رواية عاشق مرام الفصل السادس 6 - بقلم الاء السيد

طبعًا انتي عارفه أن محمد مدين له فلوس عشان اشترى هدوم. مرام: آه. هدى بخبث: وأنا عاوزة أشتري لك كم قميص نوم. مرام بصدمة: إيه إيه اللي بتقوليه ده يا ماما؟ هدى: يا بنتي أنا بقول عشانك. مرام باستغراب: عشاني؟ هدى: طبعًا، يعني أنا هزعل لو دخل علينا بواحدة وقال عليها مراتي. أنا بس بقولك عشان تعملي حسابي. مرام بخوف: لا مستحيل محمد يتجوز عليا، أنا هعمل أي حاجة تقول لي عليها.

هدى: اسمعي مني، إحنا هنشتري هدوم عادي وكم قميص نوم بس. ده ما يتلبسش بره الأوضة. مرام: حاضر. وبعد ما ذهبوا واشتروا الهدوم ورجعوا... في الليل... محمد: السلام عليكم. الكل: وعليكم السلام. مرام: يلا حبيبي خد دش لحد ما أسخن الأكل. ودخلت المطبخ. محمد لأمه: ها، عملتي إيه؟ هدى بابتسامة: كل حاجة تمام. كله وكل واحد دخل الأوضة. في أوضة مرام ومحمد. مرام: محمد. محمد بابتسامة: عيوني. مرام: هو أنت... أحم... ممكن تتجوز عليا في يوم؟

محمد بصدمة: إيه اللي انتي بتقوليه ده؟ أنا عمري ما أعمل كده. مرام: بجد؟ يعني عمرك ما هتفكر؟ محمد باستغراب: مين اللي قالك كده يا مرام؟ مرام بتوتر: ها... لا... مفيش حد، أنا بس كنت بسأل. قام محمد من على المكتب وقعد قدامها. محمد: من إمتى بتكدبي عليا؟ مرام بدموع: أنا بس... محمد اتكلم وقال: من غير بس، مين اللي قالك كده؟ مرام حضنته أوي وقالت: أنا بحبك. محمد عرف إنها بتتهرب من الموضوع فمحبش يضغط عليها.

محمد: وأنا كمان بحبك وبعشقك. مرام بعدت عنه وقالت: ممكن أطلب طلب؟ محمد بحب: انتي تأمري وأنا أنفذ. مرام بابتسامة: ممكن تنزل تجيب لي شوكولاتة ولب؟ محمد: تب... تيجي إزاي شوكولاتة ولب، حاجة حلوة مع حاجة حادقة؟ مرام: يا سيدي هات وأنا هظبط. لما أحب آكل هبقى آكل. محمد: حاضر، أول ما أصحى بكرة هروح أجيب لك. مرام بسرعة: لا لا، دلوقتي. محمد باستغراب من تصرفاتها: مالك يا مرام؟ مش على بعضك. مرام بابتسامه: يمكن محضر لك مفاجأة.

محمد: حاسس كده هقوم عشان أعرف إيه المفاجأة. وذهب محمد واشترى الأشياء ورجع. محمد دخل الأوضة واتصدم. محمد بصدمة: إيه اللي انتي لابساه ده؟ مرام بابتسامة وكسوف: حلو. محمد: ده مفيش أحلى منه. كانت مرام لابسة قميص نوم جميل وأقل ما يقال عنه حورية البحر. انكسفت مرام من كلامه ونظراته ليها. أما محمد فقرب منها ورفع دقنها وقرب منها وباسها و... صباح يوم جديد. استيقظت مرام. أولاد محمد نايمين جنبها. بيبص عليها وهي نايمة.

ابتسمت مرام وقالت: صباح الخير. محمد بغمزة: صباح الخير إيه؟ صباحية مباركة يا عروسة. اتكسفت مرام وخبت نفسها في حضنه. محمد: تعرفي إنك أحلى حاجة حلوة حصلت لي.

مرام بابتسامة: وانت أجمل حاجة حصلت لي. يمكن كنت تعبت زمان واتجرحت، بس انت جيت وعالجته. كان نفسي أحس بشعور الأبوة وإني يكون عندي أخ، وانت حسستني إنك أبويا وأخويا وحبيبي وكمان جوزي. تعرف اليوم اللي كتبنا فيه كتابنا، رغم حزني الشديد إن بابا جوزني عشان الفلوس، إلا إني كنت فرحانة إني هبقى معاك. كملت بدموع: أوعى يا محمد تكسرني، لأنك لو كسرتني هحس إني قليلة جدًا.

حضنها محمد وقال: انتي عمرك ما هتكوني قليلة، انتي أفضل وأجمل وأحن واحدة عرفتها. بعدت عنه مرام وقالت: هقوم آخد دش وأعمل الأكل لحد ما تاخد انت كمان دش. محمد بابتسامة وباس إيديها: ربنا يخليكي لي. مرام بحب: ويخليك ليا. بعد ما مرام ومحمد خلصوا دش وفطروا، مرام كانت عاوزة تنام أوي. محمد لمرام: ادخلي تاني يا حبيبتي وارتاحي، وأنا هقول لماما حد يعمل النهاردة الغداء غيرك، لأنك باين عليكي النوم والتعب.

مرام: لا يا حبيبي، أنا كويسة، أنا... ولكن محمد قال: أنا قولت إيه؟ ادخلي ارتاحي، وملقكيش قايمة من على السرير لحد ما أجي. مرام بابتسامة: حاضر. خرج محمد وقال لأمه إن مرام هتنام لأنها تعبانة ومريم تبقى تعمل الأكل. وخرج هو وراح الشغل. في الشغل... محمد: السلام عليكم ورحمة الله وبركاته. عمر: وعليكم السلام ورحمة الله وبركاته. ازيك يا محمد؟ محمد بابتسامة: كويس الحمد لله. وانت إيه أخبارك؟ عمر: كويس.

محمد بمشاكسة: إيه مش ناوي تخطب بقا وتفرحنا؟ عمر بضحك: ياريت بس لما ألاقي بنت الحلال الأول. محمد: إن شاء الله هتلاقيها، ويبقى حظها اللي تبقى من نصيبك. عمر: حبيبي، يلا عشان نكمل الشغل. محمد: يلااااا. وبعد الانتهاء من الشغل. عمر: الحمد لله، الشركة بدأت تكبر والناس بدأت تتعامل معانا أكتر من الأول. محمد: الحمد لله. رجع محمد من الشغل وسلم على أمه وأخته وسألهم على مرام، وقالوا لسه نايمة.

محمد دخل الأوضة ولقى مرام نايمة، فضل يتأمل فيها وفي ملامحها. وراح قعد على طرف السرير. محمد لمرام: مرام... مرام حبيبتي. مرام بنوم: اممم. محمد: يلا يا حبيبتي عشان ناكل، انتي لسه ما أكلتيش. مرام بنوم: هو الساعة كام دلوقتي؟ محمد: الساعة 10 بليل. مرام بصدمة: يلهوي! هو أنا فضلت نايمة لحد دلوقتي؟ محمد بابتسامة: أنا مكنتش عاوز أصحيكي، بس سألتهم وقالوا لي لسه ما أكلتيش.

مرام حضنته لأنها متعودة إنه لما ييجي بتحضنه وبتستناه ياكلوا مع بعض. مرام: طب أنا هقوم أفرغ الأكل. محمد مسك إيديها قبل ما تقوم وقال: مرام، هو في لسه حاجة تعباكي؟ مرام: لا يا حبيبي، أنا كويسة، أنا كنت عايزة أنام بس. محمد: ماشي يا حبيبتي. كلوا محمد ومرام. محمد بابتسامة: عندي لك مفاجأة. مرام: إيه هي؟ محمد: الأرباح بتاعت الشركة بتزيد والناس بدأت تتعامل معانا. فرحت مرام أوي بسبب

نجاح زوجها وتفوقه وقالت: الحمد لله، أنا واثقة فيك ومتأكدة إنك هتنجح. وفضلت تتنطط من الفرحة على نجاحه، وهوا فشل يضحك على أفعالها. محمد: متجوز طفلة. مرام بضيق: يعني أنا غلطانة إني فرحانة لجوزي؟ محمد بابتسامة: إيه يا بت ده أنا بهزر معاكي. وضحكوا مع بعض، ولكن قطعهم اتصال. محمد: الو. مجهول: ......... محمد بصدمة: إنا لله وإنا إليه راجعون.