رواية علي حافة الجنون الفصل الثاني 2 - بقلم وئام محمد

أميرة بصدمة: أنتي مش دكتورة تشريح؟ سما: لا يا ماما مين قالك الهري ده؟ أميرة: أومال إيه؟ نظرت لها سما من فوق لتحت ثم قالت: سما: أنتي متأكدة أنك تبع سليم منصور؟ أميرة: مديري والله. سما: مديرك! يعني أنتي مش ممرضة ولا حاجة؟ أميرة: هاا لا ممرضة. سما ببرود: أنتي تعرفي لو قدمت الـ CV بتاعك للقسم بتهمة تزوير هتتسجني كام شهر؟ أميرة بتهديد: وأنتي تعرفي لو قدمت في القسم بلاغ عنك بتهمة تقطيع الجثث هتقعدي كام سنة؟

سما: ده لو عيشتي. أميرة: قصدك إيه؟ سما: يعني قدامك حل من الاتنين يا تكملي الشغل معانا، أو تكوني أنتي الهدف الجديد لينا. أميرة: وده عبارة عن إيه الشغل ده؟ سما: بنسحب كتلة بسيطة من مخ الجثث. أميرة: أيوه ليه يعني؟ سما: هو ده بس اللي لازم تعرفيه دلوقتي. أميرة بخوف حاولت إخفاؤه: طيب أنا طبعًا مش هبدأ من أول يوم. سما وهي تقرب من أميرة: أكيد طبعًا. أميرة: طب هم... لم تكمل جملتها فقد خدّرتها سما وأمرت بعض الرجال بأخذها.

سليم بملل: أنتي يا زفتة اصحي. أميرة بنعاس: بس بقى بلاش إزعاج، ناقص حتة من الحلم هكملها وأصحى. سليم: أنتي متخلفة! مسك كأس به ماء وكبّه على وشها. أميرة بفزع: إيه ده في إيه في إيه؟ سليم: لو حمار مش هينام كده. أميرة: أنت مين عشان تكلمني كده؟ نظرت حولها لتجد نفسها قاعدة على الكرسي ومربوطة. أميرة ببكاء: أنتم ميين سيبوني؟ سليم: أنا سليم منصور يا أميرة متعرفنيش؟

أميرة بغِل: اسمك زي اسم الراجل النحس العجوز مديري، ربنا ياخده زي ما رشقني في مصايبه. سليم ببرود: لمي نفسك، أنا هو الراجل اللي بتشتميه ده. نظرت له أميرة من فوق لتحت. أميرة بملل: إحنا هنهزر بقى؟ سليم بابتسامة: لا يا بنتي ده سائل عملته ونجح والحمد لله بقيت شاب كده. أميرة: وحياة أمك طب ما تجيب لي حبة سائل يخلي عندي قوة خارقة. سليم: أنا فاهمك دي آثار الصدمة بس. ثم لف بابتسامة ليستعرض عضلاته وشبابه.

سليم: إيه رأيك في النحس العجوز؟ أميرة: لو سمحت ممكن تعقل شوية، مش شكل راجل عصابات خاطف بنت خالص. سليم: استني هثبت لك صحة كلامي. فتح سليم الشاشة وكانت عبارة عن أشخاص كبار السن يشربون شيئًا وبعدها بفترة تختفي التجاعيد، قفل الشاشة. أميرة بصدمة: إيه ده يا باشا؟ سليم: صدّقتيني بقى؟ أميرة: طب لنفترض إن الهبل ده مش فوتوشوب وإنك المدير فعلًا، أنا هنا ليه ومالي بخرافات العواجيز دي؟

سليم: أنتي هتساعديني يا بنتي أنا واثق في قدراتك. أميرة: بنتي إيه بقى ما خلاص أنت بقيت أصغر مني يا جدع. سليم: ندخل في المهم. أميرة: يا ريت والله. سليم: السؤال المهم أنا ليه جبتك هنا؟ أميرة بزهق: هاا أخلص. سليم: عشان أنتي اللي هتساعديني من النهاردة، طبعًا أنا مينفعش أرجع الشركة بشكلي ده، وده توكيل إن الشركة باسمك. أميرة بفرح: بجد أنا طول عمري بقول عليك راجل كريم.

سليم بتكملة: طبعًا أنا هكون مت وهغير اسمي على إني ابنه وأجي أسترجع منك الشركة. أميرة: طب وأنا هستفاد إيه؟ سليم ببرود: هيجي لك شوية أسهم من الشركة. أميرة: آه طب مش هتفكني؟ قرب سليم وفكها. أميرة وهي بتشاور لسليم لمكان ما: إيه اللي هناك ده؟ نظر سليم خلفه لتستغل أميرة انشغاله وتضربه بالكرسي على رأسه وخرجت من الغرفة. أميرة بصدمة: إيه ده؟