رواية عاشقة الشوكولاتة الفصل الثالث 3 - بقلم الكاتبة منة كمال عاشور

فيروز : حاااسب ياعم محمد. كان في عربيه هتخبط عربية فيروز، بس عمي محمد اتفداها. بس للأسف خبط في العمود واغمى عليه. فيروز كانت مصدومة ومش عارفة تعمل إيه، نزلت من العربية بسرعة. فيروز : عمي محمد اصحى. عم محمد : لا رد. وهي كانت بتحاول ترن على الإسعاف. حسام شافها وهو راكب العربية ونزل بسرعة عشان يشوفها. حسام بخضة : إنتي كويسة؟ فيروز بعدم تركيز : آه آه كويسة، بس عمي محمد اغمى عليه. حسام : طب أنا هتصل على الإسعاف.

فيروز : آه رن بسرعة. حسام رن على الإسعاف وجوا ياخدوا عمي محمد، وكانت هتركب معاه بس رجل الإسعاف قالها ممنوع. حسام : خلاص اركبي معايا وأنا هوصلك لحد المستشفى. فيروز : لا مش عايزة أتعبك، هاخد تاكسي. حسام : لا طبعًا مفيش تعب ولا حاجة. فيروز : ماشي. وركب معاه. وصلوا المستشفى وحسام سأل على أوضة عمي محمد. وطلعوا واستنوا الدكتور يطلع. فيروز : طمني يا دكتور.

الدكتور : متقلقوش، هو كويس بس في جرح في دماغه والممرضة بتعقمه الجرح جوه. فيروز : الحمد لله، شكرًا يا دكتور. الدكتور : العفو، ده واجبي. فيروز هدت من التوتر. ولاحظت وجود حسام وإنه مشلش عينه من عليها. فيروز : أنا متشكرة أوي يا أستاذ، معلش تعبتك معايا. حسام : أولًا اسمي حسام السيوفي. ثانيًا مفيش تعب ولا حاجة، أي حد مكاني كان هيعمل زي كده.

فيروز : بس أنا لاحظت إنك لما كنت جاي على العربية كنت خايف عليه، مع إن كنت كويسة ومبصتش على عمي محمد خالص. حسام : عشان دي مش أول مرة أشوفك فيها. وحكالها كل حاجة. حسام : طب وإنتي اسمك إيه؟ فيروز : أنا اسمي فيروز محمد الأنصاري. حسام : تشرفت بمعرفتك جدًا يا فيروز. فيروز بتوتر : متشكرة، أنا أنا همشي بقى. حسام : طب اتفضلي أوصلك. فيروز : لا معلش، أنا هاخد تاكسي. حسام : لا مينفعش، الجو ليل ومش هينفع تروحي لوحدك.

فيروز : لا متخافش، أنا مش هيحصل حاجة. ولا نسيت. حسام : هههههههههه، لا يا عم الجامد منستش، بس مش هينفع برضو عشان أبقى مطمن عليكي. فيروز بكسوف : ماشي. وفجأة تليفونها رن. فيروز : بعد إذنك لحظة. حسام : اتفضلي. فيروز : الوو يا ماما. هبه : إنتي فين يا فيروز كل ده؟ فيروز حكتلها اللي حصل. هبه : طب يا حبيبتي خلي بالك من نفسك، وأنا هبعتلك بابا. فيروز : لا يا ماما، خليكي وأنا جايه أهو. هبه : ماشي يا حبيبتي.

فيروز : ماشي يا ماما، سلام. فيروز : يلا نمشي عشان اتأخرت. حسام : يلا بينا. فضلوا يتكلموا كتير ويضحكوا مع بعض، وحسام كان مبسوط أوي. فيروز : بس، اوقف هنا. شكرًا يا حسام وتشرفت بمعرفتك جدًا. حسام : بلاش الكلام ده يا فيروز، بقا مفيش شكر بينا. فيروز : شكرًا يا حسام. حسام : هه، تاني. فيروز : خلاص خلاص. حسام : هشوفك عند البحر. فيروز : لا مش هعرف، أنا تعبانة أوي النهارده وهنام، أنا حتى مش هروح التدريب.

حسام : ماشي يا عم كمال أجسام، اطلع وارتاح. فيروز : رخيم. حسام : ههه، منا عارف. فيروز : طب سلام يا رخيم. حسام بحب : سلام يا فيروز. فيروز بكسوف واستغراب : سلام. فيروز طلعت، وحسام مشي، بس كان كل واحد قلبه مع التاني. فيروز طلعت اتوضت وصليت ونامت على السرير وعيونها للسقف وكانت سرحانة في حسام. (في فيلا السيوفي) حسام : إيه يا بابا، عامل إيه دلوقتي؟ خالد : الحمد لله يا حبيبي، أحسن بكتير.

حسام : طب بكرة إن شاء الله هتصل بالدكتور ويطمني عليك أكتر. خالد : ماشي يا حبيبي، اطلع ارتاح شوية، أكيد تعبان من الشغل طول النهار. حسام : آه والله يا بابا، تعبان أوي، تصبح على خير. خالد : وإنت من أهل الخير يا حبيبي. حسام طلع غير هدومه واترمى على السرير من التعب وفضل سرحان في فيروز لحد لما راح في النوم. (تاني يوم عند طلوع أشعة الشمس الجميلة) هبه : اصحي يا فيروز. فيروز : يا ماما، نبي عايزة أنام، سبيني بقى.

هبه : اصحي يا بت، هتتأخري. فيروز بنوم : شوية بس. هبه بخبث : ماشي، ماشي نامي يا حبيبتي. فيروز : قلبي، واقفلِ النور وراكي. هبه خرجت وبعد قليل أتت ومعها إناء من الماء البارد وصبتها عليها وهي نايمة. فيروز : أعاااااااا! يلهوي، بغرق، بغرق! هبه : يلا يا زفتة، هتتأخري على الكلية، وهايدي عمالة ترن عليكي بقالها نص ساعة. فيروز : خلاص، أنا أزفت صحيت أهو. هبه خرجت وفيروز قامت اتوضت وصليت ولبست وبوست رأس هبه ومشيت على الكلية.

أول ما وصلت الكلية راحت المحاضرة لأنه كانت بدأت. دخلت المحاضرة. فيروز : آسفة يا دكتور على التأخير، آخر مرة. الدكتور : هو حضرتك متعرفيش إني الدخول بعد الدكتور ممنوع؟ فيروز : آسفة يا دكتور. الدكتور : اتفضلي، وآخر مرة. فيروز : شكرًا يا دكتور. فيروز راحت تقعد جنب هايدي. وهايدي لسه هتتكلم. فيروز بصوت يكاد يكون مسموع : اسكتي خالص عشان لو انطردنا هنفخك. هايدي بنفس صوت فيروز : لا، خلاص خلاص.

خلصوا المحاضرة وخرجوا يقعدوا في الكافتيريا. فيروز : مش قادرة أتخيل لو كنت انطردت من المحاضرة كنت هعمل فيكي إيه. هايدي : وأنا مالي يا أختي، ما أنا فضلت أرن عليكي الصبح وإنتي اللي كنتي نايمة. فيروز : خلاص، اتكتمي عشان أنا متعصبة دلوقتي. هايدي : بصي، بس أهم حاجة أنا جعانة، هتأكلي؟ فيروز : مستفزة. هايدي : ما أنا عارفة يا بنتي، إحنا بقينا في 2021، قولي حاجة جديدة بقى. فيروز : هايدي هتزعلي 👊.

هايدي : خلاص يا عم كمال أجسام، أُسفين. وهما بياكلوا هايدي لاحظت إن فيروز مش مركزة معاها خالص. هايدي بصوت عالي نسبيًا : فيروووووووز! فيروز بخضة : مالك يا مشلولة؟ هايدي : مالك سرحانة في إيه؟ فيروز بعدم تركيز : في حسام. وبعد كده حسّت هي قالت إيه، لالا مفيش حاجة. هايدي : أوباااااا، مين حسام ده؟ فيروز بتنكر : حسام، حسام مين ده؟ هايدي : على ماما برده، قوليلي يلا بقى. فيروز : طب اسكتي بدل محد يسمعني. فيروز حكتلها كل حاجة.

هايدي : إيه العسل ده، شكله عسل أوي، أنا بحب الصدف دي أوي، طب قوليلي الواد موز كده؟ فيروز بغيره : بت، لمي نفسك أحسنلك. هايدي : أوعاااا، شكلنا وقعنا وبنغير كمان. فيروز بكسوف : إيه، إنتي عبيطة؟ لا طبعًا. هايدي : والله شكلك إنتي اللي عبيطة وإنتي بتحبي يا فيروز، وبكرة هثبتلك. فيروز : طب يلا يا أختي نمشي بقى عشان متتأخريش. هايدي : يلا يا عسل. ومشوا وكل واحدة راحت بيتها. (في مكتب حسام السيوفي)

حسام قاعد بيشتغل بس فيروز شاغلة كل تفكيره. حازم : حسام، حسام. حسام بخضة : إيه يا زفت، إنت في إيه وإنت هنا من إمتى؟ حازم : يا عم أنا بقالي نص ساعة هنا. حسام : انجز، عايز إيه يعني؟ حازم : ده ورق اجتماع بكرة وعايز يتيمضي. حسام : ماشي، هات. حازم : إيه رأيك تيجي تسهر معانا النهاردة؟ حسام : يا عم مانت عارف، مليش في السهر والكلام ده، روحوا إنتوا وانبسطوا. حازم : ماشي يا عم.

جه الليل وحسام خلص شغل وراح يقعد على البحر على أمل إنه يشوف فيروز. بس أول ما وصل هناك كانت الصدمة اللي ماكنش متخيلها. حسام بصدمة : إنتي إيه..؟ ياترى حسام شاف مين، وده اللي هنعرفه في البارت الرابع.