رواية عملي الاسود الفصل التاسع عشر 19 - بقلم شروق الجندي

جى أهو. بتعمل إيه؟ بجيبلك الفيتامين بتاعك، أوعى تنسيه. مع إنّي مش موافق ع الصيام وإنتِ حامل. يا حبيبي، الدكتورة طمنتني وسمحتلي بالصيام، ورمضان ميتعوضش، مينفعش أفطر. طب اتسحّري كويس يا أم حسن. حسن! آه، لو جه ولد هسميه على اسم والدك، الله يرحمه. ولو بنت اختاريه إنتي. هسميها فريدة على اسم والدتك، كفاية إنها جابتلي أحن وأطيب راجل في الدنيا. وربنا، بموت فيكي. كفاية سهوكة ويلا نتسحر عشان كده هنموت من الجوع. ههه، عندك حق. عدت الأيام وكل يوم بحبها أكتر. كل واحد فينا مهمته يسعد التاني. الحب مهم، لكن المودة والرحمة والاحترام أهم. واللي بيحب بيقبل عيوب حبيبه. دخلت الشقة لاقيت رحمه بتعيط. جريت عليها: مالك ياقلبي؟ إنتي تعبانة؟ لا. طب مالك؟ أنا بقيت كرنبة. صح؟ هههه، أحلى كرنبة. مش بهزر. إنتي قمر وياقلبي، إنتي في التاسع، يعني بطنك لازم تكبر. اتنفضت: آه، انت بتقول إني كرنبة! يادي النيلة، أنا اللي ستين كرنبة! وكمان بتاخدني على قد عقلي! صبرني يارب، طيب أعمل إيه دلوقتي؟ آه… مالك ياروحي؟ شكلي دوخت من قلة الأكل. استنى هعملك أكل فوراً، ارتاحي إنتِ. رحمه شافته في المطبخ: هاهاى، شرب المقلب وهو هيعمل الغداء وأنا هتنتخ، ههه. وفجأة.