رواية عالجتها ثم احببتها الفصل العشرون 20 - بقلم ندا الشرقاوي

حكمت المحكمة على المتهمة مريم سيف الدين بالإعدام شنقًا لمخالفتها للقوانين وضرب الرصاص عمدًا. رفعت الجلسة. مالك بصراخ: لااا مريم ظلم. أغلقت عيناها بشدة عندما سمعت حكم القاضي، وابتسمت أنها سوف تفارق الحياة وهي لم تقصر في حق والديها. قاسم بعصبية: لااا مريم. مريم: بحبكوا أوي، أنا مقصرتش معاكوا. مالك كان نفسي أعيش معاك، حب يا مالك بعدي واتجوز وخلف وعيش حياتك. العمر قدامكم. مالك بصراخ وعصبية: لااا مريم. ظلم. حبيبتي هتخرجي.

وقع مالك فاقد الوعي. الجميع بصراخ: مالك. مريم ببكاء: مالك. قاسم. شوف مالك. أخذها العساكر وقام كل من قاسم وتيام بإسناد مالك للخروج من المحكمة. تسارعت الأحداث، وصلوا إلى المستشفى سريعًا وتم تعليق محلول لمالك. في المستشفى، بدأ مالك يفوق. مالك: حصل إيه. مريم. قاسم: اهدى يا مالك خلينا نفكر.

مالك بجنون: نفكر في إيه. بيقولك هيعدموها يا قاسم. يا قاسم مريم خدت حق أهلها ليه كده. الظلم وحش يا قاسم. طب تخرج. وأنا هاخدها وهبعد والله بس رجعوها ليا. اقترب قاسم وانهار مالك ليرتب قاسم عليه. قاسم: ربك فرجه قريب. محدش عارف اليومين دول هيحصل إيه. مالك: يااااارب. بعد مرور ثلاث ليالي، وهو اليوم الذي سوف يتم فيه تطبيق العدل. أخذوا مريم إلى مكتب اللواء. مريم: خلاص. اللواء: خلاص يا مريم. النهارده آخر يوم لمريم سيف الدين.

مريم: جيت الدنيا علشان آخد الحق وخلاص. اللواء: عاوز أقولك إنك أكفأ واحدة. قاطعته مريم: المدح ده هيفيد بإيه يا فندم. أنا هُعدم كمان ساعة. واحدة أمنية أخيرًا. مي هتحاول الهروب. يا ريت تزودوا الحراسة. مبدخلش في شغلكوا لكن الاحتياط واجب. أمته التنفيذ يا فندم. اللواء: التنفيذ خلاص اتنفذ. مريم بعدم فهم: يعني إيه. اللواء: يعني خلاص المقدم الملقب بالطائر المخفي ماتت. اِتعدمت. مريم بصدمة: إزاي يا فندم.

اللواء: إزاي دي بقا بتاعتنا إحنا دلوقتي. معانا مريم سيف الدين مدربة الدفاع عن النفس فقط. اسمك في السجل عندنا اتغير. حتى في الجامعة. إحنا معندناش في المكتب مقدم بالاسم ده. دلوقتي أنتِ مدربة الدفاع بس. هترجعي تعيشي حياتك بعيد عن الإجرام والمخدرات. أنتِ كنتي عاوزة الحق وحقك جبتيه. ارجعي اتجوزي وعيشي في سلام يا مريم. خلاص كده. مريم بدهشة جلست على أقرب مقعد. مريم: يعني إيه. اللواء: يعني فاكرة إننا هنضحي بيكي أوي كده.

مريم: والجثة. اللواء: جثة حد تاني هتدفن بدالك. ومحدش هيشوفها. ولو شافوها. الطائر المخفي مكنش بيظهر في المهمات يا مريم غير المهمة الأخيرة. وخلاص خلص. مريم: تمام يا فندم. اللواء: لا اسمها تمام يا أونكل حازم. دلوقتي. صاحب والدك. وبسم. مريم ابتسمت بحب: تمام يا أونكل. اللواء: هسيبك تغيري هدومك علشان أوصلك القصر. مريم: تمام.

خرج اللواء حازم. تنهدت مريم وأخذت نفس عميق، كأنها كانت في كابوس وانتهى. فتحت الحقيبة وجدت فستان يصل للركبة لونه بنيتي مع حذاء أبيض. أرتدت ثيابها وخرجت ليصلها حازم إلى القصر. في القصر كانوا يجلسون. لم يعرفهم أحد موعد تنفيذ الحكم. وهذا أمر من اللواء حازم. رن هاتف قاسم. كان العسكري. قاسم: الووو. وكان الجميع ينظر إلى قاسم بقلق. جائه الرد. قاسم: المقدم الطائر المخفي تم إعدامها. وقع الهاتف من يد قاسم وهو يردد كلمة.

قاسم: انعد. انعدمت. كانت روز تأتي بصنية الشاي عندما سمعت جملته. وقعت الصينية من يدها وهي تصرخ. روز: لاااااا. مالك بصراخ: مررريم. مررريم. ماااالك. مالك بانتباه: مريم. التفت مالك ليرى مريم تقف بجانب الباب. سقط مالك أرضًا ولم يقدر على الوقوف. دلفت مريم سريعًا وجلست بجانبه وهي تضمه إليها بحنان. مالك ببكاء: ليه يا مريم. ليه. مريم: غصب عني. والله. خلاص أنا رجعت. قاسم بتوهان: هو في إيه. أنا مش فاهم.

مريم: اقعدوا وأنا أفهمكوا. وهمست لمالك قوم. مالك: لا مش هسيبكم. مريم: قوم. اللواء حازم ورايا. وقف مالك بصعوبة وجلس على الأريكة. ودلف اللواء حازم. مريم بدأت تقص عليهم ما حدث في المكتب. وبعد الانتهاء. مريم: وبس كده. قاسم: ولا ألف ليلة وليلة. روز: أخيرًا الكابوس خلص. مالك: الحقوني يا مأذون. اللواء حازم: كده مهمتي انتهت. هتعوزوا حاجة. الجميع: شكرًا لحضرتك. قاسم: مبروك يا مريم. مريم: الله يبارك فيك.

قاسم: بما إننا قاعدين. فـ النهارده آخر يوم في الـ 3 شهور. يا روز قررتي إيه. روز: ...