رواية عملي الاسود الفصل السادس 6 - بقلم شروق الجندي

حبيبتى أنا نازل. محتاجة حاجة؟ شكراً ياحازم. مش ملاحظ إنك بقالك أسبوع مقولتيش "ياحزومي" ولا حتى ضحكتي مرة. ده أنا ساعات بحس إنك بتعملي مجهود عشان تبتسمي. مالك يارحمة؟ هتتأخر مع صحابك؟ هي دي إجابة سؤالي؟ إطفي النور وراكي عشان نوفر كهرباء. غريبة، ده إنتي كنتي بتشغلي النور كله عشان بتخافي وتيجي تجري تستخبي فيا لو طفيت لمبة. قعدت عالكنبة وبتخيط قميصي وردت وهي مش بتبصالي. بطلت أخاف وبطلت أتحامى في حد. حد!!! هترجع تلاقي أكلك ع السفرة. مسكتها من دراعها بقوة ووقفتها. مش عايز أتأخر، عايز أفهم فيه إيه. بصتلي بهدوء عكس المتوقع. مش دي الحياة اللي نفسك فيها؟ لبس نضيف وأكل حلو وشقة مترتبة وزوجة هادية ومطيعة. آه فعلاً نفسي في كل ده ومنكرش إنك عملتيه ع أكمل وجه. بس دايماً ساكتة وبتردي باختصار. مش دي رحمة المرحة المجنونة اللي ضحكتها قادرة تغير يومي؟ فين مراتي؟ ماتت يابشمهندس. لمست وشها بحب. بعد الشر عليكي. رحمة أنا بحبك والله، وأسف لو قسيت عليكي. ردت بابتسامة. وأنا كمان. يلا روح لأصحابك عشان اتأخرت، ولما ترجع هتلاقي مفاجأة حلوة. مفاجأة إيه دي؟ وتبقا مفاجأة إزاي يعني؟ حضنتني جامد وطولت. أوعدك المفاجأة دي مش هتنساها أبداً. بس متتأخرش. بحبك ياحازم.