رواية عوضني صعيدي الفصل الخامس عشر 15 - بقلم مريم روكا

روح بوجع وخضه: "اه شعري ي صقر في أي سيب شعري." قاطعها صقر بصوت عالي مخيف: "يبقى كلامها صوح، ما كذبتش عليا ي روح، معيزاش المسك، بتضحكي عليا، وبتكذبي، عايزه زين وبتضحكي عليا وربنا مهرحمك، كل شويه أقرب منك تبعدي وأنا زي الأبلة أقول بتتكسف منك، عايزه وقت، اللي شافته في حياتها مؤثر عليها." وبعدين قرب منها ومسكها من خصرها جامد وقال: "فـونك فين؟ روح خايفة ومش بتتكلم. صقر بصوت عالي جداً: "فـوونك فييييين، اخلصي."

روح بخوف شديد: "في الشنطة." صقر ببرود عكس اللي جواه: "روحي جيبيه اخلصي." روح راحت بسرعة وجابته وأعطته لصقر. صقر بشر: "الباسورد إيه." روح بدموع: "ص.ق.ر." صقر بغضب: "خلصي الباسورد إيه." روح بحزن شديد: "ص.ق.ر." صقر بشر وغضب شديد: "يعني مش ناوية تقولي، تمام استحملي اللي هيحصل لك." روح بصوت مبحوح ودموعها مغرقة وشها: "والله الباسورد عاملاه صقر بالانجليزي." وانفجرت في العياط.

صقر صعبت عليه وللحظة كان رايح يحضنها ويهديها، بس نفض الفكرة من رأسه وفتح الفون ودخل على المكالمات، بس مفيش أي مكالمات من زمان. صقر رمى الفون وقال بصوت عالي: "مسحتي." روح بخوف وجسمها بيرتجف: "إيه، مش فاهمة." صقر بصوت عالي: "مسحتي المكالمات اللي بينكم." روح بصوت مهزوز: "مكالمات إيه، والله ما مسحت حاجة ولا كلمت حد من بعد عفاف." وانفجرت في العياط. صقر مقدرش يشوفها كده وخرج من الجناح. روح وقعت على الأرض وقالت:

"أنا لي بيحصل ليا كده يارب، أنا عمري ما آذيت حد ولا جرحت حد، لي بس لي، كله مش بيرحموني من قساوتهم." وراحت عند الدولاب وطلعت صورة لأمها وأبوها وقالت: "من بعد موتكم مش شوفت يوم حلو، قلبي بيوجعني أوي، مش قادرة، حتى صقر اللي بحس معاه بالأمان والطمأنينة بيشك فيا، خلاص طاقتي نفذت مش قادرة." وراحت اتوضت وصلت. كل ده صقر شايفها وسامعها من الكاميرات اللي حاططها وحس جامد بتأنيب الضمير وقال في نفسه:

"في حاجة غلط، أنا إزاي أصدق مها، بس هي اللي أكدت ليا كلامه مها، طب هي لي علطول بتتهرب مني، أكيد في حاجة غلط في الموضوع." عند فارس حس فجأة بحد وراه، لسه عياف ضربه على رأسه جامد وأغمي عليه. عفاف بخضه: "انت مين اللي ضربته على رأسه؟ قاطعها زين وهو بيشيل الكمامة من على وشه. زين ببرود: "عاملة إيه ي عفاف." عفاف بصدمة: "زززين، انت إيه اللي جابك هنا وضربت فارس ليه على رأسه ي غبي." قاطعها زين بغضب:

"متغلطيش عاد أحسن ليكي ولجوزك، ولا قسم بالله لهوريكو وشي التاني، أنا مش غبي، جوزك اللي غبي عشان يقف في طريقي، واللي بيقف جدامي بجتله ي عفاف، عقلي جوزك عاد عشان مزعلوش وفين الورق." عفاف بخوف شديد: "طب شيله نفوقه الأول وبعيد نتفق على كل حاجة." زين ببرود: "مليش دعوة بيه عاد، أنا بقول كلمة واحدة، فين الورق." عفاف بخوف شديد: "طب اكتب شيك ليا الأول." زين بخبث: "كنت عارف إنك كلبة فلوس عشان كده مجهز الشيك."

وطلعه من جيبه واعطاهولها. عفاف خدته منه بلهفة وقالت برجاء: "شيل فارس معايا ندخله غرفتي." فارس بزهق شاله ودخل الغرفة وحطه على السرير. وخرج لقى عفاف جايه تجاهه معاها ورق. عفاف بخبث: "الورق أهو، بس فيه سؤال في دماغي ومش فاهماه، انت إزاي هتتجوزها وهي متجوزة." زين خد الورق من إيدها بسرعة وقال ببرود: "وانتي من امتى بتفهمي، مع ذلك هجاوبك، هعمله بتاريخ قديم، وفي الزمن ده كله بالفلوس." عفاف بصدمة:

"ده انت إبليس يتعلم منك، أنا بدأت أخاف منك." زين ببرود وغرور: "طول ما انتي معايا وبتسمعي كلامي مش هأذيكي، أما تقفي في طريقي ده الغلط بنفسه." عفاف بتبلع ريقها بصعوبة وقالت بخوف: "بس أنا اختك." زين ببرود: "ولو أبويا وقف في طريقي هجتله." ومشى ببرود. عفاف بخوف شديد جريت على غرفة فارس وبتحاول تفوقه. فارس صحى ومسك رأسه بوجع وقال: "إيه اللي حصل مش فاكر حاجة، راسي بتوجعني، اتصلتي بزين." عفاف بخوف شديد بس مش

بينت وقالت بتفاجؤ مصطنع: "زين لي." فارس بغضب: "مش أنا قولتلك اتصلي عليه وقولي ليه مش هنفذ اللي اتفقنا عليه ولا لا." عفاف بتفاجئ وكذب: "امتى ده يا حبيبي مالك، انت مش قولت ليا حاجة، إحنا كنا قاعدين بنتفرج على التليفزيون وفجأة مسكت راسك واغمي عليك، في إيه مالك ي فارس." فارس بصدمة: "نعم، يعني أنا مش دخلت ليكي المطبخ وزعقت ليكي عشان كنتي بتكلمي زين على موضوع الورق." عفاف بصدمة مصطنعة:

"نعم، لا، في إيه، مالك ي حبيبي، شكل كل التهاويس والتهيؤات دي من التعب والأرق، نام ي حبيبي وأنا هروح أعمل ليك حاجة سخنة." في الصباح روح صحت وحست بحاجة مقيدة حركتها، بتفتح عيونها لاقت صقر قريب منها جامد، مدت أيدها وبتمشيها على وشه وقالت بصوت أقرب للبكا: "لي كده ي صقر، ده أنا مش بحس بالراحة والأمان غير معاك، لي بس كل اللي عرفته إن في كلام غلط وصل ليك عني، بس وربنا أنا ما عملت كده ولا كلمت زين." قاطعها صوت صقر الغاضب:

"مفيش أي اسم راجل تنطقيه غير اسمي بس، انتي فاهمة، وأنا آسف يستي حقك عليا، بس حسيت الكلام صح واتنرفزت، طب لي كل ما أقرب منك تبعدي ومش بتديلي فرصة." روح ببراءة وكسوف: "عشان كده انت هتاخد اللي عايزه وطلقني، وأنا مش عايزة تطلقني، عايزة أفضل معاك." وانفجرت في العياط. صقر بغضب شديد بس مش بين وقال بهدوء وحنان: "مين اللي فهمك كده أو انتي ليه واخدة الفكرة دي عني." روح بصوت متقطع من البكا:

"أنا.. كنت.. الأول.. مكسوفة.. بس.. مها.. قالت ليا." قاطعها صوت عالي تحت. صقر بغضب شديد وصوت عالي جداً: "متنزليش، أنا هشوف في إيه وجاي." ونزل ولاقى زين تحت وقاعد على الكرسي وحاطط رجل على رجل وماسك سيجارة بيشربها ببرود وغرور. صقر أول ما شافه جري عليها وضربه بالبوكس في وشه وقال بصوت عالي جداً: "انت إيه اللي جابك ي ********، انت مش هتهدى غير أما أموتك." زين ببرود بيمسح الدم من على بقه وقال بصوت مستفز: "جاي آخد مراتي."

ورما الورقة في وشه. صقر خدها و بغضب جحيمي: "وووووووو"