رواية عندما نعشق الفصل الثامن 8 - بقلم لؤلؤة محمد "قصة الاء وعمر"

حازم: ايه يا عم سيف مش هتفطر ولا إيه؟ سيف: لأ مش دلوقتي، لما نوصل إسكندرية نبقى نفطر هناك. ماما: حلي معايا المسألة دي صعبة عليا. آلاء: حاضر يا حبيبتي تعالي. ماما: آدم خبطني بالكورة. آدم: مش خبطة يا ماما والله، ده شاطها غلط. آلاء: متزعلوش بعض يا ولاد، والعبوا مع بعض براحة وحبوا بعض وخافوا على بعض. انتوا هنا كلكم إخوات، أوعوا حد فيكم يزعل التاني. حنين: ماما هو يعني إيه حب؟ آلاء: إيه! جبتي الكلمة دي منين يا حنين؟

حنين: سمعتها على التليفزيون... هو الحب ده حاجة وحشة؟ آلاء: لأ، مين اللي قال كده؟ حنين: علشان البنت اللي كانت في الفيلم كانت بتعيط وبتقول إنها بتحبه قوي... بس المفروض لو الحب حاجة حلوة مش كان يعيطها؟ آلاء: لما تكبري هتعرفي إجابة السؤال ده لوحدك. يلا ذاكري يا لمضة. أبلة آلاء. آلاء: نعم يا ورد، في حاجة يا حبيبتي؟ في حاجة في المنهج بتاع ثانوي مش فاهماه؟ ورد: لأ، بس كنت عايزة أتكلم مع حضرتك في موضوع خاص ممكن؟

آلاء: ممكن يا حبيبتي طبعاً، تعالي. آلاء: إيه يا ورد؟ قلقتيني. ورد: على سيرة الحب يا أبلة، هو حلو ولا وحش؟ آلاء: إنتي شايفاه إيه يا ورد؟ ورد: حالياً أنا عايشة أجمل قصة حب في حياتي... بس ليه دايماً أسمع الناس يقولوا إن دي حلاوة البدايات؟ يعني إيه؟ آلاء: الحب مع الشخص الحقيقي بيكون كله حلاوة بدايات. ورد: وليه لما حبيتي عيونك دبّلت كده؟

آلاء: عشان لما تكوني بتخافي على اللي بتحبيه أكتر من نفسك، هتعملي أي حاجة عشان تحميه، حتى لو هتتخلي عنه. ورد: معقول فيه كده؟ آلاء: فيه أكتر من كده. إنتي واثقة في الشخص اللي بتحبيه ده يا ورد؟ ورد: لو كان حد أناني أنا حاول يملأ راسي عشان أكلمه في التليفون زي ما بنات صحابي كتير بيعملوا، أو حتى كان جه وكلمني... هو مبيعملش أكتر من إنه بيخاف عليا. ونظرته اللي مليانة حب ليا دي محسساني بالأمان...

يعني حب صامت. بس أجمل من مليون حب في الدنيا بالنسبالي. مش كده يبقى بيحبني؟ آلاء: بكرة هنشوف الأيام مخبية لنا إيه. نور: آلاء يلا عشان ننزل نجيب حاجات الدار، هنتأخر. آلاء: حاضر، يلا. *** حازم: بقولك إيه، يلا ننزل نجيب حاجة من السوبر ماركت ده أنا هموت من الجوع. سيف: طيب يلا، ادخل هات وأنا هستناك هنا. بعد مرور ربع ساعة. سيف: آلاء؟؟؟؟؟؟!!!!!!!!! حازم: في إيه يا سيف؟ سيف: اركب بسرعة... بسرعة. ويا حازم اطلع ورا التاكسي ده.

حازم: طيب طيب، يلا أهو. *** سيف: إنتي أكتر حد أناني قابلته في حياتي. آلاء: سيف؟!!! إنت! ... سيف: ليه عملتي كده؟ آلاء ببكاء: عشانك. سيف: متديش حق الاختيار، بس أنا زمان خيرتك، قولتلك لو عايزاني أقعد مسافرش مش همشي. قولتلي هستناك. آلاء ببكاء: خوفي عليك خلاني معرفش أفكر في حاجة. سيف بعصبية ممزوجة بصوت عالٍ للغاية: خوف إيه؟ خوف إيه اللي يبعدك عني 3 شهور وأنا في عز احتياجي ليكي؟

آلاء بصراخ: ما أنا كمان كنت محتاجالك وملقتكش جنبي، كنت بموت وأنت بعيد. سيف: إنتي بتحسبيها كده واحدة بواحدة يعني؟ آلاء: إنت عارف إني مبحسبهاش كده... سيف، رابح فين؟

سيف: ماشي، بما إني مش فارق. وعلى فكرة طول السنين اللي أنا كنت بعيد عنك فيهم دول أنا اتعرضت للقتل ونفسيتي كانت مدمرة. لما عرفت إنك اتجوزتي ده خلاني أدخل في غيبوبة سنة، ومفوقنيش منها من بعد ربنا غير حبي ليكي. فلو إنتي عندك سبب أقوى من ده غير خوفك عليا، أنا هسامحك. ومشى. آلاء وقد كانت تبكي إلى حد الانهيار. زين: ماما متعيطيش، لو هو مش بيحبك أنا بحبك والدار كله بيحبك. (ويمسح لها دموعها) آلاء وقد احتضنته وظلت تبكي. ***

سيف: خييير، جاية ليه؟ آلاء: عشان بحبك. سيف: إنتي قررتي إنك تبعدي لوحدك، وأنا قررت إننا ننهي الحب ده. آلاء ببكاء: هتعرف تطلعه من قلبي طيب؟ سيف: ما إنتي قدرتي تبعدي في أكتر وقت كنت محتاجاك فيه. آلاء: كنت غبية وفاكرة إني كده بحميك، طلعت بوجع في قلبي وقلبك بس. سيف: طيب متعيطيش. آلاء: هفضل أعيط لعند ما تصالحني. سيف: أصالح مين؟ هو مين فينا اللي مزعل التاني؟ آلاء وهي تمسح دموعها

بطرف يديها كالأطفال: أنا زعلتك، وأنت هتصالحني. سيف بضحك: ده إنتو جبروووت. آلاء: خلاص، سماح طيب. سيف: ده سماح وأمل وعمر وكل اللي إنتي نفسك فيه دلوقتي. آلاء: طيب هنتجوز إمتى؟ سيف: إيه السرعة دي يا بنتي؟ لسه فيه خطوبة. آلاء: خطوبة إيه وكلام فاضي إيه؟ إحنا هنتجوز على طول. سيف بغمزة: يا عم المستعجل. آلاء بخجل: اتلم. *** يوم الفرح اللي سيف انتظره وآلاء انتظرته وأنا وانتو انتظرناه والكوكب كله 😂😂😂😂.

آلاء: يا ملك، يا ملك يا زفتة. ملك: إيييييه؟ في إيه؟ هو إنتي عشان عروسة هتقعدي تزعقي كل شوية؟ آلاء: مش بنادى أنا بقالي ساعة. ملك: وبعدين عايزة إيه؟ آلاء: جبتي التاج؟ ملك: أوبسسس... نسيت. آلاء: أعمل إيه أنا دلوقتي؟ ملك: اممم... كلمي سيف. (وطلعت تجري) آلاء: أيوه يا سيف. سيف: قلب سيف وعيونه. آلاء: أنا هنزل أجيب التاج وأرجع. سيف: لااااااء، أبوس إيدك أنا مش حمل طلقة تالتة 😂😂😂 آلاء بعصبية: يعني إيه؟

ألبس الطرحة من غير تاج؟!!!! سيف: ما بلاها أم التاج اللي مودّينا في داهية ده يا آلاء، ارحمي أمي، عاااااايز أتجوّز. آلاء بضحك: طب هات التاج وتعالى لي إنت يا لميض. سيف جايب المأذون والتاج وجاي. المأذون: بارك الله لكما وبارك عليكما وجمع بينكما في خير. سيف وقام حضن آلاء ولف بيها قدام الكل. آلاء: سيف نزلني، أنا خايفة هقع يا سييييف. سيف برومانسية: طول ما إنتي معايا عمرك ما هتقعي. آلاء: بحبك. سيف: تعرفي إن الحب مقسوم لقسمين.

آلاء: يا راجل!!!! وإيه هما بقى؟ سيف: بقالنا 20 سنة في حب نظري... ندخل بقى على الحب العملي. آلاء بخجل: ما تلم نفسك يا بني بقى، أنت هتموت لو اتكلمت بإحترام؟ سيف: احترام مين يا أما، يلا. (وشالها وراح بيها على شقتهم) حازم: الأبو بابا فين؟ هو بينام بدري ولا إيه؟ ملك: أفندم؟ حازم: أفندم إيه؟ هي الحلوفة مش بتحس ولا إيه؟ أنا بحبك. ملك بدهشة: إنت مجنون يا بني؟ حد يقول لواحدة إنتي حلوفة وبعدين بحبك؟

سيف: نحن نختلف عن الآخرون. بابا. عمي لو سمحت. بعد مرور 9 شهور. آلاء: آآآآآآآآه منك لله يا سيف، إنت السبب، إنت السبب. أوف أوووف أوووق. أه آآآآآآآآآآه. سيف: أنا السبب إيه؟ هو إنتو حافظين الجملة مش فاهمين؟ آلاء بصراخ: آآآآآآآآه، مش وقته استظراف أهلك يا سيف. سيف: دكتور، الحقنا والنبي، المدام بتولد. الدكتور: أهلاً يا مدام. سيف: أهلاً إيه؟ هو إحنا جايين دريم بارك؟ بقولك بتولد وفرجت عليا الناس.

الدكتور: جهزوا غرفة العمليات بسرعة. وانت هديها، لو فضلت على حالتها دي أنا هزهق وأسيب الولد جوه وأطلع. سيف: دماغه عملت error 😂😂😂. تسيب إيه؟ هو إنت داخل الطب غلط. الدكتور: لقيتهم بيدخلوا دخلت معاهم. هدي المدام عشان أنا خلقي ضيق ومحبش الصويت، بحب الهدوء في شغلي. سيف: حاضر. وطّي صوتك يا قلبي عشان الدكتور مش عايز إزعاج. آلاء بصراخ: الله يخربيتك إنت والدكتور. إنت بتهزر يا سيف؟ عااااااااااااااا. مبروك بنت زي القمر.

الجميع: مبروك يا سيف، مبروك يا آلاء. هتسموها إيه بقى؟ سيف وهو ينظر إلى آلاء نظرة تحوي كل الحب: هسميها آلاء عشان يبقى عندي نعمتين أحمد ربنا عليهم العمر كله.