رواية عانيت لاحبك الفصل الأول 1 - بقلم فاطمة محمود

الفصل الأول "الـبارت الأول" "الـكاتبه فـاطمـه محـمود" تبدأ روايتنا بمحافظة الإسكندرية. نروح لبطلتنا. كانت نايمة نوم عميق. آية: سلمي بت يا سلمي قومي. سلمي بنوم: اممم. آية ابتسمت وجابت مياه ساقعة ودلقتها على سلمي. سلمي اتفزعت. سلمي بخوف: الحقوني. آية وقعت على الأرض ميته ضحك. سلمي اتعصبت أوي. سلمي بصوت عالي: ماماااا. ذينب جات عليهم. ذينب: في إيه مالكم. سلمي: شوفي بنتك هتقطعني. آية ضحكت أكتر.

فارس جه من ورا آية وكب عليها مياه. آية فجأة صرخت. سلمي ضحكت أوي. سلمي: حبيبي يا فروستي. فارس بضحك: قلب فروستك. آية بغيظ: هي بقت كده. هتحفلوا عليا ماشي. وجابت مياه وفضلت ترش مياه على فارس وسلمي. وفضلوا يضحكوا في سعادة. ذينب بتبصلهم بحب: ربنا يخليكم لبعض يا حبايب قلبي ويخليكم ليا. فارس حضنها: ويخليكي لينا يا ست الكل. وحضن أخواته ومامته. محمد: خيانة. ضحكوا عليه. وسلمي راحتله. سلمي بضحك: إحنا نقدر يا حمودي يا قمر.

محمد بضحك: البت دي بكاشة أوي يا زوزا. ذينب بضحك: طالعالك يا حبيبي. محمد ضحك: طيب يلا بقا عاوزين نفطر. ذينب: حاضر يا حبيبي. يلا يا حبايبي غيروا وتعالوا. كلهم: ماشي يا زوزا. ذينب راحت المطبخ تجهز الفطار. ومحمد قعد على السفرة. والبنات بيغيروا. وفارس خلص وطلع قعد جمب باباه. وفضلوا يتكلموا شوية. وبعدين آية طلعت وقعدت. آية بصوت عالي: إيه يا زوزا بقا. ذينب: خلاص أهو. حطت الأكل ذينب وقعدت. ذينب: سلمي فين.

آية: أهي ليها ساعة جوه مش عارفة بتعمل إيه. سلمي طلعت: جيت أهو. وقعدت. سلمي: النهارده أول يوم في الكلية. الواحد متوتر. آية: تتوتري وأنا معاك. سلمي: ده اللي قالقني. آية بتتكلم وهي بتاكل. فارس: إيه الأكل هيطير. يخرب بيت أم الطفاسة. آية بغيظ: مبحبش أضيع وقتي. سلمي بضحك: أهدي شوية طيب. آية بغيظ: باباه سكتهم أهو. محمد: مالكمش دعوة بتوتا قلبي. آية بابتسامة: حبيبي يا برنس.

سلمي بضحك: إنتي مش ملاحظة يا زوزا هانم الحب ده ولا إيه. ذينب بضحك: لا أنا واثقة إني الوحيدة اللي بقلبه. سلمي بضحك: ياواد يا جامد. محمد مسك إيدها وباسها. محمد بحب: ربنا يخليكي ليا يا زوزا. ذينب بحب: ويخليك ليا يا حبيبي. البنات وفارس ابتسموا على حب أبوهم وأمهم. محمد قام: يلا يا فارس عشان توصل أخواتك. فارس: يلا يا بنات. سلمي بصت لآية. سلمي: إيه يا أستاذة آية مش ناوي تقومي.

آية: قايمة أهو. واه قريب هاجي الشركة أتدرب. وأهو أسليكم شوية. سلمي بضحك: بلاش. فارس بضحك: أه سلمي معاها حق. بلاش. إنتي هتيجي تتخانقي مش تدربي. آية بضحك: لا عيب عليك. متقلقش. محمد: تنوريني في أي وقت يا توتا. آية: قلب توتا. محمد: أنا همشي وتوصل أخواتك يا فارس. وحصلني على الشركة. فارس: ماشي يا بابا. يلا يا بنات. البنات: يلا. .................................................................. نيجي عند بطلنا بقا.

نور: جو يا جو اصحي بقا. يوسف بنوم: خلاص صحيت أهو. فاق يوسف وقعد على السرير. نور: صباحوو ورد. يوسف بحب: صباح الجمال. نور: إنت السرير عاجبك ولا إيه. قوم بقا. يوسف بضحك: ماشي يا لمضة. نور: ماما حضرت الفطار. يلا متتأخرش. مش هقول تاني. يوسف: ما خلاص يابنتي. نور بضحك: حاضر. نور مشيت. ويوسف ضحك على جنان أخته. وبعدين قام أخد دش ولبس هدوم الشغل اللي هي بدلة الظباط. ورش برفان. وكان قمر يعني. خرج. باس راس والدته.

يوسف: صباح الخير يا حبيبتي. هناء: صباح الخير يا حبيبي. نور: ماليش في الحب الجانبي ده أنا يعني. يوسف باس خدها. يوسف: وإحنا عندنا كام نور. نور بضحك: واحدة. يوسف ضحك. هناء: امال سيف مجاش ليه. يوسف لسه هيرد. الباب خبط. ونور قامت فتحت. سيف: صباح النعناع. الكل: صباح الخير. نور: لو افتكرنا مليون جنيه ما كان جه. يوسف بضحك: أه والله. نور بضحك: مبفوتش ثانية على الميعاد بالظبط. سيف بضحك: مبحبش حاجة تفوتني.

هناء: تيجي في أي وقت يا حبيبي. سيف لسه هيرد. نور: هو بيمشي من هنا أصلا. يوسف بضحك: واخد إقامة هنا. سيف بغيظ: شايفة يا هنونة. وقام وقف. هناء: رايح فين يا حبيبي. أخص عليكم. سيبوا بقا. سيف: لا أنا بس هرتاح شوية. نور بضحك: أصلا. يوسف بضحك: ده إحنا افتكرنا. سيف بضحك: بقولك إيه اطلع منها إنت وهي. وقعد ياكل. وبعدين قام هو ويوسف راحوا الشغل. واخدوا نور يوصلوها معاهم في الطريق. ودعوا هناء. في العربية. آية: بقولك إيه يا فارس.

فارس: إيه يا توتا. آية: مش ناوي تفرحني بيك. فارس بضحك: ليه هو أنا ناقص وجع دماغ. كفاية عليا إنت. آية: حبيبي يا فروسة. متحرمش منك والله. بس يعني إنت مش ناوي تفرح البيت اللي ساكنين فيه ده. فارس: لسه الوقت مجاش. سلمي: وهيجي إمتى بقا. فارس: لما ألاقي اللي تخطف قلبي. آية بضحك: يعني قلب طيب. قلبي هادي. قلب فاضي. قلب كله حنان وعطف. يخطفك من الدنيا خطف. وإنت عاوزة نوعه إيه بقا.

فارس بضحك: قلب كله حنان وعطف يخطفني من الدنيا خطف. سلمي بضحك: لا لا فصلتني. آية بضحك: إيه خدمة يا زمك. بعد شوية وصل فارس سلمي وآية قدام الكلية. فارس: يلا أبوكم يعملني كفتة لو اتأخرت أكتر من كده عليه. آية بضحك: قلبه قاسي أوي حمودي. سلمي بضحك: طيب الحق نفسك. فارس بضحك: يلا سلام. سلمي وآية بضحك: سلام. في نفس الوقت وصلوا يوسف وسيف ونور بالعربية. ويوسف كان هيدخل في فارس بالغلط بس لحق ووقف العربية.

آية وسلمي اتخضوا وراحوا لفارس. سلمي بلهفة: فارس حبيبي إنت كويس. فارس: حبيبتي متقلقيش. أنا تمام. آية بتوتر: يعني محصلش حاجة ليك. فارس: اطمني يا توتا. آية بعصبية لسه كانت رايحة ليوسف عشان تزعق. فارس ماسكها. فارس: أهدي خلاص. يوسف: أنا آسف. مكنتش أقصد والله. إنت كويس. آية بعصبية وزعيق: لما حضرتك مش عارف تسوق بتركب عربية ليه. سيف أعجب بيها وبشجاعتها واستغربها في نفس الوقت. سيف: خلاص يا آنسة محصلش حاجة.

آية بغضب: أنا وجهت لك كلام. سيف اتضايق من طريقتها بس مردش عليها تاني. يوسف: حضرتك مكنتش أقصد. وبعدين عربية الأستاذة راجعة غلط. آية كانت هتتخانق معاه بس فارس ماسكها. فارس: معلش حضرتك إحنا آسفين. آية بزعيق: آسفين على إيه. فارس بعصبية: آية خلاص. سلمي: معلش حضرتك على أسلوبها معاك في الكلام. متقصدش. يوسف بص لها: تمام. ولا يهمك. نور: حصل خير يا جماعة. فارس: الحمد لله. جات كده. يوسف وسيف مشي. ونور دخلت الكلية.

فارس بص على آية: حبيبتي أنا آسف لو اتعصبت عليكي بس مينفعش تزعقي كده. آية: أنا قلقت عليك بس. فارس: ربنا يخليكم ليا. وحضنهم. سلمي: يعني إنت كويس يا فارس. فارس: أنا تمام يا حبيبتي. يلا بقا اتأخرتوا. ويبقا طمنوني عليكم. البنات: أوك. فارس: يلا سلام. سلمي وآية: سلام. ودخلوا الكلية.