رواية عودة الحب الفصل الثاني 2 - بقلم رودي سامي

هدير بصدمة: إيه ده؟ كرما وكريم: مفاجأة. هدير: ادخلوا، ادخلوا. ولاء: إزيك يا دودو؟ هدير: لولو، وحشتيني أوي. عيونها دمعت. ولاء حضنتها: وأنتي كمان وحشتيني أوي. أميرة جت من المطبخ: يا مرحب يا مرحب، ادخليهم يا بت يا هدير، هما هيفضلوا واقفين كده؟ بعد شوية، دخلوا قعدوا واتغدوا واتعشوا. كانوا كلهم متجمعين وقاعدين يضحكوا ويهزروا. هدير قامت وقالت: ماما، أنا طالعة فوق السطح.

أميرة: اقعدي يا بت مع ولاد خالتك يا جزمة، يعني هتسبيهم؟ هدير: يا ماما، حرام عليكي، بيرستيج. كلهم ضحكوا عليها. بعد شوية، كان هدير طلعت فوق السطح وقاعدة بتفتكر اليوم اللي كريم جرحها فيه. فلاش باك. هدير بحب: كريم، عايزة أقولك حاجة. كريم بابتسامة: في إيه يا بنتي؟ قلقتيني. هدير بكسوف: منا مكسوفة يا كريم. كريم: متتكسفيش يا ستي، قوليه. هدير بحب: كريم، أنا بحبك. كريم بصدمة ضربها بالقلم: إيه الكلام ده؟

هدير بصدمة: أنت بتضربني يا كريم؟ كريم بعصبية: وأكسر عضمك كمان، أنتِ هبلة؟ جبتي الكلام ده منين؟ هدير بعياط: هو إيه اللي منين؟ بقولك بحبك يا كريم. كريم: أنا مسافر يا هدير، ولما أرجع يارب تكوني نسيتي الكلام الفارغ ده. باك. هدير بعياط: والله لا تندم يا كريم. كريم من وراها: هدير، بتعيطي ليه؟ هدير مسحت دموعها: لا، مفيش. كريم وهو مش مصدقها: عادي، طلعت أقعد معاكي، أصل كلهم ناموا. هدير: آه، تمام. اتفضل. كريم: أنتِ بتعيطي؟

سيبيني، مش كده؟ هدير بنفي: لا طبعًا. وكملت بمرح مصطنع: وبعدين هعيط بسببك ليه؟ مفيش حاجة، ده عشان افتكرت باباك. كريم بحزن عليها: الله يرحمه يا هدير، على طول اقرئي له الفاتحة. هدير بمرح عشان تخفف الجو: إيه يا كيمو، محبتش حد لما سافرت كده أو كده؟ كريم بضحك: لا يا أختي، مفيش، اطمني. وبعدين قعدوا مع بعض شوية هزار وضحكوا ولعبوا. في الآخر. هدير بتعب ونوم: آه يا نيني، يلا أنا نازلة أنام، تصبحي على خير.

كريم بحب: ماشي، وأنتي من أهل الخير. كمل في سره: وأنتي من أهلي.