رواية عمياء وسط الذئاب الفصل الخامس 5 - بقلم محمد طه

_نرجس بتلميح... إيه عامل حاجة وخايف تكشفك. _نهلة وهيا في أوضة نور بصوت عالي... أيوه يا مرات خالي متجوز عليكي أربعة. _نرجس بابتسامة... طب قولي تلاتة عشان الكدبة تبقى مبلوعة. _نهلة تخرج من الأوضة وشايلة الدبدوب... إيه ده يا خالو. _نور بفرحة... الله دا حلو أوي... شكراً يا بابا يا حبيبي. _ممدوح... كل سنة وأنتي طيبة يا قلب بابا. _نهلة بغيظ... محدش رد عليا إيه ده. _نور تجري عليها وتاخد منها الدبدوب وتحضنه...

دا أحلى هدية جاتلي في حياتي.. ربنا يخليك ليا يا بابا. _نهلة بعصبية... بقولك إيه يا مرات خالي.. أنتي شايلة السكاكين فين.. عشان الدبدوب ده هيتشق نصين دلوقتي.. النص اللي فوق لنور... والنص اللي تحت يلزمني. _نرجس بصوت واطي... وربنا صدقت جدتك.. لما قالت عليكي هبلة. _نهلة بتحذير... سمعتك بتقولي إيه يا مرات الخال. _نرجس بابتسامة... بقول إنك جوه البيت هبلة... بس برا البيت جدعة وبميت راجل. _نهلة لنور...

أمك دي هتخلي دمي يفور... تعالي عايزة إيه جوه. _نرجس وممدوح _ممدوح... بقولك إيه يا نرجس.. فيه ناس معزومين على عيد الميلاد. _نرجس باستغراب... ناس... ناس مين دول. _ممدوح... منعم زميلي في الشغل وسالم جارنا. _نرجس... تصدقي بالله.. أكتر اتنين ما برتاح لهم... وإنت إيه اللي خلاك تعزمهم. _ممدوح... والله أنا ما عزمتهم هما اللي عزوموا نفسهم. _نرجس... إيه العالم الباردة دي. _ممدوح... اسمعي يا نرجس... أنا كنت عايز آخد..

رأيك في موضوع مهم. _نرجس باهتمام... خير يا أبو نور. _ممدوح... أنا عايز أكتب الشقة دي باسم نور. _نرجس بقلق... ربنا يخلي لنا حسك واسمك في الدنيا... مالك يا أبو نور متقلقنيش. _ممدوح... خلاص يا نرجس... أنا بكرة الصبح هروح.... أسجلها باسمها.. واللي فيه الخير يقدمه ربنا. _في أوضة نور _نور وهيا واخدة الدبدوب في حضنها... ها يا هبلة... قصدي يا نهلة عايزة إيه. _نهلة برومانسية... فيه 7 شباب كده.. بيلمحوا لي.. إنهم معجبين بيا.

_نور بتريقة... 7 شباب مرة واحدة.. طب والهبلة معجبة بمين فيهم. _نهلة تسرح بخيالها... الهبلة معجبة بيهم كلهم. _نور تنادي عليها... نهلة نهلة أنتي يا هبلة. _نهلة بسرحان... عايزة إيه من الهبلة. _نور... قومي يا بت كده من جنبي.. عشان أنيم الدبدوب مكانك. _نهلة بصدمة... إيه ده أنتي هتنامي... أنتي والدبدوب في سرير واحد. _نور تهزئها... نامت عليكي حيطة... يا سافلة يا قليلة الأدب.. اطلعي شوفي.. مرات خالك بتعمل إيه وساعديها.

_نهلة... إيه ده... وكمان بتطرديني.. طب أقف أتفرج. _نور... مفيش حاجة جنبي أخبطك بيها... تتفرجي على إيه... يا اللي معندكيش دم. _نور تنيم الدبدوب جنبها على السرير وتغطيه. _عند منعم صاحب أبو نور في الشغل كان منعم قاعد بيفكر يجيب هدية إيه لنور هوا عايز يجيب لها حاجة تلفت انتباه نور ليه. _وفي نفس الوقت سالم جارهم هوا كمان بيفكر يجيب إيه، كل واحد فيهم عايز يجيب هدية تلفت انتباه نور بس. _نرجع لنور اللي نيمت الدبدوب جنبها

وهيا كمان نست ونامت حوالي ساعة وأول ما فتحت عينيها شافت الدبدوب قاعد قدامها على الكرسي وفي إيدو....