رواية عوضي الحلو الفصل الثامن 8 - بقلم بنوته كيوت

لسه هتدخل من بوابة الجامعة، شافت صاحبتها اللي جريت حضنتها. سلوي: يخرب بيتك، حاسبي هقع. ده حضن ولا هجوم مفاجئ؟ ميار: وحشتيني يا حيوانة، لا مكالمات ولا حتى رسايل. سلوي: غصب عني والله، انتي وحشاني أوي. ميار: يلا يا خاينة، قال وحشاني. وبعدين مين المز اللي جاية معاه ده؟ سلوي: وانتي لحقتي شفتيه؟ ميار: اها، عيونه لونها بني وحادة كده زي عيون الصقر. سلوي: وأي كمان يا ست ميار؟

ميار: امم، وعنده دقن خفيفة وغمازة في خده اليمين، وحاجة قمر من الآخر. ما تجوزيهولي. سلوي: 😳 يخرب بيتك، لا برافو ملاحظة قوية. ميار: عيب عليكي، دا أنا ميار 😎 بس هو مين ده؟ سلوي: لا دي حكاية يطول شرحها. ميار: وماله، تعزميني على مشروبي المفضل وتحكيلي وأنا كلي آذان صاغية. سلوي: طول عمرك استغلالية. ميار: حبيبي يا كوتش. راحوا الكافيه وطلبوا مشروب الشوكولاتة الساخنة.

حكتلها كل اللي حصل معاها من ساعة ما عرفت مازن وباللي عرضه عليها. ميار: كل ده يحصل يا قلب البحر ومتقوليش. سلوي: كل حاجة حصلت بسرعة، وبعدين انتي فيكي اللي مكفيكي. ميار: واحنا لينا غير بعض يا هبلة. سلوي: ربنا يخليكي ليا. ميار: كفاية عشق ممنوع ياختي، وقوليلي قولتي للواد إيه. سلوي: واد يا بيئة. ميار: الصراحة لأ، ميدلش على كده. قولتي إيه للمز؟ سلوي: ما تتلمي يا ميار.

ميار: جاكي داهية في شكلك، لا عاجبك ده ولا عاجبك ده. قولي قولتي إيه واخلصي. سلوي: مقولتش. ميار: نعممممممممممم، وهو ده محتاج تفكير؟ سلوي: ماهو جوازنا مش هيكون حقيقي، هيكون صفقة، وفي يوم من الأيام هيخلص. ميار: ومين عالم بكرة هيحصل إيه؟ على الأقل هتكوني ضامنة حياتك، إنما ابن عمك مش كويس، وانتي عارفة ده. ولو اتجوزتيه هتكوني بترمي نفسك في الـ *نار*. سلوي: يعني رأيك أوافق؟

ميار: أكيد يا سلوي، على الأقل هتتحققي حلم أبوكي. انتي عارفة لو رجعتي البلد إيه اللي هيحصل، كل همهم ورث أبوكي، وكل طموحاتك هتتق*تل. لا يا سلوي وافقي، أنا ما أرضاش تعملي في نفسك كده، وانتي عارفة إنهم قادرين ومش هيسبوكي في حالك. سلوي: كلامك كله صح. ميار: إيه هتوافقي؟ سلوي: اها. ميار: لوووووولوووي، عندنا فرح يا جدعان. سلوي: يخرب بيتك، كله بيتفرج علينا.

ميار: معلش يا جماعة، عندي ربع مخ في دماغي، قمت زغرطت في حاجة يا خواتي. سلوي: 😹😹😹😹 هموت منك، يخرب بيتك. ميار: تشكري يا أختاه، يعني أجهز الفستان. سلوي: مش هنعمل فرح. ميار: أمال إيه إن شاء الله؟ سلوي: كتب كتاب بس. ميار: نعم ياختي، دا إحنا طول عمرنا نحلم بيوم فرحنا، وإني هكون معاكي وهتجيبيلي فستان 🥹 مش عايزة تجيبيلي الفستان مش كده. سلوي: معلش يا قلبي، تتعوض في فرحك. ميار: طب ليه كده؟

سلوي: عشان أهله مسافرين، وغير كده الدراسة والامتحانات قربت، وهو مش هينفع يكون حقيقي في الآخر. ميار: اها 🥹 بقولك يا نوثة. سلوي: قولي. ميار: شفتي حصل إيه 🥹 سلوي: إيه يا بت؟ ميار: الدكتور الأقرع ده مرة كان معدي من شارعنا، قمت حدفت المية عليه، مقوللكيش على قرعته كانت بتنور. من ساعتها حالف ما ينجحني. سلوي: يخرب بيتك 😳🙂 ميار: اها والله، ومش بس كده، جيت أقوله اسفه يادكتور، قولتله يا أقرع 🥹 من ساعتها مستقصدني.

سلوي: 😹 تستاهلي أكتر من كده. المهم معاد المحاضرة. ميار: بتضحكي على أحزاني. سلوي: ما أحزانك بتضحك الصراحة 😹🤭 ميار: اللهي تقعي في ضيقة زيي واضحك عليكي. سلوي: 🥹 تنشكي يارب. ميار: آتي يابت، هطرد بسببك من المحاضرة، وأنا طالبة ملتزمة. سلوي: حصل، وأنا عارفة. دخلوا المدرج، بعدهم الدكتور دخل وبدأت المحاضرة. أخدوا بريك بعدها بساعة، والدكتور كان بيسأل لو في حد مفهمش حاجة. ميار رفعت إيدها.

ميار: دكتور، ممكن سؤال بعيد عن المنهج، بس بجد محيرني. الدكتور: اسألي وكله يستفيد. ميار: أقول عادي؟ الدكتور: أكيد، مش سؤال كله هيستفيد بيه. ميار: افتكر إنك انت اللي قولتلي أقول السؤال، هو إزاي الخوخ فاكهة صيفي وهو لابس شاموه 🙂 والله يا دكتور بفكر فيها من امبارح، مش لاقيلها إجابة. الدكتور: أستاذة ميار، إحنا مش في سوق فاكهة. ميار: والله يا دكتور مقصد، انت اللي قولت لو في أي سؤال. الدكتور: قصدي في الشرح.

ميار: اسفه يا دكتور، مفيش أسئلة. الدكتور: تمام. سلوي: يخرب بيتك، إيه اللي قولتي ده. ميار: الاه، مش هو اللي بيقول أي سؤال، وأنا سألت، معرفش يجاوب. سلوي: 😹 يخرب بيتك وبيت دماغك. ميار: طب هو انتي متعرفيش الإجابة؟ سلوي: وحياتك لأ، لو عرفتي قوليلي. عدى يوم المحاضرات وجه الوقت إنهم يروحوا، ودعت سلوي ميار، ووقفت تستنى مازن. شويه وجه، ركبت معاه ومشيت. مازن: يومك كان عامل إزاي؟ سلوي: كويس الحمد لله. مازن: في حد ضايقك؟

سلوي: لا. مازن: كويس. سلوي: صح، كنت هقولك على الموضوع اللي قولتلي عليه. مازن: موضوع إيه؟ سلوي: اللي قولتلي أفكر وأرد عليكي. مازن: أنهي، مش فاكر. سلوي: موضوع جوازنا. أقصد يعني اللي اتفقنا عليه. مازن: اها، ماله. سلوي: أنا موافقة، بس على شرط. مازن: إيه هو؟ سلوي: يـ... ياترى إيه الشرط ومازن هيوافق ولا لأ؟ توقعاتكم معايا 🦋☺️