رواية عهد رحيم "زواج تحت النظر" الفصل الحادي والعشرون 21 - بقلم ديدا الشهاوي

في جناح العروسين.. رحيم كان نايم عاري الصدر بيفكر في اللي حصل والمفاجآت ونعم ربنا اللي أنعم عليه بيها وحياته اللي تغيرت برحمة ربنا وبيفتكر شريط ذكرياته المؤلمة وهو بعيد عن ريم بسبب غروره وعناده وأخد عهد مع نفسه إنه يصون ويحافظ على نعم ربنا ويشكره عليها وأولها الزواجة الصالحة رحيم اتعلم من رحمة ربنا إنه يكون رحيم. ريم خرجت من الحمام بالبرنس وهي بتنده رحيم عشان يقوم يجهز فضلت تنده ليه وهو شارد الذهن. ريم..

رحيم.. رحيم... رررررحيم. رحيم.. وهو بيص ليها بإعجاب عشان قمر في كل حالتها. معاكي مولاتي. ريم.. إيه اللي شغلك عني.. ومش معايا خالص. رحيم... مشغول بيكي. ريم.. ريم بخجل.. يلا اقوم عشان تجهز عشان منتأخرش على الطيارة. رحيم.. أوكي بس عاوز منك طلب ومتبقيش رخمة. ريم.. أمر حبيبي بس اقوم أجهز. رحيم.. ما هو الطلب شرط عشان أقوم. نظرت ريم باستغراب.. إيه هو. رحيم.. أقوم أرقص معاكي رقصتنا. ريم.. بصتله باستنكار..

ده وقته يا رحيم أدهم ممكن يجي في أي وقت. رحيم.. خلاص مش قايم ولا مسافر. ريم.. خالص تعالي أنا كمان عاوزة أرقص بس هنرقص كده.. استني أغير. رحيم.. تؤء تؤء كده حلو ده أحلى رقص وإحنا كده هات إيدك قوميني. ريم.. بصتله بطل دلع يا رحيم ويلا..

شغّل رحيم أغنيتهم في موبيله ومسك إيدها وبدأ يرقصوا واندمجوا في الأغنية بطريقة فظيعة وفجأة وهما بيرقصوا ورحيم مندمج نزل الكابشون بتاع البرنس من على شعر ريم.. اللي كان مبلول.. وبعدها ومع حركات الرقصة فك رباط البرنس. ريم.. بتبص لرحيم.. إيه.. رحيم غمز ليها وزقها برفق على السرير. ريم.. رحيم هنتأخر على الطيارة. رحيم.. بغمزة.. متقلقيش هنركبها حالا أهو... وراحوا لعالمهم الخاص بيهم.

بعد ساعات ورحيم قام خد شور وجهز كان جاني بمعنى الكلمة وريم كانت بتلبس. ريم... بتصفيرة إعجاب وغيرة.. إيه ده بقى أستاذ رحيم إنت هتنزل كده. رحيم.. باستنكار.. مالُه شكلي مش عجبك. ريم.. كده البنات هتعكسك وأنا مش هتحملش حد يبصلك. رحيم حضنها وقالها.. عيني وقلبي مش شايفين غيرك وطبعًا على شفايفها قبلة لتأكيد كلامه. ونزلوا لأدهم وولاء اللي كان منتظرينهم ورحبوا بيهم وكان مبسوطين لفرحتهم. ولاء.. واوووو هو الجواز عندكم بيحلي كده.

أدهم.. شوووووور يا مان إنت مش شايف علبة الحلويات اللي قاعدة معانا. وصلوا معاهم للمطار ليبدأوا رحلة شهر عسلهم. وصلوا تركيا قضوا فيها أجمل أيام حياتهم وكل مكان بقى ليها ذكرى عندهم يحكوها لأولادهم. وبعدها.. راحوا لأمريكا.. ليقضوا دعوة ولاء ليهم في بيته في الريف الأمريكي في منزله وسط الطبيعة والهدوء والمنظر الخلاب.. فرحوا أوي بالبيت.

وعربية كمان عشان يقدروا يتحركوا واستمتعوا بكل مكان ولاء حجز ليهم فيها.. وفي آخر يوم في البيت.. جهزوا شنطتهم. وهما في العربية... بيودعوا البيت بتاع ولاء. رحيم.. ولاء ده راجل بجد طلع دماغ عنده الجمال ده إزاي له حق يكون هادي ويفرح اللي يشوفه. ريم.. بجد ولاء مكنتش اتوقعه كده بجد أنا حبيته. رحيم.. بصلها فجأة.. ناعم يا أختي. ريم.. بخجل.. أقصد حبيته زي أخويا متزعلش حبيبي. رحيم.. صالحيني. ريم.. آسفة والله حبيبي. رحيم..

غمز لا عاوز حاجة تانية. ريم.. رحيم ده وقته. رحيم.. أه وقته وكبرت في دماغي. ريم.. بدهشة من تصرفات رحيم.. هاه عاوز إيه دلوقتي. رحيم.. نرقص حالا. ريم.. لا بقى إنت فيك إيه رحيم ميعاد الطيارة كده هنتأخر. رحيم.. ها هنرقص ولا هعمل حاجات مش كويسة. نزلوا من العربية وشغّلوا أغنيتهم ورقصوا أمام العربية وفي آخر رقصتهم باس شفايفها.. بحبك. بعد مرور ٧ سنوات.

رحيم بقى أحسن من الأول في حياته وتقدّم في شغله وبقى يسافر سفريات عمل من بلد لبلد وريم دايماً معاه سندها لغاية ما بقى أشهر رجال الأعمال في الشرق الأوسط.. وبدل شقة بقى عنده أكبر فيلا في أرقى المناطق وأخد أمه تعيش معاه بعد إلحاح منه هو وريم كتير وهي كانت بترفض لغاية ما أقنعها بفيلا جنب فيلتهم بدورين هي الدور الأول ووالد ريم ووالدتها الدور الثاني. في جنينة الفيلا.. كانت بنت بتلعب بنت قمر حلوة أوي.

وقاعدة كل شوية تبص لبوابة الفيلا إ منتظرة أكيد حد. خالو... خالو... خالو.. جه. ولاء.. حبيبتي خالو القمر بتاعي. وحضنها وشالها.. وكمل كلامه القمر بتاعي بيلعب لوحده ليه فين حمزه أخوكي. ماما بتاكله وهتلبسه.. وكمان مش بيعرف يلعب معايا زيك. ولاء.. هلعب معاكي لغاية ما تزهقي بس تعالي نشوف ماما وبابا. ودخلوا الاتنين البيت. وريما جرت على مامتها وباباها.. دادي... دادي لولو جه لولو جه. ولاء سمعها وهي بتقول لولو كلم نفسه..

الله يخيبك ندلة زي أبوكي. رحيم.. مالك بابوها إنت اللي مدلعها ومش عارفين ناخد حق ولا باطل معاها.. وهنا سلم على ولاء وحضنه.. وحشني يا ولاء. ولاء.. إنت أكتر كلكم وخصوصًا ريما عروستي وحمزه ابن أمه ده. في دخول ريم.. سلمت على ولاء.. ماشي يا ولاء هسلّط عليك حمزه عشان يقرفك.. بوكسينج. ولاء.. طالع زي أبوه مفتري.. أمال فين الجماعة أنا اللي جيت بدري ولا إيه. رحيم.. قام يجيبهم.. في دخله أمه وحماته وحماه.

وهنا اجتمعوا فالنهارده عيد ميلاد ريما تمت ٥ سنين. اجتمعت العيلة احتفالاً بعيد ميلاد ريما في جنينة الفيلا.. الكل مبسوط وسعيد وولاء مع ريما فهما مندمجين مع بعض. خالو.. خالو. ولاء.. يا عيون خالو. مش عوزاك تتجوز غيري ولو حبيت عرفني واكون أوافق عليها. ولاء.. حاضر مستغرب طالعة زي اللي خلّفوكي. ومحدش يقولك لولو غيري فاهم ولا هخصمك. ولاء.. ماشي يا بنت رحيم.

وهنا وصل أدهم وأخوات رحيم كلهم واحتفلوا بعيد ميلاد ريما وأخدوا الصور والكل كان مبسوط وبعد انتهاء الحفلة. وهنا.. ريم اطمأنت على ريما وحمزه إنهم ناموا ودخلت أوضتها ملقتش رحيم.. اتخضت.. رحيم رحيم.. فينك. نزلت على أوضة المكتب.. لاقته على سجادة الصلي بيصلي. انتظرته لغاية ما خلّص. ريم.. حرام حبيبي بس ده لامعاد عشا ولا فجر وإنت مصلي العشا. رحيم..

كنت بصلي ركعتين شكر لله يا ريم ربنا أنعم عليّا بالكتير لازم أشكره.. أشكره إنه رجّعك ليّا وأشكره على رضا أمي وحب الناس ليّا. ريم.. الشكر إنك كمان تساعد الناس. رحيم.. من غير ما تقولي والله. ريم.. مش هنطلع ننام بقى. رحيم.. ماشي. ريم.. وهي متوترة وخجلانة.. رحيم في حاجة عاوزة أقولها لك. رحيم.. قلق.. في إيه إنت كويسة وريما وحمزه كويسين؟ ريم.. براحة.. حبيبي.. اهدي كلنا بخير. رحيم.. أمال في إيه متقلقنيش عليكوا. ريم.. بخجل..

أنا حامل. رحيم... إيه بجد ألف حمد وشكر لله. ريم.. إنت مش زعلان. رحيم.. إنتي مجنونة دي نعمة من نعم ربنا.. اللي ربنا وهبها ليّا نعمة الذرية.. عيلتي هتزيد واحد. ومسك إيدها وباسها وجبينها. وطلعوا من المكتب ولسه هيطلعوا أوضتهم. رحيم.. أميرتي تسمحلي. ريم.. اتفاجأت رحيم بيشّلها.. إيه حبيبي. رحيم.. أميرتي لازم ترتاح تعبت النهارده. دخلوا أوضتهم.. ونيمها على سريرها ونام جنبها وخدها في حضنه. ريم..

نفسك تسمي الجاي إيه إن شاء الله. رحيم.. إن شاء الله يجي بالسلامة سواء بنت ولا ولد هسمّيه عهد. ريم.. استغربت.. عهد غريب الاسم. رحيم.. عشان ده عهدي مع ربنا من ساعة رجوعك ليّا إني أحافظ عليكي وعلى حياتنا وأولادنا.. عهد رحيم. ريم.. رحيم أنا بعشقك بعشقك أوي. رحيم خد ريم في حضنه.. وأنا متيم بيكي. وناموا ونسبوا لحياتهم.