رواية عاصم حبيبي الفصل الخامس والعشرون 25 - بقلم اسماء محمد

عاصم بيفتكر من سبع سنين في يوم نسمه دخلت على نوران نسمه بتهديد: خدي بالك ي نوران أنا هقول لعاصم كل حاجة النهاردة وهكشفك قدامهم وهحبسك، حرام عليكي كسرتي قلب ابني وكسرتي قلب المسكينة اللي حبته بجد و..... قطعتها نوران نوران بجنون: أنا... أنا اللي بحبه أكتر منها. المفروض عاصم يكون ليا أنا اللي بحبه، هي عمرها ما كانت هتحبه أكتر من الحب اللي حبتهوله أنا. وبعدين مش خايفة من السجن؟

منا وأنتي هنتحط في سلسلة واحدة يروحي. أنتي مفكرة إن ممكن عاصم وعمي يسيبوكي بعد ما يعرفوا إنك أنتي اللي جبتيني هنا عشان أبعد فرح عن عاصم وحققتلك اللي أنتي عاوزاه. وبعد كده مسكتها من كتفها، دا رد الجميل. عاوزة تحبسيني؟ بس أنا مش هسمحلك ي نينو إنك تبعديني عن عاصم. عاصم خلاص بقى جوزي، فاهمة؟ وبعد كده همست في ودنها: أنا ممكن أقتلك لو فكرتي تقولي لعاصم حاجة. هااا؟ نسمه بضحك: هههههههه غبية ي نوران، طول عمرك غبية.

وفجأة فتحت التسجيل اعتراف نوران بكل حاجة. نسمه بغل: ودلوقتي أقدر أقولك باي باي ي نوران. مبروك عليكي السجن المؤبد بتهمة شروع في قتل. نوران وهي بتحاول تاخد الفون نسمه: تؤ تؤ، هزعل. وبعد كده زقت نوران وطلعت تجري. ونوران قامت وجريت وراها. نوران بتمسكها قبل ما تنزل السلم وبتتكلم بنبرة جنونية: اسمعي هاتي الفون، أنا مش عاوزة أذيكي. وبتحاول تاخده. نسمه بتزقها: أوعي، سيبي إيدي.

نوران خدت منها الفون بالعافية وزقت نسمه، وقعت من على السلم. نوران وهي بتبتسم وبتبص للفون: باي باي نسمه، أتمنالك موته سعيدة. عاصم بيرجع لوعيه عاصم بشرر: هندمك ي نوران، هتتمني الموت ومش هتلاقيه. عاصم بيفتكر لما الخدامة كانت بتحكيله الخدمة وهي بتخبط عليه: عاصم بيه عاصم بحزن على وفاة أمه: ادخلي ي أيناس. ايناس بتردد: ع... ع... عاصم بيه. ك... كنت عايز أقولك على حاجة بخصوص ال... الست الكبيرة والمدام ن... نو... نوران.

عاصم بستغراب: مالك بتتهتهي كده ليه ي أيناس؟ قولي. ايناس بخوف: أوعدني ي عاصم بيه إنك مش هتقول إن أنا اللي قولتك. عاصم: أوعدك. على إيه؟ اتكلمي ي أيناس. ايناس وهي بتبلع ريقها بخوف: أوعدني بس يبيه. عاصم بنفاذ صبر: أوعدك. اخلصي بقى ي أيناس. ايناس بسرعة: نوران هانم هي اللي قتلت الست الكبيرة. عاصم بصوت عالي: لا، أنتي بتخرفي. تقولي إيه؟ مستحيل نوران تعمل كده في خالتها.

ايناس برجاء: وطي صوتك يبيه. والنبي وأنا هحكيلك اللي شوفته. اليوم اللي حصل فيه الحادثة، كنت أنت والبيه الكبير محمود بيه وأحمد بيه كنتو في الشركة. مكنش فيه غير المدام الكبيرة الله يرحمها. دخلت علينا المطبخ وأدتنا إجازة نص يوم. وقالتلنا نجي بكرة. كلنا مشينا. بس أنا رجعت عشان كنت ناسيه حاجة هنا. ولما رجعت لقيت صوت عالي جاي من أوضة ساعدتك. ولما طلعت وقربت وحكتله كل حاجة. وبس يبيه. ولما لقتهم طالعين نزلت جري استخبيت ورا السلم. وشوفت نوران هانم وهي بتزق المدام الكبيرة. وبس يبيه.

عاصم قعد بضعف: يعني إيه... يعني أمي ماتت مقتولة؟ عند حازم حازم: طب هو في الجيم دلوقتي، أدخله ولا آخدها من قصرها وأمشي. هو لو شاف وشي هيعرفني وساعتها مش هيسبني وهاخد العلقة التمام. وسرعان ما جاله فكرة. حازم ببتسامة خبيثة: لاقتها. 3 2 1 واحد عجوز داخل الجيم ومعاه عكاز بيسند عليه ومعاه بنت لا تتجاوز 20 عاماً. العجوز: أنت ي أستاذ أنت إزاي تتجرأ وتعاكس بنتي؟ يوسف ساب اللي في إيده وشاور على نفسه: أنا؟

العجوز: أيوه أنت. أنتو إيه كتاكيت داهية ماليتو البلد. يوسف وهو بيزقه: طب خد بعضك ي حج واتكل على الله وخد كيس المخلل اللي جايه معاك دي. العجوز: أنت مش شايفني ولا إيه؟ يوسف: احترم سنك ي عم وامشي. العجوز: احترام إيه يلاااا، دا أنا ممكن أفعصك كده. يوسف: طب خد بعضك. العجوز: أفعصك في بعض. يوسف: يلااا ي حج من هنا. البنت: بتقوله حج برضو. العجوز: أنت عارف يلااا. وأنا من سنك كنت بنيم أمبابة كلها. يوسف: مين؟ اتكل على الله ي حج.

العجوز: أمبابة كلها كنت بتنام أول ما تشوفني. يوسف: طب اتكل على الله ي حج نهارك أبيض. العجوز: متزوقش عشان ما عملهاش معاااك. يوسف: إيدك كده، اتكل على الله. البت: حمادة حمادة اضرابه ي حمادة. يوسف: حمادة؟ العجوز: تعالي هنا اهو، تعالي هقولك. يوسف: طب نزل إيدك أنا مش عايز أعملها معاك. العجوز: أوعي إيدك. يوسف: ي حج مش عايز أعملها معاك، احترم سنك. العجوز: هقولك كلمة جاية في توكتوك من المطرية. يوسف: توكتوك.

العجوز وهو بيرفع إصبعه: كلمة. يوسف: آه. العجوز: هرزعلك. يوسف: ترزعلي أنا... اتكل على الله. العجوز: والله كنت بنيمها من المغرب. يوسف: اتكل على الله ي حج، شوف أنت رايح فين. البنت لما لقت حازم هيضرب، أيوه العجوز هو حازم، خافت: طب ي حمادة خلص وأنا مستنياك برا. حازم في نفسه: خدي ابت هنا، خدي. أهي دي آخرة اللي يجيب حد من الشارع. يوسف: اتكل على الله بقولك. حازم: أنا مش عاوز أعلقك زي معلقت الواد أدهم. يوسف: مين؟

حازم: الواد أدهم في المنطقة. ومردتش إنزله. يوسف: طب يلا ي حج. حازم وهو بيحسس على عضلاته: شايف نفسك بدول يعني. أنا ممكن أزعلك. يوسف وهو بينزل إيده: اتكل على الله ي حج. شوف أنت رايح فين. حازم وهو رايح يشيل حديد: اقعد اقعد، هنلعب. يوسف بزعيق: اقعد إيه؟ بيتحدفو منين دول؟ يلا ي عم أنت ي عم. حازم وهو بيحسس على عضلاته تاني: مش عارف بتبلعوا إيه على المسا. يوسف: امشي ي عم أنت. حازم: يبني أنت إيه يبني؟

يوسف وهو بيزقه: يغممم، شوف أنت رايح فين. حازم رجعله تاني: محدش مالي عينك ولا إيه؟ يوسف: طب اتكل على الله يلااا، عايز أكمل تمرين. حازم: آخر كلمة هقولهالك وامشي، هرزعلك. يوسف وهو خلاص شايط مسكه ورقده على الأرض ولسه هيضربه. حازم بسرعة: طب استنى بس واحد الله. وبعد كده قال باستعطاف: حد يضرب راجل كبير. يوسف قومه وسابه. بص عليه لاقى البروكة واقعة على الأرض. حازم بيتكلم: دا أنا حتى ولادي سابوني وراحوا مع أمهم و...

قطعوا يوسف. يوسف وهو بيمسح المكياج اللي على وشه: آآآه، وأي كمان؟ مش ولادك اللي بتقول سابوك هيقرأوا عليك الفاتحة انهاردا. وانقض عليه ونزل عليه بالكميات. يوسف بغل: بقى أنا يللااا تبوظلي شعري؟ شوف هربت مني ورجلك اللي جابتك. انطق يلااا مين اللي بعتك؟ حازم بصريخ: الحقوووووني بمووووت منك لله ي بنت سهيلة الجز*مة هي اللي دعت عليا. آآآآآآآه كفااااايه آآآآآه خلاص هقول هقوووووول. يوسف سابه وهو بينهج: خلص يلا قول مين.

حازم ضربه بالكمية على وشه بخيانة. بعده بعيد عنه وقعد يزحف. حازم وهو بيزحف: الحوووووني ي ناس. يوسف وهو بيشده من رجله بيجيبه عنده. يوسف بغضب: بقى أنت يلاااا تضربني أنا بالكمية؟ وقابل ي حازم. عند عاصم بيكلم عدي فون عدي: بقولك ي عاصم أنا بعتلك صورة ونوران واقفة مع واحد في مكان مقطوع مفهوش حد خالص وتقريباً بيتفقوا على حاجة. شوف الصورة وقولي لو الراجل اللي معاها عارفه ولا لأ. عاصم: تمام ي عدي. مش عارف من غيرك كنت هعمل إيه.

عدي بطيبة: عيب يااض متقولش كده. إحنا إخوات. عاصم قفل معاه وفتح الواتساب. عاصم بصدمة: مش معقول. دا نفس الشخص اللي جه مع فرح من ألمانيا. يترا المجهول اللي نوران كانت بتتفق معاه هو يوسف اللي عاصم كان بيدور عليه السبع سنين اللي فاتوا؟ ولا في حلقة ناقصة؟