رواية عندما نعشق الفصل السادس 6 - بقلم لؤلؤة محمد "قصة الاء وعمر"

المستشفى آلاء: سيف لاء والنبى ما تسبنى بالله عليك ما تسبنى انا مصدقت رجعتلى تانى يااارب والنبى ما تكوى قلبى على فراقه مره تانيه... سيف قووم ... قووووووووم بقى متوجعش قلبى اكتر من كده متبقاش انانى وتسبنى تانى وحياه غلاوه آلاء عندك ما تسبنى الممرضة: لو سمحتى احنا لازم ندخله العمليات دلوقتى حالا اى تأخير بيسبب ضرر عليه آلاء: استودعتك عند ربنا يا سيف وهو مش هيخيب رجائى

حازم: ادعيله يا آلاء ادعيله يقوم بألف سلامه انا عمرى ما شوفت حد بيحب حد بالطريقه دى سيف قلبه عمره ما دق لحد غيرك ربنا يجمعكو فى حلاله على خير آلاء: ربنا هيرجعهولى ان شاء الله ... ان شاء الله هيرجع -بتضرب نار على ظابط ده انت نهارك اسود ومنيل ورحمه الغالين ما انت طالع منها ولا اخليك تعفن فى السجن يا كلب يا واطى -بيضرب الجرس: تعالو خدوه من هنا ونزلوه على زنزانه 2 وخليهم يظبطوه .... غووووور -سيف ماله ابنى ماله حصله ايه

آلاء: ادعيله يا طنط ادعيله ربنا يقومه لينا بألف سلامه -انتى السبب فى كل الى جرى لإبنى ده انتى السبب مش هسامحك لو ابنى حصله حاجه مش هسامحك يا آلاء فاهمه آلاء: يقوم هو بألف سلامه يا طنط واعملى فيا الى انتى عايزاه -انا من يوم ما نزل مصر وانا بحاول ابعده عنك مبيجيش من وراكى غير وجع القلب اول مره لما كان لسه طالب فى كليه الشرطه ونزل من اسكندريه لمصر علشان يشوفك او حتى يلمحك واتحبس على التأخير

وتانى مره لما عرف انك اتجوزتى وجاتله صدمه عصبيه واتحجز فى المستشفى 6 شهور ويوم ما قرر يخطبك ينضرب بالنار ... منك لله على الى عملتيه فى ابنى من يوم ما دخلتى حياته منك لله -آلاء وقد انهارت تماما حتى سقطت على الارض مغشيا عليها -ام آلاء: بنتتتتى الحقونا يا ناس حد هنا يلحقنا -الممرضة: لو سمحتو ادونا مساحه بس علشان نعرف نشيلها شيلوها على غرفه الملاحظه وحد يطلب دكتوره هند بسرعه -آلاء: رايحه فين يا حببتى

آلاء: اطمن عل سيف يا ماما متعرفيش عامل ايه الام: ... آلاء: ساكته ليه الام: اصل ... أ ... اصل آلاء: اصل ايه يا ماما سيف ماله ... سيف فيه ايه حد يرد عليا ... سيف ماله يا ملك ... وقد خرجت من الغرفه -آلاء: دكتور الدكتور: سيف عامل ايه الدكتور: ادعوله حالته كل مادا بتسوء اكتر من الأول -آلاء: انا رايحه الجامع اصلى وادعى لسيف الام: ربنا يقومهولك بالسلامه يا بنتى ياارب -ملك: انا قلقانه على آلاء قوى يا ماما

الام: انا مشفتش آلاء بالحاله دى من سنين من يوم ما فارقه سيف -آلاء: يااااارب قومه بألف سلامه ولو كان قربى ليه هو الى بيأذيه كده انا مستعده امشى وميشوفش وشى تانى بس يرجع هو بألف سلامه ياااارب مليش غيرك انصف قلبى ورجعهولى بألف سلامه يااارب -آلاء: دكتور لو سمحت عايزه اشوف سيف الدكتور: هو حاليا فى العنايه المركزه والزياره ممنوعه آلاء: بالله عليك يا دكتور عايزه اشوفه ... قلبى هيوقف من كتر خوفى عليه

الدكتور: انتى لو شفتيه قلبك هيوجعك اكتر وهو على الأجهزه كده آلاء: وحياه غلاوه ولادك تخلينى اشوفه الدكتور: امرى لله ... اتفضلى على غرفه التعقيم -آلاء بعد دخولها لغرفه العنايه المركزه آلاء: سيف ... هتسيب آلاء لوحدها تانى ... هتبعد عنى تانى -قوم يا سيف .. قلبى بيقولى انك سامعنى ولو مش سامعنى فاروحك اكيد حاسس بروحى ... قووم يا دعوه عمرى كله وحشنى عندك وخفه دمك وغيرتك عليا حتى لثوانى ....

انا حاسه انى بدأت اتنفس بعد ما رجعتلى تانى يا سيف ... بلاش تاخد روحى منى وتمشى تانى وقتها مش هقدر هتنفس .... الى كان مطمنى فى بعدك طول السنين دى كلها انك عايش ... وانا عايشه على امل رجوعك ليا استودعتك عند ربنا ورجعلك ليا تانى وبستودعك دلوقتى علشان ترجع ليا تاتى سيف س .. سي ... سيييييف مالك سيييف فى ايه سيييييييييف دكتور الحقنى دكتوووووووور ... سييييييييف ... آلاء بصريخ .....

آلاء فى دنيا من غيرك مش هتعرف تعيش سييييييييييف -الدكتور: طلعوها بره وهاتولى جهاز صدمات القلب بسررررررررعه المريض بيروح مننا -آلاء: سيف ... سييف واغشي عليها تماما -الممرضة: بسرعه نقاله بسررررررررعه -صباح الخير ... صح النوم ... كل ده نوووم يا كسلانه نايمه بقالك 22 ساعه و 45 دقيقه -آلاء: سيف انت قدامى ولا انا بحلم سيف: مش بتحلمى ... انا قدامك اهوه وكويس -آلاء: حمد الله على سلامتك ... الحمد الله ياااارب الحمد الله

-سيف: طب ايه مفيش حضن ترحيب طيب ده انا لسه راجع من عمليه آلاء: يا بنى لم نفسك انت كنت فى غيبوبه ولسه راجع -سيف: ضحكتك لسه حلوه آلاء: وضحكتك لسه احلى -سيف: فاكره اول جواب بعتهولك وكتبتلك فيه الجمله دى " ضحكتك لسه حلوه " آلاء: وبعد نا قريته قطعته فى وشك سيف: طول عمرك مفتريه -آلاء: لم نفسك سيف: كح كح كح ... يا بنتى حرام عليكى انا لسه طالع من عمليه -آلاء: يالهوى يقطعنى انا آسفه

سيف: يقطعنى 😂بعد الشر عليكى يا حته من قلب سيف -تخبيط على الباب سيف: ادخل -الدكتور: حمد الله على سلامتك يا سيف باشا سيف: الله يسلمك يا دكتور -الدكتور: المدام كانت هتموووت من الخوف عليك ... حمد الله على سلامته يا مدام .. هو لسه فى حب كده آلاء: الله يسلمك يا دكتور شكرا -سيف: احم احم احم الدكتور: احم ... طيب سيف باشا حضرتك لازم ترجع على اوضتك دلوقتى لأن الجرح لسه ملمش وحضرتك طالع من عمليه خطيره سيف: تمام يا دكتور

-آلاء: قوم يلا على اوضتك -سيف: مش اتنيلت قلت متضحكيش قدام حد تانى وبعدين شوفتى كلمه مدام جميله قوى ازاى ... يلا نخليها كتب كتاب وفرح على طول بقى نفسى تبقى لسيف لوحده وبس -آلاء: انا مكنتش هضحك تانى لو كنت بعد الشر بعدت عنى وبعدين جواز ايه يا بنى انت هو انت فى ايه ولا فى ايه -سيف: بحبك آلاء: وانا كمان -سيف: ههههههح اخيرا ... قوليلى ليه عيونك مليانه حزن آلاء: من خوفى عليك ... يلا قوم على اوضتك

-سيف: طيب تعالى اقعدى معايا هناك هطمن بوجودك اكتر آلاء: روح انت وانا جايه وراك سيف: طيب متتأخريش -آلاء بعد خروج سيف بنبره حزن: هتوحشنى قوى يا سيف قوى قوى