رواية علمتني الحب الفصل الأول 1 - بقلم ميرفت محمد

سما: أنا بحبك. مصطفى: نعم، أنتِ أي؟ سما: بحبك. مصطفى: أنتِ اتجننتِ؟ بتحبيني إزاي؟ سما: أنا مش فاهمة، بحبك يا مصطفى، في إيه؟ مصطفى بغضب: أنتِ أكيد مجنونة، بتحبيني؟ أنتِ عارفة فرق السن اللي بينا. سما بدموع: الحب عمره ما كان بالسن يا مصطفى. مصطفى: لأ، بالسن. أنا أكبر منكِ بالكتير، بس أنا اللي غلطان عشان آخدك عليا. حبيتك زي أختي، وأنتِ فكرتي حبي لكِ حاجة تانية.

سما بغضب ودموع: لأ يا مصطفى، أنت عمرك ما حبيتي زي أختي، ولا أنا اعتبرتك أخويا، افهم بقى، أنا حبيتك. مصطفى بغضب: بصي، أنا هعتبرك عيلة ومش هاخد بكلامك. ومتنسيش إني دكتورك في الجامعة، يعني تحترميني وتعرفي إني أكبر منك. سما: بس إحنا مش في الجامعة. مصطفى: في الجامعة، برا الجامعة، تحترميني برده، والكلام ده ما يتقالش تاني، فاهمة؟ سما ببكاء: فاهمة. ثم ذهب إلى بيتها بأقصى سرعة.

سما: بنت جميلة جداً، بيضة وعيونها بني وشعرها أسود ك سواد الليل. عمرها 20 سنة، في كلية هندسة. بنوتة شقية جداً، لسانها طويل، ملامحها تشبه ملامح الأطفال. مصطفى: شاب عمره 30 سنة، هو دكتور في الجامعة، محترم جداً. ملامحه ملامح رجولية، شعره أسود وعيونه عسلي. هو راجل بمعنى الكلمة، حلم كثير من الفتيات.

ليل: صاحبة سما الانتيم، نفس عمر سما ومعاها في نفس الجامعة. ملامحها جميلة، بيضة وعيونها سودة وشعرها بني فاتح. هادية عن سما، شقية ببساطة. أحمد: صاحب مصطفى الانتيم برضو، بس فرفوش وبيحب الهزار وبتاع بنات، بس لما بيغضب بيقلب عيونه سودة. وعيونه سودة برده، وملامحه ملامح رجولية مثل مصطفى. في الصباح، مصطفى يستيقظ ويفطر مع والدته. والدته ست طيبة جداً وبتحب ابنها، وبتحب سما برده، بتعتبرها زي بنتها وبتتمنى إنها تكون زوجة ابنها.

مصطفى: صباح الخير. الأم: صباح النور، أنت رايح الجامعة؟ مصطفى بضيق: آه. الأم باستغراب: غريبة، يعني سما ما جتش زي كل يوم وتصحيك؟ مصطفى وهو يقوم بضيق: معرفش يا ماما، هروح أشوفها. الأم: ربنا معاكم. يذهب مصطفى إلى الجامعة بضيق، بعد ما ذهب إلى بيت سما وعرف من أمها إنها نزلت إلى الجامعة مع صحابها. مصطفى بتفكير: هو أنا مضايق ليه؟ ما تنزل، أنا مالي، في إيه مدايق ليه؟ أوووف، إيه ده؟ ثم قال بصدمة: سمممااااااا.