رواية عمياء وسط الذئاب الفصل العشرون 20 - بقلم محمد طه

_نهله وعلي: خلاص انتي قوليلنا نعمل إيه.. وإحنا تحت أمرك. _نور تفاجئهم: أنا هقولكم تعملو إيه. _مع دخول أم محمد الممرضة. _الدكتورة: اطمنو أم محمد أمان ومعانا. بقولك إيه يا أم محمد، تنضمي لينا للتخلص على هبه وأعوانها. _أم محمد بدون تفكير: معاكم واللي هتطلبوه مني هنفذه. _نور: قوليلي يا دكتورة مين هبه دي.

_الدكتورة: هبه دي شغالة هنا ممرضة.. بس اتظلمت.. لأنها المفروض كانت تشتغل ف كباريه. هبه دي حاجة كده ف قمة السفالة وقلة الأدب. أنا متأكده إن أي حالة سرقة بتحصل ف المستشفى.. هيا اللي بتبقى وراها. ده غير حاجات كتير غير أخلاقية بتحصل. _نور: هبه بقى دي لوحدها ولا فيه حد معاها. _أم محمد: أنا بشوفها كتير واقفة مع الواد رجب وسيد. _نور: بعد إذنك يا دكتورة خلي أم محمد ترجع.. السرير تاني ف أوضة نهله.

_نهله: لأ يا نور أنا مش هسيبك لوحدك. _نور: هنرجعه تاني يا نهله.. بس أنا عايزة مقابلة.. تجمعني بهبه دي لوحدنا. ودي مهمتك يا أم محمد. اخلقي أي سبب تخليها تدخل عندي. _أم محمد: حاضر يا بنتي.. الأسباب مفيش أكتر منها.. دي تتمنى أقولها على حاجة. _نور: وانتي يا نهله أم محمد هتعرفك.. بوقت دخول هبه عندي أول ما تخرج من عندي.. تراقبيها وتعرفي بتتعامل مع مين.

_نهله: حاضر يا بنت خالي.. بس أنا خايفة بعد ما أراقبها.. معرفش أرجع وأنسى اللي هشوفه أو أسمعه. _الدكتورة: لأ اطمني حالتك بدأت تستقر. أي حاجة جديدة هتدخل عالذاكرة هتتحفظ. وإحنا هنا الدور الرابع. وغرفتك غرفه 6. ونور غرفه 7 وعلي غرفه 8. _نور: وانت يا علي.. اعمل مشكلة مع واحد من الاتنين.. يا رجب يا سيد. بس تحاول تخليه هوه اللي يبقى.. غلطان ولما يصالحك تصالحه وتتصاحب عليه. _علي: أمرك يا ريسة.

_الدكتورة: وأنا دوري إيه ف الخطه دي يا ريسة. _نور: انتي يا دكتورة هنزلك ف الوقت بدل الضايع.. تجيبي الجون. المهم بقى دلوقتي هسألك سؤال.. ومتهربيش منه. بابا وماما حصلهم إيه. _الدكتورة بحزن وصوت كله دموع: البقاء لله. _سيطر الحزن عليهم كلهم وبدأو يواسوا نور. _لكن نور قلبها بيقولها لأ.. ماما وبابا عايشين.. وموجودين جنبك. _نور

بصوت كله دموع: أنا متأكدة إن بابا وماما عايشين.. لو فيه حد ميت يبقى أنا.. أنا اللي ميتة مش هما. وتحضن الدب وتعيط. (ف غرفه من غرف المستشفى هبه وسيد ورجب) _هبه بمكر: اسمعوني بقى كويس وركزو.. عشان إحنا هنلعب مع دكتورة.. يعني فاهمة وواعية وذكية. _سيد: انتي ليه محسساني إن إحنا شوية تلاميذ عندك.. متعيشيش ف الدور يا هبه. _هبه: خلاص يا سبع الرجال.. استلم انت المهمة. وأنا موافقة أبقى تلميذة عندك.. ووريني شطارتك.

_رجب: إيه يا جماعة أهدو.. إحنا هنبتديها خناق.. ومنافسة عالسلطة. اللي عندو فكرة يقولها.. والفكرة التمام تتنفذ. _سيد: اتفضلي يا حضرة المديرة. _هبه: هنبتدي مهمتنا من عند الولية اللي اسمها أم محمد. عشان الدكتورة بتثق فيها وعطيالها جميع الصلاحيات. _سيد: يبقى الثقة دي لازم تتهز. _رجب بقله أدب: وانتي يا هبه استاذه ف الهز. _هبه: اتلم يا رجب ووطي صوتك. إحنا مش ناقصين فضايح.

وتوجه كلامها لسيد: شوف يا سيد هيا الولية دي.. صحيح أكبر منك بحوالي سنتين. بس هيا جامدة واسألني أنا. _سيد: المطلوب إيه يا هبه. _هبه: تحسسها إنك مهتم بيها.. وف الرايحة والجاية كلام حلو. عايزاها تبقى زي الخاتم ف صباعك. (ف غرفه نور ومعاها الدكتورة سناء) _الدكتورة: ناويه على إيه يا نور.. عرفيني هتعملي إيه. _نور: مش أنا اللي هعمل.. الدب هوه اللي هيعمل.