رواية عودة الحب الفصل الأول 1 - بقلم رودي سامي

البطله بتصحا علي اشعة الشمس. هدير: مين الي فتح الشباك ده؟ اقفلو عشان الشمس. الام: اصحي يلا يابت كل ده نوم. هدير: يماما يماما حرام عليكي بتصحيني ليه؟ انهارده اجازه من الكليه. الام: قومي يلا عشان نروق الشقه عشان خالتي جايه. هدير: خالتي مين دي الي جايه؟ الام: خالتك ولاء ياختيه. هدير: لولو جايه خلاص انا قايمه. الام بضحك: قومي يامجنونه.

(استوب اعرفكو بنفسي انا المجنونه قصدي انا هدير عندي 22 سنه في كليه طب قسم جراحه ودي اخر سنه ليا. طولي 165، بيضه، شعري اسود طويل، عيني بني، مش محجبه. بس انا ابان مبسوطه بس في الحقيقه انا غير كده خالص، ليه هتعرفو السبب بعدين. ودي ست الكل ماما اسمها اميره 48 سنه، هي الكل في الكل، هي امي وابويا واخويا وصحبتي وكل حاجه بالنسبالي. متجوزتش بعد اما بابا مات عشان تربيني. بس انا ناقصه تربيه زي مابتقولي. اما بقا ولاء ولا لولو زي

ما بندلعها عندها 49، اصل هيا اكبر من ماما بسنه. المهم هيا عندها ولد وبنت. الولد اسمو كريم عندو 26 سنه، متخرج من كليه الهندسه، ماسك شركات ابو كلها من بعد ما مات. طولو 176، ابيضاني، شعرو اسود، عندو دقن بحبو بيها. احم هنزل صورتو، حاجه كدا قمرررر شبه مهند. البنت اسمها كرما عندها 22 سنه، قدي، بحبها موت، حتت بسكوتايه كدا في كليه طب قسم اسنان. طولها 158، اقصر مني. المهم بيضه، شعرها بني، من الاخر عسوله اوي.)

فوقت من النوم ودخلت اخد شور وخرجت. لبست ترنج اسود كدا حلو. خرجت من الاوضه بتاعتي اخيرااا. ببص لقيت الصدمه، لقيت ماما قاعده علي الارض، قدامها كرنب وورق عنب وانواع المحشي كلها بتعملها. هدير بصدمه: اي ياماما انتي عزمه الشارع كلو ولا اي. اميره: وانتي مالك انتي؟ يلا تعالي ساعديني. هدير: اساعد مين ياحاجه؟ استهدي بالله كده في قلبك، انا واحده فاشله مش بعرف اعمل اكل اصلا.

اميره: يلا يابنت الجزم** امال اما تتجوزي هتاكلي جوزك اي طوب وي زلط. هدير: لما اتجوز بقا، لما لسه فعل مستمر ياست الحبايب لسه قاعده علي قلبك ومربعه. اميره: طب انجزي يختي. بعد ساعات علي العصر، الكلام ده كان الصبح. كانو خلصو الاكل، الباب بيخبط. اميره من المطبخ: انتي يابت ياهدير انتي ياهدير. هدير في نفسها: (هي الوليه دي مش هتسكت ولا اي.) هدير بصوت عالي: مين الي بيخبط. راحت تفتح الباب اول لما فتحت اتصدمت.