رواية علا وعز الفصل الحادي والعشرون 21 - بقلم وهج ابراهيم

عند دعاء بعد عنها وحط جبينه على جبينها بسعادة عشان اتجاوبت معاه. يزن: بحبك. دعاء عضت شفايفها بكسوف. يزن: يا دين النبي، أعمل فيكِ إيه دلوقتي، آكلك؟ دعاء بعدت عنه بصعوبة وقالت: ماما أكيد قلقت عليا، خليني أنزل لها. يزن: خالتي عارفة إنك معايا. دعاء: لا والله، طابخينها سوى. يزن: ما هي يا حبيبتي عارفة يزن بيحبك قد إيه، ويخاف عليكي أكتر من نفسه. ولسه هيقرب. دعاء بعدت عنه: طب مدام بتخاف عليا، خلينا ننزل نشوفها.

يزن بغمزة: ماشي يا قلبي، كلها يومين وتبقى بتاعتي. دعاء نزلت وشها بكسوف وهي بتمشي: طب يلا افتح الباب خليني أنزل. ******************* بعد مرور أشهر عز رايح جاي بخوف وقلق في المستشفى، عشان علا بتولد. وأول ما خرجت الممرضة حاملة بيبي زي القمر، جرى عليها بخوف: علا عاملة إيه؟ مراتي كويسة؟ الممرضة بابتسامة: الحمد لله المدام زي الفل وابنك كمان، اتفضل سمي عليه. أم عز بدموع: بسم الله ما شاء الله.. ألف مبروك يا حبيبي.

عز بسعادة: الله يبارك فيكِ يا ست الكل.. وبص للممرضة: علا هعرف أشوفها دلوقتي؟ الممرضة: هننقلها أوضة عادية وتعرف تشوفها براحتك. عند دعاء. دعاء: لا مش هألبس ده. وكملت بدموع: أنا تخنت أوي يا يزن.. وبقيت وحشة. يزن قعد جنبها بحب: تخنتي ده إيه، أنتِ كده زي القمر.. بعدين يا حبيبتي أنتِ حامل، عايزة يبقى شكلك إزاي؟ دعاء بغيظ: أهو أهو بتتريق عليا، شايف إزاي؟ يزن بصدمة: أتريق؟ هو أنا قلت حاجة؟ دعاء: أيوة أيوة اضحك عليا.

يزن شدها ليه بغيظ: يا حبيبتي هانت، بكرة هتخلفي وتجيبي بيبي صغيرة وجميلة شبهك ويملى علينا البيت. دعاء بدلع: لا أنا عايزاه شبهك. يزن بضحك: ماشي، البنت شبهك والولد شبهي. دعاء: لا أنا عايزاهُم كلهم شبهك.. عشان أنا بحبك قوي وهأحبهم لو جم شبهك كلهم. باس إيدها بحب: هو أنا بحبك من شوية يا قلبي؟ دعاء: وأنا بحبك. يزن: وأنا بموت فيك.. حتى وأنتِ تخينة كده. دعاء بصراخ: أنا تخينة يا يزن! امشي امشي من وشي مش عايزة أشوفك.

يزن بضحكة: بهزر بهزر، دِ أنتِ جامدة أوي، بعدين أنا بحب الست التخينة. وكمل بغمزة: عشان بتبقى.. دعاء بصدمة: اسكت خلاص بطل سفالة، حد يسمعك. يزن: بموت بكسوفك يا بطل. دعاء: بطل كلامك ده. يزن: باس جبينها: بحبك. دعاء: وأنا بموت فيكِ. يزن: وقعتيني بحبك إزاي مش عارف، كل اللي أعرفه إني بموت بيكِ. وشدها ليه وووو. عند علا. علا بغيظ: عززز يا عززز أصحى بقى ابنك تاعبني. عز رفع راسه بغيظ: طب أعمل إيه يا حبيبتي، بكرة عندي شغل.

علا برجاء: شيله شوية.. هو أنت مش أبوه؟ عز بضيق: طيب هاتيه عنك. وأول ما عز شاله ومشي بيه شوية الولد نام. علا بصدمة: أنت عملت له إيه؟ نام بسرعة كده. عز: عشان ابني بيحبني ومش عايز يتعبني. علا بضيق: يعني ما بيحبنيش أنا؟ عز حط الولد مكانه وقرب ليها بحب: هو أنتِ في حد ما بيحبكيش؟ أصلاً لو في حد بالدنيا دي يستاهل يتحب هو أنتِ. علا وهي بتلعب بـ زراير البيجامة بتاعته بدلال: بجد؟

عز: ده جد الجد، أنتِ وقعتي عز بحبك بظرف يومين، دِ أنتِ عندك قدرات محدش يقدر عليها، ولسه ما خفي أعظم. علا: بحبك.. يا عز. عز: ما تيجي نكتشف القدرات التانية؟ ولسه هتفهم بيقول إيه، وزقها بخفة عالسرير ووووو. النهاية هي الغاية وخلصنا أهو.