رواية عاصم حبيبي الفصل الحادي والثلاثون 31 - بقلم اسماء محمد

فجأة صوت ضرب نار احتل المكان. عاصم شد المسدس من يوسف وأداله رجل في بطنه. عاصم بصوت عالي: خدي بابا واطلعي ي فرح. فرح بعياط: مش هسيبك ي عاصم. عاصم بزعيق: أخلصي ي فرح أنا معايا عدي. عاصم بزعيق: فرح اطلعي. فرح أخدت محمود وطلعوا وحطيته في العربية وهي ركبت كمان ومشيو. بس كان في حد شاف فرح وطلع وراها. عند عاصم. ضربوا نار على كل اللي هناك وفجأة. عاصم: يوسف مش موجود ي عدي. عدي: يعني إيه مش موجود. عاصم بتذكر: فرح...

امشي ي عدي معايا. عدي وهو بيجري وراه: طب فهمني طيب. عاصم وهو بيركب العربية: فرح في خطر ي عدي. عند فرح. فرح خدت بالها إن في عربية ملحقاها من ساعة ما طلعت. وده خلاها تزود سرعتها. فرح بصت جنبها لاقت يوسف. يوسف بصوت عالي: اقفي ي فرح. فرح بزعيق ومحافظة على سرعتها: أنت عاوز إيه ي يوسف سبنا في حالنا بقا. يوسف بجنون: مستحيل أسيبك فاهمة، إنتي ليا أنا فاهمة. فرح: أنا لشخص واحد بس وهو عاصم وبس، أنت فاهم. يوسف وهو بيخبط

عربية فرح بجنون عشان توقف: اقفي ي فرح بقولك. فرح بخوف: مش هقف وابعد عني. عند عاصم. عاصم شاف يوسف وهو بيخبط عربية فرح. عاصم طلع المسدس وطلع من شباك العربية وضرب على عربية يوسف. يوسف بتهور طلع المسدس بتاعه وضرب على كوتش عربية فرح. فرح بتحاول تتحكم في العربية ومعرفتش وخبطت في شجرة ضخمة. عاصم شاف كده: فرررررح. عاصم ضرب نار على كوتش عربية يوسف بغل. عربية يوسف اتقلبت ووقعت من فوق الجبل.

عاصم نزل من العربية وجري على عربية فرح. شاف بنزين بيقع من العربية. راح جري بخوف عشان يطلع فرح وأبوه. عاصم طلع فرح بالعافية. وعدي طلع محمود. وهوب عربية اللي كانت راكباها فرح بووووم اتفجرت. في الطريق. عاصم بيحاول يفوق فرح مش عارف. عاصم بخوف وزعيق: سرع شوية ي عدي. في المستشفى. فرح في أوضة العمليات. عاصم رايح جاي قدام الأوضة وبيبص على فرح من الشباك. عاصم بخوف: يارب جيب العواقب سليمة يارب. عدي

وهو بيحط إيده على كتفه: متخافش ي صاحبي هتطلع. فجأة ممرضين طالعين وممرضين داخلين. عاصم بخوف وهو ماسك ممرضة: إيه اللي حصل جوه. الممرضة بخوف: المدام خسرت دم كتير والقلب بيقف. عاصم ساب إيدها ورجع كام خطوة لورا وقال بقلب موجوع حزين: يااااااارب. وانهارت قوته وقعد على الأرض. عدي بحزن وهو بياخد عاصم في حضنه: متخافش ي عاصم، كل ما يصيبنا إلا ما كتب الله لنا. عاصم ببكاء وانهيار: ونعم بالله، بس لو حصلها حاجة مش هسامح نفسي.

فجأة الدكتور طلع. الدكتور بحزن: للأسف القلب وقف، البقاء لله. بعد عشر سنين. بنت صغيرة بتجري من أمها عشان مش عاوزة تاكل. بغضب وهي بتجري وراها: فرحة تعالي هنا. فرحة بطفولة: لا يمامي مث هاتل يعني مث هاتل. بغضب: فررررحه تعالي بقولك عشان لو مجتش هزعلك ي فرحة. فرحة وهي بتطلعله لسانها؛ لا يمامي. وفجأة شافت باباها. فرحة بطفولة وهي بتجري على باباها: عاثم حبيبي. عاصم وهو بيشلها

وبيحضنها وبيقول بضحك: حبيبة قلب بابي، مزعله مامي لي. فرحة: عثان عاوزه تاتلني وانا مث جعانه. فرح وهي بتضرب فرحة على راسها بخفة: تقوم تخليني أجري وراكي كده، وإنتي عارفة إن مامي هتجيب نونو والجري غلط عليها. فرحة بطفولة: اثفه ي مامي. عاصم بابتسامة وهو بياخد فرح وفرحة في حضنه: حبايب قلب بابي إنتو الاتنين. فرح وهي في حضنه: فاكر يوم الحادثة من عشر سنين. عاصم وهو بينزل فرحة: يووه بتفكريني لي بس ي فرح.

فرح بطفولة: مش بفكرك دول بس الفانز هما اللي عاوزين يعرفوا. عاصم وهو بيقعد على الأريكة: طب طالما الفانز نرجع بالذكريات لورا من عشر سنين. الدكتور بحزن: القلب وقف، البقاء لله. عاصم بصدمة: إيعههه. وزق الدكتور ودخل لفرح لقي الممرضة بتغطي وشها. عاصم ببكاء وقلب موجوع: فرررررح عشان خاطري متسبنيشششش. وقعد يتكي على قلبها وهو قلبه موجوع. الدكتور بيشده عشان يطلعه برا راح خبطه ووقعه ورجع تاني يتكي على قلب فرح.

عاصم بثقة: هتعيشي ي فرح عشاني، هتعيشي عشان نجيب بنوتة ونسميها فرحة، هتعيشي عشان أنا محتاجلك، هتعيشي عشان لو مفيش فرح يبقى مفيش عاصم. وقعد على الأرض بيأس: متسبنيش ي فرح. صوت جهاز القلب رجع تاني بيدل على إن النبض رجع. الدكتور بذهول: دي معجزة، النبض رجع. عاصم بفرحة: دي قوة حبي أنا وهي هي اللي رجعتهالي. فرح وهي بتفتح عينيها بضعف: عاصم. عاصم بحب: روح وقلب عاصم. فرح بنبرة ضعيفة: أنا بحبك. عاصم بعشق: وعاصم مبيعشقش إلا فرح.