رواية عندما نعشق الفصل الثاني 2 - بقلم لؤلؤة محمد "قصة الاء وعمر"

فاقت آلاء ثاني يوم على رسالة جديدة مكتوب فيها: "صباح الخير". آلاء: لاء بقى ده يا إما شخص مجنون يا إما عمر، وحياة ربنا لو طلع هو لأطلع عليه القديم والجديد. آلاء: نعم يا ماما. ماما: تعالي يا حبيبتي علشان تنزلي تجيبي لنا طلبات البيت من السوبر ماركت، رجلي تعباني مش قادرة أنزل. آلاء: حاضر يا ماما، هصلي الضحى وأنزل. بعد نص ساعة. آلاء: ماما أنا نازلة. ماما: ماشي بس متتأخريش. آلاء: حاضر. آلاء آلاء. آلاء: خير اللهم اجعله خير.

عمر: مش بتردي عليا ليه من امبارح، رنيت عليكي خمسين مرة. آلاء: ليه، وأنت قاعد فاضي لدرجة دي بتعدهم؟ وبعدين أنت مالك، أنت مبقاش ليك حكم عليا أصلاً. عمر: بس أنا عايز أرجعك. آلاء: وأنا مش راجعالك. عمر: ليه بس، مش أنتِ قولتي مش عايزة تخربي بيتنا؟ آلاء: وأنا مخربتوش، أنت اللي خربته وخربت حياتك، وأنا عن نفسي طالعة من الجوازة دي كسبانة... كسبانة نفسي من أول وجديد. روح بقى لبنت خالتك وحل عن دماغي.

عمر: أنتِ ليه دماغك ناشفة كده؟ جالها رسالة تاني على الموبايل: "شكلك بيكون قمر وأنتِ متعصبة". آلاء: ياربي، وحياة أمي ما هرحمك. آلاء: عمر. عمر: إيه، هنرجع؟ آلاء وهي متعصبة: بطل تبعت الرسايل اللي بتبعتها دي، إيه شغل العيال ده؟ عمر باستغراب: رسايل؟ رسايل إيه؟ آلاء: أنت هتستهبل؟ عمر: ما تلمي نفسك وهاتي التليفون ده لما أشوف الرسايل. عمر: نهار أبوكِ أسود، هو ده بقى يا هانم اللي مش عايزة ترجعيلى عشانه؟

أه، وتلاقيِك عملتي دور الدراما إنك مش عايزة نطلق عشان خاطره. آلاء: اخرس، مش أنا اللي أعمل حاجة زي كده، أنت أصلاً خسارة فيك العيش والملح. عمر: آه، اقعدي اتكلمي بقى واعمليلي فيها شريفة، ده أنا هشرب من دمك. ورفع إيده علشان يضربها، جه واحد ومسك إيده. الرائد سيف: لو أهلك معرفوش يعلموك الرجولة، الرائد سيف هيعلمها لك يا روح أمك. عمر: أنت مين وعايز إيه؟ دي مراتي، ملكش دعوة، أنت بتدخل بصفتك إيه؟

آلاء ببراءة مصطنعة: أنا مش مراتك ولا أعرفك، ده واحد جاي يتهجم عليا في الشارع من حيث لا أدري. سيف بابتسامته اللي زي القمر زيه وهو سرحان في عيون آلاء: وأنا مصدقك، طب وربنا ما هكسرلك كلمة. آلاء بتبصله باستغراب: أفندم؟ سيف: احم... اتفضل قدامي علشان أعملك محضر عدم تعرض. آلاء: وأنا جايه معاك. سيف: جاية فين؟ إحنا معندناش حريم تدخل القسم. آلاء: حريم إيه؟ هو أنا مراتك وأنا ناسيه؟ سيف بغمزة: هتبقي قريباً، متلقيش.

آلاء: استنى هنا، أنت مجنون! سيف: تصدقي وتؤمني بالله لو واحدة غيرك قالت الجملة دي لكنت رزعتها قلم طلع من قفاها. آلاء: يا بني هو أنت مش واعي لنفسك؟ هو أنت تعرفني أصلاً؟ سيف: ده أنا أعرفك أكتر منك... أه، قوليلي هو بابا بينام بدري؟ آلاء: ليه، عايز تعمله محضر هو كمان؟ سيف: لاء، هخطفك منه...

ويلا اتفضلي روحي ومتروحيش السوبر ماركت، الحاجات اللي أنتِ طلبتيها وصلت. يلا، متبصليش كده، أقسم بالله آخدك على المأذون. يلا وأنتِ قمر كده. آلاء بابتسامة أظهرت غمازتيها الساحرة واللي جننوا سيف أكتر ما هو مجنون أصلاً: أنت اتحدفت عليا من فين؟ سيف: ورحمة أبويا، لو ضحكتي تاني في الشارع، لاخدك على أقرب مأذون وكاتب الكتاب وأحبسك جوه قلبي واللي يحصل يحصل. الحوار ده كله حصل بعد ما سيف ركب عمر البوكس.

ريأكشن عمر: يا جماعة حلو مشاكلكم بعدين وخلصوني. آلاء: بعد ما سيف مشي... إيه المجنون ده؟ ده ولا كأنه يعرفني من سنين... غريبة العيون دي، أنا فاكراها... ياترى أنت مين يا روميو أنت كمان؟ ثم ذهبت إلى المنزل. الأم: إيه يا لولو اتأخرتي ليه؟ عنتر جاب الحاجات من السوبر ماركت وقال آلاء اللي بعتاهم. آلاء: !!!!!!!!! الأم: إيه يا بنتي مالك؟ آلاء: هاا... لاء مفيش... أصل منمتش كويس... عن إذنك يا ماما أنا هدخل أنام شوية.

رسالة جديدة: "هو ممكن حد يحب حد من ضحكته ويتوه فيهم كده؟ واه متضحكيش قدام حد تاني علشان منكدش عليكي". آلاء: يخربيتك، هو أنت طلعت، غريبة... ده يعرفني منين ده... والاغرب إني حاسة إني أعرفه أنا كمان... لاء والأغرب أكتر إني اتجننت وبكلم في نفسي... طب والله لأقفل التليفون خالص لما أشوف...