رواية عانيت لاحبك الفصل السابع عشر 17 - بقلم فاطمة محمود

خلال اليومين اللي عدوا سيف حاول يصالح آيه كتير بس عنادها كان أكبر من كدا. يوسف وسلمي قربوا من بعض أكتر وحبهم كل يوم بيزيد. فارس بيحاول مع محمد أنه ينهي الموضوع ومفيش فايدة. مالك حزين وحياته بقت عبارة عن شغل وبس وبيحاول يهرب من الواقع بشغله. شهد بتتظاهر أنها كويسة بس جواها حزن بتداريه عشان فرحة صحبتها. مراد وملك لسه مكابرين ومحدش متنازل منهم يكلم التاني. البنات قرروا أنهم ميروحوش الكلية وأصحاب آيه.

أسراء وريهام وسلمي وشهد كانوا قاعدين سوا في أوضة آيه. آيه كانت بتلعب مع ياسين. آيه بضحك: خلاص يا ياسين تعبت من الجري وراك. ياسين بضحك: لما تمسكيني. آيه مسكته وضحكت: مسكتك اهو تعال هنا. ياسين وآيه فضلوا يضحكوا. آيه بصت لأسراء: ده بقا شقي أوي يا أسراء. أسراء بضحك: تعبتي منه من شوية، إنما أنا بقا 24 في 24. آيه بضحك: بس متنكريش إنه زي القمر. ريهام بضحك: أنتي مهتمة بيه أوي كدا يا آيه ليه؟

آيه باست خد ياسين: أصلًا ده حبيب قلب توتا. سلمي بزعل: أنتي بتلعبي مع ياسين وأنا لأ. آيه بصت على سلمي بضحك: يروحي يروحي، سلومتي زعلانة مني هاتي حضن. آيه فضلت تلعب مع ياسين وسلمي الصغيرة. سلمي بضحك: أنتي هتفضلي تلعبي يا توتا مش هنشوف اللي ورانا. سلمي الصغيرة بصت لسلمي بضيق: وأنتي مالك بيها. سلمي بضحك: هي بتزعل يا أسراء. أسراء بضحك: أوي، أوعي تيجي عليها. سلمي بضحك: لأ خلاص براحتك يا توتا العبي مع سلمي.

آيه بضحك: خلاص يا سلومتي نكمل لعب مرة تانية. سلمي الصغيرة: إشطا. زينب دخلت عليهم: تعالوا يا بنات ساعدوني في الأكل. أسراء: العبي يا سلمي مع ياسين عشان أعمل أكل مع طنط. زينب: لأ يا حبيبتي خليكي أنتي مع الأولاد. أسراء: يا طنط إحنا مش ضيوف، أنتي مش فاكرة كنتي باجي قد إيه قبل الجواز. ريهام بضحك: ما خلاص بقا أيام راحت عليها. شهد بضحك: أيام إيه اللي راحت، انهارده هنعوض كل حاجة. أسراء بضحك: أيوا يا شهد حمسيني كدا.

شهد بضحك: حاضر. آيه بضحك: طيب يلا بينا بقا. البنات كلهم راحوا على المطبخ مع زينب وحضروا الأكل واكلوا في جو كله هزار وضحك. سلمي كانت بتاكل الفون رن وكان يوسف. سلمي: عن إذنكم يا جماعة. أسراء بضحك: أيوا هي البدايات كدا. سلمي بضحك: أنتي بتسخنيني على الراجل يعني. أسراء بضحك: بقولك اللي بيحصل في الأول بس. آيه بضحك: روحي يا سلمي ردي عليه دي مش هتخلصي منها. سلمي ضحكت ودخلت أوضتها وردت على يوسف. سلمي: الو.

يوسف: اتأخرتي ليه على ما رديتي. سلمي: دي أسراء كانت بتترحم عليا. يوسف باستغراب: أسراء مين؟ سلمي بغيرة: دي صحبة آيه. وبعدين بتسأل ليه؟ يوسف بضحك: وأنا حد يفرق معايا غيرك أنا بس. بسأل على اللي شاغلك عني بس. سلمي بابتسامة: بتثبتني أنت كدا يعني. يوسف: لأ دي الحقيقة، أنتي عارفة إني بحبك. سلمي: عارفة. يوسف باشتياق: طيب وحشتيني اليومين اللي فاتوا دول. مشوفتكيش خالص.

سلمي بابتسامة: خلاص انهارده هتشوفيني كتير وهتزهقي مني كمان. يوسف بابتسامة: مستحيل أزهق منك. أنتي لو تشوفي نفسك بعنيا مش هتقولي كدا. سلمي بابتسامة: يعني ده مش اهتمام البدايات. يوسف بضحك: هو مين اللي لعب في دماغك وحرضك عليا. سلمي بضحك: أسراء. يوسف بحب: لأ مفيش من الكلام ده. وبعدين بدايات إيه، إحنا خلاص خطوبتنا انهارده وهنتجوز. سلمي بابتسامة: أنت مصدق يا يوسف أن خطوبتنا انهارده بجد.

يوسف بابتسامة: أكدب عليكي لو قولتلك مصدق. أنا مكنتش متخيل أن ممكن أحب أصلًا وأتجوز. سلمي: ليه يعني؟ يوسف: يعني مش عارف بصراحة. أنتِ بتعملي إيه دلوقتي. سلمي: كنت قاعدة مع البنات. وأنت بتعمل إيه؟ يوسف: ليه فايق من النوم. سلمي: وإيه اللي سهرك يا أستاذ. يوسف بضحك: أنتي السبب. سلمي: ليه أنا عملت إيه؟ يوسف: مش عاوزة تطلعي من دماغي. سلمي: آه يعني أنت عاوزني أطلع قول كدا.

يوسف بضحك: يابت اتهدي شوية. ما أنا كنت عاوز أنام. أعمل إيه. سلمي: لأ متعملش حاجة. أنا هطلع من دماغك. يوسف بضحك: أنا عارف دماغك ناشفة وبتمسكي في الكلام اللي على مزاجك. سلمي: أنت شايفني كمان نكدية يا يوسف. يوسف بضحك: والله ما قولت كدا. أنا آسف. وبعدين خلاص بقا انهارده خطوبتنا بلاش خناق. كفاية الأيام اللي فاتت. سلمي: أنا هعديها بس عشان انهارده خطوبتنا. يوسف بضحك: أنا عارف تضحياتك دي والله. سلمي: أنت بتتريق كمان.

يوسف بضحك: أبدًا والله. سلمي: ماشي يا يوسف. يوسف: قلب يوسف. أسيبك دلوقتي وأشوفك كمان كام ساعة يا قمري. سلمي بابتسامة: طيب سلام. يوسف: سلام. سلمي خرجت وقعدت مع البنات. يوسف قام من على السرير وأخد دش وغير هدومه وخرج. لقى نور وهناء وسيف ومالك قاعدين. يوسف: صباح الخير. الكل: صباح النور. سيف: كل ده نوم. يوسف: أعمل إيه. نمت متأخر. نور بغمزة: وإيه اللي سهرك. يوسف رما المخده على نور: بس يابت. يوسف بص لمالك: إيه يا عم مالك.

مالك بص له: إيه يا يوسف. يوسف: أخبار الشغل إيه. مالك: كويس. سيف: ده كمان بالعافية قعد من الشغل. مالك: الفكرة مش كدا بس أنا لسه بشتغل جديد. يوسف: مش هتيجي من يوم يا مالك. ولا أنت مش عاوز تشاركنا فرحتنا. مالك بابتسامة: لأ طبعًا عاوز. أنتو إخواتي. يوسف ومالك فضلوا يتكلموا. نور رنت على آيه فديو كول. نور: القعدة حلوة من غيري. آيه بضحك: لأ قولتلك تعالي. نور بضحك: أجي وأسيب إخواتي يعني.

آيه بضحك: يعني هتعملي إيه لإخواتك. كنتي جيتي شوية وبعدين مشيتي. نور بضحك: هعملهم ماسكات. آيه بضحك: بقا حضرة الظابط يوسف وسيف يعملوا ماسكات. نور بضحك: ما أنا هقنعهم بطريقتي. آيه بضحك: ورينا يا فنانة. سيف شاف نور بتكلم وبتضحك قام راح لها. سيف: بتكلمي مين يابت يا نور. وبص في الفون ولقى آيه اللي بصت له. سيف بابتسامة: توتا. آيه بصت له بابتسامة صفرا: أيوا. نور بضحك: طيب أطلع منها أنا يعني.

آيه: لأ لأ أنا هقفل عشان ورايا حاجات. كدا كدا إحنا اتكلمنا أنا وسيف. نور: طيب باي. نور قفلت وبصت لسيف. نور: تعال نعمل ماسكات. سيف بضحك: أنتي سامعة بتقول إيه. نور بضحك: دي توتا اللي طلبت كدا. سيف بصلها: جهزي الماسك وراجع. نور بضحك: إشطا. سيف ساب نور وخرج البلكونة ورن على آيه ومرديتش. سيف: وبعدين معاكي. بعدين سيف رجع قعد مع الشباب. هناء: لمين الماسكات دي كلها يا نور. نور بضحك: للعرسان.

مالك بضحك: هي الرجالة بقا ليها ماسكات. نور بضحك: بقا في كل حاجة. يوسف: ده مش ليا الكلام ده. نور: على فكرة سلمي طلبت كدا. يوسف: أنا لسه قافل معاها ومقالتش حاجة. نور: ماهي كانت عارفة إنك هترفض زي ما أنت دلوقتي رفضت. يوسف بص على نور وسكت. مالك بضحك: إيه يا حضرة الظابط وافقت. يوسف بصله: مفيهاش حاجة. هي الخطوبة كل يوم. سيف: أنا قولت كدا برضه. مالك بضحك: شايفه يا نونا البنات عملوا اللي محدش يعرف يعمله.

هناء بضحك: ربنا يفرح قلبكم يا حبايبي. نور بضحك: عقبال ما تعمل يا مالك. مالك بص لنور بضحك: مستحيل. نور بضحك: ما أهو شوفت اللي مش كان حد متوقع أبدًا. مالك بضحك: لأ لأ بس أنا مش هعمل كدا. وبعدين أنا حلو من غير ماسكات. سيف بضحك: زيادة نضارة. نور حطت الماسكات على وش سيف ويوسف ومالك هيموت ضحك على شكلهم. ............................................. عند البنات كانوا كلهم بيعملوا ماسكات. سلمي: زوزا. زينب: إيه يا سلمي.

سلمي: تعالي هحط على وشك ماسك. زينب: لأ اعملي ليكي. آيه: اعملي بس يا زوزا. زينب: طيب. آيه بصت لياسين: معملتش ليه لياسين يا أسراء. أسراء بضحك: ده إزاي. آيه بضحك: يعني هو جات عليه. تعال يا ياسين. ياسين: لأ مش عاوز. ريهام بضحك: راجل يااض والله. آيه بضحك: هتبقى زي القمر. ياسين: طيب. آيه بضحك: يا خلاصي عليه وهو بيسمع الكلام. أسراء: أنا بستغرب والله. سلمي بضحك: ليه بس. أسراء: بيسمع كلام آيه وأنا أمه لأ.

ريهام بضحك: ما أنتي خلفتي وهي ربت. آيه بضحك: ليه مش بتسمع كلام ماما يا ياسين. ياسين: عشان بحبك أنتي أكتر. أسراء: شايفة الواد. آيه بضحك: خلاص يا أسراء أنا هعمل تبديل للعريس وهخليه ياسين. ياسين: وأنا موافق. سلمي بضحك: ده لو سمعك سيف هيعلقك. أسراء بضحك: هو بيغير ولا إيه يا بت. آيه بغيظ: على الآخر. شهد بصت على آيه وحاولت تبان طبيعية. شهد بضحك: يبقا تعال يا ياسين نتجوز أنا وأنت. ياسين: لأ أنا عاوز توتا.

آيه: قلب توتا من جوا. فارس دخل الشقة ولقى البنات كلهم قاعدين. فارس: ازيكم يا بنات. البنات: الحمدلله. أسراء: إيه يا فارس. فارس بصلها: أسراء. أسراء بضحك: أيوا. فارس بابتسامة: عاملة إيه. أسراء: الحمدلله. فارس: اتغيرتي خالص. أسراء: الجواز والعيال بقا. فارس: هما دول ياسين وسلمي. ماشاء الله عليهم. أسراء: سلموا على خالو يا ولاد. ياسين وسلمي سلموا على فارس. وسلمي اللي فضلت متعلقة في رقبته. فارس بضحك: مش ناوية تسبيني.

أسراء بضحك: تعالي يا سلمي سيبي خالو. فارس: سبيها يا أسراء. فارس فضل يتكلم مع سلمي ويلعب معاها وبعدين قام ودخل أوضته. آيه مسكت الفون ولقيت مكالمة من سيف. كانت هترن عليه بس تراجعت في آخر لحظة وفضلت مع البنات. بعد وقت طويل كانو البنات بالفساتين والميكاب وكانوا رقيقين أوي وشكلهم يجنن. زينب: بسم الله ماشاء الله ربنا يبعد عنكم الحسد. البنات حضنوا زينب. شهد: خلاص متقلبوهاش نكد يا جماعة.

فارس دخل عليهم الأوضة: ماما تعالي برا الضيوف وصلوا. زينب: حاضر. زينب خرجت وكانوا ضيوف كتير وصلوا وسوزان منهم. زينب: إزيك يا سوزان. سوزان: أهلا. زينب بصت لملك بابتسامة: إيه القمر ده. ملك بابتسامة: تسلميلي يا طنط. زينب: البنات جوة روحي عندهم. ملك: حاضر. زينب رحبت بالضيوف كلهم هي وفارس ومحمد. ............................................ يوسف كان خلص لبس واقف قدام المرايا. يوسف: متوتر ليه أنت دلوقتي. إهدي كدا.

دخل عليه الأوضة مالك. مالك بابتسامة: بجد شكلك حلو. يوسف: متأكد. مالك: أه والله. يلا عشان متأخرش. يوسف: طيب استنى أبص على المرايا تاني. مالك بضحك: يابني أنت كدا بتتوتر أكتر. سيف دخل الأوضة: أنتو هتفضلوا في الأوضة كتير. مالك: خلاص خارجين أهو. بعد شوية خرج يوسف ومالك وسيف. نور كانت خارجة من أوضتها. يوسف: إيه الحلاوة دي. نور بابتسامة: بجد حلوة. مالك: ده أنا خايف عليكي من العين. نور بابتسامة: متخافش طول ما أنت موجود.

هناء: طيب يلا بينا. سيف: يلا. مالك فتح إيده لنور: يلا بينا إحنا كمان يا قمر. نور حطت إيدها في إيد مالك بابتسامة: يلا. نزلوا كلهم وركبوا العربية وبعد وقت وصلوا قدام العمارة اللي شكلها جميل بالأنوار. نزلوا وطلعوا الشقة وكان فارس استقبلهم. وبص على شكل نور اللي غير العادي ونور اتكسفت من نظراته. قعدوا كلهم ونور راحت للبنات جوة. وبعد شوية كانوا كلهم خرجوا والشباب انبهروا بشكلهم.

ومالك شاف آيه اللي انسحر في جمالها وغمض عيونه وحاول يسيطر على مشاعره اللي قربت تفضحه. هناء: قمرات يا حبايبي. سلمي وآيه: تسلمي يا نونا. بعدين يوسف وسلمي قعدوا على كرسيين جمب بعض. وسيف وآيه كمان. عند يوسف كان باصص على سلمي اللي شكلها خاطف قلبه. سلمي بصت له بابتسامة: بتبصلي كدا ليه. يوسف بنظرة حب: مش قادر أوصف إحساسي وأنا معاكي وجمالك اللي بيخليني عاوز أخبيكي من عيون الناس دي كلها يا سلمي.

سلمي بحب: أنا كمان مبسوطة أوي. مش عارفة دي حقيقة ولا خيال بس كل حاجة معاك حلوة يا يوسف. يوسف بابتسامة: أنا اللي مش قادر أرد على الكلام اللي هيوقف قلبي ده. سلمي بحب: بعد الشر عليك. يوسف ابتسم وفضلوا يتكلموا. ............................................. عند سيف اللي بيحاول يتكلم مع آيه. سيف: بس أنتِ قمر أوي انهارده. آيه بابتسامة: شكرا. سيف: مردتيش عليا ليه لما رنيت عليكي. آيه: كنت مشغولة.

سيف: وبعدين معاكي يا آيه. أنتِ هتفضلي كدا. آيه بصت له: كدا إزاي. سيف: قافلة معايا في الكلام. آيه: وإيه السبب اللي وصلنا لكدا. سيف: أنا عارف إني غلطان بس حاول تفهمي غيرتي. آيه: تتعصب عليا وتعلي صوتك. سيف: طيب ما أنا اتأسفتلك وحاولت أتكلم معاكي كتير وأنتي بتصديني. وانهارده لما كنتي بتكلمي نور كمان رفضتي تكلميني.

آيه بصت له شوية: وأنت لما تزعقلي وأنا أخاف منك هروح لمين. لما أضايق أنت مش عارف أنا اترعبت منك إزاي. يا سيف أنا محدش زعقلي بالطريقة دي قبل كدا وأنا مش قصدي حاجة من اللي حصل وأنت عارف ده كويس. سيف: حقك عليا يا قلب سيف. أنا آسف وهحاول أتحكم في عصبيتي المرة الجاية. آيه بصدمة: هو أنت هتتعصب عليا مرة تاني. سيف بضحك: لأ يا قلب سيف. بس مقولتليش رأيك فيا حلو. آيه بصت له: امم مش بطال.

سيف بضحك: هو كدا يعني عشان أنت قمر هتشوف نفسك علينا. آيه بضحك: لأ قمر بجد. سيف بابتسامة: أنتي اللي قمر والله. آيه: شوفت بقا الفستان حلو عليا إزاي. سيف: ما هو مش عاجبني برضو. آيه: أنت مش لسه قايل حلو. سيف بغمزة: ما هو مخليكي حلوة أوي. آيه بكسوف: سيف. سيف: قلب سيف. آيه بكسوف: بس بقا. سيف بضحك: حاضر. مالك كان متابع حوار آيه وسيف وحس بنار الغيرة جواه وكان بيتمنى لو كانت ليه. مالك: فوق يا مالك واركن قلبك ده على جنب.

نور جات قعدت جنبه: وتركنه ليه. مالك بص لها: لأ مفيش. نور: متأكد. مالك: أيوا. نور: طيب خد جيبالك عصير. مالك: ماشي. وبعد شوية كان يوسف بيلبس سلمي الخاتم وبيصلها بكل حب وبعدين باس إيدها. يوسف بحب: مبروك عليا يا سلومتي. سلمي ابتسمت. سيف لبس آيه الخاتم. سيف: مبروك يا توتا. آيه بابتسامة: الله يبارك فيك. نور كانت واقفة ومبسوطة عشانهم. وفارس كان واقف جنبها. فارس: حلوين. نور بابتسامة وهي باصة عليهم: أوي.

فارس: عقبالنا هنبقى أحلى منهم على فكرة. نور بابتسامة: أكيد. فارس بابتسامة: قريب يا نور. نور فاقت وبصت جمبها لقيت فارس: فارس. فارس بضحك: أيوا. نور: مش تعمل إيه صوت يا ابني كدا. فارس بضحك: ما أنا بكلمك وأنتي رديتي عليا. نور بابتسامة: امشي طيب. فارس بضحك: ولو ما مشيتش. نور بابتسامة: همشي أنا. نور مشيت. فارس بضحك: خدي يا مجنونة. نور بصت عليه ومردتش وراحت وقفت مع مالك. ويوسف وسلمي وسيف وآيه فضلوا يتصوروا كتير.

وبعدين اتصوروا معاهم نور وشهد وكلهم اتصوروا سوا. مراد وملك اللي كانوا بيبصوا على بعض بس محدش عاوز يتنازل منهم ويكلم التاني. بعدين ملك قعدت في ركن بعيد شوية وفضلت تتفرج عليهم. مراد قعد جمبها. مراد: احم احم. ملك بصت له ورجعت بصت قدامه. مراد: فستانك حلو. ملك: عارفة. مراد: ياواد يا مغرور أنت. ملك بهجوم: أنت عاوز إيه يا مراد. مراد بزعل: إيه الهجوم ده يا ملك. ملك: لأ أنا بتكلم عادي. مراد بصلها: عندك حق.

ملك حست أنها زودتها: مراد. مراد وقف وبصلها: إيه. ملك: ممكن نتكلم. مراد: ما أنا ليا ساعة بكلمك وحضرتك مش عاوزة. وكمان أنتي غلطانة أصلاً وبرضه كبريائك مش سامح ليكي تتكلمي. ملك بدموع: أنت شايفني كدا يا مراد. مراد: أنا مش شايف بس كل حاجة بتقول كدا. ملك: طيب ممكن نتكلم في مكان بعيد عن هنا. مراد: تمام. ملك وقفت في البلكونة تستنى مراد وبعد شوية راح لها. أول ما شافت مراد حضنته قوي. مراد حضنها: طيب أنتي بتعيطي ليه دلوقتي.

ملك بعياط: عشان بغبائي زعلتك مني. مراد بعدها عنه ومسك وشها بين إيديه: مين قال إني زعلان. ملك: يعني أنت مش زعلان. مراد: أنا زعلان بس أنك بعدتي عني اليومين دول. ملك: أنا آسفة يا مراد بس أنا كنت مضغوطة أوي وأنت مفهمتنيش. مراد: متتأسفيش يا قلب مراد. أنا اللي آسف إني اتعصبت عليكي ومحاولتش أفهمك. ملك رجعت حضنته وبعد شوية مراد بعدها عنه. مراد: يلا روحي جوة عشان مامتك. ملك: أنا تعبت يا مراد من كدا.

مراد: إن شاء الله كل حاجة هتبقى كويسة يا حبيبتي. ملك: يارب يا مراد. ملك دخلت ومراد فضل شوية وبعدين دخل وراها. ............................................ نور: ما تيجوا نرقص يا بنات. ريهام: ده الكلام التمام والله. شهد: طيب هترقصوا مهرجانات ولا أغاني. أسراء: عاوزين حاجة حلوة. ملك: أنا هشغل ليكم حاجة حلوة. وبعد شوية اشتغلت مهرجان "سنيورة حلوة أوي قمورة". سلمي: لأ ذوقك حلو يا ملك. آيه مسكت ياسين: تعال نرقص يا قلب توتا.

والبنات فضلوا يرقصوا كلهم وآيه اللي بترقص مع ياسين وناسية سيف. والشباب كل واحد بيبص على حبيبته وجواه غيرة. وبعد شوية البنات خلصوا رقص وفضلوا يتكلموا كتير ويضحكوا. يوسف اللي راح لسلمي ومسكها من دراعها: بعد انكم يا بنات بس عاوز سلمي. سلمي مشيت مع يوسف وبعدين وقفت في مكان بعيد عن الأنظار الناس. يوسف: هو إيه اللي أنتِ عملتيه ده. سلمي بابتسامة: رقصت. يوسف: ما أنا عارف بس إزاي تعملي كدا.

سلمي: في إيه يا يوسف. هي أول مرة تحصل ما رقصنا كلنا سوا ولا أنت ناسي. يوسف: لأ مش ناسي بس أنتي دلوقتي خطيبة يوسف المنشاوي. سلمي: يعني أخدتك بغرض ممنوع الرقص ولا إيه. يوسف: بعيد عن هزارك ده بس أنا محبتش خطيبة ترقص والشباب تتفرج عليها. سلمي بضيق: بس أنا مش برقص عشان الشباب تتفرج عليا يا أستاذ يوسف. يوسف: بس هي بنسبالي كدا. سلمي: لأ كدا كتير. بلاش الخنقة دي.

يوسف: أنتي دخلتي عالم يوسف بإرادتك وصعب تخرجي منه لأنه خلاص بقيت بتاعت يوسف وبس. سلمي بضيق: طيب يا يوسف أنا رايحة للبنات. يوسف: عارفة لو لمحتك اتحركتي متلمنيش على اللي هيحصل ليكي. سلمي: هتعمل إيه يعني. يوسف: عاوزة تعرفي هعمل إيه. سلمي: أيوا عاوزة. سلمي مكملتش كلامها ويوسف قرب منها وباس شفايفها وبعد عنها بعد وقت. يوسف: أكيد عرفتي هعمل إيه. سلمي بكسوف: يا سافل. يوسف بضحك: امشي من قدامي طيب.

سلمي مشيت وراحت للبنات وكل شوية تلاقي يوسف بيبص عليها. ............................................ آيه كانت واقفة مع البنات وماسكة إيد ياسين. ياسين: توتا عاوز عصير. آيه: حاضر يا روح توتا هجيب لك وأرجع. آيه كانت رايحة تجيب عصير لياسين وسيف شدها فجأة. آيه بخضة: سيف أنت مش هتبطل حركاتك دي. سيف بنرفزة: لما تبطلي حركاتك الطولية دي. آيه: لأ ما هي مش هتبقى عصبية على الفاضي والمليان ولا أنت عاجبك الموضوع العصبية ده خلاص.

سيف بعصبية: ما أنا قولتلك بلاش كل شوية تعصبيني. آيه: دي تاني مرة ياسيف تتعصب عليا وانهارده خطوبتنا. دا لو أنت فاكر. لما تتعصب بعدين تيجي تقول مش بإيدي وترجع تتعصب تاني. أنت عمرك ما هتتغير. آيه مشيت وساب سيف اللي اتعصب أنها سابته ومشيت. آيه أخدت عصير لياسين وكانت ماشية وكانت هتقع. مسكها مالك. مالك: أنتِ كويسة. آيه: أيوا شكرا يا مالك. مالك بابتسامة: على إيه أنا معملتش حاجة. أنتِ كويسة؟ في حاجة مضايقاكي.

آيه بابتسامة: لأ أبدًا. بعد إذنك. آيه مشيت ومالك فضل باصص عليها وبعدين شاف سيف مدايق وفهم أنهم اتخانقوا. ............................................. شهد كانت واقفة مع البنات. شهد: بنات محدش شاف الفون بتاعي. ملك: لأ. شهد: طيب هشوفه وراجعة تاني. ملك: استني هاجي معاكي. شهد: تعالي. شهد وملك فضلوا يدوروا على الفون بتاع شهد. شهد: ثواني افتكرت تعالي معايا. ملك: طيب الحمدلله يالا.

شهد وملك راحوا على الطاولة اللي عليها مراد ونجلاء. نجلاء: إيه يابت عمالة تلفي حوالين نفسك في إيه. شهد مسكت الفون: ده السبب. نجلاء: وأنتي سايبة الفون بتاعك إزاي. شهد: لما رقصت سبته هنا. كل ده ومراد باصص على ملك اللي مش عارف بيبصلها كدا ليه. ملك: إزيك يا طنط. نجلاء بابتسامة: أهلا يا حبيبتي. زينب: نجلاء تعالي معايا شوية. نجلاء: حاضر يا زينب. عن إذنك يا حبيبتي. ملك بابتسامة: اتفضلي يا طنط.

مراد: شهد سلمى بتشاورلك أكيد عاوزاكي. شهد: أوك يلا بينا يا ملك. شهد مشيت ومراد مسك إيد ملك. ملك: مراد. مراد: أيوا. ملك: سيب إيدي. مراد: لأ. ملك: مراد بهزرش حد يشوفنا كدا. مراد: ومقولتيش كدا ليه لما رقصتي. ملك: طيب سيب إيدي ونتكلم بعدين. مراد: لو مجتيش كمان دقيقتين مش هتشوفي حلو. ملك: حاضر. مراد ساب إيد ملك وقام وملك بصت على مامتها لقيتها واقفة مع زينب. خرجت وراحت عند مراد اللي كان مستنيها.

مراد بصلها: أفهم اللي حصل ده. ملك: إيه اللي حصل يعني. مراد بعصبية: إن حضرتك بتهزي بوسطك وقلبتي رقاصة. ملك بصت له بصدمة: إيه اللي أنت بتقوله ده يا مراد. مراد قرب منها ومسك دراعها: اتضايقتي أوي لما بقولك كدا. طيب مفكرتش فيا قد إيه هضايق لما بشوفك بترقصي. ملك: والله أنا برقص في خطوبة بنات خالي مش شايفني برقص في كباريه. ملك سألته ومشيت.

مراد بعصبية: ما هو دا اللي أنتي بتعمليه. كل مرة تبقي غلطانة وفي الآخر أنتي اللي بتزعلي. مراد فضل واقف عشان يهدأ شوية من عصبيته وبعدين رجع وقعد وفضل يبص على ملك. ............................................ نور: قاعدة مع سلمي بتتكلم ويوسف راح عندهم. يوسف: نور ماما عاوزاك. نور: راجعالك يا سلمي. سلمي بابتسامة: ماشي يا حبيبتي. نور مشيت ويوسف قعد جمب سلمي. يوسف: قاعدة وسايباني كدا.

سلمي: ليه يعني مش أنت اللي قومتي نور عشان تقعد معايا. يوسف بضحك: دي أنتي مركزة بقا. سلمي: يعني مقومتيش تاني وعملتي حاجة. يوسف: كان نفسي تعملي حاجة. سلمي: يعني اتضايقت لما رقصت ودلوقتي بتقول كان نفسي تعملي حاجة. يوسف بص على شفايف سلمي: كان نفسي أجربهم تاني. سلمي فهمت قصده: يوسف والله هقوم. يوسف بضحك: خلاص بهزر معاكي. ............................................ زينب كانت بتعرف هناء على سوزان ونجلاء.

زينب: دي نجلاء أم شهد يا هناء. هناء بابتسامة: تشرفت يا حبيبتي. نجلاء بابتسامة: الشرف ليا يا حبيبتي. زينب: دي سوزان أخت محمد يا هناء. سوزان: وحمات فارس إن شاء الله. نور كانت وصلت عند هناء وسمعت سوزان ووقفت مكانها. هناء بابتسامة: ربنا يتم بخير. زينب بصت على نور اللي واقفة: في حاجة يا حبيبتي. نور فاقت من صدمتها: هاا لأ مفيش حاجة. عاوزة حاجة يا ماما. هناء: لأ يا حبيبتي. نور مشيت وكلام سوزان بيتردد في دماغها.

فارس شافها ماشية راح عنده ومسكها وهي بصت له أوي. فارس: مالك يا نور. نور: هو أنت بجد. إزاي كدا. فارس: نور اتكلم بوضوح. أنا أصلاً متعصب منك بطريقة. نور فضلت تبص له وبعدين زاحته بإيدها وفارس بص لها ومش فاهم في إيه. بعد وقت كانت الخطوبة خلصت وكل واحد روح على بيته. نور كانت في أوضتها قاعدة على السرير ودموعها بتنزل. الفون بتاعها كان بيرن وكان فارس. بصت عليه وبعدين ردت عليه. فارس: كل ده عشان تردي.

نور: أنت بترن ليه وعاوز إيه. فارس: أنتي بتكلميني بالطريقة دي ليه يا نور. وممكن أفهم إيه اللي عملتيه ده. أنا بكلمك تذقيني وتمشي. نور: أنا مش عاوزة أكلمك تاني وابعد عني. ..........................................