رواية عهد الضبع الفصل الرابع 4 - بقلم نور محمد

لا مفيش دي مراتي أصل أنا حابسها فوق لوحدها. عهد بصدمة: إيه!! مراتك وحابسها لوحدها ليه؟؟! _دي أمور شخصية اطلعي يا عهد ارتاحي أنتِ وأمك دلوقتي. بصت عليه عهد بتعجب وعدم فهم وقالت: حاضر يا ضبع بيه. رحلت عهد من قدامه وضبع قعد على الكرسي بتاعه بتعب وبص فوق وقال: لازم أطلع أطمن عليها دلوقتي. وبعد وقت خرجت عهد من الغرفة بعد ما اطمنت على أمها وطلعت تتجول في القصر شوية وفجأة اصطدمت في شخص ضخم قدامها فقالت بأسف:

_آسفة ما أخدتش بالي من حضرتك. بص عليها بصدمة وقال: أنتِ مين وبتعملي هنا إيه؟ رفعت عهد عينيها لشخص ده لقته شاب وسيم جداً بعضلات ضخمة وشعر فحمي وعيون زرقة فقالت بإحراج: أنا الخدامة الجديدة هنا يا بيه. ضحك بقوة وقال: هههه الخدامة الجديدة وعلى كده أجيتي لوحدك أو ضبع بيه اللي جابك بنفسه. ردت بغباء: لا ضبع بيه جابني بنفسه. بص عليها بتفحص دقيقة وقال: لا نوعه اتغير خالص بقى بيجيب المحجبات كمان يتسلى معاهم. عهد بغضب:

لو سمحت احفظ لسانك معايا أنا هنا علشان أشتغل بس. قرب منها بخبث وهمس لها بوقاحة: اهدي يا حلوة ما هو ضبع بيه بيجيبهم كلهم لشغل هنا برضو بس الفرق إنهم هنا لمتعته هو بس فهمتي؟ عهد بلعت ريقها قدامها وهو بعد عنها بعد ما شاف صدمة في عينيها وضحك بقوة عليها وقال: وقت ممتع مع ضبع بيه يا حلوة سلام. عهد تابعته بعينيها وبعد ما بعد عنها قالت: إيه العالم الواقحة دي أنا عمري ما شوفت شخص وقح كده.

نفخت بضيق منه ونزلت تحت لقت ضبع على السفرة بيأكل فقربت منه بكسوف وقالت: أهلاً يا ضبع بيه تأمر بحاجة؟ ضبع بص عليها ببسمة وقال: تعالي يا عهد اقعدي كلي معايا. عهد بكسوف: لا شكراً أنا مش جعانة أنا شبعانة... قاطعها ضبع بحدة: أنا قولت اقعدي يا عهد كلي معايا أنا كلامي هنا أمر ولازم تنفذيه مفهوم؟ عهد قعدت جنبه بخوف وقالت: حاضر مفهوم. قرب ضبع الطبق منها وقال بحنية: اتفضلي كلي الأكل هيعجبك أوي.

عهد متوترة أوي من نظرته المصوبة عليها بطريقة غريبة ومسكت الشوكة برعشة بس الشوكة وقعت من إيدها على الأرض وضبع لاحظ ده فقالت عهد بسرعة: آسفة ما كانش قصدي والله. ابتسم ضبع بخبث وشد الكرسي بتاعها وبقى جنبها بيظبط وشبه لازقين في بعض وعهد شهقت بخوف منه وكانت هتقف تبعد بس ضبع مسك إيدها بسرعة وقال: على فين خلصي أكلك الأول؟ عهد بخوف: أنا شبعت شكراً مش عاوزة أكل تاني. شد إيدها بخفة وقعدت تاني جنبه وقال بحدة:

قولت خلصي الأكل ده كله الأول وبعدها امشي براحتك. عهد خافت منه أوي فمسكت الشوكة تاني وغصب عنها بقت إيدها بتترعش بخوف وضبع بص عليها بشفقة ومسك الشوكة منها وقال: اهدي خلاص أنا هأكلك بنفسي. عهد بتوتر وكسوف: لا أنا هأكل لوحدي شكراً و... ضبع بتنبيه: أنا قولت إيه كلامي هنا أمر ومش عاوز نقاش فيه. هزت عهد رأسها بخوف وضبع قرب منها الشوكة بالأكل وقال بحنية: افتحي بوقك يا عهد.

فتحت عهد بوقها بكسوف وبقى وجهها أحمر زي الصلصة وضبع ركز مع ملامحها البريئة وفضل يأكلها بحنية وبعدها قال: تمام شبعتِ دلوقتي؟ ردت عليه بسرعة: أيوه الحمد لله شكراً أوي. ضبع ببسمة ساحرة: العفو يا عهد ممكن تحضري لي كوباية قهوة من إيدك العسل دي؟ عهد ببسمة: حاضر من عينيَ. ضبع بغمزة: تسلملي عيونك القمر دول وأنا هستناكِ فوق في غرفتي تمام؟ _حاضر على عزّك. جرت عهد من قدامه بكسوف وضبع بص في خيالها بتأمل وإعجاب.

وبعد وقت حضرت عهد القهوة لضبع وأخدتها لغرفته وهي في الطريق مرة جنب غرفة تانية وفجأة سمعت صوت تكسير قوي من جوه وصراخ واحدة وهي منهارة بتقول: خلاص خرجوني من هنا والنبي أنا هموت لو فضلت هنا أكتر من كده كفاية ارحموني يا ضبع أبوس إيدك كفاية كده. عهد سمعتها بصدمة كبيرة وكانت هتقرب من الغرفة تفتحها بس افتكرت كلام ضبع فقالت تاخدله القهوة الأول وبعدها ترجع تفتح الغرفة تاني. وفعلاً زهبت عهد لغرفة ضبع وأول ما خبطت

الباب فتح لها ضبع وقال: تعالي يا عهد ادخلي. بصت عليه عهد بصدمة لأنه لا يرتدي سوى بنطال بس وعضلاته كلها بارزة بشدة فقالت بكسوف: أهم اتفضل القهوة اللي طلبتها يا ضبع بيه. ضبع بحدة: أنا قولت ادخلي يا عهد وحطي القهوة جوه كام مرة هقول كلامي هنا أمر؟ عهد ارتعشت من صوته الحاد ودخلت بخوف وحطت القهوة على مكتبه قدامها ولفت بسرعة علشان تخرج بس انصدمت لما لقت ضبع خلفها بيتأملها بخبث فقالت بخوف: أهم تأمر بحاجة تانية يا ضبع بيه؟

قرب منها ضبع بخبث: أيوه أنا عاوزك أنتِ. تراجعت عهد برعب منه وقالت: قصـ قصدك إيه؟! وبصت على الباب خلفه لقته مقفول فبلعت ريقها وكملت: والباب قفلته ليه؟! قرب منها ضبع أكتر بخبث كبير وقال بوقاحة: علشان أنا جعان أنتِ أكلتِ وشبعتِ بس أنا لسه جعان أوي وووو.