رواية عاصم حبيبي الفصل الحادي عشر 11 - بقلم اسماء محمد

فرح بصدمة: أنت بتقول إيه؟ عاصم ببرود: اللي سمعتيه. فرح: أنت عايز تطلق عمك؟ عاصم بجمود: خلص الكلام. وأنا مبحبش أعيد كلامي مرتين. فرح هزت راسها بحزن. عاصم طلع من الأوضة. عاصم بحزن: أنا آسف يا فرح. ونزل راح لعمه أحمد. عاصم وهو بيفتح الباب: عمي. أحمد بابتسامة هو الآخر: اتفضل يا عاصم. عاصم بيتنهد: كله تمام وفرح وافقت. أحمد: تمام. عاصم بحزن: بس يا عمي، خلتني أعمل كده ليه في فرح؟

أحمد: فرح ممكن تسافر في أي وقت، ومكنتش هشوفها تاني. لأن زيارتها لمصر مرة واحدة بس. وهي مكنتش قايلة لي، كانت هتمشي بعد ما عملت تمثيلية نوران دي بس. عاصم بشك: هو ده بس يا عمي السبب؟ مفيش حاجة تانية؟ أحمد بتردد: لا يا ابني، مفيش. عاصم: طب أنا قايم. محتاج حاجة؟ أحمد مسك إيده: فرح حطها في عينيك، دي بنتي الوحيدة. عاصم بابتسامة وهو بيطبطب على إيده: إذا أنت اللي كنت عارف اللي فيها، وإني بحب فرح.

أحمد بابتسامة: ماهو عشان كده أنا جوزتهالك، عشان عارف إنك أكتر واحد هتستحمل عبطها وجنانها. عاصم بابتسامة: سلام يا عمي. هروح أجهز. عند نوران. نوران بتكسر كل حاجة في الأوضة. نوران بغضب وهي بتكلم نسمة: هو ده اللي هيبقى ليكي؟ وأنا هحط خطة. أنا معرفش إيه، وفي الآخر هيتجوزها. هيتجوزها يا نسمة. هيتجوزها. وقعدت على الأرض تبكي، خلاص هيتجوزها. طب ليه لعب بمشاعري؟ ليه؟

نسمة بغل: اهدى يا حبيبتي، اهدى. وحياتك لتتجوزيه. أنتِ وهتشوفي. نوران بتزق نسمة بغضب: ابعدي عني. أنا مش عاوزاكي تساعديني. أنتِ واحدة خلاص خرفت، حكم السن بقى. وأنا هعرف إزاي أخلي عاصم ليا. نسمة بصدمة: أنتِ بتزقيني يا نوران؟ نوران بلهجة تانية خالص: آآآه يا نسمة، لأني مبقتش باقية على حاجة. وعاصم ابنك لو مش هيبقى ليا، مش هخليه لغيري. نسمة بخوف وتردد: ااا... قصدك إيه؟ نوران بابتسامة مخيفة: هقتله. عند حازم.

حازم بيتكلم مع مرام. حازم: آآه والله يا بنتي، زي ما بقولك. مرام: يعني فرح، فرحها النهارده؟ حازم: آآه. وسرعان ما جاله فكرة. حازم: بقولك إيه. مرام: إيه؟ حازم: متيجي. مرام: متلم نفسك. حازم: أنتِ فهمتي إيه؟ أنا قصدي مش أنتِ وفرح اتصاحبتوا؟ مرام: عايز توصل لأيه يا حازم؟ حازم: هو أنا بحبك من فراغ؟ اللي فاهمها دماغي. مرام: المهم. حازم: بقولك أنا عايز أشوفك. مرام: يبني، ما إحنا كل يوم في الـ Class.

حازم: عادي يا مرام، عايز أشوفك. مرام: وأنا هاجي إزاي يا فالك؟ حازم: طول عمري بقول إنك مش هتنسيني. مرام: ولاااا. حازم بقرف: خلاص خلاص، هقولك. بصي يا ستي، إحنا عندنا كتب كتاب فرح، وبالتالي هتيجي على إنك صاحبتها وأشوفك. مرام: والله؟ حازم: آآه والله. مرام: طب سلام، هروح ألعب مع الواد حمادة ماتش كورة وهحصلك. وقفل. حازم بيبص على الفون: هحصلك؟ والله البنت دي مجنونة. عند فرح. لبست الفستان وبتحاول تقفل السوستة بس مش عارفة.

فجأة لقت إيد بتقفلها السوستة. بصت في المرايا. فرح بابتسامة: عاصم. عاصم بابتسامة هو الآخر: قلب عاصم. فرح وهي بتلف وشها ليه: أنت بجد هنا؟ يعني أنا مش بتخيلك؟ عاصم بابتسامة: كنتي بتتخيلي إيه بقى؟ فرح بحزن: أنا آسفة يا عاصم إني قولتلك إني بكرهك. أنا كدابة. عاصم: بس... فرح بتردد: ووو... وأنا لما قولت إني بحب أسر، كنت بكذب. عاصم: بس... فرح: وأسر ده يبقى جوز ماما، وهو اللي مربيني. عاصم بابتسامة: عارف. فرح بصدمة: إزاي؟

عاصم بابتسامة: أنتِ ناسيه أنا مين. هو صحيح في اليوم اللي قولت إنك بتحبي أسر، كنت عايز أفشفش دماغك كدهو. فرح بضحك: كدهو؟ عاصم بضحك: آآه كدهو. بس تعرفي. فرح: إيه؟ عاصم: أنا بحبك. فرح بابتسامة: بجد؟ وسرعان ما اختفت ابتسامتها، ونوران. عاصم: أما أنتوا فعلاً نسوان نكدية. لسه بقول بحبك، وإنتي تجيبي سيرة نوران. ياشيخة، إحنا النهاردة فرحنا، مش كده؟ فرح بابتسامة: وأنا كمان بحبك. عاصم بصدمة: قولي والله.

فرح بضحك: وحياتك بحبك. وأنا قد كدهو. 🤏🏻 عاصم حضنها ولف بيها: بحبك يا أحلى فرح. بس تآتي الرياح بما لا تشتهي السفن. كانت نوران واقفة ورا الباب بتسمع. نوران بكره: وحياتك يا عاصم، لخلي قلبك يتكسر زي ما كسرت قلبي. ياعاصم، هحرقه زي ما حرقتيهولي. هموتلك. ياعاصم، هموت فرح.