رواية عقارب بيت العيله الفصل العاشر 10 - بقلم نور رمضان

مبروك وسابتهم وطلعت فوق. مبقتش عارفة تروح أوضة مين. هي ملهاش حاجة هنا. فضلت واقفة لحد ما نوح ييجي. نوح ببرود: لو الموضوع طلع كذب يا كامليا، وحياة أغلى حاجة عندي، لموتك فيها. كاميليا بغضب: حتى حملي بقى كذب عندك؟ ولا أنت اللي عايز أي حاجة تكرهني بيها؟ نوح ببرود: أنا قولتلك سلام. طلع نوح لـ زهره. نوح بحب: تعالي يا زهره ندخل أوضتنا.

مشت زهره معاه من غير كلام. دخلوا أوضة كانت متزينة بطريقة حلوة جداً، وكان فيه صورة ليهم وهما خارجين سوا. نوح بحب: زهره، أنا عايزك تنسي أي حاجة حصلت من أول ما دخلتي البيت ده. حاولي تبدأي من جديد. أنا متأكد إن أمي لو عرفتك حقيقي هتحبك جداً. هي مجروحة من أمك، لكن هي طيبة، بس الغيرة طغت عليها من زمان. زهره: نوح، أنا عايزة أنسى كل حاجة بجد. تعبت، عايزة أبدأ من جديد. نوح وهو بيقرب عليها

جامد وبيشدها عليه وبيهمس: هننسي كل حاجة. وأنتي معايا هتنسي كل حاجة. معايا أنا يا زهرتي. زهره بتخدر: نوح، ابعد. نوح بهمس وهو بيقرب منها: شششش. انسي يا زهرتي. الجد: سعاد، تعالي معايا. سعاد: حاضر يا حج. الجد: سعاد، بسببك جوزك سابك وسابنا كلنا ومشي. وبسببك ابنك الأولاني اتدمر وبقى مريض. وعايز ابنك التاني يضيع هو منك. اعقلي علشان هتندمي بعدين يا سعاد. وصدقيني لو عملتي حاجة تاني، ليكون حسابك عندي.

سعاد بعصبية: وكان فين كلامك وحكمتك دي لما سابني أنا وعيالي لوحدي؟ كان استحمل، كان فضل. لكن سابني وسابني أربي عيالي لوحدي، لوحدي. محدش له دعوة أنا بعمل إيه مع عيالي. ولو كان حد بوظ ليث، هو أبوه. ماشي. الجد: برا يا سعاد. اطلعي برا. سعاد بغضب دفين: ماشي يا حج. طلعت من عنده وراحت عند كامليا. أمه بغضب: كامليا، شوفي حل بسرعة. دول جابوها تعيش معايا. دانا هتجنن فيها. دي اتصرفي، والله أموتها.

كاميليا بزهق: أنا خلاص تعبت. أنا عايزة أربي ابني ومليش دعوة بنوح. أمه بغضب شديد: كامليا حامل؟ إزاي؟ إحنا هنخيب؟ نوح مش بيلمسك بقاله ٦ شهور. كاميليا بخوف... تاني يوم. صحى نوح من النوم، بص على زهره وهي نايمة. عمره ما تخيل قد إيه يكون مبسوط معاها، وهي بتتبادله حبه وعشقه ليها. نقية وهادية وراضية، حلوة في كل حاجة. قام سابها تمام علشان تعبت. خد دش وخرج برا الأوضة، كان رايح لـ كامليا علشان يعرف إزاي حامل.

سمع نوح بغضب شديد: إززززايييي.