رواية عوضي الفصل الثاني 2 - بقلم دنيا فادي

ريم بحسرة: يبنتي انتي لسة بتعيطي؟ ريم: يماما أنا مش قد المسؤولية دي خالص، هتجوز إزاي؟ وهتجوز واحد معرفوش كمان، الله أعلم هيعاملني زي بابا ولا هيعاملني إزاي. أم ريم: أنا فعلاً غلطت لما مشيلتكيش معايا مسؤولية البيت، بس انتي شاطرة يا ريم وقد أي حاجة، وأنا عارفة إنك بتعرفي تثبتي نفسك في أي حاجة. ريم بدموع: أنا بس كان من ضمن أحلامي إن اللي هكمل معاه حياتي يكون بيحبني، بس أنا راضية بالمكتوب لي.

أم ريم: خير يا حبيبتي، يلا كلي ونامي. ريم: حاضر. *** علي: عملت إيه مع سما؟ لسة ثابتة فيك؟ أدهم: أعوذ بالله، بجد مشوفتش كده. علي: يا عم نص البنات من اللي بيتلموا عليك دول، والواحد يبقى في نعمة. أدهم: وماله؟ علي: هو أنا مش أخوك ومعاك في الشركة؟ مش بيبصوا لي ليه؟ الله بقا. أدهم: اتفضل وانت ساكت، صدعتني. علي: مين بس اللي شاغل بالك؟ أدهم: أنا داخل أنام. علي: خد خلاص، تعال كمل أكل يلا، خلاص. *** ريم: شنور!

نور: إيه يبنتي، فرحانالك. ريم: خرمتي ودني بالزغروطة ياشيخة. نور بفرحة: سيبك، اسمه إيه وشكله إيه؟ قوللي مواصفاته بسرعة. ريم بحزن: معرفش. نور: هو داري على شمعتك تقيد، بس مش عليا أنا. ريم: والله أبداً، أنا معرفش بجد. نور: ده إيه؟ ريم: كنت قاعدة في حالي، فجأة كده عرفت إن هتجوز بكرة. نور: يمكن هو شافك قبل كده؟ ريم: معرفش، هي كده كده حياتي خربانة من كل حتة، ما تجيش على دي.

نور: لا لا، عايزاكي قوية كده وقد الصعب، وانسي كل حاجة وابدأي حياة جديدة. ريم: ده أنا هطلع عينه، بس يستنى عليا. نور بضحك: آه وماله. ريم: طيب أنا هنام، تصبحي على خير. نور: وأنتي من أهله، سلام. *** 7:00 AM أدهم: انت جاي معايا الشغل ولا إيه؟ علي: أيوا، لو عايزني مجيش يبقى كتر خيرك والله. أدهم: خليك عشان جدو. علي: آه صح، جدو تعبان، نسيت. أدهم: والله شكلك انت اللي جبتله التعب.

علي: أنا لا طبعاً، ده جدو حبيبي، أتعبو إزاي بس. أدهم: ماشي، متخرجش وتسيبه لوحده، لو خرجت هعرف. علي: حاضر. : : علي: بما إننا قاعدين مع بعض، النهاردة بتعرف تلعب بلايستيشن ولا؟ سامر: انت بتعرف؟ علي: أنا بعرف، وانت؟ سامر: يبقا أنا كمان أعرف. علي بانبهار: نص ثقتك. *** سما: بتفكر في إيه؟ أدهم: إيه؟ لا مفيش، شوية مشا مشاكل بس. سما: احكيلي، ممكن أحلهم معاك. أدهم: لا ملوش لازمة، هيتحلوا لوحدهم. سما: طيب، احنا هنتجوز امتى؟

أدهم: هنتجوز؟ سما: أيوا، انت ناسي إننا مخطوبين؟ أدهم: أيوا، بس ده مكنش رسمي. كمل بسخرية: وبعدين، كنا صغيرين، أبوكي مكنش لاقي حاجة يعملها، قال نخطبهم لبعض. سما: ياسلام، وماله، نتخطب تاني. أدهم: يخر'بيتك، انتي مُصرة تثبتيلي إنك معندكيش كرامة. سما: عشان بحبك يا حبيبي. أدهم: روحي على شغلك يا سما. سما: اسمي حِلو لما نطقته. أدهم بضحك: يا حول الله. سما: خطفت قلبي بضحكتك ياخي. أدهم: يارب، أنا اللي همشي، خليكي. ***

أم ريم: خدي ياريم الفلوس دي، وانزلي انتي وصحبتك واشتري لك الفستان اللي يعجبك. ريم: لا مش عايزة. أم ريم: خدي، متخافيش، بتوعي، كنت شايلهم لوقت عوزة. ريم بحزن: حاضر يا ماما. أم ريم: حضر لك الخير. *** أدهم راح لقبر والده ووالدته لحد الليل، وروّح البيت. : : سامر: هو مش هيجي ولا إيه؟ علي: مش عارف، استنى، هرن عليه تاني. سامر: خلاص، أهو شكله جه، انزلوا يلا. علي: حاضر. : : علي: إيه؟ مش هتروح تجيب العروسة؟

أدهم بعدم وعي: عروسة مين؟ علي: مش جدو قال إنك هتتجوز النهاردة. أدهم باستعباط: يووه، نسيت، خلوها يوم تاني بقا، أنا تعبان أوي. علي: والله، طب كلم جدك بقا. : : أدهم: إيه يا جدو يا حبيبي، عامل إيه النهارده؟ سامر: مش هبقى كويس غير لما تنفذ اللي قولتلِك عليه. أدهم: يجدو، انت بتهزر صح؟ إزاي أروح لواحدة متعرفنيش ولا أعرفها ونتجوز في يوم وليلة؟ سامر: هي عارفة إنك هتروحلها. أدهم: طيب، أكيد مش موافقة. سامر: لا، موافقة.

أدهم: يبقا عايزة خطوبة وفرح ومعازيم، يبقا نشوف الموضوع ده بكرة بقا. سامر: لا، مش عايزة كل ده، هي مستنياك تروح وتكتب الكتاب. أدهم: أكيد انتوا ضغ... علي بضحك: مهما تبرر، في الآخر جدك هينفذ اللي عايزه، فا متُحاولش. أدهم: انت فرحان على إيه؟ علي: أخويا يجدع، الله، وانت مش عايز تتجوز لي، فاهمنا؟ علي بغمزة: ولا لسة بتُحب الكراش؟ سامر: يلا يبني روح، البس، الساعة 7. أدهم بنرفزة: حاضر يجدو. _:..

أدهم مع نفسه: يارب، إيه المصيبة دي؟ وأكيد طبعاً طمعانة في الفلوس وفاكرة نفسها هتعيش حياتها على قفايا زي كل اللي عرفتهم، أنا هوريكي اللي عمرك ماشوفتيه يا، اسمك إيه؟ : : بعد ما جهزوا. أدهم: انت رايح فين يجدو بالشكل ده؟ سامر: هروح معاك. أدهم: يجدو، انت مش عارف تمشي، هتيجي معايا فين؟ سامر: لا، هاجي عشان أضمن إنك رحت، أنا عارفك كويس يا أدهم وعارف حركاتك. أدهم بعصبية: ماشي يجدو. ***

ريم كانت لابسة فستان فرح وشعرها مفرود وناعم زي الحرير. أم ريم: أحلى عروسة شافتها عيني. ريم: نور هي اللي أصرت عليا، مكنتش عايزاه. أم ريم: لي يا حبيبتي؟ ده زي القمر عليكي. ريم: مش فارق معايا شكلي و... ماما، انتي بتعيطي؟ أم ريم: لا يا حبيبتي، دي دموع الفرحة. ريم: متخافيش يماما، هبقى أجلك كل يوم. أم ريم بضحك: عشان جوزك يطلقك. ريم: يبقا كتر خيره، أنا مليش في الجواز والحورات دي.

أم ريم: مفيش حاجة اسمها كده، لو مكنتيش هتجوزي دلوقتي كنتي هتجوزي بعدين، ده لازم يا حبيبتي. ريم: يجي بعدين، ويبقا يحلها ألف حلال. أم ريم: طب يلا، عشان العريس والمأذون برا. _:.. 10:00 pm كتبوا الكتاب. سامر: اتفضل يا أستاذ حامد، ده شيك بالفلوس. أدهم في تفكيره: أنا قولت من الأول، الحوار فيه فلوس. حامد: يلا يا ريم، روحي مع عريسك. كانت ريم منزلة طرحة الفستان على وشها ومشافتش شكل العريس كويس.

نزلوا من البيت وركبوا العربية وراحوا على بيتهم. *** بعد شوية. سامر: اتفضلي يا بنتي، بيتك ومطرحك. أدهم: وماله، ما ده اللي ناقص. ريم: هي فين أوضتي؟ أدهم: كمان عايزة أوضة؟ سامر: اطلعي يا حبيبتي فوق، هتلاقيها على اليمين. ريم طلعت الأوضة. سامر: خد بالك من كلامك يا أدهم. أدهم: مالو كلامي؟ أنا بقول اللي شايفه. سامر: عيب يا أدهم، انت كبير مش صغير،، ويلا خد أكل واطلع كل معاها. أدهم: هخدمها كمان؟ ماشي، حاضر يا جدو. ***

أدهم دخل أوضته. أدهم: انتي لسه مغيرتيش؟ أدهم: طب وريني شكلك طب. أدهم: أنا بكلمك، إيه؟ خارصة؟ أدهم اتعصب ومسكها، قامها من على السرير وشال الطرحة من على وشها. أدهم: انتي إزاي!!! ........