رواية عندما نعشق الفصل الثالث 3 - بقلم لؤلؤة محمد "قصة الاء وعمر"

عمر: ممكن أعرف أنا هنا ليه. سيف: غتاته. عمر: طيب أنا عايز أمشي. سيف: هتمشي يا حلو بس لما تمضي على محضر عدم التعرض ده. عمر: أمضي إزاي إذا كانت صحبة المحضر نفسه مش موجودة. سيف: والله مش هتعلمني شغلي. عمر: أنت تعرفها من زمان. سيف: ميخصكش. امضي عشان تغور. ولو قربتلها تاني هدفنك مكانك. عمر مضى على المحضر ومشي. سيف: مالها دي كمان قافلة التليفون بقالها 5 ساعات و20 دقيقة. هنا: مال يا بيه أنت بتكلم نفسك. سيف: ماما فين يا هنا.

هنا: بتصلي جوه. سيف: تقبل الله يا أمي. الأم: منا ومنك يا حبيبي. سيف: عملتيلي إيه في الموضوع إياه يا ست الكل. الأم: لسه مصمم يا سيف. سيف: يا ماما اتكلمنا في الموضوع ده كتير، ها هنروح إمتى. آلاء: مش هدخل يعني مش هدخل، أنتو بتحطوني قدام الأمر الواقع يعني. شخص: يا بنتي الناس بره عيب كده لازم تطلعي. شخص آخر: يلا يا آلاء بابا بينادي عليكي، الناس جوه من بدري. آلاء بعد ما دخلت: السلام عليكم. الجميع: وعليكم السلام.

آلاء: أنت!!!!!!!!!!!! سيف: مفاجأة مش كده. شخص: طيب يا ولاد أسيبكم مع بعض شوية. آلاء: بتعمل إيه هنا. سيف: احم... جاي أخطفك يا قمر. آلاء: يا ابني أنت في حد مسلطك عليا. سيف: طيب والنبي تطولي حد قمر زي كده يتسلط عليكي. آلاء: أنت واخد مقلب جامد في نفسك على فكرة. سيف: مش مقلب يا حبيبتي دي حقيقة. آلاء: حبك برص... إيه حبيبتك دي. سيف: بت انتي لمي لسانك، أنا ساكتلك من وقت ما جيت... انتي اتعلمتي الدبش ده إمتى. آلاء: !!!!!!!!!!

سيف: مش قلتلك عارف عنك كل حاجة. آلاء: وعارف عني إيه بقى؟!! سيف: أعرف عنك حاجات كتير. آلاء: زي إيه. سيف: زي إنك مثلاً بتحبي تنامي والنور مولع يا خوافة. آلاء وهي بتكلمه بتكبر مصطنع: وايه يعني ده عم عبده البقال نفسه يعرف إني بنام والنور مولع. سيف: نهار أبوكي مش معدي، ويعرف منين عمك عبده البقال... ده انتي نهارك مطين بطين. آلاء: إيه يا ابني أنت، ما المحل بتاعه تحت بيتنا وبيشوف النور وهو والع...

وبعدين لآخر مرة بحذرك، ملكش دعوة بيا. سيف: مليش دعوة بيكي إزاي؟ وأنا مستنيكي بقالي 13 سنة من عمري، تعرفي ترجعيهم. آلاء: 13 سنة إيه أنت مين؟!! سيف: أنا سيف يا آلاء، نسيتيني.