رواية عمياء وسط الذئاب الفصل السادس 6 - بقلم محمد طه

أول ما فتحت عينيها شافت الدب قاعد قدامها على الكرسي وفي إيده سيجارة. نور ماخافتش من الدب، لأنها بسرعة ترجمت الموقف في سرها وقالت: "ده أكيد حلم... ده أكيد مش واقع." قالت: "أنا أكيد بحلم." في هدوء قعدت وسندت ضهرها وفضلت باصة للدب مستنية إنه يتكلم أو يتحرك. نور تكلم نفسها: "انت هتتكلم ولا انت بتتحرك بس؟ "انتي فين يا نهلة؟ تعالي صحيني قبل الدب ده ما يعمل فيا حاجة. انتي فين يا زفتة؟ مع دخول نهلة الأوضة. نور: "نهلة...

يلا يا زفتة صحيني." نهلة باندهاش: "أصحيكي إزاي يعني؟ نور: "إيه اللي أصحيكي إزاي؟ أنا نايمة قدامك صحيني." نهلة باستغراب: "إيه يا نور انتي اتجننتي ولا إيه؟ نور: "ماشي، لما أصحى هتشوفي أنا هعمل فيكي إيه." نهلة تقرب من الدب وتاخد من إيده السيجارة. نور مندهشة: "إيه ده؟ هو انتي شايفة... الدب وهو قاعد على الكرسي؟ نهلة وهي بتولع السيجارة: "آه، شيفاه، ما أنا اللي مقعداه." نور لسه مندهشة: "مقعداه إزاي يعني؟

نهلة: "أنا طلعت ورجعت لقيتك نمتي، قولت أشيل... الدب من جنبك أحسن يتحرش بيكي وانتي نايمة. وقعدته على الكرسي وأديتله سيجارة يخمس فيها لحد ما تصحي." نور: "وأنا أموت من الرعب؟ أدعي عليكي إيه؟ اطفي الزفتة دي، خالك بره." نهلة: "لأ، خالي خرج. أنادي مرات خالي تيجي تخمس معانا؟ نور: "يخمسوا على تربتك يا بعيدة. قوليلي بابا خرج راح فين؟ نهلة: "راح يجيب شوية طلبات، شكل كده في... ناس معزومة على عيد ميلادك يا قمر."

نور: "ناس معزومة؟ ناس مين؟ نهلة: "مش مهم ناس مين، المهم الهدايا اللي... هتيجي هتبقى بالنص." نور: "مبروك عليكي كلها، أنا مش عايزة غير... الدب الحلو الكيوت ده." نهلة: "يا بختك يا عم الدب." عند سالم جارهم.

سالم بعد تفكير طويل يشتري إيه لنور، وصل لفكرة شيطانية وقرر ينفذها. والـ فكرة هي إنه هيشتريلها علبة مكياج هدية عادية ومناسبة لسنها. بس ما اكتفاش بكده، بما إن شغلانته فني كاميرات مراقبة، عقله ونيته وتفكيره الزبالة خلاه يحط كاميرا صغيرة جوه علبة المكياج عشان كل ما نور تفتح علبة المكياج يقدر إنه يشوفها. نفذ الـ خطة ولف علبة المكياج لفة شيك، مع رشة برفان حريمي. عند منعم زميل أبوها في الشغل.

منعم هو كمان قاعد بيفكر هيجيب إيه لنور. هو عايز يجيب هدية تلفت انتباه نور بس، ومافيش حد تاني ياخد باله. وبعد تفكير طويل قرر إنه يجبلها قم*يص نوم، بس هيجيب طقم كامل خارجي وداخلي عشان محدش ياخد باله من حاجة. عند نور في البيت. نور: "ماما، هو مين اللي هييجي؟ نرجس: "جاي عمك منعم وعمك سالم." نهلة: "منعم وسالم يبقى مفيهاش هدايا." نور: "همك انتي على الهدايا."

نهلة: "اسمعي يا مرات خالي، لو واحد فيهم بص لنور بصة ما عجبتنيش أنا مش هسكت." نرجس: "نور أنا عايزيكي تلبسي...