رواية عودة حبيب الفصل الأول 1 - بقلم مريم حسن

حرام عليكو عايزين تتجوزوني. راجل أكبر مني بأربعين سنة، لي بتعملوا فيا كده؟ أنا لسة صغيرة وعايزة أدخل كلية وأتعلم. ضربها بالقلم بقوة. هتتجوزي ورجلك فوق رقبتك، ولا لسة فاكرة حبيب القلب؟ أمير ده أحسن واحد أنا شفته في حياتي، وعمري ما هنساه. فاهمة؟

دخلت في أوضتي وقعدت في الأرض أبكي على حالي. أنا هتجوز راجل أد جدي، بعد ما كنت بحب أمير. أنا عندي تمنتاشر سنة، وكان جاي يخطبني بس رفضوه كذا مرة. هربت أنا وهو، ولما لقونا، قتلوا قدام عيني. أمها: يلا قومي يا جميلة. جميلة: حرام عليكي، هو انتي كمان لي بتعملي كده؟ أمها: حال أخواتك هيتصلح يا جميلة. هتفرطي في حق أخواتك؟ جميلة بكسرة: حق أخواتي إزاي؟

ده عمري وحياتي، سني اللي نفسي أعيشه. حتى مسبتونيش أفرح باللي كنت بحبه. وأخويا حازم الأكبر مني مقعدينه، وبتشغلوني أنا. لي، أشمعنى أنا؟ أمها بتبص برا: عريسك وصل، قومي. جميلة بتقوم بكسرة، وبيكتبوا الكتاب، وبتمشي مع جوزها. جوزها: مش هتطلعي ولا إيه؟ جميلة: سيبني في حالي بقى، سيبني. جوزها: يلا اطلعي، بدل ما أطربقها على دماغك. جميلة بتطلع بحزن. جوزها: يلا يا روحي. جميلة: طب استنى أعملك عصير من إيدي. جوزها: طبعًا طبعًا.

بتنزل جميلة المطبخ وبتعمل عصير، وبتطلع منه منوم مخبياه في هدومها. جميلة: بالشفا إن شاء الله يموت. بتمسك الكوباية وبتيجي تطلع من المطبخ، بتشوف واحدة كبيرة قاعدة في الجنينة بتعيط، فبتروح عندها. جميلة: إنتي مين؟ ست كبيرة: أنا مراته. جميلة بصدمة: هو متجوز؟ الست بدموع: متجوز، وإنتي جيتي أخدتيه؟ جميلة دمعت: أنا مأخدتش حد، أنا مغصوبة على الجواز. الست: بجد؟ جميلة: أيوه، حضرتك شكلك طيبة.

الست: أنا عندي بنت قدك بالظبط، بس مسافرة لكليتها. جميلة: أنا آسفة، أنا جيت خربت الدنيا. بتطلع فوق بحزن. جميلة: العصير يا روحي. بياخد العصير منها وبيشربه، وبعد دقايق بينام. جميلة: شربتها يا كروديا. بتفضل جميلة تعمل كده على طول، وكل شوية تشوف صورة أمير وتعيط، وتحكيله اللي بيحصلها، وإنها كانت تتمنى يبقى موجود وتعيش معاه لو لحظة واحدة بس. بعد خمس سنوات.

جميلة: وحشتني أوي يا أمير، نفسي ترجعلي. أنا بحبك أوي، تعالى خدني من هنا. أكيد عندك أحسن بكتير. الموت أرحم من إني أعيش مع واحد زي ده. بيدخل عليها، فبتخبي الصورة تحتيها. جلال: بتعملي إيه؟ جميلة: مفيش، بس قاعدة. جلال بعصبية: يلا الناس تحت. بتنزل جميلة مع جلال، والحزن على وشها. وبيقف جلال مع رجال أعمال. جلال: تعالى معايا، أعرفك بمراتي جميلة. جميلة بصدمة: أمير.