رواية اعدام غير شرعي الفصل العاشر 10 - بقلم نور شريف

فارس ابتسم بخبث: أنا هعترف بكل حاجة قدام يحيي عشان أتعادَم وأنا مبسوط. سارة ابتسمت بفرحة: أخيرًا يحيي هيطلع براءة! العسكري خرج يحيي من السجن. يحيي بص لفارس بحزن: أنا مش مسامحك يا فارس على اللي عملته. اسمعني الأول وبعدها اتكلم. جربت في مرة يبقى عندك أخ، نبقى قريبين أوي من بعض في كل حاجة وتلاقي العالم كله بيحبه، أمك بتعملك كأنك منبوذ وتعامل أخوك بحب. جيت يا يحيي ولا لأ؟ أكلت يا يحيي ولا لأ؟ خد مصروفك من يحيي.

البنت اللي بحبها واتمنيت من ربنا إنها تبقى لي، أروح أتقدملها أبوها رفض عشان عارف إني كنت بكلمها. وهي دي البنت اللي حفظت عليها وكنت خايف المسها. في يوم وليلة أكتشف إنها اتجوزت أخويا. زاد كرهي. عملت كل حاجة غلط بلعب بلبنات لعب. كنت خايف أخلف يحصل في بنتي حاجة. خوفت أتزوج. قتلت أمي عشان خوفت عليها من أعمالي وفهمتهم إنها سافرت، وبعدها بفترة قولت إنها ماتت هناك. مش ذنبي. صاحبت بنت اسمها قمر وحكيت لها على كل حاجة.

حسيت بمشاعر تجاهها وحصل بينا علاقة غصب عنها. واتهمت إن يحيي عمل كدا. ولما قالت لأبوها على الصور قتلتها قدام عينيه وحرقت القصر عشان ميبقاش في دليل. من حبي في سارة مكنتش عايزها تبقى لغيري ولا تبقى حامل من حد غيري. سقطتها. وآخر خبر هيصدم زين بيه اختك أنا دمرتها. زين بصدمة: أنا مصدوم فيك أوي يا فارس، مصدوم. سارة بفرحة زغرطت: لقد انتصر الحق! لأ يا سارة أنا عارف إن اللي هيحصل دلوقتي هيزعلك، سامحيني.

فارس خرج سكينة من جيبه ووقف قدام يحيي. على قد ما حبيتك على قد ما كرهتك. عمرك شفت أخ بيكره أخوه؟ أنا بقا بكرهك. أنا أموت وأنت لأ. فجأة دخل السكين في بطنه وحضنه بقوة. يحيي صرخ بقوة: سارة! فارس بعد عنه وإيده كلها دم. كده الحق انتصر بنسبالي. سارة بصراخ بقهر: يحيي قوم معايا! أنت عايش صح؟ فتح عينك، هتسبني لوحدي لمين بعدك يا يحيي؟ فجأة يحيي غمض عينيه ومات. في إسكندرية. مالك يا نسمة؟ مش فرحانة زي أي عروسة كدا؟

قومي يبت ارقصي وافرحي زي البنات. نسمة بقلق: أنا محتاجة أقابل مالك يا ماما، هو فين؟ بره يا حبيبتي، هنادي عليه ثواني. يا مالك. مالك بفرحة ظاهرة: نعم يا ماما؟ إيه الجمال ده كله يا نسمة؟ نسمة بتوتر: أنا عايزة أقولك حاجة بس على انفراد. استأذن أنا، متتأخريش واطلعي لي البنات. اقعد يا مالك واسمعني بس بلاش حد يعرف. لو هنتجوز وطلقتني بعدها بكام شهر، استر عليا وحياتك. وأطلقك ليه؟ اطمني. قرب منها وحضنها.

اتكلمي وخرجي دموعك، أنا جوزك يا غالية. نسمة بدموع: أنا منفعتش أبقى مراتك، أنا مش بنت!