رواية عانيت لاحبك الفصل السادس عشر 16 - بقلم فاطمة محمود

-وإني أحبك دون وضع مُسميات لهذا الحب أحبك كأنكَ العالم بأكمله مالك الطبق وقع منه والكل بص عليه واستغربوا. بعدين مالك فاق من صدمته وحاول يتمالك نفسه. زينب: انت كويس يا حبيبي؟ مالك: اه كويس معلش يا طنط وقع مني بالغلط. زينب: ولا يهمك. هناء: تعال يا مالك واقف ليه. مالك: حاضر. بعدين مالك قعد وسيف كمل كلامه. سيف: مقولتش يا عمو رايك ايه؟ محمد بضحك: والله يا بني انا متفق على قراية فاتحة واحدة بس. سيف بضحك: نخليهم اتنين بقا.

محمد: طيب نشوف رأي آيه. سيف بص لـ آيه المصدومة وكتم ضحكته: اهو يا عمو السكوت علامة الرضا. زينب بضحك: انت مش مديلها فرصة يا سيف. سيف بضحك: دا بدل ما تقولي البت موافقة يا حماتي. هناء بضحك: الواد متعشم دا بيقول حماتي يا زينب. سيف بضحك: اوي والله. يوسف بضحك: وافقو يا جماعة الواد علي ضمانتي. فارس بضحك: خلاص يا توتا وافقي ولو مش عجبك لي ضمان نغير. سيف بضحك: ايه دا يا عم فارس انت جيت تعميها بدل ما تكحلها.

فارس بضحك: بحاول اخليها توافق دلوقتي. سيف: نقرأ الفاتحة طيب. محمد: نقرأ الفاتحة. كلهم قرأوا الفاتحة وسيف باصص على آيه. وبعدين كلهم باركوا لسيف وآيه. مالك طول القعدة باصص على آيه اللي لاحظت نظراته وابتسمتله وهو فاق من تفكيره وابتسمالها وحاول يشيل عيونه من عليها. محمد: بعد اذنكم يا جماعة. يوسف: اتفضل يا عمو. محمد بص على آيه: آيه عاوزك. محمد وآيه راحوا المكتب وسيف فضل باصص عليهم. دخل محمد وآيه المكتب وقعدوا.

محمد بصلها: آيه. آيه: نعم يا بابا. محمد: انتي موافقة على خطوبتك من سيف؟ آيه بتوتر: لا. محمد بضحك: افهم ايه انا دلوقتي. آيه اتكسفت ومعرفتش ترد. محمد بخبث: طيب خلاص يا حبيبتي أنا هقول لسيف إنك مش موافقة. آيه ردت بسرعة: لا يا بابا. محمد: لا إيه؟ آيه بكسوف: قصدي يعني ازاي هتقول كدا واحنا قرينا الفاتحة. محمد: لو مش موافقة عادي. آيه بكسوف: موافقة يا بابا. محمد بضحك: طيب يا حبيبتي يلا نخرج زمانه الواد سيف قلقان.

آيه بضحك: يلا. محمد وآيه خرجوا من المكتب ودخلوا الريسبشن وقعدوا وسيف بصلهم. سيف: أوعى تكوني غيرتي رايك. محمد بضحك: لا أبداً. سيف: طمنتني أنا عاوز خطوبتي مع يوسف يا عمو محمد. محمد بضحك: انتو عاوزين كل حاجة بسرعة ليه؟ سيف بص لـ آيه: ولازمتو إيه التأخير؟ فارس: عنده حق سيف يا بابا كدا كدا هتحصل خطوبة وإن شاء الله كل حاجة هتبقى جاهزة. سيف بضحك: والله بحبك يا واد يا فارس. فارس بضحك: سيب الحب لناس التانية.

محمد: ماشي يا ولاد يبقى الخطوبة بعد يومين. يوسف: تمام يا عمو تستأذن إحنا بقى. زينب: ما تقعدوا شوية. هناء: الأيام جاية وهنقعد كتير يا حبيبتي. سلموا على بعض والكل مشي. يوسف ومالك وسيف ونور وهناء نزلوا ويوسف ومالك ركبوا قدام وسيف ونور وهناء ركبوا ورا. نور: بس إيه فاجأتنا يا سيف. سيف بضحك: أهم حاجة تكونوا مبسوطين. نور: الا مبسوطين دا مبسوطين أوي سلمى هتبقى مرات يوسف وآيه هتبقى مرات سيف.

مالك سمع الكلمة وقلبه وجعه وفضل باصص للطريق. هناء: ربنا يتم فرحتكم على خير يا حبايبي عقبالك يا مالك يا حبيبي. سيف: آمين يا نونا. مالك: بتقولي حاجة يا نونا؟ يوسف: إيه يا عم ملاحظ كدا إنك مش معانا. مالك: لا أبداً بس عندي شوية صداع. سيف: وهو الصداع ملقيش غير انهارده يجيلك. مالك بضحك: ما انت فاجأتني. سيف بضحك: وانت بقى امتى هتفاجئنا؟ مالك: والله لسه معرفتش مشاعرها. نور: هي مين دي يا مالك وأنا أعرف لك مشاعرها؟

مالك بضحك: بلاش انتي هتبوظي الدنيا. نور بضحك: انت بتحب ياض ومش عاوز تقول لأختك. سيف بضحك: وانتِ بتحشري نفسك في اللي مالكيش فيه ليه سيبي الواد يحب براحته. يوسف بضحك: سيب البت تحبك حب البت تسيبك. نور بضحك: آه والله الطرفين مبيظبطوش مع بعض خالص. مالك بضحك: هو إيه اللي سيب البت تحبك حب البت تسيبك. سيف بضحك: لما انت بتحبها ولسه مش معترف بحبك ليها شوف البت اللي أنا بحبها فاجأتها إزاي.

مالك: المشكلة إنها بقت بعيدة عني أوي.. ربنا يتم فرحتك على خير يا حبيب أخويا. هناء: بعيدة ليه بس يا حبيبي ربنا يفرح قلبك بس انت أنوي وأنا أروح معاك هي تلاقي زيك فين. مالك بابتسامة: ادعيلي يا نونا واكيد يا ماما هتبقي معايا انتي هو أنا ليا غيرك. نور: يعني هي بس اللي مالكش غيرها إحنا خيال مآتة ولا إيه. مالك بضحك: يا بت يا لمضة هي دي محتاجة كلام انتوا عارفين إنكم إيه بنسبالي.

هناء: ربنا يخليكم لبعض ويخليكم ليا يا حبايبي وعقبال ما أفرح بيكم. بعدين وصلوا قدام العمارة ونزلوا وكل واحد طلع شقته. *** شهد: طيب يا جماعة أنا همشي. فارس: استني يا شهد هوصلك. شهد: لا يا فارس مراد جي تحت. زينب: خدي بالك من نفسك يا حبيبتي. شهد بابتسامة: حاضر يا زوزا.. ألف مبروك يا بنات مرة تانية. آيه بابتسامة: الله يبارك فيك يا شوشو. سلمي بابتسامة: عقبالك يا روحي.

شهد ابتسمت وسلمت عليهم ونزلت لمراد ولقيته واقف بالعربية ركبت ومراد مشي بالعربية. شهد بضحك: اسكت مش قرينا فاتحتين انهارده. مراد بضحك: قريوها مرتين ولا إيه؟ شهد بضحك: لا آيه اتقرت فاتحتها كمان. مراد: دا مين؟ شهد: سيف صاحب يوسف. مراد: عقبالك يا شوشو. شهد بحزن: مبقتش فارقة. مراد: بتقولي إيه؟ شهد فاقت من شرودها: بقولك إن شاء الله. مراد: هي ملك كانت موجودة؟ شهد: لا مش كانت موجودة ولا هي ولا أمها. مراد: آه.

شهد: هو انت مش عارف هي فين ولا إيه؟ مراد: مش بالظبط. شهد: انتوا متخانقين؟ مراد: هي سبب الخناقة. شهد: حتى لو هي السبب الحل إنك تسيبها زعلانة يا مراد. مراد: اللي حصل بقى. شهد: حاول تحل الموضوع. مراد: إن شاء الله.. يلا انزلي. شهد: انزل ليه؟ مراد بضحك: انتي عاوزة تباتي في العربية ولا إيه؟ شهد بضحك: لا بس مش واخده بالي. مراد بضحك: وإيه اللي واخد بالك؟ شهد: الحكاية كلها فاصلة وعاوزة أنام. مراد: طيب يلا بينا.

مراد وشهد نزلوا وطلعوا شقتهم وفتحتلهم نجلاء. نجلاء: حمد الله على السلامة. شهد ومراد: الله يسلمك. نجلاء: نقول مبروك لسلمي. شهد: هحكيلك كل حاجة بكرة يا نوجا عاوزة أنام بجد تصبحوا على خير. شهد دخلت أوضتها ورمت الفون على السرير وسمحت لدموعها تنزل فضلت تعيط شوية وهي حاطة إيدها على بوقها. شهد بعياط: خلاص يا شهد متعيطيش انتي اللي عيشتي نفسك في وهم سيف لـ آيه مش ليكي. فضلت تهدي نفسها وكل ما تبطل عياط دموعها بتزيد أكتر.

بعدين قامت غيرت هدومها ونامت على السرير وفتحت الفون وشافت صورته وبعدين خرجت وقفلته وفضلت دموعها تنزل بصمت لحد ما نامت. *** آيه كانت قاعدة على السرير وبتقلب في الفون وفونها رن وكان سيف وردت عليه. آيه: الو. سيف بابتسامة: إيه متطمنيش على خطيبك روح ولا عمل إيه؟ آيه: خطيبي أنا لسه بستوعب الكلمة لحد دلوقتي وبعدين خد هنا انت إزاي تعمل كدا من غير ما تاخد رأيي؟ سيف بضحك: عاوزاني أجلك دلوقتي هبقى قدام العمارة.

آيه: هو أنا بكلمك في إيه وانت بترد في إيه؟ سيف: طيب انتي مضايقة ليه دلوقتي؟ آيه: أنا بس مضايقة إنك مقولتليش. سيف: يعني انتي مش كنتي حابة كدا ولا انتي مش بتحبيني أصلاً؟ آيه: لا مش كدا يا سيف. سيف بتمثيل الزعل: لا هي كدا أنا كل الحكاية فكرت أفاجئك كنت فاكرك هتفرحي بس النتيجة غير كدا خالص ومش بتحبيني. آيه بسرعة: مين قال إن أنا مش مبسوطة ومش بحبك. سيف بابتسامة: طيب ليه مضايقة أنا حبيت أعمل مفاجأة كدا كدا كنا هنتخطب.

آيه بابتسامة: أنا بس كنت عاوزة أبقى عارفة. سيف: طيب بذمتك مش كدا أحلى؟ آيه: حلوة. سيف بضحك: حلوة بس. آيه بضحك: كانت حلوة أوي. سيف: مفيش حاجة حلوة بعدك. آيه اتكسفت وسكتت. سيف بضحك: أكيد اتكسفتي وخدودك بقت زي الفراولة. آيه بضحك: طيب انت مش معاك شغل وأنا كمان معايا كلية يلا روح نام بقى. سيف بضحك: بتهربي يعني ماشي هشوفك بكرة. آيه بضحك: ماشي سلام. سيف: توتا. آيه: يانعم. سيف: بحبك. آيه بكسوف: تصبح على خير.

سيف بضحك: ماشي هعديهالك المرة دي بس المرة الجاية هتقوليها.. وانتِ من أهل الخير. آيه قفلت مع سيف ونامت. *** مالك كان واقف في البلكونة وبيشرب سجاير وماسك الفون على صورة آيه. مالك: كنت هقولك انهارده قد إيه بحبك بس مش عارف ليه في كل مرة كانت حاجة بتحصل مقدرتش أقول حاجة ده أخويا قبل ما يكون صاحبي بس اسمك كل ما يتقال مع سيف قلبي بيوجعني. نزلت دموع مالك وهو باصص على صورة آيه. *** صباح جديد.

يوسف فاق من النوم ومسك فونه ورن على سلمى اللي ردت عليه. سلمى بنوم: الو. يوسف بابتسامة: صباح الجمال يا سلومتي. سلمى بنوم: صباح الخير مين؟ يوسف بضحك: انتي النوم ماثر عليكي ولا إيه؟ سلمى قامت بسرعة وقعدت: يوسف. يوسف بابتسامة: آه يا روح يوسف. سلمى بابتسامة: أنا اتعود أصحى على صوتك كدا. يوسف بابتسامة: هو أنا عندي كام سلمى يعني. طيب فقي كدا ويلا عشان الكلية بتاعتك. سلمى بضحك: أوو ابتدينا اهتمام. يوسف بضحك: عندك مانع يعني؟

سلمى بضحك: هو حد يلاقي اهتمام يوسف المنشاوي ويقول لأ. يوسف بابتسامة: طيب يلا بقى قومي ومتتأخريش عشان عاوز أشوفك. سلمى: تشوفني إزاي؟ يوسف: ما أنا هوصل نور وعاوز أشوفك. سلمى بابتسامة: ماشي يلا سلام. يوسف: سلام يا قمر. سلمى قفلت مع يوسف وآيه دخلت عليها الأوضة. آيه: انتي لسه ملبستيش هنتاخر على الكلية. سلمى: هقوم ألبس أهو. آيه: طيب متتأخريش.

سلمى لبست وخرجت وفطرت معاهم وبعدين نزلت هي وفارس وآيه ركبوا العربية وصلوا قدام الكلية كان يوسف واقف بالعربية ونور بتنزل. نور بابتسامة: إيه الصدفة القمر دي. سلمى بابتسامة: انتي اللي قمر. آيه: صباح الورد. نور: صباح الجمال. فارس: عامل إيه يا يوسف؟ يوسف: بخير يا حبيبي. سلمى بصت على يوسف اللي باصص عليها واتكسفت. ويوسف ضحك عليها. سيف: مفيش صباح الخير ليا؟ آيه: لا. سيف بضحك: ماشي. نور بضحك: يلا بينا طيب.

كانوا هيمشوا شهد كانت وصلت. شهد بابتسامة: صباح النعناع. الكل رد عليها. فارس: انتي جاية لوحدك يا شهد؟ شهد: مراد راح الشركة كان عاوز يوصلني بس أصريت عليه يمشي عشان ميتاخرش. فارس: طيب أنا كمان هروح الشركة يلا سلام. فارس ركب عربية في طريقه لشركته. شهد: ألف مبروك يا منشاوي عقبال الليلة الكبيرة. يوسف: الله يبارك فيكي يا شوشو. سيف: هو أنا محدش ليه بيباركي؟ نور بضحك: محدش مستوعب إنك خلاص خطبت. شهد بابتسامة: مبروك يا سيف.

سيف بابتسامة: الله يبارك فيكي عقبالك كدا. شهد ابتسمتله ودخلت من باب الكلية هي والبنات ويوسف مشي بالعربية على شغله. *** نروح لمكان أول مرة نروحله وهو بيت سوزان. ملك كانت في أوضتها كانت خلصت لبس وكانت واقفة وماسكة الفون. ملك: طيب وأنا أرن ليه ده هو مصدق واهو مش معبرني حتى. قفلت الفون وخرجت لقيت سوزان قاعدة على السفرة. ملك: صباح الخير. سوزان بصتلها: هيجي منين الخير وانتِ مش بتعملي حاجة قدامك: حاجة إيه أعملها؟

سوزان: يابت قولتلك قربي من فارس وانتِ مش عملتي حاجة لحد دلوقتي اعملي حركتين خلي الواد يوافق على الجوازة. ملك: أقرب إيه انتي متخيلة لو قربت منه زي ما انتي عاوزة هو هيبصلي بنظرة إيه؟ سوزان: اهو بغبائك دا طالعة لابوكي الله يسامحه على اللي عمله. ملك: وهو بابا عمل إيه؟ سوزان: مسبلناش حاجة نعيش بيها. ملك: حاجة إيه يا ماما انتي مش تحمدي ربنا على اللي انتي فيه وخالو مقصرش معاكي ولا بابا الله يرحمه.

سوزان: دافعي عن أبوكي ما انتي بنت أبوكي. امبارح كانت قراية فاتحة سلمي وآيه. ملك: مروحتيش ليه؟ سوزان: وهو قالي دا قالي بعد ما مشيوا من عندهم أكيد مراته هي اللي قالتله ميقولش. ملك: أكيد مش كدا يا ماما. سوزان: هو انتي هدافعي عنها انتي كمان؟ ملك قامت ومسكت شنطتها: لا يا ماما. سوزان بصتلها: رايحة فين؟ ملك: رايحة الكلية. سوزان: مش تفطري. ملك: ماليش نفس. سوزان: بلاش تأخيرك اللي زاد عن حده دا. ملك: حاضر.

ملك نزلت وركبت تاكسي ونزلت قدام المطعم اللي بتقابل فيه مراد دخلت وعلى أمل أنها تلاقيه بس ملقتهوش وخرجت. مراد خرج من الحمام اللي في المطعم ورجع قعد على الترابيزة اللي متعود يقعد عليها مع ملك. مسك الفون وكان هيرد. مراد: أرن ليه ده حتى هي مجاتش على نفسها وجات عشان تشوفني. قفل الفون وحاسب على القهوة اللي طلبها وبعدين خرج. ركب عربية وراح على الشركة. *** البنات كانوا خلصوا أول محاضرة وقعدوا في الكافيه.

نور: يوسف وسيف عاوزين انهارده تروحوا معاهم المول. سلمى: ده ليه؟ نور: أنا مش عارفة. آيه: انتي متعرفيش يا سوسا. نور بضحك: انتي واخدة عني فكرة غلط. سلمى: طيب بجد ليه؟ نور: هي المفاجأة من امتى بتتقال. آيه بضحك: قولي لينا انتي بس واحنا هنتفاجئ متشليش هم. نور بضحك: يا بنات هي كلها كام ساعة وهتعرفوا. سلمى: منك لله يا نور. نور بضحك: المنشاوي يزعل لو قولتلك. سلمى بابتسامة: لا يزعل ليه خلاص متقوليش.

نور بضحك: بت يا توتا البت اتسبتت أول ما جات سيرته. آيه بضحك: انتي ملاحظتيش نظراتهم قدام الكلية. سلمى بصدمة: هو انتوا مركزين أوي كدا؟ نور بضحك: أمال إيه كل حاجة واضحة قدامنا. نور بصت على شهد اللي ساكتة: مالك يا شوشو؟ شهد بصتلها: مفيش يا نور. سلمى: لا لا إحنا كدا نقلق بجد. آيه: مش عادتك إنك تبقي ساكتة مالك بقى. شهد: ماليش يا بنات بس مصدعة معرفتش أنام كويس.

نور: طيب تعالوا نشرب آيس كوفي وانتِ تبقي زي الفل وبعدين ندخل المحاضرة. البنات: أوك. بعدين البنات جابوا آيس كوفي ودخلوا المحاضرة. *** فارس كان قاعد في مكتبه بيشتغل والباب خبط. فارس: ادخل. ندا: حضرتك الورق اللي طلبته. فارس أخد الورق وبص عليه. فارس: إيه ده يا ندا مش ده اللي طلبته منك؟ ندا: ليه يا فندم بس إيه الغلط؟ ده زي ما طلبته حضرتك. فارس بعصبية: انتي كمان مقصرة في شغلك وبتجادليني؟ ندا سكتت. فارس: اتفضلي على مكتبك.

ندا خرجت وفارس بص في باقي الورق ولقيه زي ما طلبه. فارس: هو أنا إزاي مش مركز كدا يعني البت مش غلطانة واتحملت عصبية أنت مش مركز ليه يا فارس الله يسامحك يا بابا انت السبب. ساب الورق ورجع بالكرسي لورا: أعمل إيه دلوقتي الموضوع متعقد بجد. رجع بص للفون ومسكه ورن على نور اللي مرديتش. فارس: يا غباءك ما هي أكيد معاها محاضرات.. أعمل إيه محتاج أتكلم معاها.

قام وقف قدام شباك كبير وكان ماسك القهوة بيشرب منها وبعد شوية رجع كمل شغله. *** آيه كانت خلصت المحاضرة وخرجت وكانت معاها صاحبتها ريهام. ريهام: كل دا وأنا معرفش. آيه بضحك: والله ما كان حد عارف حاجة كل حاجة كانت فجأة. ريهام بضحك: عالعموم ألف مبروك يا توتا. إسراء جات عليهم فجأة: ألف مبروك على إيه؟ آيه بضحك: انتي كل مرة تيجي كدا تخضينى. ريهام: دي آيه اتخطبت. إسراء: آه ما أنا لما مش باجي كتير مش متابعة أي أخبار.

ريهام بضحك: هي الأخبار لسه جديدة أصلاً. إسراء بضحك: طيب وإيه الواد مزة يابت. آيه بضحك: يخرب بيت لسانك دا يابت انتي متجوزة؟ إسراء بضحك: هو في فحلاوة جوزي حبيبي. ريهام بضحك: بتقلب في ثانية. إسراء بضحك: بس أوعي تغلطي غلطتي. آيه بضحك: غلطة إيه؟ إسراء: متتجوزيش غير لما تخلصي كلية الأول انتي مش شايفة إني مش عارفة أعمل أي حاجة الكلية مش باجيها كل يوم والأولاد بسيبهم مع ماما ومحمد عاوزني أسيب الكلية عشان ياسين وسلمي.

آيه: هما عاملين إيه حبايب قلب توتا؟ إسراء: مطلعين عيني. ريهام بضحك: ربنا يكون في عونك بجد جوز وعيال وكلية دا انتي يتعملك تمثال. إسراء بضحك: هعمله بعد ما أخلص الكلية دي عشان يشوف الإنجازات اللي حصلت. آيه بضحك: سيبك منها امتى هتتجوزي انتي وممدوح بقى. ريهام: والله سافر ولسه محددناش معاد الفرح. إسراء: اسمعي نصيحتي يعني الجواز هيروح فين.

آيه بضحك: ابعدي منها دي لو سمعتي كلامها مش هتتجوزي دي هتعمل كل اللي كانت عاوزة تعمله فيكي. ريهام بضحك: متقلقيش. آيه بضحك: طيب بقى همشي أنا. إسراء: هي الخطوبة امتى؟ آيه: بعد يومين هستناكم. إسراء: من النجمة هتلاقيني عندك أنا وحبايب قلبك. آيه بضحك: تنوري يا حبيبتي.. وانتِ يا ريمو هستناكي. ريهام بضحك: هتلاقيني مع إسراء. آيه: ماشي يا حبايبي يلا سلام. إسراء وريهام: سلام يا توتا. آيه مشيت وراحت للبنات كانوا واقفين سوا.

سلمى: فينك كل دا؟ آيه: جيت أهو. نور: طيب يلا بينا. شهد: طيب يا بنات أنا ماشية. نور: ماشية فين إحنا هنروح سوا. شهد: أنا أروح ليه كل واحد مع خطيبته. سلمى بضحك: ما هي نور حاشرة نفسها تعالي انتي كمان. نور بضحك: وهي تبقى مفاجأة حلوة من غيري. شهد: لا روحوا انتوا مراد هيجي ياخدني. آيه: شهد خلاص انتي هتروحي يعني هتروحي.

شهد حاولت إنها متروحش معاهم عشان متشوفش سيف بس مش فايدة بعد شوية كان يوسف وصل بالعربية وسيف والبنات ركبوا ويوسف مشي. *** مالك كان قاعد في مكتبه في المستشفى والباب خبط. ودخل عمر شاف مالك قاعد سرحان. عمر: مالك يا مالك. مالك: إيه يا عمر في حاجة؟ عمر قعد وبص لمالك: انت اللي في حاجة. مالك: لا مفيش حاجة أنا كويس. عمر: بالشكل دا انت كدا كويس. مالك يضيق: انت عاوز توصل لإيه يا عمر؟ عمر: أنا بس عاوز أطمن عليك.

مالك: قولتلك كويس خلاص بقى. عمر: طيب عن إذنك. مالك: عمر. عمر رجع بصله: نعم يا مالك. مالك: أنا آسف أنا بس متلخبط الفترة دي حقك عليا. عمر بابتسامة: ولا يهمك أهم حاجة إنك كويس. مالك بحزن: عارف لما تبقى زعلان على نفسك وعلى حظك وعلى نفسيتك تقريباً ده أبشع إحساس ممكن تحسه في حياتك. عمر بصله بتفكير: أنا مش فاهم كلامك بالظبط بس الكلام دا وراه حاجة. مالك بابتسامة وجع: والله ولا أنا فاهم حاجة.

عمر: أنا موجود لو احتجت تتكلم معايا في أي حاجة. مالك بابتسامة: ماشي يا حبيبي. *** يوسف كان وصل قدام المول والبنات نزلوا. سيف: هو مالك وفارس مش جايين؟ يوسف: لا أنا قولت لفارس ومالك عارف هرن عليهم أشوفهم. يوسف بعد شوية ورن على فارس اللي رد عليه. فارس: أيوا يا يوسف. يوسف: فينك يا بشمهندس فارس؟ فارس بابتسامة: خارج أهو من المكتب. يوسف: طيب يلا متتأخرش. فارس: طيب مالك معاك؟ يوسف: لاا شوفه وتعالوا سوا. فارس: طيب يلا سلام.

فارس قفل وخرج من المكتب وندا وقفت بصتله. فارس بص لها: ندا آسف مقصدتش أتعصب عليكي. ندا: ولا يهمك يا فندم. فارس بابتسامة: أهم حاجة متزعليش. ندا ابتسمت: لا يا فندم. فارس خرج وركب عربية ورن على مالك اللي رد عليه. فارس: إيه يا عم مالك خلصت؟ مالك: لاا ليه؟ فارس: هو انت مش عارف إن يوسف والبنات راحوا المول؟ مالك: آه افتكرت هو قالي. فارس: طيب هعدي عليك. مالك: لاا روح انت أنا معايا شغل ومش هينفع أروح.

فارس بضحك: انت مستغني عن الخروج دي يعنى؟ مالك بضحك: يابني والله معايا شغل. فارس: طيب هقول ليوسف إيه دلوقتي؟ مالك: متقلقش أنا هقوله بعدين. فارس: طيب ماشي هكلمك تاني. مالك: ماشي مع السلامة. مالك قفل وعمر بصله اللي كان قاعد قصاده. عمر: ليه يابني كدبت انت خلاص مش معاك شغل تاني؟ مالك رجع راسه على الكرسي: كدا أحسن ليا. عمر: انت فيك حاجة يا مالك. مالك أخد نفس طويل: مش عارف أشرح اللي جوايا.

عمر: طيب احكي وأنا أسمعك ممكن نوصل لحل. مالك بص لها: هي معقدة مفيهاش حل. عمر: إيه يا ابني كمية اليأس دي. مالك: كل الحكاية إني بحب بنت واتخطبت لصاحبي. عمر: طيب انت معترفتش بحبك ليها ليه؟ مالك: كل مرة كنت بقولها كانت بتحصل حاجة كأنها بتقولي إنها مش ليك. عمر: انت بتحبها أوي كدا يا مالك؟ مالك: كنت فاكر إني بحبها بس اكتشفت إني بعشقها مش متخيل إنها هتبقى لحد تاني. عمر كان هيرد عليه بس فون مالك رن وكان يوسف.

مالك: أيوا يا يوسف. يوسف: يعني انت عاوز تسبني في يوم زي دا يا مالك؟ مالك بابتسامة: يا حبيبي والله مش بإيدي انت عارف معزتك عندي. يوسف: طيب مفيش أمل خالص إنك تيجي؟ مالك معرفش يقول لأ ليوسف وعمر هز رأسه بأنه يوافق: طيب خلاص هاجيلك. يوسف بابتسامة: متتأخرش. مالك: ماشي. مالك قفل وبص لعمر اللي اتكلم: أيوا كدا بلاش تزعل صاحبك وهو أكيد صعب عليك إنك تروح بس عشان صاحبك. مالك بابتسامة: طيب ماشي همشي أنا.

عمر بضحك: هتمشي بالهدوم دي؟ مالك بص على هدومه بضحك: والله ما بقيت مركز في حاجة. عمر: طيب يلا عشان متتأخرش. مالك غير هدومه وخرج من المستشفى وركب عربيته وبعد وقت وصل قدام المول ونزل ورن على يوسف. مالك: أنا قدام المول انت فين بالظبط؟ يوسف: ادخل الدور التاني هتلاقي محل فساتين. مالك: طيب. مالك دخل وطلع الدور التاني وأول ما دخل المحل لقي آيه لابسة فستان حلو جدا وتاه في جمالها.

آيه بابتسامة: طيب بالله عليك يا مالك مش الفستان حلو؟ مالك بص لها بابتسامة: زي القمر عليكي. سيف بغيره: قمر إيه يا عم مالك. مالك بابتسامة: قصدي الفستان حلو. نور بضحك: حاسب بقى عشان آيه بقت خط أحمر. مالك بابتسامة: أكيد مش بقت تبع سيف. يوسف: سيبك منه يا آيه أهم حاجة عاجبك. آيه بابتسامة: أيوا عاجبني. نور: يبقى خلاص هناخدو. سيف: أنا ماليش أي رأي كدا يعني. فارس بضحك: ما انت لو من الأول قولتلها حلو عليكي مكانتش أخدت رأي حد.

سيف بضحك: والله عم مالك قطع اللحظة أول ما دخل. يوسف: طيب يلا بينا. كلهم خرجوا من المحل ودخلوا محل بدل ومالك وفارس اختاروا مع يوسف وسيف وبعدين راحوا مطعم واتغدوا وخرجوا من المول وركبوا العربية وكل واحد روح. *** آيه وسلمى فرجوا زينب على الفساتين اللي عجبوهم. زينب بدموع وابتسامة: مش مصدقة لحد دلوقتي. سلمى: طيب بتعيطي ليه يا زوزا؟ زينب: بناتي كبروا خلاص وهيسبوني.

آيه: مين قال إننا هنسيبك دا لسه بدري أوي على الكلام ده اشبعي مني براحتك. زينب بابتسامة: طيب يلا ادخلوا غيروا هدومكم. سلمي وآيه: حاضر. سلمي وآيه كل واحدة دخلت أوضتها. وعند آيه أول ما دخلت الأوضة فونها رن وكان سيف. آيه: أيوا يا سيف. سيف: وانتِ دلوقتي فاكرة سيف؟ آيه: هو انت ليه بتكلمني بالطريقة دي يا سيف؟ سيف بعصبية: يعني كمان مش عارفة؟ آيه: يعني أنا لو عارفة هسأل؟ سيف بعصبية: بتاخدي رأي مالك بتاع إيه؟

ده أنا ما أخدتش رأي. آيه: طيب وانت فهمتها بالطريقة دي ليه؟ أنا مش قصدي حاجة. سيف بعصبية: آيه لتاني مرة بقولك تجنبي غيرتي. آيه: هو انت أي حاجة هتحصل هتتعصب عليا كدا؟ ده إحنا خطوبتنا بعد يومين لو هتفضل كدا بلاش أحسن. سيف بعصبية وغيره: لا خلاص مبقاش بمزاجك هو. آيه بعصبية: امال بمزاجك انت يعني؟ سيف بعصبية: صوتك ميعلاش مرة تانية هيكون أحسن ليكي. آيه بعياط: طيب أنا عاوزة أقفل دلوقتي. سيف: طيب انتي بتعيطي ليه دلوقتي؟

آيه بعياط: بقولك عاوزة أقفل. سيف بنرفزة: أنا مش بتكلم معاكي. آيه بعياط: وأنا بقولك عاوزة أقفل مش عاوزة أتكلم. سيف بعصبية: أنا غلطان سلام. سيف قفل وآيه بصت على الفون وعيطت. وسلمى دخلت عليها الأوضة لقيتها بتعيط. سلمى: توتا حبيبتي بتعيطي ليه؟ آيه بعياط: ده سيف. سلمى: ماله؟ آيه حكتلها اللي حصل بينها وبين سيف. سلمى: معلش يا حبيبتي هو غيران عليكي بس.

آيه بعياط: انتي مشوفتيش طريقته في الكلام معايا يا سلمي دا بيزعقلي وقفل في وشي بدل ما يصالحني. سلمى: أكيد هيصالحك بس انتي اهدي طيب تعالي يلا نخرج برا. آيه مسحت دموعها: لا أنا هنام. سلمى: طيب يا حبيبتي. سلمى خرجت وآيه نامت بعد عياط.