رواية عاشق كالبحر الفصل الأول 1 - بقلم بتول اسامة

كنت بشحت أنا وأخواتي زي كل يوم، وأرجع البيت نص الليل ألاقي أبويا قاعد قدام الباب عشان ياخد الفلوس مني. لحد لما وأنا راجعة من الشغل اللي شحاته، أديله الفلوس لقيته بيقولي: "مش عايز الفلوس؟ " كنت فرحانة إن أخيرًا هيبقى معايا فلوس، لحد لما كمل كلامه وقالي: "بصي يا بت يا فيروز، أنتِ اتتقدم ليكي عريس وأنا وقفت خلاص." "عريس! أنا عندي 19 سنة يا با، عريس إيه بس؟ أنا مش موافقة."

"مفيش حاجة اسمها مش موافقة، هتوافقي وغصب عنك كمان. أنا اتفقت خلاص، دا عريس غني وابن ناس." "بس هيكون كبير في السن يا با، حرام عليك." "لا دا عنده 25 سنة بس، ويلا نامي عشان بكرة هتروحي على بيت جوزك." جوزي؟ جوزي إزاي؟ وأنا لسه عيلة بلف في الشوارع وأرجع آكل وأنام. (نامت فيروز) (تاني يوم) "قومي يا بت اخلصي، العريس مستني برا." (ذهب الأب وصحيت فيروز) وجهزت نفسها. "زي ما اتفقت يا باشا، نص مليون جنيه."

"تمام يا سيد، بس لازم العروسة على اقتناع." "متقلقش، دا على اقتناع واقتناع أوي كمان." كانت واقفة مصدومة وحاطة إيديها على بقها. لحد لما نداها أبوها. "بت يا فيروز، أنتِ يا بت! دخلت فيروز ولقت الجد بس اللي موجود، وسألت نفسها سؤال: فين العريس؟ "أهلاً يا عمي، كيف أحوالك؟ "الحمدلله يا فيروز، يلا تعالي على العربية." (ذهب الجد) "إيه دا يا با؟ هو فين العريس دا؟ زعق الأب: "اتمشى يا بت ورا حماكي، هتلاقي العريس متقلقيش."

فيروز باستغراب: "ماشي يا با." ذهبت فيروز وتوقعت إن تلاقي العريس منتظر في العربية، لحد لما ذهبت هناك. "هو فين العريس يا عمي؟ "عريس؟ هو أنت محددش قالك ولا إيه يا فيروز؟ "لا يا عمي، هو في إيه؟ "عريسك في البيت يا فيروز، بس عنده ظروف شغل مقدرش يجي." "ظروف شغل! هو اسمه إيه يا عمي؟ "متعرفيش اسم عريسك! اسمه زين يا فيروز، وبطلي كلام صدعتيني." (وصلوا الفيلا) فيروز كانت بتبص الفيلا بانبهار شديد، لحد لما وقفها.