رواية عوضي الفصل الثالث 3 - بقلم دنيا فادي

ادهم: انتي إزاي كده؟ ريم: هو إيه اللي إزاي؟ ادهم بسرحان: إزاي بالجمال ده؟ ريم ببرود: عادي، خلقة ربنا. ريم: هو أنا هنام فين؟ ادهم: هتنامي هنا. ويشاور على الأرض. ريم: ماشي. ادهم باستغراب: يعني معترضتيش؟ ويكمل باستفزاز: ولا تلاقيِك متعودة على كده؟ ريم: امم. ادهم: طبعًا كنتِ فاكرة إنك هتعيشي في نعيم، بس ده مش هيحصل خالص، ومن بكرة زيك زي الخدم يا شاطرة.

ريم: محدش ضربك على إيدك عشان تتجوزني، إنت اللي جيت بنفسك، وبعدين أنا معرفكش أصلاً عشان أفكر إني هعيش في نعيم زي ما بتقول. ادهم: بدأناها استعباط، بصي يا حلوة، من بكرة زيك زي الخدم هتشتغلي في البيت زيهم، يعني مش هتخرجي من الأوضة غير في الحالة دي، ويا ريت جدي ما يعرفش إني أنا اللي قلتلك، وإن ده من إرادتك عشان مزعلكيش مني، مفهوم؟ ريم بحزن: ماشي. ادهم: واقلعي الفستان ده. ريم: لا، أنا مرتاحة كده.

ادهم: مش هينفع، عندك حمام اهو، خشي غيريه. ريم: تمام. *** سما: مين ده اللي اتجوز؟ إنت بتهزر؟ مجهول: أهي صورته هو والعروسة، وهو نازل من بيته. سما: لا لا مستحيل، أدهم عمرو ما هيبقى لغيري. مجهول: خلاص بقا لغيرك. سما بعصبية: قولتلك مش هيبقى لغيري، هو أكيد جده اللي زن عليه. مجهول: هو إنتي حبتيه بجد ولا إيه؟ لا فوقي، إحنا مش هنضيع كل اللي عملناه ده بسبب ضعف منك.

سما: عندك حق، شكلي ضعفت وحبيته، بس بعد اللي عمله ده هيشوف مني قلب أسود ميعرفش الرحمة. مجهول: أيوا، هو ده الكلام، اعقلي كده، وكملي في خططنا. *** ريم خرجت ملقتهوش في الأوضة. ريم: قال أنا أنام على الأرض وهو على السرير ده كله لوحده؟ بيهزر أكيد، أنا هنام ويبقا يعمل اللي عايزه بقى، أنا مش قادرة بجد. *** علي: هي العروسة ملهاش إخوات؟ سامر: اعتمد على نفسك وأنا أُجَوِّزَك أحلى منها.

علي: لا خلاص، أنا مليش في حوارات الجواز دي أصلاً. سامر: لا يا علي، أنا بقى ميعجبنيش حالك ده، لازم تعتمد على نفسك زي أخوك، أنا مش دايم ليك. علي: بعد الشر يجدو. علي بهزار: وبعدين متحاولش تضحك عليّ زي أدهم وتقولي إنك تعبان، ده أنا عارف كل حركاتك. *** ادهم: إيييه. سامر: أدهم، إنت إيه اللي جايبك في الوقت ده وسايب عروستك لوحدها ليه؟ ادهم: والله؟ إنت بتضحك عليّ بتعبك، إنت بتستغل إني مبقدرش أشوفك تعبان.

سامر: ابدأ يا أدهم، هيجي يوم وأتعب فيه، وكده كده هيجي يوم وهتتجوز، مش هتفرق اليوم ده جه إزاي. ادهم: إنت عارف كويس أنا رافض الموضوع ده ليه. سامر بزعيق: انسى ملك يا أدهم، ومتوهمش نفسك إن الكل زيها، وعيش حياتك بقى زي ما هي عايشة حياتها. ادهم بعصبية: لااا، كلهم زي بعض، الطمع فيهم. علي: خد بس يا ابني استنى، رايح فين؟ سامر: سيبه يا علي، هيرجع لوحده. *** ادهم راح نايت كلوب وفضل يشرب على أمل إنه ينسى.

ادهم: مش قادر أنسى خيانتك ليا يا ملك، ولا حبك المزيف. أنا كنت غبي يوم ما صدقتك، غبي. وهمتيني بجمالك، مقدرتش أشوف الغل والحقد اللي جواكي. *** 1:00AM وصل البيت والكل نايم. ادهم بضحك: قال كلهم مش زي بعض قال، ده كلهم نسخة منها. ادهم دخل الأوضة ولقاها نايمة. ادهم بنظرة تشوق: وإنتي بقى حكايتك إيه. وبيقرب منها وبيحضنها جامد. ريم بعدم فهم: إنت بتعمل إيه؟ ادهم بعدم وعي: ششش. وقطع*لها هدومها. ريم: ابعد عني يا حيوا*ان.

ادهم: أنا هوريكي يا زبا*لة مين الحيوا*ان. ريم بدموع: ......