رواية عندما التقينا الفصل الخامس والخمسون 55 - بقلم هدير أحمد

البنت: فراس ورجالته هنا وشكله المرادي مش هيمشي غير لما ياخد عهد. نور: مين عهد ومين فراس ده؟ وفجأة سمعوا صراخ بنت: "سيبني ابوس ايدك! البنت قالت لنور: "يلا نستخبى." نور بدهشة: "نستخبى؟ طب والبنت دي هنسيبه ياخدها؟ البنت: "دول ناس واصلة واحنا مش هنقدر عليهم." سابت نور البنت ودخلت غرفتها واتصلت بشرطة الطوارئ. فراس كان واخد البنت وخارج بس لاقى حد ماسك في عهد. نور بنظرات قوة: "سيب البنت وامشي احسنلك."

فراس: "شكلك جديدة هنا يا حلوة، فعلشان كده مش هزعل منك. سيبي ايد حبيبتي بقي بدل ما ازعل." نور: "مش هسيبها وانت هتطلع برا دلوقتي والا بعد خمس دقايق بالظبط هتقضي اقامة سعيدة في السجن." ضحك فراس ضحكة عالية. ثم قام بسحب عهد تاركًا نور خلفه. مسكت نور المزهرية اللي كانت قدامها وحدفتها على فراس. جات في دماغه من الخلف. فراس بحدة: "لو معتذرتيش عن اللي عملتيه مش هتشوفي يوم عدل في حياتك. بعد كده هحولك حياتك لجحيم."

ثم وصلت الشرطة. استغرب فراس إن الشرطة جت. افتكر كلامها تهديد مش أكتر، متوقعش إنها بالجرأة دي. الشرطة: "اتفضل معايا." فراس بص له بنظرات مرعبة. ثم نظر لنور: "هرجعلك تاني." ثم ذهب مع الشرطة. صاحبة المكان لنور: "إيه اللي انتي عملتيه ده؟ نور: "عملت إيه؟ ولا المفروض كنت أقف أتفرج زيكم لحد ما يخطفها قدام عينينا؟ صاحبة المكان (أستاذة هدي)

: "فراس محدش بيقف قصاده. شغال مع ما*فيا كبيرة جدا هنا وهما وراه ومحدش يقدر يعمله حاجة نهائي. مش بلغتي البوليس؟ "ومسكوه متلبس. اتفرجي بقى بكره هتلاقيه هنا ولا كأن أي حاجة حصلت. وليه بكره ده مش بعيد تلاقيه هنا بعد نص ساعة." نور: "ونقعد هنا ليه طالما المكان مش هيقدر يحمينا؟ إحنا كده كأننا نايمين في شارع، مش فرق بينا وبينهم."

أستاذة هدي: "لو روحتي فين وفراس عاوز يجيبك هيجيبك. ملهاش دعوة بقى أمان أو مش أمان. دول ناس إيديها طايلة في أي مكان." نور: "أنا لا يمكن أقعد هنا دقيقة واحدة." ثم صعدت نور غرفتها ثم نزلت للأسفل واخدت باقي حسابها وهمت لتغادر المكان. فوجدت عهد حازمة أغراضها وتطلب منها أن تغادر معها. عهد: "أنا هاجي معاكي يا نور، مش هقعد هنا. إنتي الوحيدة اللي وقفتي في وش الحق*ير ده وقررتي تساعديني."

نور: "أنا معملتش حاجة، ده كان واجب على أي حد واقف هنا يعمل كده." خرجت نور وعهد. وفي هذه اللحظة كان مراد وسليم يبحثون عن نور في الشوارع. رأى سليم نور وهي خارجة من ذلك الفندق ولكن كان مراد يسوق بسرعة كبيرة. سليم: "اقف يا مراد، نور هنا. اقف بسرعة." وقف مراد بسرعة. مراد بلهفة: "فين؟ سليم ومراد نزلوا من السيارة وسليم ماشي ومراد ماشي وراه. ماشيين بيجروا و...