رواية عانيت لاحبك الفصل الثاني 2 - بقلم فاطمة محمود

وصل فارس الشركة وبعدين دخل مكتبه. محمد: اتاخرت ليه؟ فارس: مفيش يا بابا. محمد: متاكد؟ فارس: اه يا حبيبي. محمد: هحاول اصدقك.. يلا عشان الاجتماع. السكرتيرة: العميل وصلو يا فندم ومنتظرين حضرتكم في غرفة الاجتماع. محمد: ماشي يا اسماء اتفضل. السكرتيرة: تمام يا فندم. محمد: يلا يا فارس. فارس: يلا. راحوا لغرفة الاجتماعات. ............................................ عند سلمي وآيه قاعدين في كافيه الكلية. آيه: ليه اتاخرت شهد؟

سلمي: رنيت عليها وقالت جايه في الطريق. شهد جات من وراهم و سلمت عليهم وقعدت. شهد: وحشتوني يا قمرات. آيه بضحك: انتي اكتر يا شوشو. سلمي بضحك: حبيبتي الي وحشتيني. شهد: عاملين اي؟ آيه وسلمي: الحمدلله يا روحي. شهد: عاوزين نشوف المحاضرة هتبتدي امتي. آيه: لا اقعد انا عرفت كل حاجة. شهد: ونتي عرفتي ازاي؟ آيه بضحك: يا بنتي عيب عليكي دا انا سنتين في الكلية دي يعني عارفة كل حاجة فيها.

سلمي بضحك: طبعاً دا انتي مفيش مكان بتروحي مبتعرفيش في كل حاجة. شهد: طيب يلا احنا هنقضيها كلام يلا نشوف المحاضرة. البنات: يلا. آيه دخلت المحاضرة طبعاً آيه اكبر من سلمي وشهد بسنتين يعني هي في تالتة هندسة. اما بقا عند سلمي وشهد دخلو المحاضرة وبيدوروا بعنيهم على مكان وفجأة لقوا بنت بتشاور ليهم. شهد: مين دي؟ سلمي: مش عارفة تعالي نروح نقعد وخلاص. راحوا للبنت وسلمي قعدت جنبها وشهد جنب سلمي.

نور: انا اسمي نور اكيد فاكراني احنا اتقابلنا الصبح. سلمي: اه اكيد انا سلمي. نور بصت لشهد: ونتي اسمك اي يا قمر؟ شهد: شهد. نور: تشرفت بيكم يا قمرات. سلمي: تسلمي. وبعدين دخل الدكتور وفضل يشرح لوقت طويل 3 ساعات وخلص وخرج. شهد: يخرب بيتك بالع نشره اخبار. سلمي بضحك: انتي من اولها بتدعي علي يا شوشو دا احنا مش هنشوف الراجل في اخر السنة من دعواتك. نور ضحكت اوي: اه والله. شهد: انا اي دخلني هندسة بس كنت استنى عدلي في بيتي.

سلمي بضحك: استهدي بالله تعالي نشوف آيه. سلمي بصت لنور. سلمي: تعالي معانا. نور: يلا. راحوا لـ آيه لاقوها لسه مخرجتش من المحاضرة. سلمي: تعالو نقعد في الكافيه لحد ما تخرج. البنات: يلا. .................................... عند يوسف كان قاعد في المكتب وتليفونه رن كان مالك. يوسف بابتسامة: اهلا بالناس الواطية. مالك بضحك: حبيب قلبي عامل اي؟ فجأة اتفتح الباب ودخل سيف. يوسف بص له: ميصحش والله تعالي اقعد مكاني.

سيف: حبيبي يا جو. ولسه رايح يقعد يوسف ماسكه من هدومه. يوسف: لا والله. سيف: مينفعش كدا احترمني دا انا ظابط زيك برضو. كل دا ومالك سامع وميت ضحك على يوسف وسيف. سيف استغرب: اي الصوت دا؟ يوسف: دا انت نسيتني يا اخي دا مالك. سيف: والله. يوسف ماسك الفون وفتح السبيكر. مالك بضحك: لسه زي ما انت مهزق يا سيف. سيف حط ايده على شعره: اي طحن الخواطر دا يا عم. مالك بضحك: معلش وحشتوني والله. يوسف: انت اكتر يا حبيبي.

سيف: عاوزين نشوفك يا عم. مالك: قريب. يوسف: على طول كدا اي الجديد؟ مالك: لا المرة دي بجد. سيف بضحك: في انتظارك يا ملوك. مالك بضحك: بعد ملوكه مش هنزل. سيف بضحك: تعيش وتسمعها. مالك: ماشي هكلمكو مرة تانية يلا سلام. سيف ويوسف: سلام. قفل الفون يوسف وبص لسيف. يوسف: معاك شغل تاني؟ سيف: لا كله تمام. يوسف: طيب انا هروح اجيب نور تعالي معايا واهو بعدين نتغدى سوا اهو نكسب ثواب فيك. سيف: طول عمري بقول عليك ابن اصول يا جو.

يوسف بضحك: طيب يلا. سيف بضحك: يلا. وخرجوا من المكتب وركبوا عربية يوسف وراحوا لكلية نور. ................................................................... في الكافيه قاعدة نور وسلمي وشهد وكانوا بيتكلموا وبيتعرفوا على بعض. نور: قولتلي عندك فارس وآيه ونتي الصغيرة. سلمي: اه ونتي بقا؟ نور: انا معايا يوسف اخويا هو اللي رباني بعد وفاة بابا كان عندي خمس سنين. سلمي: ربنا يخليكم لبعض. نور: يارب ونتي يا شهد؟

شهد: انا عندي اخ اسمو مراد. نور: ربنا يخليكم لبعض. نور: انا مبسوطة عشان اتعرفت عليكم والله. سلمي وشهد: شرف لينا يا نور. سلمي: انتي مش معاكي صحاب هنا خالص؟ نور: انا معنديش صحاب بس انتوا من انهارده صحابي اكيد. سلمي: اكيد يا حبيبتي. بعد شوية آيه خرجت وشافتهم قاعدين فا راحتلهم. آيه: ازيكم يا قمرات. سلمي: اهلا يا توتا. شهد: اهلا يا قلبي. نور: اهلا يا قمر. سلمي شاورت على نور وقالت.

سلمي: دي نور سا توتا اتعرفنا عليها انهارده بت لذيذة. آيه: باين عليها لذيذة وقمورة كمان. نور: حبيبة قلبي انتي اللي قمر والله. آيه بإحراج: اسفة على طريقتي في الصبح. سلمي: اه والله توتا طيبة خالص بس هي لما بتتعصب بتتغير 180 درجة. وبعدين سلمي ضحكت. نور: حصل خير يا حبايبي واحنا من انهارده صحاب. كلهم: اكيد. وقعدوا يتكلموا ونور اكتشفت أن آيه فعلاً زي ما قالت سلمي طيبة خالص وتتحب.

.............................................. عند يوسف وصل هو وسيف. يوسف: يلا يا سيف وهو باصص على البنات وهي خارجة من الكلية. سيف: روح انت و انا ها عاكس شوية. يوسف بضحك: والله انت مشكلة. وبعدين سابه ودخل لـ اخته نور. نور لمحت يوسف فا استأذنت وقالت. نور: طيب يا بنات مضطرة أمشي. سلمي: ليه ما تقعدي شوية كمان؟ نور: يوسف اخويا جي ولازم أمشي. نور ودعت البنات ومشيت. نور راحت لـ يوسف ومشيوا. يوسف: دا احنا صحابنا بقين.

نور بضحك: وقمرات كمان. يوسف: احكيلي يومك كان ازاي انهارده. نور: يوم حلو بصراحة كله هزار ولذيذ وسلمي كمان طلعت عسل أوي وشهد صحبتها واختها آيه كمان لذيذة خالص عكس ما شفناها الصبح. يوسف: هي مش سلمي دي البنت اللي في الصبح اختها اتخانقت معايا؟ نور بضحك: اه بس ازاي عرفت؟ يوسف: يعني الصبح اخوها كان بيقولها خلاص يا آيه ودلوقتي بتقولي اختها سلمي فا خمنت يعني. نور بغمزة: مركز انت. يوسف بضحك: مش ناقصاكي انتي كمان.

نور بضحك: امال سيف مجاش معاك غريبة يعني دا فاته نص عمره عشان مشافش البنات دي. يوسف بضحك: مين سمعك قالي ادخل وانا هعاكس البنات. نور بضحك: كدا اطمن إن هو سيفي. يوسف بضحك: طيب تعالي نشوفه. نور بضحك: يلا. يوسف ونور راحوا لعربية يوسف لاقوا سيف قاعد وفاتح الباب. سيف بغمزة: كريمة ماشية على الأرض. البنت بصت له بنظرة قرف ومرديتش عليه. يوسف ونور ضحكوا. يوسف بضحك: محدش بل ريق.

سيف بضحك: زي ما انت شايف كدا البنات كلها هتموت عليا اه والله. نور بضحك: اووي الصراحة. يوسف بضحك: طيب يلا زمانها نونا بتقول اتاخروا ليه. سيف: يلا. ركبت نور ورا ومشوا لبيت يوسف. .................................. عند البنات البنات كانوا بيتكلموا وفون سلمي رن وكان فارس. فارس: ايه يا حبيبتي خلصتوا؟ سلمي: اه يا فروسه. فارس: طيب انا جاي في الطريق اخدكم ماشيين؟ سلمي: خلاص اشطا. سلمي قفلت مع فارس.

سلمي: فارس شوية وجاي ياخدنا. شهد: طيب أمشي انا. آيه: استني يا بنتي امشي معانا. سلمي: ماتيجي يا شهد اتغدي معانا ونقضي اليوم زمان ما قعدنا كتير مع بعض. آيه: اه والله يا شوشو. شهد: ماما ممكن متوافقش. آيه: متوافقش اي انتي لو قعدتي عندنا شهر مش هتشال عليكي. شهد: بتحبني اووي الصراحة. سلمي بضحك: انتي هتقوليلي. فارس رن على سلمي. سلمي: فارس بيرن شكله وصل يلا بينا. البنات قاموا وخرجوا من الكلية وراحوا لفارس.

شهد: فروسه عامل ايه؟ فارس بضحك: عاش من شافك. شهد بضحك: متحرمش منك. فارس: طيب يلا اركبوا. فارس ركب وجمبه آيه وسلمي وشهد ركبوا ورا وبعدين مشوا بالعربية. فارس: قربنا نوصل يا شهد. سلمي: لا شهد عاملة اقامة عندنا انهارده. شهد: والله يا فارس قعدت اقولهم يا بنات لا يا بنات ماما مبتعرفش تقعد من غيري يا بنات مرة تانية. آيه بضحك: طيب انت مصدق أن احنا قولنا كدا يا فارس. فارس بضحك: لا.

ضحكوا كلهم وشوية وكانوا وصلوا قدام العمارة اللي فيها شقتهم. فارس: يلا يا بنات. نزلوا البنات وطلعوا وفارس ركن العربية ولسه هيطلع قابل شروق وحدة جارتهم معجبة بيه وعينيها عليه. شروق بمياعة: ازيك يا فارس. فارس بضيق: اهلا. شروق لسه هتتكلم. فارس: بعد اذنك. شروق: اتفضل. فارس طلع وشروق كانت باصة عليه. شروق بهيام: قمر. وفضلت واقفة لحد ما اختفى من قدامها ومشيت. فارس دخل شقتهم. سلمي: اي اتاخرت ليه؟ فارس: البت الملزقة شروق.

شهد بتقلد شروق بمياعة: عامل ايه يا فارس. فارس بضحك: بالظبط كدا والله. زينب: طيب وماله البت حلوة برضو. فارس: ماما اوعي تشيلي الموضوع دا من دماغك خالص. زينب: انا قولت حاجة. فارس بص لها: فاهمك يا زوزا انا مش عليا الحركات دي. زينب: هو حد يلاقي حد يحبه بس. شهد بضحك: مش لدرجة شروق يا زوزا وبعدين مشاء الله ايان صومالدر قدامك اهو بكرة يحب ويتحب. فارس: امين يا شوشو. زينب: طيب يلا عشان نتغدى سوا. الكل: يلا.

وقعدوا على السفرة واكلوا وبعدين قعدوا آيه وسلمي وشهد سوا في البلكونة وقعدوا يرغوا كتير وبعدين شهد استأذنت ومشيت فارس راح وصلها وبعدين رجع دخل اوضته ونام وسلمي و آيه كل واحدة راحت الاوضة بتاعتها وناموا وباباهم ومامتهم كمان راحوا اوضتهم وناموا.