رواية عهد الملك الفصل الثامن 8 - بقلم مجهولة

انت اتجننت يا مالك؟ دي خطيبتي! مالك كان لسه هيرد له البوكس بس تنح بصدمة من كلامه. مالك بصدمة: خطيبتك إزاي؟ دي مراتي! كارم بغضب: نعم؟ هو انت بتستعبط؟ عهد ما تقولي حاجة! عهد بتوتر: مااااالك يبقى جوزي! أنا معرفكش! كارم بصدمة: عهد انتي اتجوزتي؟ بعد كل سنين الحب دي؟ وانتي بتنكري إنك تعرفيني ليه؟ بعدين إزاي تتجوزيه وانتي مخطوبالي؟

مالك بيقف محتار مش عارف يصدق مين. كارم اللي مُصر إن دي خطيبته عهد، ودي اللي بتقول إنها ملك مراته ومُصرة على موقفها. مالك بهدوء: طب معاك حاجة تثبت إنها خطيبتك؟ كارم وهو لسه بصدمته: معايا صور الخطوبة. مالك وهو بيبص على عهد بنظرات تمنت لو الأرض انشقت وبلعتها ولا شافتها: وريني الصور دي. كارم بيفتح تليفونه وبيوري مالك الصور اللي بتكون فعلاً معاه عهد فيها وهو بيلبسها الخاتم. مالك وعيونه بتطلع شرار: ده إيه؟

عهد بتوتر: بصراحة أنا اتخطبتله لما كنت فاقدة الذاكرة. مالك بهدوء قبل العاصفة: الصور دي من تلات سنين. شوفي التاريخ مكتوب أهو. والحادث من سنتين. هوا انتي بتشتغليني؟ قدامك دقيقتين تعترفي فيهم بالحقيقة. مين اللي زقك عليا؟ والا تقولي على نفسك يا رحمن يا رحيم! وبرضو هعرف الحقيقة. عهد بتوتر وخوف: الحقيقة أنا مش ملك مراتي. مالك بعصبية: ما أنا عارف إنك مش ملك مراتي. أنا عايز الحقيقة كاملة. وليه كدبتي؟ وانتي مين؟

ومين اللي باعتك ليا؟ عهد بدموع وهي بتقعد على الكرسي: خلاص مصيرك كده أو كده تعرف الحقيقة هي….