رواية عندما إلتقيت بعيناك فُقد السلام من مشاعري الفصل العاشر 10 - بقلم روايه رواية روايات

لا اله الا انت سبحانك اني كنت من الظالمين

..
..

كان جالس بشقته ويقرا الاوراق
اللي اخذها من غرفة جنيفر  الورقه اللي شافها مع السيدي
غريبه يحس فيها شي مايدري
وش هو يحس وراء هالوورقه
والسي دي شي كبير ومهم
عجز يفهمه
والاورق الثانيه كله تودي جنيفر
و كلاابه في ستين داهيه
رمى الاوراق اللي بيد على الطاوله
و تنهد بتعب من التفكير
_____
قرب يومك يا جنيفر قررب مره .
.
.
في الجامعة
في الكفتريا
____
فيصل : والله ماعرف وش
اسوي محتار
نواف اقول لك اعترف لها
بس انت معند
فيصل : مادري احس ما حلوه
اووح عندها واقول اني احبك
نواف : اجل وش تسوي
فيصل : انا ليه قاعد اقول
لك انت ابي حل و انت
تسالني وش اسوي
نواف : والله انت معقد الامور
روح اعترف لها انكً تحبها
فيصل : طيب وبعدين
نواف : وش اللي وبعدين
فيصل : وش تكون ردت فعلها
نواف : شايفني ساره عشان عرف
ردت فعلها
فيصل وهو يمسح وجهه : والله
ماعرف خايف من ردت فعلها
نواف : اجل خلك كذا لا تتكلم
وخلي حد غيرك يجي و يحبها
فيصل ناظره بنص عين : نواف
نواف : والله جد اتكلم تخيل حد
من قرايبها يروح يخطبها او حد
غريب خاصه ان ساره ماشاءالله
متعلم ودراسه وبرا بعد وش ناقصه
فيصل : نواف لا تخوفني
نواف : وش يعني اكذب عليك
فيصل : اوووفف والله ماعرف
شو اسوي
نواف : انا نصحتك وانت بكيفك
فيصل : امم طيب شرايك
تسال اختك عن اسم عائلتها
عشان اروح اخطبها
نواف : كذا تروح بدون
ما تعلمها وولاشي
فيصل : اي صراحه انا خايف
تكون تحب غيري و ترفض
اني اخطبها
نواف : انجنيت واذا سألوك اهلها
من وين تعرفها وش اقول
فيصل : اممم انت بس فالح
تسكرها بوجهي
نواف : شوف فيصل روح كلمها
واعترف لها واسالها عن
اهلها انت احسن
فيصل : مادري افكر واشوف
نواف : لا تشوف ولاشي والله لو
اني مكانك كان من زمان معترف لها
فيصل : كذا رايك
نواف : اي
فيصل : تمام خلاص بشوف بكرا

.

.

يوم الثاني
فالمقهى
____

5:34pm

______

كانت كعادتها تضيف
الزبائن و تشوف طلباتهم
اتصلت عليها ساره
حنين : الو
ساره : سلام حنين
حنين : وعليكم السلام
ساره : كيفك
حنين : كالعاده
ساره : طيب يلاا روحي عند
مديرك الغبي و استاذني منه
و تعالي عندي
حنين : مديري الغبي ههههههههههه
ليه وين انتي
ساره : انا والبنات عند بحيرة .... يلا
تعالي لنا ننتظرك
حنين : اممم حلووو خلاص
بكلم المدير و بشوف
ساره : تمام شوفي وش يصير و
اتصلي علي و علميني
حنين : اوك خلاص بعلمك
ساره : اجل يلا مع السلامه
حنين : مع السلامه
_______

بعد ما سكرت منها و دخلت الفكرة
براسها راحت لغرفة المدير دقت
الباب و بعد ما اذن لها بالدخول دخلت
___
حنين : هلا استاذ  ارثر
أرثر : اهلا حنين تفضلي
ماذا تريدين
حنين : اريد ان استاذن و اخرج
أرثر : ولكني قلت لك من قبل ان
استاذنتي مره اخرى فستطردين
حنين : حسنا انها اخر مره
أرثر : وفي اخر مره استاذنتي
فيها قلتي هكذا
حنين : على ما اظن ان
موظفين الاخرين يستاذنون
اكثر مني
أرثر توهق : امم نعم ولكن يستأذنون
لشي هام
حنين : حسنا انا سأخرج وانت
افعل ماشئت
أرثر بغضب و كره لها خاصه
انها عربيه و مسلمه : حسنا ان
خرجتي لن تعودي مره اخرى
حنين ببرود : هذا شرف لي وداعا
ولفت و مشت

طلعت ودعت الموظفين وفي
بعضهم زعل على حالها وفي
بعضهم فرحوا و جمعت اغراضها
و طلعت اتصلت على ساره تمر و تأخذهاا
ردت بعد ثالث رنه : الو حنين ها وش صار
حنين : طلعت تعالي مريني انا قدام الفندق
ساره : غريبه كذا خلاك المدير
تطلعين كنت احسب بعد اكشن بتطلعين
حنين : خلاص انتي تعالي وبعلمك السالفه
ساره : طيب دقائق وانا عندك
______

ساره وهي مركزه في السواقه :
اماا احلفي جد كذا سويتي
حنين : اي ياخي مليت منه كل
يوم مطلع لي مشكله
ساره : طيب مو ع اساس كنتي
تبين تشتغلين و تجمعين فلوس لشغله
حنين : خلاص انحلت الشغله
ساره وهي شاكه فيها : اكيد
حنين : اي اكيد
ساره : اي كويس

********

كانوا يتمشون هو و خالد
خالد : اي وش صار متى تقابل .....ء
عبدالعزيز : امم مادري متى
ما فضى هو وقدر يطلع يعلمني
بس قال لي خلال هالإسبوع
بيحاول يطلع
خالد : اي كويس
عبدالعزيز : ما تصدق شكثر
متحمس ليوم اللي امسكهم
بالجرم المشهود
خالد : ههههههه واضح
الحماس من كلامك
عبدالعزيز : اي كثير تعبت في
ذي المهمه لازم اربح و امسكهم
خالد : اي الله يسهل لك مابقى شي
عبدالعزيز : اي واخيرا بس
ان شاء الله يتم كل شي
مثل مو مخططين
خالد : خالد : اذا انت اللي مخطط
فيتم كل شي على خير اهم
شي تتفائل
عبدالعزيز بتنهيدت راحه : اي
متفائل و متيقن ان كل شي يصير
مثل ما خططت بإذن الله
خالد : اي واخبار صاحبة
القهوة الحلوه
ضحك عبدالعزيز على كلامه : هههههههههههههه لا مو على كذا
بس والله قهوتهم حلوه
خالد : اي علينا هالكلام
عبدالعزيز : بكيفك لا تصدق
خالد : ماقلت وش صار معاها
ماعرفت تحبك ولا
عبدالعزيز : لا ما شفتها
من زمان وماعرف تحبني ولا
خالد : طيب ليه ما تعترف لها
عبدالعزير : مادري بشوف
على حسب شغلي
خالد : عزوز لا تخلي شغلك
يمنعك من انك تعيش حياتك
الشخصيه مثل ما تبغي
عبدالعزيز : وهذا اللي احاول اسويه
خالد هو يشوف قدامه : عمرهاا طويل
عبدالعزيز لف له : مين
خالد : اللي ماخذه عقلك
عبدالعزيز لف نظره وشاف مكان
ما يشوف خالد و شاف حنين مع ساره

********
حنين : اي وينهم البنات
ساره : هنا قريب
حنين : اي يلا نروح لهم
ساره وهي تشوف كشك : طيب
اصبري باخذ شي بشربه
من هنا عطشت
حنين : طيب انا انتظرك
ساره : تبين اخذ لك شي
حنين : لا مااريد
ساره : طيب
بعد ما راحت لفت نظره و شافت
عبدالعزيز قدامها
ياربي هذا حلم ولا حقيقه
وش يسوي عبدالعزيز هنا
اجاء عندها عبدالعزيز وبإبتسامه : هلا
حنين : اهلين
عبدالعزيز : اخبارك زمان عنك
حنين : حمدالله بخير وانت
عبدالعزيز : مادام انتي بخير انا بخير
نزلت حنين راسها
و ابتسمت بخجل
ابتسم عبدالعزيز عليها :
اي وش تسوين هنا
حنين : جايه مع صاحبتي
و صاحباتها نتمشى
عبدالعزيز : اها كويس
حنين : يب
عبدالعزيز بتردد : اممم حنين
ابغي اقول لك شي
حنين : وش هو
عبدالعزيز وهو يحك رقبته
دليل على توتره : امم اناا شسمه
حنين ابتسمت على توتره : شسمه
عبدالعزيز : اناا وقبل لا يكمل جت ساره
ساره بإستغراب : حنين
لفت لها حنين : هلاا
ساره : وش في
حنين : مافي شي
عبدالعزيز : امم يلا اجل انا
رايح مع السلامه
حنين : مع السلامه
ساره : مو كان هذا عزوز
اللي شفناه في المطعم
حنين : اي هو اسمه عبدالعزيز
مو عزوز
ساره : اي انتي عادي تقولين
عزوز ونحن لا
حنين : سااره
ضحكت على عصبيتهاا : ههههههه
طيب خلاص عبدالعزيز
حنين : شاطره
ساره : طيب عادي اقول
لعبدالعزيز ثاني مو عزوزك
اقول له عزوز ؟
حنين بعصبيه : سااارهه يلاا امشي
ضحكت ساره : طيب طيب
انتظريني والله ياحنون طحتي
و محد سمى عليك .

بيت ابو عبدالعزيز
في المجلس
ابو عبدالعزيز : بوفهد عامل عزيمه
بمناسبة رجوع ولده من برا ماخذ
شهادة دكتورا و رفع راس ابوه وامه
وليد بمزح : وش قصدك يالغالي
ابو عبدالعزيز : اقصد ماشاءالله
عندي رجال يرفع الراس
وليد و وهو يتحمم : احم والله
مشكور يغالي على هالكلاام
ابو عبدالعزيز : انا اقصد
ولدي عبدالعزيز
رزان : ههههههههههههه
هههههههههههههههههههههه
اخخخ بموت الجبهه طارت
وليد وهو يناظر رزان بحده
وبعدها لف لابوه : افا يالغالي
كذا تفشلني قدام عائله الكريمة
ابو عبدالعزيز : اقول خلي عنك
هالكلام و خلك جاهز بكرا نروح
لابو فهد قال لا تتاخرون و قال
لي اجيب العيال
وليد : ان شاء الله يبه
ابو عبدالعزيز لف راسه
لام عبدالعزيز : واجهزوا انتوا
بعد ما نبغى نتاخر على الجماعة
ام عبدالعزيز : ان شاء الله .
.

يوم الثاني
____
في الجامعة
في القاعة بعد ما طلع الدكتور
_____
رغد : يلاا بنات نروح نشوف قائمة الاسماء
ساره : افف منه ذا الدكتور
غثيث يعني لازم هو يختار مين مع
مين خلي كل واحد يختار اللي يبي
ريم : وليه ما قلتي هالكلام للدكتور
ولا بس من وراءه فالحهه بالحرطمه
ساره وهي تتخصر : لا والله تبينه يرجعني
الشقة حافيه
رغد : هههههههههههههههههه اتخيل
شكلك وانتي راجعه مشي
و حافيه توحفهه
ساره : توحفهه فعينكك يلاا امشو
ا نشوف اخرتها مع ذا الدكتور
اخخ لو يجلس في البيت
و يرتاح مو احسن
ريم : اي احسن حرام كل يوم
يشرح تعب خلي يعطونه اجازه
سنتين عشان نتخرج ونفتك
رغد : هههههههههههههههه والله
حالتكم تحزن هذا يوم واحد مايغيب
حتى لو يكون مريض عادي تلقينه
جاي يشوف الحظور ويسجل
الدرجات و يرجع
ساره : والله ما استبعدها منه يسويهاا
ريم : اقول امشوا وبسكم حرطمه
.
_______ .
ساره : شفتوا النذالهه اقول لكمم
من اول يقهر بس ما تصدقوني
ريم : خلاص المسكين رحمته من
كثر ما تحشين فيه حسناتك طارت
ساره : افف قاهرني يعني مالقى
غير راشد اكبر خروف ف الجامعة
والله لو مختار واحد من هالشقر احسن
رغد وهي تقهرها : هههههههههههههه
ه والله حالتك تحزن
ساره : انتي اسكتي من الصبح
قاعده تضحكين علي وانا
ساكتهه لا تخليني اطلع حرتي فيك
رغد : يمه منك خلاص بسكت
ريم : خلاص ساره اهدي كلها
بحث تسوينه مع راشد ساعتين
و يخلص كل شي
ساره : تتكلمين كذا وكانك ما تعرفين راشد
رغد : و الله جد كلام ريم لا
تعبرينه واذا تكلم معاك عن شي
غير البحث اسحبي و لا تردين عليه .
ريم بشيطانه : شرايك ساره تتبادلين
معاي الأدور بعلمه درس لن ينسى
ساره : اقول اكرمينا بسكوتك قالت
الادور وش قاعدين نمثل مسلسل نحن مثلاا
ريم : لا يعني هذا كنايه عن شسمه اي واخبارك
رغد : هههههههههههههههههه متت
ساره بإستغباء : بخير وفي حد
يجلس معاك مايكون بخير
ريم : اي والله انك صداقه ياخي
انا سعادهه مسكين
اللي ما تعرف علي
ضربتها رغد : لا والله الا ياحظه
وامه داعية له بليلة القدر انه مايعرفك
ريم و هي تغمض عيونها و ترفع
يدها وتوصف نفسها : اي
عشان ما يغمي عليه من جمالي
و اسلوبي ورشاقتي
ساره وهي تأشر لرغد انه
يمشون و يخلونها تكلم حالها
ريم وهي تفتح عينها : ياحيوانات
انا اكلم حالي يعني رايحين ولا معبريني
ساره : والله اللي يعبرك تطفشين
حياته من سوالفكً اللي تشبهك .
.
.
.

7:43pm

كانوا يمشون راجعين من الكوفيه
القريب من عماره اللي ساكنه فيه حنين
حنين : والله انك مكبرة السالفة
خلاص اسفهيه ولا تكلمينه
بشي غير البحث
ساره : قااهرني هذا الدكتور
والله خاطري اقطع اوراقه و
اكسر نظارته المعوقه الفرحان فيها
حنين : هههههههههههههه حتى
نظارته ما سلم منك
ساره : لا شوفي الغباء لابس نظره
ولما يجي يقراء شي ينزل النظاره
طيب ليه لابس نظاره ديكور للوجهه ولا كيف ؟
حنين وهي تضحك بالقوة على
كلامها : اخخخ متتت خلاص
اسكتي بطني
ساره : والله جد من تشوفين
هالدكتور تحسينه ماهو بصاحي
حنين : حسناتك جد طاروا اليوم
ساره : طيب وش اس
قاطعتها حنين بصرخه : اهه هذا
وش يسوي هنا
ساره لفت لوين ما تشوف وشافت
واحد واقف قدام عمارة اللي
ساكنه فيها حنين و يناطرهم
لفت لحنين : حنين من ذا
حنين وهي مسويه غبيه : مين
ساره : حنين لا تتغابين من ذا
اللي واقف قدام العماره ويناظرنا
حنين : وانا شعرفني فيه اكيد
واحد من لللي يدورن في
الشوارع بنص الليل
ساره وهي تسحبها من يدها : اقول تعالي ما ينفع نتفاهم
هنا بنروح الشقة وعرف كل شي
حنين : بسم الله وشفيك
ساحبتني كذا وعلى وش نتفاهم
ساره : بس نوصل الشقة تعرفين كل شي .
بعد ما وصلوا
_____
جلستها على الكتبه و جلست
جنبها : حنين انا عرف انك
مخبيه شي وشي كبير سالفة
تركك للجامعة بدون سبب و قلتي
لي انك تبين توفرين فلوس
لحياتك انتي واختك و سالفة
سفرة اختك للباريس اصلا من
اساس مب داخله مخي واصلا
انتي مستحيل تخلين اختك تطلع
من البيت لحالها تخلينها تسافر
لباريس تدرس مع صاحبتها
مستحيل .. حنين تفكرين انا ماعرفتك
ماعرف وش تحسين فيه صح
جد اني ماعرفك من فترة طويله
بس في ناس من نظره و موقف
تحسين انك تعرفينهم من سنين
وانتي منهم حنين انا عرفك وعرف
وش تحسين فيه بس ساكته و محترمه
رغبتك انك ما تبغين تعلميني
بس خلاص ماقدر اسكت تصرفاتك
و افعالك كلها تخوفني عليك
كل مره اسالك فيها تكذبين
و تغير السالفه وانا ادري انك
تكذبين بس كنت بمشيها لك بس
الحين خلاص ماقدر اسكت
قولي لي وش في وش صاير لك
حنين تأثرت بكلامها وخاصه
من قالت انا عرفك وحاسه
فيك الحين حست بمعنى الصداقه
جد و عرفت كويس لو تدور
كل الدنيا ما تلقى مثل ساره
و مثل طيبة قلبها دمعت عينها
وقالت بصوت باكي : سااره انا
اتالم و من شعور الفقد و العجز
و الضعف و القهر من كل شي
و من شعور الحُــب بعد
متألمه كثير افكاري مشوشه ماعرف
وش اسوي تعبت كثير ابي اموت
بس اذا مت من يبقى لأختي
رفعت راسها لساره ودموعها
خذت راحتها و سالت على خدها
وبصوت مليان وجع ساره انا
مخنوقه مو قادره اتنفس
تعبت وربي تعبت من هذا الهم
حظنتها ساره وهي تمسح على
ظهرها وهي تاركتها تطلع كل
اللي في قلبها وتقول لها كل شي
كملت حنين بصوت باكي اسودت
حياتي صارت جحيم من وراء
ابوي رفعت نفسها من حظن
ساره وهي تناظرها
ابوي يا ساره تعرفين وش يعني
ابوي .. ابوي اللي لازم يوفر لنا كل
سبل الراحه والسعاده ابوي اللي
ما يرضى لنا بضر ابوي اللي
ما يرضى لنا بالذل مو هذا
معنى الابوه يا ساره
بس انا ابوي مو كذا والله مو كذا
ابوي ماهو ابوي من طفولتي وانا
اعاني من اني عرف معنى
الابوه واحس فيه بس ماعرفت
وكبرت ولين الحين ماعرفت ،، ساره
ابوي عيشني انواع العـذاب
وانا قطعه منه .. ساره قولي لي
كيف ارتاح كيف اعيش مثل غيري
تعبت من حياتي وربي تعبت
حظنتها ساره و دموعها نزلوا
و بكت مع صاحبتها اللي
تعتبرها اغلاا من اختها
_____
‏يقدر الله لك صاحب قلبُه جزء
من النور,لا يدعك تسير
في الظلمه إلا وهو بجانبك
_____

8:20 pm
السـعوديـة " رياض
بيت ابو عبدالعزيز
ابوعبدالعزيز : يلاا يعيال لا نتأخر
ام عبدالعزيز : اي هذي رزان دايم تأخرنا
وليد : يبه ترا انت بمشي
ابو عبدالعزيز : لا خلك نروح مع بعض
وليد بصوت عالي : يلاا رزان
نزلت روان بمرح وهي لابسه
فستان حلو لعزايم : انا خلثت
نزل لها وليد و شالها : اخخ
يازين مين خلث طالعه اميرة
روان : والله انا مثل الاميرات
وليد وهو ينزلها ويسمك يدها : اي واحلى منهم بعد
نزلت رزان وببتسامه : يلا خلصت نمشي
وليد : بدري يا خانم
ابو عبدالعزيز : يلا امشوا وبلا هواش
_____

ركبوا في سيارة وليد و مشواا .
______
.

ام فهد : حياالله من جانا نورتونا
ام عبدالعزيز : الله يحيك حبيبتي
ام فهد : كيفكم وش مسوين
ام عبدالعزيز : الحمدالله بخير عساك بخير
ام فهد لفت نطرها لرزان
و روان : ماشاءالله ذولا بناتك
ام عبذالعزيز بإبتسامه : اي
ذي رزان و ذي الصغيره روان
ام فهد : ماشاءالله الله يحفظهم .. لفت لرزان كيفك يابنتي عساك بخير
رزان بإبتسامه : الحمدالله ياخاله انتي كيفك
ام فهد : انا زينه
نزلت بهاللحظه بنت ام فهد جت
لهم سلمت عليهم وجلست جنب امها
ام فهد : ذي بنتي هند قريبه من عمر بنتك رزان
ام عبدالعزيز : ماشاءالله كيفك يا بنتي
هند بخجل وهي طبيعتها كذا خجوله : الحمدالله
___
بعد نص ساعه من الضيافه و السوالف راحوا يتعشون
____
بعد ساعتين
كانوا واقفين عند الباب ينتظرون ام
عبدالعزيز والبنات يطلعون لهم
ابو عبدالعزير : ياوليد كلم امك استعجلها
وليد : قبل دقايق كلمتها وقالت انهم طالعين
فهد : ياعمي يعني ماتعرف الحريم
ما تحلى لهم السوالف الا عند الباب
ابو عبدالعزيز : اي والله انك صادق
وليد كان شاغل باله ذيك البنت و
مو قادر ينساها رفع راسه لفوق
وهو يتنهد ولمح طيفها عند الشباك
وهي ابتعدت من شافتها و نزلت
الستاره ابتسم شكلي من كثر
ما افكر فيها المحهاا بكل مكان
نزل راسه و بعد دقايق رفعه
مره ثانيه وشاف نفس الموقف نزل
راسه وضحك على خفيف لا باقي
عقلي براسي واللي اشوفه حقيقه .
___
.

بعدت عن الشباك وهي تغطي
وجهاا اووف ياربي فشلهه لا
الحين وش يقول عني ياربي
قد ايش انا غبيه .
____
.

في السيارة
ام عبدالعزيز : ماشاءالله عليهم
ناس محترمين و اخلاقهم جميلهه
رزان : اي ماشاءالله واحلى
شي عندهم بنت على عمري
و صارت صديقتي الجديده
ام عبدالعزيز وهي تشوف وليد : اي
ماشاءالله عليها ادب واخلاق و ذوق
وليد تذكر الموقف وابتسم
روان : لا كان طفش بس لزان
صار عندها صديقه جديده وانا لا
ابو عبدالعزيز حضنها وهي كانت
جالسه بحضنه : ههههههههه
ليش ما دورتوا صديقه لبنتي ها
رزان : افف ياربي ذي البنت كله
ناشبة لي كأنها ضرتي مو اختي
ضحكوا على كلامهاا المقهور .
.
.

فرنسا
____

ساره وهي رايحه وجايه
في الغرفة و حزينه على حنين و
بنفس وقت منقهره منها كيف
مخبيه موضوع مثل كذا : منجدك
حنين مخبيه موضوع مثل كذا و ما تعلميني
حنين : مهددني في اختي وش
تبين اسوي يعني
ساره وهي تجلس قدامها : حنين
انتي غبيه وش مهددني روحي
علمي الشرطة
حنين : ساره لا تخليني اندم لاني علمتك
ساره : منحدك تبيني اسكت و
ما اسوي شي انا بكرا رايحه
الشرطة موضوع مثل كذا ما ينسكت عنه
حنين : ساره ارجوك اطلعي منها
خلاص اصلا كل شي بينتهي
كلها شهرين وتمر وترجع اختي
ساره وشوي تنجن منها : حنننين
وش شهرين انهبلتي بالله بعد كل
اللي سواه تقولين ترجع انتي غبيه
مصدقتنه يرجع لك اختك
حنين وهي تبكي : خلااص ساره
ارجوك انسي انا احل الموضوع
لا تحليني اندم
ساره بقهر : حنين وش
قاطعتهاا : ساره لا تخليني
احلف ازعل منك و ما اكلمك خلاص
انتي اصرتي علي و انا ما قدرت
اسكت اكثر وعلمتك وبس لا تسوين شي
ساره : حنين
حنين : ساره اوعديني انك ما
تسوين شي والموضوع يكون بينا
ساره : بس حنين موضوع مثل هذا
حنين : اوعديني سااره
ساره بقهرر : وعد
حنين : اففف يارب فرجهاا
ساره : اعذريني بس اغبى منك ما شفت .
.

بعد يومين
___
في الجامعة
____
كانوا جالسات في ساحة الجامعة
الواسعه و الكبيره يسولفون
____
جاء وقف قدامهم
راشد : هلاا بنات
لفت وجها ساره بضيق منه
افف ذا وقته : خير
جلس جنبهم بوقاحه : بالله
كذا الناس ترحب
ريم وهي تناظر بصدمه من
وقاحته حتى ما استاذن : خير خير
يابو الشباب وين قاعد قم قم بس
رغد : اهدي ريم
ساره : وش اهدي انتي الثانيه
ما تشوفين وقاحته جلس ولا استاذن
رغد : طيب لا تعلون اصواتكم الطلاب يناظرونا
راشد وهو يناطر ساره : مقبوله منك يحلوهه
ساره بعصبيه : الله لا يحلي ايامك يالوصخ
ضحك راشد بطريقه مستفزه :
خلينا متفاهمين كيف نكتب
البحث وانتي شوي وتأكلين
ريم : اقول قم من هنا ولا الم عليك الجامعة
راشد : ياماما خفت يعمي بعدي
من قدامي انا كلامي مب معاك
_____
بهالوقت جوا نواف و فيصل بعد
ما شافوهم من بعيد
____
نواف وهو يناظر راشد بكره وهو
يعرف سمعته بالجامعة : خير رغد وش في
ساره كنت تناظر فيصل وهو
يناطر راشد كيف يناطرهاا
و ماعرفت تفسر ملامحه
رغد : مادري عنه ذا جا وجلس بدون اذن
مشى له نواف : خير وش مشكلتك
راشد : كلامي مب معاك بعد من قدامي
فيصل بكره بعد ما شاف نظراته
لساره : اي والله انت كله كلامك مع
البنات و متى صار كلامك
مع الرجال و بسخريه يارجال
قم راشد بعصبيه : وش قصدك بكلامك
فيصل ببرود : والله اللي
على راسه بطحه يتحسسها
راشد جا بيضربه و مسكه فيصل :
اقول يالرجال يدك ذي تتمد
مره ثانيه اقطعها لك فاهم
راشد سحب يده و بعصبيه :
انت تسكت ولا شلون
فيصل : ما اسكت وورني وش تسوي
جا بيضربه راشد بس وقف
قدامه نواف و دفه من تيشيرته
بطريقه مستفزه : اقم توكل بس .. تبي تدور هواشات و مشاكل
مكانك مب هنا روح دور امثالك
فيصل : لا خله يوريني وش بيسوي
راشد : ابشر ما طلبت شي
اوريك و تقدم مره ثانيه ووقف
قدامه نواف : اقول توكل بس توكل
يلااا مسوي فيها قووي محد
قدي بعد من قدامي بس
راشد ناظره بكره : طيب اتوكل
الحين بس بعدين نتقابل
نواف ببرود واستفزار : اي نتقابل
و تعزمنا على قهوة والكلام يكون
بينا نحن الرجال طيب يا رجال
ناطره راشد بقهر و مشى
فيصل : ليه خليته يمشي
نواف : لا ياشيخ وانت ناسي
قبل وش مسوي ووش قال لك المدير
وبعدين ذي اشكال ما تستاهل انك
تحط عقلك بعقلهم ناس زباله
ولف لرغد : وش كان يبغى منكم ذا الحيوان
وغد بتوتر وهي تناظر البنات :
مادري كنا جالسين نسوالف و
فجاة لقيناه قدامنا و جلس
معانا و يسولف
فيصل وهو يناطر ساره و بعد
نظره : وش كان يقول
ريم : واحد فاضي تعرف اللي
كذا وش يبغون
نواف : كويس انكم فاهمين وش
يبغى ومره ثانيه اذا جاء لا تردون
عليه و اتركوه لحاله و امشوا
فيصل : او علمونا نحن نتفاهم معاه
ريم : اوكك
فيصل : يلا نواف نمشي
نواف : يلاا
ساره وهي شوي تبكي من نظرات
فيصل : افف ياربي يقهرر خاطري اذبحهه
رغد : مين
ساره : من جدك وفي غير ذا
الحمار راشد
ريم : لو ماجوا نواف و فيصل كنت
عرف اتفاهم معاه الحقير
رغد : اقول اكرمينا بسكوتك ماهو وقت هياطك
ساره : شفتوا وش سوى وتقولون
ليه مكبره السالفه هذا ينخاف منه والله
ريم : اي والله .
....

.

8:45 am
___
في المقهى ..
___
سطان : لو سمحت منذ يومين
وانا آتي الى هنا ولم ارى
آنسه حنين هل بها خطب ما ؟
القارسون : آنسه حنين لقد فصلت
من هنا ولم تعد تعمل هنا
تفأجاء سلطان : ماذا فُصلت ؟ و متى
القارسون : منذ يومين تقريباً
سلطان : ولم ؟
القارسون : اعتذر لك لكن هذه الامور
خاصه بالعمل و المُوظفين ولا
استطيع اخبارك بها
سلطان : امم حسناً هل تعرف رقم هاتفها ؟
القارسون : لا فهي لا تُعطي رقمها لنا
سلطان بيأس : حسناً عنوانها ؟
القارسون : لا اعرفه اعتذر لك
سطان بيأس : امم حسناً شكراً لك
القارسون : العفوا
_

مشى سلطان طالع من المقهى
ماهو وقتها تنفصل مالحقت اتعرف
عليها بعد و اعرفها علي .. الحين كيف
اطلع عنوانها وكيف اوصل لهاا .
.
.

4:20pm

كانت رايحه تشوف حنين
وصل لها رساله على جوالها فتحته وكان
انتظرك في مقهى .... نسوي البحث
ساره بكره و قهر : افف ياربي
الله يسامحك يا دكتور ... على اللي سويته .
__
.
وصلت المقهى
ساره : اتمنى نخلص بسرعه
لاني مو فاضيه وعندي اشغال
راشد : الناس يسلمون اول شي
ساره : سلام عليكم
راشد : وعليكم السلام
ساره : يلاا اتمنى نشتغل على البحث
راشد : وش تشربين اول شي
ساره بكره : مابي شي
راشد : مايصير كذا لازم تشربين شي
ساره بكره : ابي مويه
راشد : من عيوني
ساره بكره اللهم طولك ياروح : رجاءاً
كلماتك الغبيه ذي خلها لك
و لصاحباتك الغبيات
راشد بإبتسامه : لا تغلطين
ساره : خلصني
راشد : تمام بس خليني نشرب
شي و نشتغل على البحث
بعد ما جاب القارسون الطلب
راشد : اي وش مسويه وش اخبارك
ساره : والله شكله انت مالك نيه
نتشتغل على البحث و خالبحث علي
وانت اطلع منها و اخذت
شنطتها وجت بتوقف
بس مسك يدها راشد
وفجاة حست يدها تنسحب
من يد راشد وفي حد وقف قدامها
ساره بصدمه : فيـصل
فيصل : وبعدين معاك انت شكلك
ما تتأدب الا ذا عطيتك درس
راشد : وانت وش دخل امك بالله
بعد من قدامي بس وخلنا
نتفاهم انا وساره
فيصل بغيره : نتفاهم وكذا يتفاهمون يالحقير
راشد مد يده على كتف فيصل : بعد بس بعد
فيصل ما تحمل و ضربه بوقس
بالقوه من قهره :  حركاتك الزباله
ذي خلها لأمثالك
لف : امشي ساره
ساره بتوتر : فيـصل مو مثل مو انت مفكر
فيصل : ممكن تسكتين
ساره :  فيصل والله ما كان قصدي
فيصل بعصبيه : قلت اسكتي
سكت ساره ودموعها نزلو
ا وبكت بدون صوت
ركبت السياره ووصلها فيصل
لشقتها وقبل ما تنزل
ساره بصوت باكي : فيـصل ليه مو
راضي تسمعني
فيصل بقهر وغيرة : افهمي يابنت
الناس انا امــوت غيــرة عليك .
.
.
في المقهى
9:13pm
____
استغرب عدم وجودها بالمقهى
وخاف عليها مره نادى على
القارسون اللي قبل لا يطلع من
الفندق قال له يوصل كلامه لحنين :
امم هل آنسه حنين اخذت اجازه اليوم
القارسون : لا لقد فُصلت من العمل
وقف وبصدمه : ماذا ؟؟ فُصلت ولما ؟
القارسون : امم في الحقيقة صار
هناك شجار بينها وبين المدير وفصلها
عبدالعزيز : ومنذ متى فُصلت
القارسون : تقريباً من يومين
عبدالعزيز : حسناً شكرا
طلع جواله و مشى طالع
اتصل عليها بس ما ردت
ليه ما ترد وش شصاير معاها
رجع اتصل وبعد رابع رنه ردت
حنين : الو
عبدالعزيز : هلاا حنين
حنين : اهلين
عبدالعزيز : وينك
حنين : انا بالبيت ليه
عبدالعزيز : امم ممكن اشوفك
حنين : ليه صاير شي
عبدالعزيز : امم ابي اشوفك
واتكلم معاك بموضوع
حنين : تمام فاضي بكرا على 10 الصبح
عبدالعزيز : اي اكيد بفضى يلا
اجل  اشوفك بكرا
حنين : تمام يلاا مع السلامه
عبدالعزيز : مع السلامه .

.
.

عتمةٌ سوداء مُميته،هدُوء
كالمقابِر،أنفاس تتصاعَد،
جسدٌ مُنهك،وأفكَار تقُود للجحِيم.

____

كانت جالسه بهدوء  وعيونها
مركزه قدامها على نقطه وحده
و تفكيرها بعيد عن اللي حوالها
واحساسها مات عن الصراخ
والانين والبكاء اللي صدى
المكان كله قلبها جمد وكأنه حجر
____

ااا : انتي ايها الحمقاء هيا قفي
وكفي عن النظر على الحائط
ماتحركت ولا رمشت عينها على
وضعها ولا كأنه حد يتكلم معاها
صرخ بعصبيه : الم تسمعي ما
اقوله هيا قفي
نفس وضعها ولا كأنه حد يتكلم معاها
عصب منها ومن تطنيشهاا مد
يده ومسك شعرها وشدها بالقوة
لحد ما وقفها : لم تتجاهليني ايتها
الحمقاء هل عقلك فُقد من راسك
لفت وجهها له وناظرته نظرات
مالها تفسير وكانها ميته و رجعت
نزلت راسها ليدها و هي
تشتت نظراتها بتوتر و عدم
تحمل الاصوات الصراخ العاليه
عصب منها على تطنيشها و
ضربها كف بالقوة : هل
تضنين انني امزح معاك يمجنونه
مارفعت راسها ولا كانه
ضربها كانت على حالها و تبي
تبعد الاصوات عنها بس
مو عارفه كيف
ناظرها بغضب و إستغراب منها
و رماها بالقوة على الارض ومشى  زحفت بضعف و عجز لزاوية
و تكورة على نفسها تحاول تبعد
الافكار عن بالها وتنام و تعيش
حياة ثانية

______

نرجع لكم ساعه وراء
___
فيصل بدون شعور : افهمي
يابنت الناس انا اموت غيرة عليك
انصدمت من كلامه وناطرته
بتفأجى وهي مو مستوعبه
وش قال : وو وش
فيصل بغيرة : خلاص ماقدر
اتحمل اخبي اكثر انا جيت هنا
لاجل ادرس وارفع راس اهلي و ما
كنت ابي ابني اي علاقة بس
من شفتك تخربطت كل خططي
و ظاعت هباءاً منثوره ولا كأني
خططت لاشي ،، انتي خربطتي
موازيني ما عدت قادر افكر
لاشي وانتي قدامي .. انسى
العالم بس اذا ابتسمتي لي ،، اي
اعترف لك انا احبك واموت
غيرة اذا شفتك واقفة مع رجال
و تسولفين معاه وتبتسمين له
اسحك لي انا وبس مابي حد
يكلمك او يضحك معاك غيري انا وبس .. ادري ان مالي حق احس كذا و
اعصب كذا بس وش اسوي
ماهو بيدي ذا الشي غصب عني
تصرفات اللي اتصرفها
وانا معاك مو بعقلي لا بقلبي
رفع راسه  ساره انا احبك و
اتمنى انك تصيرين حلالي و
احبك براحة و اناظرك وانا
مرتاح و اقدر اعتبك و امنعك
تكلمين غيري و تناظرينه ،، ساره صديقني كلامي اللي اقوله
من كل قلبي وابد مالي نيه اني
العب معاك ساره انا ابي اخطبك
فكري بالموضوع و جاوبيني
واانا مب مستعجل خذي
راحتك وفكري كويس
__
ناظرته وهي ماتعرف كيف تصف
شعورها بهالوقت استغراب على
توتر على حب على سعاده على
خجل شعور متناقص مب عارفه
وش تقول ولا وش تسوي كانها
بحلم ،، ناظرته بنظرات ما
فهم معناها و نزلت بدون اي كلمة
__

بعد ما نزلت ضرب الدرسكون : افف انا وش سويت ووش قلت
الحين تحسبني ابي استغلها
واكذب عليها ولا ليه كذا
نزلت بدون ما تقول ولا كلمة .