رواية عمياء وسط الذئاب الفصل الحادي والخمسون 51 - بقلم محمد طه

المدير: وبعد ما تاخد اللي أنته عايزه منهم.. لو عايز تدفنهم صاحيين ادفنهم. حامد: أسمع يا سامح باشا.. الكلام اللي هقولهولك دا.. المفروض إني ما أقولوش.. بس هقولهولك عشان تاخد بالك.. الموضوع دا إن ما اتخلصش ف أسرع وقت.. الباشا هيغير الطقم كله. المدير بخوف: يعني إيه هيغير الطقم كله؟ حامد: يعني هيصفينا كلنا.. يعني لازم ننجز وننهي الموضوع دا.. يعني البت دي لازم نجيبها عايشة.

المدير: هنجيبها.. وقبل المهلة اللي الباشا عاطيها كمان. حامد: الاتنين اللي هاخدهم دول.. تجهز شهادات وفاتهم.. عشان كده كده هدفنهم. (في عربية سمير) (سمير ونور) نور بخوف: يارب يارب يارب. سمير يهدئها: يا نور إهدي إن شاء الله هيكونوا بخير.. إحنا اطمنا عليهم.. ومفيش غير الدكتورة.. والدكتورة مش صغيرة.. أكيد هتبقي هنا ولا هنا.. وسمر هتكلمنا دلوقتي وهتطمنا عليها. (وتلفون سمير يرن) (إتصال من سمر)

سمير: أهو مش قولتلك.. إطمني بقي.. أيوه يا سمر إيه الأخبار؟ سمر: سمير.. نهلة وعلي اختفوا.. والدكتورة ملهاش أثر. سمير بعصبية: يعني إيه اختفوا.. دوري عليهم كويس. نور بدموع: مين اللي اختفوا.. مين اللي اختفوا.. هات التلفون أكلمها. (وتاخد نور التلفون من سمير وتكلم سمر) نور: سمر مين اللي اختفوا؟ سمر: نهلة وعلي ملهمش أي أثر. نور بلهفة ودموع: في الدور الرابع فيه ممرضة.. اسمها أم محمد.. اسألي عليها..

ولما توصليلها خليها تكلمني.. أنا هفضل معاكي على الخط مش هقفل. (بعد دقايق) سمر: ألوو. نور بلهفة: أيوه يا أم محمد. سمر: لأ أنا سمر.. أم محمد مش موجودة.. محدش يعرف هي راحت فين. نور بخوف: يعني إيه.. أم محمد راحت فين هيا كمان.. طيب بقولك ايه يا سمر.. روحي غرفة.. مراقبة الكاميرات.. فيها واحد اسمه شاكر.. خليني اكلمه. (بعد دقايق) سمر: شاكر مع حضرتك. نور بلهفة وخوف: أيوه يا شاكر أنا نور.. فين علي يا شاكر؟

شاكر بصوت واطي: حضرتك أنا معرفش حاجة.. وخرجيني من الليلة بتاعتكم دي.. عشان ما أتأذيش.. وعلى فكرة.. سستم الكاميرات كله وقع.. وأنا لا شوفت حاجة.. ولا أعرف حاجة.. وما تكلمنيش تاني. (ويقفل شاكر ف وش نور السكة) نور وجسمها كله بيرتعش: إيه اللي بيحصل.. إيه اللي بيحصل.. يا ريتني سمعت كلامك يا علي.. يا ريتني سمعت كلامك ومشينا من المستشفى دي.. قبل ما يحصل كل ده.. يا ريتني سمعت كلامك يا علي وكنا مشينا. (في بيت داليا)

(داليا ونهلة) (إتصال من عماد) داليا: ها يا عماد طمني كله تمام. عماد: سمير كشف أجهزة التتبع وخدعنا. داليا: تعال بسرعة.. عشان نشوف المهمة البديلة. (وتقفل مع عماد وتتكلم مع نهلة) داليا: كنت أتمني إني ما أحتاجش لخدماتك.. بس صاحبتك بقي هيا اللي عايزة كده.. قوليلي يا شاطرة.. صاحبتك العميا فين؟ نهلة بخوف: صاحبتي العميا.. أنا ماليش أصحاب.. ومعرفش حاجة.. ومش فاكرة حاجة خالص. داليا ببرود: إحنا بقي هنعمل معاكي واجب..

وهنخليكي تفتكري.. وهنرجعلك الذاكرة. نهلة بدموع: حتى لو رجعتلي الذاكرة.. أنا ما عنديش حاجة أقولها.. وما أعرفش حاجة. داليا بضحكة مكر: ومالو لما يوصل العمده.. هنشوف هتقدري تقاومي.. ولا هتضعفي من أول لمسة.. إلا قوليلي تحبي أخليه يبدأ معاكي.. بالبوس الأول.. ولا التحريش.. ولا أخليه يجيب من الآخر…