رواية عهد الضبع الفصل الثالث 3 - بقلم نور محمد

يبقى غضب عنك ياعهد لو مش هاخدك برضاكي يبقى هاخدك غصب عنك سامعه. عهد كانت بتعيط برعب تحت ايده وهي بتحاول تبعد ايده عنها بس مش قادره عليه. وفجأه الباب اتفتح ودخل منه ضبع. اول ماشاف عهد وهي بتصرخ بين ايد معتز ومنهاره قرب منه بشر وشده بعيد عنها بعنف وقال: _ايد الوسخه دي بعيد عنها يابن ال****. انا هعرفك ازاي تقرب تلمسها كده تاني. عهد بصت على ضبع بصدمه. ومعتز دفعه بعيد وقال: _اه ده بقى عشيقك مش كده يابت ال***.

وديني ياعهد لعلمك الادب من اول وجديد ياوسخـ. وقبل مايكمل جملته مسكه ضبع من رقبته بقوه وغضب وقال: _اخرس ياض يابن ال** دي مهما حصل بنت عمك يعني شرفك قبل أي شئ. بس اقول ايه مانت اصلا مش راجل يا***. معتز كان بيحاول يبعد عنه قبل مايتخنق بس بدون فايده. فقربت منه عهد بسرعه وقالت: _ضبع بيه ارجوك سيبه هيموت في ايدك كده سيبه والنبي. ضبع بص في عنيها وهي بتعيط ودفع معتز على الارض بغضب وقال:

_شوف بقى اللي كونت بتغلط فيا هي اللي نجتك من ايدي. علشان تعرف ان مقامك من مقام وحده ست عندي. معتز بص على عهد بشر وهو بياخد نفسه بصعوبه وقال: _برضو مش هسيبك ياعهد وهاخدك يعني هاخدك. وغصب عن الكل حتي انتي. ضبع سمعه وعنيه لمعه بالغضب والشر. وقرب منه ومسكه من هدومه بعنف وقال: _تعال بقى ياروح امك اوريك مين هيقف قدامك. طلع ضبع وجره معاه وكان في رجاله في الخارج منتظره خروجه. وضبع دفع معتز قدامهم بغضب وقال:

_خدوا الزباله ده من قدامي على المخزن عندي. عاوزه يتروق كويس لغايه ما افضاله انا. قربوا الرجاله وسحبوا معتز معاهم. ومعتز كان مرعوب منهم بس قال: _وديني ماهسيبها هخدها منك يعني هاخدها منك وبكره تشوف. ضبع بص عليه بسخريه ودخل عند عهد تاني. لقاها جنب امها بتعيط فقرب منها بهدووء وقال: _احم انتي كويسه ياعهد. عهد سمعته ورفعت عنيها ليه بدموع وقالت: _ايوه انا كويسه الحمد لله وشكرا اوي لانك انقذتني منه.

بس انت عرفت مكاني هنا ازاي؟! ابتسم ضبع بثقه وقال: _اولا العفو ياعهد انا معملتش حاجه. ثانيا انا عرفت من السواق اللي وصلك هنا هو قال سمعك بتصرخي جوه فرن عليا علطول وانا اجيت بسرعه. عهد بصت عليه بامتنان كبير وقامت وقفت قدامه وحضنته تاني بحنيه وقالت: _شكرا انت بجد جنتل مان اوي. ضبع تسمر في مكانه وحس بكهرباء ضربت قلبه وبقى بيدق بجنون من لمستها الرقيقه ليه وقال: _انا انا بصراحه كونت احم كونت.

بعدت عهد عنه لما لقته متوتر اوي منها وحطت ايدها على خده بلطف وقالت: _انت كويس ياعسليه مالك بتقطع في الكلام كده ليه؟ ضبع بلع ريقه من نظره عنيها البريئه وقلبه خلاص هيقف من قربها منه وقال: _انا لا مفيش حاجه ممكن نتحرك بقى علشان عندي شغل كتير في القصر. عهد ببرائه: _اكيد انا هجيب ماما حالا استناني بره بس ياعسليه ممكن. ضبع بضياع منها: _حاضر ياعهد. خرج ضبع ووقف قدام عربيته وحط ايده على قلبه وهو بيدق

بقوه ونفسه بقى عالي وقال: _البت دي بقت خطر عليا دي من قربها بس حاسس قلبي هيقف منها. وسكت على لمستها وهي بتقول: _ياضبع بيه ياعسليه رد عليا. ضبع بانتباه: _نعم ياعهد في حاجه. عهد ببسمه: _لا بس انا ركبت ماما العربيه وكونت عاوزه اقولك كده بس. ضبع بتفهم: _اه تمام اركبي علشان نتحرك فورا. عهد بطاعه: _حاضر ياعسليه. ركبت عهد العربيه وضبع ركب كمان ونطلق للقصر بسرعه. وبعد وقت وصلوا ودخل ضبع الاول وبعده عهد ومامتها.

_حمدله على السلامه ياضبع بيه اتأخرت كده ليه ومين البنت دي كمان؟!! ضبع ببرود: _مش شغلك ياسوزي هانم. سوزي بغيظ: _لا شغلي ياضبع ومش كل شويه تجيب بنت شكل للقصر بالطريقه دي ارحمنا بقى شويه من القرف بتاعك ده. ضبع حط ايده في جيبه بلا مبالاه وقال: _ده قصري والعز ده كله بتاعي يامرات ابويا وانا حر فيه اعمل اللي عاوزه هنا براحتي. واللي مش عاجبك الباب موجود قدامه. سوزي نفخت بضيق منه وقالت:

_ماشي ياضبع براحتك بس صدقني هتندم بعدين. ضبع ببرود: _شكرا مش محتاج نصيحه من وحده زيك ياسوزي هانم. سوزي سمعته وهو بيهينها بكل برود وسابته وهي متعصبه اوي منه وقالت في سرها: _ماشي ياضبع بكره نشوف مين هيبقى الملك هنا يابن رقيه. وضبع بعد مامشت نادي على كبيره الخدم بصوت عالي: _ياداده هدى تعالي عاوزك. حضرت اداده هدى وقالت: _نعم ياضبع بيه. ضبع قال وهو بيشور على عهد وامها:

_خدي عهد وامها على غرفه الخدم هنا لو سمحتي وخدي بالك منها كويس تمام. _تمام ياضبع بيه حاضر تعالي يابنتي معايا. عهد بفرحه: _حاضر ياداده وشكرا اوي ياضبع بيه. ضبع ببسمه: _العفو ياعهد المهم تبقي مرتاحه وتشتغلي كويس هنا تمام. عهد ببرائه: _حاضر من عنيا ياعسلـ. سكتت عهد فجأه على صوت قوي في القصر وكان في شخص بيخبط على الباب وبيصرخ بقوه كمان. فقالت برعب: _ايه ده مين هنا بيصرخ بالطريقه دي؟! رد ضبع ببرود:

_لا مفيش دي مراتي اصل انا حابسها فوق لوحدها. عهد بصدمه: _اييه!! ، مراتك وحابسها لوحدها ليه؟؟!