رواية عندما يعشق الجاسر الفصل الثامن عشر 18 - بقلم ريم محمد

جاسر: ممكن أفهم انتي واقفة معاه لوحدك ليه؟ مليكة: أنا ما وقفتش معاه، أنا كنت واقفة لوحدي ولقيته جاي يكلمني. جاسر: تمام، مش عايزك تتكلمي معاه بعد كده. مليكة: ممكن أعرف إيه السبب؟ وإيه اللي خلاك تتدخل في حياتي كده؟ ومين اداك الحق ده؟ جاسر: انتي مراتي، وكمان تكوني بنت صاحب بابا اللي كان بيعتبره أخوه. وأخوكي موصيني عليكي، يبقى لازم أحافظ عليكي.

مليكة: شكراً، أنا هعرف أحافظ على نفسي، مش محتاجة مساعدة من حد. أنا مش صغيرة. عن إذنك، هشوف مايا. جاك: بجد، بأهينك مسيو جاسر على مراتك، بجد كتير حلوة. جاسر بعصبية: أفندم؟ بتقول إيه؟ عشان ما سمعتش. جاك: بقول أم المدام كتير حلوة. جاسر: طب بص، بقا يا روح أمك، لو سمعتك بتقول الكلام ده تاني، انت مش عارف هعمل إيه. ورد فعلي هيكون إيه. عمرك ما هتتخيل جاسر الدمنهوري هيعمل فيك إيه.

جاك: مش بقصد مستر جاسر، بجد، بس لما بشوف الجمال بحب أعبر عنه. جاسر: بس يا ابني، انت شكلك مش هترتاح إلا لما تموت النهارده، صح؟ مايكل: آسف مسيو جاسر، هو مش قصده يقول كده، بس هو شكله تقل في الشرب شوية. أنا آسف، بعتذر من حضرتك بالنيابة عنه. جاسر: طالما هو كده، لو سمحت، خده من هنا بسرعة قبل ما أفقد أعصابي عليه. لو سمحت. مايكل: حاضر. جاك، يلا عشان نمشي، مش عايزين فضايح. محمد: إيه اللي حصل؟

جاسر: حوار رخـم، هقولك عليه بكرة. بس ثواني، كارمن بترن، هي كانت المفروض هتيجي الحفلة. كارمن، في حاجة؟ وليه ما جيتيش؟ كارمن: الحقني يا جاسر بسرعة، تعال على الأوتيل بسرعة. جاسر: كارمن، إيه اللي حصل؟ وفجأة تليفونها اتقفل. محمد: في إيه يا جاسر؟ إيه اللي حصل؟

جاسر: معرفش، بس أكيد حاجة من خطط كارمن الغريبة دي. هروح أشوفها. عايزة، وانت تغطي على غيابي شوية عشان مش عايز حد يحس. وأبقى، وانت مروح، خد مايا. وأنا لما هاجي، هاخد مليكة. اتفقنا؟ محمد: تمام، روح انت، وأنا هظبط الدنيا. *** في غرفة كارمن في الأوتيل. جاسر: كارمن، في إيه؟ إيه اللي حصل؟ كارمن: جاسر، انت لازم تتجوزني. جاسر: أكيد هنتجوز، بس مش دلوقتي. مش كل شوية نفس الموضوع، أنا زهقت.

كارمن: جاسر، بابا مستلف فلوس من ناس هنا ومش معاه يسددها. والناس دول مافيا يا جاسر. والزعيم بتاعهم جاي هددني إني لازم أتـجوزه، وإلا هيموتني أنا وبابا وماما. قلت له هرجع الفلوس، رفض، وقالي إني لازم أتـجوزه. والحل الوحيد إنه يعرف إني مراتك، حتى لو مش مصدقني. هو بيرن أهو. الزعيم: قررتي إيه؟ مهلتك خلصت خلاص. كارمن: أنا مش موافقة. أنا بحب حد ومش هتجوز غيره، حتى لو هتموتني. الزعيم: يبقى استحملي اللي هيحصلك، فاهمة؟

جاسر: انتي إزاي أبوكي يعمل كده؟ ممكن أفهم. كارمن: خلاص يا جاسر، أنا ممكن أموت فداك عادي. المهم إنك تكون مبسوط، ده أهم حاجة عندي. جاسر: أنا موافق يا كارمن، بس هيكون في السر. لغاية ما أطلق مليكة، وبعد كده هروح أتقدملك ونعلن جوازنا. وجوازنا هيكون ورق بس للوقت ده. اتفقنا؟ كارمن: أكيد، ده أصلاً اللي أنا عايزاه يا جاسر. أكيد مش هجرح مليكة، هي ملهاش ذنب فعلاً. جاسر: أنا هبعت حد يجيب المأذون هنا من رجالي.

بعد ساعة، جاسر اتجوز كارمن. بس ما يعرفش ليه حس بإحساس غريب، كأنه بيخون مليكة. وحس إن هو هيندم على اللي حصل كتير جداً. بس هو ما قداموش حل تاني. هو السبب إنها تيجي هنا، ومينفعش يسببها في نص الطريق. وفي الوقت ده، أتمنى إنه سمع كلام محمد، وبعد عن كارمن. حس بالشعور الغريب ده. كارمن: جاسر، في حد بيخبط على الباب. أنا خايفة يا جاسر، أكيد هيقتلوني. جاسر: متخافيش يا كارمن، أنا جنبك. ما فيش حد يقدر يقرب منك.

جاسر قام وفتح الباب. الزعيم: جاسر الدمنهوري، انت بتعمل إيه هنا؟ جايباك عشان تحميها؟ بس هي متقدرش تحميها لأنك مش قريبها. متنساش الموضوع ده. جاسر: انت اللي تنساه. أنا جاسر الدمنهوري الحوت. وانت أكيد عارف مين الحوت، مش كده؟ ولا إيه؟ وكمان، ممكن أعرف انت بتعمل إيه في أوضة مراتي؟ الزعيم: مراتك؟ بس على حد علمي إنك متجوز واحدة تانية. اسمها إيه يا جون؟ جون: مليكة عصام. جاسر: انت تعرف اسم مراتي منين؟

الزعيم: آه أعرفها. بس طالما انت بقا عملت كده، معنى كده إنك عايز تحمي كارمن مني، وكده في عالمي أنا مش معترف بيه، صح ولا إيه مسيو جاسر؟ جاسر: أنا مليش دعوة بالعالم بتاعك ده، فاهم ولا لأ؟ الزعيم: آه، بس لسه لغاية دلوقتي ما فهمتش انت بتحب مين فيهم. كارمن: جاسر، قوله إنك بتحبني. قوله الحقيقة، لأنه ممكن يقتلني يا جاسر. هو ما يعرفش مليكة. مش هيعرف يأذيها. الزعيم: إيه يا جاسر باشا؟ اخترت إيه؟

جاسر: أنا أكيد بحب كارمن، لأنها مراتي. ومليكة كمان مراتي. الزعيم: بس مش معاك حق مسيو جاسر. المدام مليكة كتير حلوة، بطير العقل من جماله الصراحة. شكله بيهوس. بس طالما انت بتحب كارمن، يبقى مدام مليكة ليا أنا بقا. إيه رأيك؟ متكونش طماع مسيو جاسر وتاخد الاتنين، صح؟ جون ولا إيه؟ جون: أكيد صح، زعيم. جاسر: فكر تقرب منها، وأنا همحيك من على وش الدنيا.

الزعيم: توء توء، مستر جاسر. بس الكلام ده متأخر، لأن رجـالتي شايفين مراتك قدامي دلوقتي. إيه؟ قاعدة على البحر ولابسة فستان حلو جداً. جاسر: بص، انت لو قربت منها، هنسفك من الوجود. الزعيم: وقتك خلص. وأنا أدتك الاختيارات اللي قدامك. جاسر ما كانش عارف يعمل إيه. خايف يسيب كارمن. بس قرر إنه لازم يسيب مليكة. مش هيخلي يحصلها حاجة بسبب غبـائه. هي اللي هتتأذي بسببه هو. ***

مايا: آه، محمد، بطني بتوجعني جداً، مش قادرة. خدني على المستشفى. محمد: حاضر. مليكة، انتي جاية معايا ولا هتستني جاسر؟ هو احتمال يتأخر. تعالي معايا أحسن. مليكة: لأ، روحوا انت عشان ما تتأخروش. أنا هستنى جاسر. محمد: تمام، يلا يا مايا بسرعة. بعد ثلاث ساعات، الحفلة خلصت، ومليكة لقت جاسر لسه ما جاش. وهي مش عارفة تعمل إيه، ومش معاها فلوس. قررت إنها تروح وتمشي على البحر شوية. كان قدام القاعة اللي حجزها جاسر للحفلة.

بعد ساعة، مليكة حست بحركة غريبة حواليها. المكان كان فاضي، بس فجأة لقت فيه ناس وحاسة إنهم جايين ناحيتها هي. شخص: انتي مليكة؟ مليكة: آه، بس حضرتك. فجأة الشخص ده شدها، وهو واللي كانوا معاه. وواحد مسك دراعها جامد لدرجة إنه كسره. مليكة: آآآآآه! ابعدوا عني، سيبوني! جاسر! جاسر! انتوا مين وعايزين مني إيه؟ قولولي! الشخص: شكلها مش هتيجي بسرعة.

جه شخص من وراها وضربها على دماغها جامد بالعصاية، وهي حست إنها بتنزف والرؤية اتشوشت عندها، واغم عليها. ولكن، هما هيحطوها في العربية. جاك: نزل إيدك انت وهو، وارموا المسدسات يلا. جاك كان فاق، وقرر إنه يرجع الحفلة. وكان راجع مع رجـالته. الأشخاص اللي تبع الزعيم قرروا إنهم يسيبوا مليكة، لأن رجالة جاك أكتر منهم في العدد ومحاوطينهم. جاك بسرعة شال مليكة وراح المستشفى. جاك: لو سمحت، شوفوها بسرعة. الدكتور: حاضر. بعد ساعة،

الدكتور: هي فيه جرح في دماغها جامد هنا. وهي وقعت على دماغها قبل كده، وده أثر عليه. بس لو وقعت عليه بعد كده، هيحصل مضاعفات وتدخل في الغيبوبة. وكمان لازم ما تضايقوهاش أبداً، ولا تعرضوها لضغط عصبي. وكمان فيه كسر في دراعها وكدمات في جسمها. وواضح إن فيه حد ضربها. لازم أبلغ البوليس. جاك: مفيش داعي للبوليس. لو سمحت، إحنا هنحل الموضوع ده. ممكن؟

جاسر رجع مكان الحفلة، وما لقاش مليكة. وقعد يدور عليهم. حس برعب إنه ممكن الزعيم يكون خطف مليكة. جاك: مسيو جاسر، مراتك في المستشفى. جاسر: مليكة بتعمل إيه معاك؟ جاك: لما تيجي، هتعرف.