رواية عندما إلتقيت بعيناك فُقد السلام من مشاعري الفصل الثاني 2 - بقلم روايه رواية روايات

حنين : تسلم .. شرف لي ..
عبدالعزيز : تشتغلين هنا؟
حنين : يب وانت ؟
عبدالعزيز : قبل أسبوع جيت في فرنسا عشان الشغل ..
حنين : اها .. تشرب شي؟
عبدالعزيز : لا انتظر صاحبي
حنين : اوك اذا بغيت شي انا اكون هناك نادني عبدالعزيز : اوك
و لفت و مشت بسرعه وهي تمسك قلبها بسم الله شفيني كل ما اشوفه يتلخبط نبض قلبي ارتبك ..تهندت اووهه ياربي شو هذا إنسان ذوق وأسلوب و جمال يويل حاالي .
.
.

في منطقه بعيدة شوي منقطة عن المدينة و المكان كله ظلام و مهجور مافي بيوت غير مبنى كبير مكون من طابقين و حوله كل حرس من كل جانب و من داخل المبنى كله ظلام ماعد لمبه أو لمبتين يشتغلون و يتسكرون و في صوت قطرات ماء والأرضية متلطخه بالطين شوي و مليان غرف و ذولا الغرف فيهم كل اجهزات تعذيب .. في طابق الثاني في غرفة من الغرف .
.
سيدتي انتظرتها البارحة و لم تأتي
ضرب على طاولة بيده بقوة : ماهذا الغباء اللذي يملئك و لم لم ننتظرها حتى الصباح يااحمق
تلعثم و ماعرف شو يقول : سيدي اااء انا ككنت أن..
قاطعه و هو يصرخ : اسكت اسكت ستعرف جزاء عملتك هذه أغرب عن وجهي أيها الغبي ..
الحرس : ولكن سسيدتي
قاطعة مره الثانيه و بصرخ : الم تفهم قلت لك أغرب عن وجهي
لف بخوف و مشى
ونادى على حرس الثاني : ماذا حصل مع الرجل الكبير فالسن
سيدي انه مازال يبحث عن المال و يبدوا انه لا يستطيع أن يجمعه
بكل هدوء ولا كان يقول شي : حسنا أن لم يأتي خلل هذا اليومين اقتلوا ابنته .. .
.

في الشركة ال...
كان جالس يشوف مواعيد الاجتماعات و الأرباح اللي حصلت عليها الشركة و هو مو موجود دق الباب
عبدالعزيز : تفضل
سكرتير محمد : أستاذ عبدالعزيز صاحب شركة الامريكيه وصل قبل قليل و هو ينتظرك في قاعة الاجتماع
عبدالعزيز : حسنا
راح و دخل و جلس كان باين من وجه أن ناوي على شي
عبدالعزيز سلام عليه وجلس : اهلا بك .. تفضل بالجلوس
جون : شكرا لك .. جائت لاعرض عليك صفقه
عبد العزيز بذكاء : و ما هو ؟
جون : سنعمل على مشروع والأرباح نتقاسمها بالنصف لي ولك مارأيك ؟
عبد العزيز : وماهو المشروع ؟
جون بمكر : المشروع هو ...... .
.
.

2:12 PM
بالفندق بالجناح
خالد : لمتى بتم جالس هنا
عبدالعزيز ببرودة : وين هنا ؟
خالد : بلا استغباء وين يعني بالفندق
عبدالعزيز : طيب وين تبيني اروح ؟
خالد : مو تقول تجلس شهر هنا
عبدالعزيز : ايوه
خالد : طيب .. ليش ما تيجي معاي بشقتي
عبدالعزيز بإبتسامة غامضة : بشوف
خالد بنرفزه : ي شيخ وش هالبروده .. لمتى يعني تتم جالس هنا بالفندق
عبدالعزيز بضحكه : وش فيك معصب .. بجلس اسبوع كذا
خالد : وليه تجلس أسبوع وانا عندي شقه ؟
عبدالعزيز : خلاص خالد قلت لك بجلس أسبوع و بيجي عندك ولا ما تقدر على بعدي ..
خالد : ههههههه مالت قال بعدي قال اقول قم بس جوعان نروح نتغدا .
عبدالعزيز بضحكه : طيب امشي .. نزلوا تحت و ما قدر عبدالعزيز ما يناظر المقهى .. لف نظره يمين و يسار و ما شافها
خالد : يا طيب مضيع شي هناك .. امشي سيده
عبدالعزيز : ههههههههه امشي امشي بس حرام اناظر المقهى
خالد : لا ابد مب حرام .. بس شو اللي شاغل بالك في المقهى
عبدالعزيز : ولاشي امشي يلا .. ترا انا أسوق
خالد : لالا ما ابيك تضيعني
عبدالعزيز وهو يركب السياره : يا سخف دمك يا شيخ .. ترا انا عرف شوارع فرنسا احسن منك بلا فلسفه. .
خالد : والله ما الومك درست هنا 4 سنوات ليه ما تعرف الشوارع ..
عبدالعزيز : لا تذكرنيي أيام جميله كانت
خالد بإبتسامة : كيف الشغل الحين معاك ؟
عبدالعزيز : أي صح ما قلت لك
خالد : وش هو
عبدالعزيز : اليوم اجاء عندي مدير شركه .... .
.
.

في المقهى
دخلت ساره المقهى و شافتها واقفة تنتظر طلب الزبون يجهز مشت لها بسرعهه
ساره وهي وراء حنين وبصوت عالي شوي : هاااي انا جيت
حنين لفت بسرعه وهي مخترعهه : بسم الله .. حيوانه خوفتيني

ساره وهي تضحك على شكلها : يا خوافة
حنين : ها بشري خلصت اختباراتك ولا لسه
ساره : يب وأخيرا خلصت
القارسون نادئ على حنين عشان تأخذ الطلب للزبون
ساره : انا انتظرك هناك اوك
حنين : اوك
أخذت حنين الطلب وودته للزبون ورجعت وجلست عند ساره
حنين : وينك مختفيه
ساره : تعرفين اختبارات ودراسة
حنين : اها ربي يوفقك وكيف اختباراتك
ساره : الحمدالله اللي عرفته حليته والباقي الله كريم
حنين : هههههههههههههه اذا الله كريم معناته الله يرحم درجاتك
ساره : لالا يعني مو جبت عيد يعني حليت شوي صح وابتسمت إبتسامة غبيه
حنين : هههههههههههه والله انك هبله .. لازم تشدين حيلك باقي لك سنتين
ساره : الله كريم خلينا من درجاتي .. كيفك انتي
حنين : الحمدالله شوفيني بخير
ساره : مافي شي جديد
حنين : لا
ساره : طيب عندك شي في المساء ؟!
حنين : اممم لا ليه ؟
ساره : بنطلع انا وانتي مليت من البيت والدراسة ابي اطلع وانبسط
حنين : طيب بشوف وأقول لك
ساره : لالا ما تشوفين تطلعين يعني تطلعين
حنين : طيب طيب أعوذ بالله اكلتيني .. طيب وين نروح ؟
ساره : اممم مادري بنشوف ابي مكان كذا العب وانبسط شرايك نروح الملاهي ؟!
حنين بتفكير : لالا مالي خلق ارو ملاهي ازعاج وصراخ
ساره : اوف منك حنون في حد ماله خلق يروح الملاهي
حنين بإبتسامة : يب انا
ساره : طيب بشوف العصر وين بنروح
حنين : طيب
ساره وهي تقوم : يلا انا اروح مابي اعطيك عن شغلك ولا تنسي المساء طالعين
حنين : طيب ما أنسى ساره : يلا مع السلامه
حنين : مع السلامه
ورجعت تكمل شغلها .. .
.
في شقة حنين كانت جالسه واتفكر اضطرت أنها تكذب على ساره وتقول لها مالها خلق تروح ملاهي .. لأنها تعرف ساره تصرف كثير وتلعب كثير وهي ماتبي تصرف فلوسها اللي يا دوب يكفي لربع الدين اللي أبوها بلاها فيه و ما تبي حد يصرف عليها ما تبي مساعدة حد حتى لو ماتت من الجوع ما تبغى مساعدة وشفقة من احد ،، صحاها من تفكيرها صوت رنين جوالها
مسكته وشافت المتصل ساره ردت عليها وابعد الجوال من أذنها على حماس وصراخ ساره
حنين : شوي شوي فقعتي طبلة أذني بصراخك
ساره : وينك خلصتي ولا باقي
حنين : شوي و اخلص وين انتي
ساره : انا قريبه من شقتك اذا وصلت بتصل عليك عشان تنزلين طيب ؟
حنين : طيب يلا طيري أكمل تجهيز
ساره : طيب طيب بس أوصل عندك اعلمك كيف أطير
حنين : هههههههههههههه طيب يلا باي
ساره : يلا باي
وسكرت منها وهي تكمل تجهيز .

حمدت ربها على هالانسانه تعزها كثير مع أنها ما صار لها مدة طويله تعرفت عليها بس تحبها تحس أنها تعرفها من سنين صحبتها وجلستها وشخصيتها كلها حلوه وابد ما تملين منها لو فيكك هموم الدنيا كلها اذا جلستي معاها لازم تضحكين .
.
بعد 10 دقائق سمعت رنين جوالها مسكت جوالها وشافت المتصل ساره سكرته وهي تطلع من الشقة .. نزلت و شافت سيارة ساره راحت وركبت معاها
حنين : سلام عليكم
ساره : وعليكم السلام
حنين : ها وين رايحين
ساره وهي مركزه في السواقه : بعد شوي تعرفين
حنين : طيب . . .
.
.

دخل الفندق وهو تعبان يبغى ينام دخل و ما قدر ما يلقي نظره على المقهى يدور عليها بعيونه ما يدري ليه تجذبه هالبنت يحس مختلفه عن غيرها يحس وراها شي كبير و يبغى يعرفها أكثر وأكثر .. فكر شوي و دخل المقهى مع أنه تعبان ويبغى ينام بس مايقدر لازم يشوفهاا ما يدري ليه .. دخل و جلس على الطاولة جاء عنده القارسون
القارسون : أهلا بك سيدي ماذا تشرب ؟
عبدالعزيز : انسه حنين هنا ؟
القارسون : لا لقد استأذنت قبل قليل
عبدالعزيز بخيبه : اها حسنا شكرا لك
القارسون : العفو سيدي .. سيدي اذا أتت انسه حنين اخبرها بأنك سألت عنها ؟
عبدالعزيز : لا شكرا لك وقام وراح داخل الفندق .
.

وقفت ساره سيارتها بعد ما وصلوا لمكان اللي في بالها نزلت ساره من سياره
ساره : ها شرايك ف المكان
حنين بإعجاب : واوو حلو
المكان كان البحر وعنده في مطاعم و مقهى وكان في انوار حلوه كان الوقت وقت الغروب
حنين وهي تشوف الشمس يغرب : ي سلام شوفي منظر الغروب مع البحر رووعهه
ساره : يب حلو تعالي بصوره
وراحوا قريب منه وصورته
ساره : تعالي اخذك على مكان تنسين حالك فيه
حنين : ههههههههههه حمستيني وين هو ؟
ساره مسكت يدها وهي تسحبها معاها : تعالي معاي
حنين : طيب طيب
ومشوا ودخلوا كان مقهى وفيه ساحه فيها طاولات لمقهى وبوابته كانت عبره عن خشب منحني على البوابه وحوله كله ورد بالون بنفسجي وابيض منظره مره جميل وفوق الباب في لوحه معلقة مكتوب فيها مرحبا بكم
دخلوا داخل وداخل ما يختلف عن برا الجدران مره جميله و طاولات غريبه وحلوه وفي خزانه مفتوحه وفيها كتب مرتبه على أرفف اذا زبون يبغى يقرا ويروق .. جلسوا على طاوله
ساره : كيف عجبك ؟
حنين : يب مرره روعه
ساره : لسه ما ذقتي قهوتهم تجنن
حنين : حمستيني ابي اشربه .
ساره : الحين اطلب لك وكل يوم تقولين لي ساره خذيني لهذاك المقهى
حنين : ههههههههههه طيب نشوف
ساره تنادي القارسون و اجاء وطلبت القهوة لها و لحنين
حنين : تعرفين أحلى شي عجبني الكتب فكرة حلوه
ساره ...