رواية عقارب بيت العيله الفصل الحادي عشر 11 - بقلم نور رمضان

نوح بغضب شديد وغل مسكها من شعرها جامد. "حامل من أخويا؟ أخويا يا وسخ! جرها من شعرها على السلم. كاميليا بصوت: "يا نوح، ابني، أبوس إيدك، هتموتني، آآآه، عشان خاطري! سكت لما ضربها بالقلم. "بتخونيني مع أخويا يا كاميليا؟ نزلت زهرة بسرعة تشوف إيه. زهرة وهي بتحوش: "سيبها يا نوح، هتموت، حرام عليك! عمالة تزق فيه وهو ماسك فيها بغل. أمها عمالة تصوت: "هتودي نفسك في داهية يا نوح، سابها هتموت، يا لهوي يا نوح!

نوح بغضب وبيضرب فيها: "أنا كنت عارف إنكم وسخ بس للدرجة دي؟ أنا مغفل؟ أخويا يعمل كدا فيا؟ لييييه؟ ثم أكمل بغل: "أنتي طالق، طالق يا كاميليا، مش عايز أشوف وشك تاني، فاهمة؟ وزقها. كاميليا بعياط ووجع: "فاهمة، فاهمة." زهرة بدموع على نوح: "نوح، اهدى." نوح بعصبية: "اطلعي دلوقتي يا زهرة." زهرة: "نوح، تعالي معايا، مش هسيبك لوحدي." نوح بعصبية: "قلت اطلعييي! طلعت زهرة بخوف منه. نوح بغضب: "فين ليث يا جدي؟

الجد: "هتضيع نفسك عشان اتنين زبالة زيهم، الاتنين خدوا جزاءهم يا نوح." نوح بغضب وبيكسر كل حاجة على المكتب: "بينتقم مني في مراتي، بيطعني في ضهري، الواطي." الجد بغضب: "دخل، نوح، الاتنين أو.سخ من بعض يا نوح، سيبهم ياخدوا جزاءهم وانسى، وركز في زهرة، بتحبك وهتحافظ عليك." نوح: "ماشي يا جدي." طلع نوح عند زهرة. زهرة أول لما شافته جريت عليه حضنته. زهرة: "متزعلش يا نوح، حقك عليا، أنا الحمد لله إنك كشفتها، متزعلش."

كانت عمالة تطبطب عليه بحنية. نوح بوجع: "فكرت أنها حامل من أخويا، كسرتني." زهرة بسرعة: "لا، لا، عاش ولا كان اللي يكسرك، ده ربنا كشفهم على حقيقتهم يا نوح، ربنا بيحبك، حقك عليا منه." نوح بيحضنها جامد: "أنتي عوض ربنا ليا يا زهرة." ثم أضاف بجرأة: "قوليلي أي القميص ده." زهرة بكسوف وقد أوشك وجهها على الانفجار من الخجل: "نوح بس." نوح بغمزة: "بس انتي تعالي." الجد: "أخويا ومراته جاين النهاردة."

سعاد بغضب دفين: "ماشي يا حج، ينوروا." سعاد في نفسها: "كنت ناقصة قرف أنا." طلعت سعاد عند نوح بغضب. سعاد: "نوح، نزلي الهانم مراتك تساعدني، ولا كمان هتخدمني؟ نوح وزهرة اتخضوا. نوح فتح الباب: "إيه يا ماما، فيه إيه؟ سعاد بغضب: "فين الهانم؟ نوح: "جوه، خمس دقايق وهخليها تنزل، حاضر." مشيت سعاد وهي بتتوعد لزهرة. نوح بحب: "زهرتي." زهرة بكسوف: "نعم."

نوح بحب: "بصي، أمي دلوقتي بقت لوحدها، يعني لو معندكيش مانع تسعديها في الأكل، لو مش عايزة هجيب حد يسعدها عادي." زهرة بحب: "لا يا حبيبي، هساعدها، هحاول أخليها تحبني." ثم أكملت بمرح: "بكرة تنزل تلاقيها مسحة بيا البيت كله." كانت زهرة طول اليوم تكنس وتمسح وتعمل في الأكل، وكل ده وسعاد قاعدة بتأمر فيها. بعد وقت، الجرس رن، كانت زهرة راحة تفتح الباب. سعاد بغر.ف: "إيه؟ هتفتحي بمنظرك اللي يعر ده؟ مش عايزهم يشوفوا خلقتك دي."

كان الجد قاعد مع أخوه بيتكلموا. فوزية بجمود: "أمال فين مرات نوح الجديدة؟ هي مش عايزة تسلم ولا إيه؟ سعاد: "معرفش، أنا هدخلها كدا." فوزية بحدة: "خليكي، أنا هدخلها." سعاد بتوتر: "لا، قصدي خليكي إنتي." فوزية سابتها وراحت على المطبخ، لاقت زهرة بتعيط وشكلها متبهدل ووقع على إيدها زيت مغلي. فوزية بخضة: "يا نهار أسود."