رواية عاشقة الصعيدي الفصل التاسع 9 - بقلم رحمة محمد

حازم: حور هتتجوز مراد آخر الأسبوع ده. نزل الخبر صدمة للكل، ما عدا ناصر، لأن مراد رن عليه وعرفه. ناصر ببرود: عارف. كلهم بصوا بصدمة: إيه! حازم باستغراب: عرفت إزاي؟ وإمتى؟ ناصر ابتسم بسخرية: مراد رن وعرفني بنفسه. فاطمة بصدمة: بس إزاي؟ ناصر ضحك: آه صح، نسيت أعرفكم إننا سبنا بعض بقالنا أسبوعين.

حازم ضحك وبدأ يغني: كان ليا فيوم حبيب، يا خسارة باعني بالغالي، اشتريته وبالرخيص باعني، آه يا ما آه، وآه يا با، دي عيلة واطية ونصابة. ناصر خبطه على دماغه: بس يااض. قمر كانت واقفة ساكتة وباصة في الأرض، وناصر كان متابعها. لاحظ دا حازم خبطه بخفة على إيده وغمز: مالك يا بيبي؟ ناصر انتبه وبص له: ولا حاجة. قمر بصت للحجة أمينة: أنا هروح أجهز نفسي عشان أمشي يا عمه. ومشيت دخلت أوضتها. ناصر بص

لفاطمة ولمامته باستغراب: هتمشي راحة فين؟ حجة أمينة بحزن: مصممة ترجع بيت أبوها. ناصر أول ما سمع الرد كان هيروح أوضة قمر، بس حازم وقفه وهمس: عرفت حماتي دلوقتي. ناصر بص له بضيق: وسع بس كده. ومشى بسرعة على أوضة قمر: انتي هتمشي لي؟ قمر كانت بتجهز شنطتها واستغربت من سؤاله، بس ردت: ملوش لزوم أقعد يا ناصر، هرجع بيتي. ناصر: وده كمان بيتك يا قمر، مش هتمشي.

قمر بصت له: لا، عايزة أمشي. وأنا أخدت الإذن من عمتي ووافقت، ومعنتش حابة أقعد هنا. ناصر بص ليها بحزن: هتمشي وتسبيني يا قمر؟ قمر بصت له باستغراب وهو كمل: أنا بعترف إني مكنتش بشوف حبك ليا، ومكنتش بصدق كلام أمي لما كانت بتقول إنك اللي هتحبيني وتصونيني، وصممت على حور وكلامها طلع صح في الآخر. أنا أسف يا قمر إني كنت غبي ومشفتش حبك، وأسف إني جرحتك، بس أنا دلوقتي. وقرب ليها وركز في عيونها: أنا بحبك يا قمر. قمر بصدمة: إيه!

ناصر ابتسم بحب: أيوه، بحبك. قمر دموعها نزلت ومكنتش مصدقة إنها سمعت الكلمة دي منه: أنت.. أنت. ناصر مسح دموعها: ششش، مش عايز أشوف دموعك دي تاني بسببي. عيطتي كتير، وأنا بوعدك هعوضك بحبك يا قمر. قمر ابتسمت وسط دموعها: وأنا.. أنا كمان بحبك جوه. ناصر قرب وحضنها جامد، وفجأة سمعوا صوت زغاريط برا. طلعوا الاتنين بسرعة. حازم وهو بيزغرط: باركولي، هتجوز أخيرًا. ناصر ضحك وبص لفاطمة،

لقاها قاعدة ومكسوفة: طب يا حجة، أنا كمان ناوي أتجوّز قمر. حجة أمينة بفرحة: بجد يا ولدي؟ ناصر بص لقمر اللي كانت مكسوفة هي كمان: جد الجد كمان. كان عندك حق، عمري ما هلاقي زي قمر. فاطمة زغرطت وجريت على قمر حضنتها، وكانوا كلهم فرحانين. وحازم بارك لناصر بفرحة كبيرة: ألف مبروك يا حبي. ناصر: يااض، استرجل بقى. إيه حبي دي؟ حازم ضحك: حاضر. ناصر: المهم، لو أختي اشتكت منك في مرة، عارف هعمل إيه فيك. حازم وهو بيضحك: أختك في عيني.

وبص للحجة أمينة: متقلقيش يا حماتي. حجة أمينة ابتسمت: ماشي يا ولدي، ربنا يسعدكم كلهم. وقربت من البنات حضنتهم: ألف مبروك يا حبايب قلبي. فاطمة وقمر بسعادة: الله يبارك فيكي يا ست الكل. والشباب حضنوا بعض، وكلهم بقوا مبسوطين.