا عاوزة أكمل تعليمي." نظر لها زين بغموض: "إشمعنى؟

شهد: "إنت عارف إني شاطرة وخلصت ثانوية بتقدير عالي، بس أمي ربنا يسامحها عاد." زين: "إنتي عاوزة تدخلي كلية إيه؟ شهد: "حقوق." زين: "ماشي، من هنا لغاية ما الإجازة دي تخلص وتبدأ السنة الجديدة نبقى نشوف." شهد: "تسلملي يا زين يارب." ماجدة مرات صالح: "أمال البت حبيبة فين؟ فاطمة بتوتر: "فوق يا مرات عمي، بتتسبح." ماجدة: "ماشي." فاطمة في نفسها: "يارب تعود قبل ما حد يحس." دلفت حبيبة إلى كوخ صغير.

حبيبة بصوت منخفض: "عثمان، عثمان." عثمان من خلفها وهو يمسكها من خصرها: "يقلب عثمان." حبيبة: "وقعت قلبي يا عثمان، حرام عليك." عثمان: "هو واقع من زمان، إنتي هتستهبلي؟ حبيبة بضحك: "أباي عليك عاد، عاوز إيه؟ لازم أعود." عثمان: "إتوحشتني جوي يا روح القلب." حبيبة: "يا عثمان، لازم أعود. الوقت اتأخر ولو حد شم خبر إني مش في البيت." قطعها عثمان وهو يضع يده على خصرها: "يابت بقولك اتوحشتيني، الله."

حبيبة وهي تبعد يده عليها: "وإنت كمان، إمتى بقى يتقفل علينا باب واحد؟ عثمان بحزن مصطنع: "ما إنتي عارفة إني رايدك، لكن أهلك مهيوافقوش." حبيبة: "طيب والحل؟ هنفضلوا أكده كتير؟ عثمان: "هنشوفولها حل إن شاء الله، سيبك إنتي بس، أي الحلوة دي، إحلويتي؟ حبيبة: "طول عمري حلوة." عثمان: "طيب مفيش تصبيرة؟ حبيبة: "لا، أنا لازم أعود." قطع بقية جملتها وهو يلتهم شفتيها في قبلة.

أبعدته حبيبة عنها بعنف: "أنا قولتلك قبل كده، لما نتجوز يا عثمان." عثمان: "ما إنتي هتبقي مراتي يا روح القلب، وأنا بصبر نفسي، ولا عاوزاني أبص بره ولا أصبر نفسي من بره؟ نظرت له حبيبة بقلق فهي تحبه ولا تريد أن يراه غيرها. حبيبة: "طيب جرب تبص بره كده وأنا أقطع خبرك." عثمان بضحك: "إنتي اللي في القلب يا عيون عثمان." حبيبة: "سلام، أنا همشي عاد." عثمان: "هشوفك تاني ميتة؟ حبيبة: "معرفش، هبقى أكلمك."

صباحًا في القاهرة خرجت غزل من المرحاض وبدلت ملابسها. في الخارج كانوا يجلسون على السفرة. غزل بتعب: "صباح الخير." يقين: "لولي، إنتي كويسة؟ غزل بابتسامة تداري بها تعبها: "الحمد لله." وتين وهي تلتم أغراضها: "أنا همشي، عليا امتحان، ادعولي، سلام." يقين: "وأنا عليا كمان، باي." سيلا: "غزل، إنتي هتبدأي امتحانات إمتى؟ غزل: "بكرة إن شاء الله." مريم: "أنا همشي، سلام." سيلا: "سلام." مريم: "إنتي مش رايحة الكلية؟

سيلا: "لا، أنا هقعد مع غزل." مريم بشك: "إشمعنى؟ سيلا: "عادي، معنديش محاضرات النهارده." مريم: "أوكي." سيلا: "غزل، إنتي كويسة؟ غزل: "أحسن من امبارح." سيلا: "طيب هتعملي إيه؟ غزل: "في إيه؟ سيلا: "في ابن عمك ده، إنتي مش المفروض تتجوزيه؟ غزل: "معرفش يا سيلا، مش عارفة هعمل إيه، بس أنا مش عاوزة أتجوز." سيلا: "طيب ما تكلمي بابوكي." غزل بسخرية: "الحج صالح مبيسمعش غير نفسه." سيلا: "كلمي مامتك، هي أكيد هتعرف تتصرف."

غزل: "غادة مش هتقدر عليهم لوحدها، هو مفيش حل غير إني أكرهه فيا وأخليه يكره اليوم اللي فكر إنه هيجوزني أصلًا." سيلا: "طيب لو عرف إنك يعنى... غزل: "مش هيعرف، لأنه مش هيلمسني أصلًا." سيلا: "ربنا يستر بقي." وتين وهي تجري لتلحق بالامتحان. وتين وهي تنظر في هاتفها: "اتأخرت، يالهوي عليا." خبطت في جسد قوي. وقعت وتين على الأرض. جهير وهو يمد يده لها. قامت وتين بمفردها وهي تقول بعصبية: "مش تحاسب وأنت شبه الحيطة كده."

نظر لها جهير بغضب: "حيطة، ما إنتي لو ماشية شايفة قدامك، لاكن إنتي ماشية باصة في التليفون." وتين: "إيه ده يا عم إنت؟ أنا أبص زي ما أنا عاوزة، إنت اللي حيطة ماشية، المفروض تراعي إن في كائنات صغيرة ماشية على الأرض غيرك." جهير: "بنت احترمي نفسك." وتين: "بلا بنت بلا قرف." تذكرت وتين الامتحان وصرخت في وجهه: "آآآآآآآآآه، الامتحان أخرتني أكتر ما أنا متأخرة، روح الله يتقبل فار زي بيومي فؤاد في المسلسل." وركتضت إلى الداخل.

جهير: "إيه المجنونة دي، الصبر يارب."