رواية عوضي الحلو الفصل السابع 7 - بقلم بنوته كيوت

مازن: هنتجوز. سلوي: إيه؟ مستحيل طبعًا. إنت بتقول إيه؟ مازن: اسمعيني بس. سلوي: أسمع إيه؟ إنت مش شايف بتقول إيه؟ عايز تتجوزني شفقة؟ لا، أنا أقدر أحمي نفسي كويس. مازن: اقعدي اسمعيني الأول وبعدين قرري. سلوي: اديني قعدت. مازن: هنتجوز فترة ونطلق، وكده تقدري تكملي تعليمك. سلوي: وإنت إيه اللي يجبرك تعمل كده؟ مازن: مفيش حاجة جبراني، بس أنا كمان هخلص من زن أهلي ومنه تشوف بعينها إنّي اتجوزت. بعدها عادي. سلوي: امممم.

مازن: هتفكري كتير؟ سلوي: آها طبعًا. سيبني دلوقتي أفكر. مازن: لحد إمتى؟ سلوي: لحد ما آخد قرار. لسه بدري على الامتحانات. مازن: طب من النهارده مفيش شغل وركزي في دراستك شوية وانزلي الجامعة. سلوي: لا، إزاي؟ وأصرف منين؟ مازن: أنا هتكفل بيكي. سلوي: لا طبعًا، وأنا مقبلش بكده. مازن: يبت اسمعيني. سلوي: بت أما تبتك إيه؟ يبت دي! مازن: ي زفته اسمعي. هو في حد بيراقبك هنا؟ سلوي: بيراقبني ليه؟

مازن: أصل إنتِ، أصلك من الصعيد، فاكيد مش هيتقبلوه إنك تفضلي هنا لوحدك. أكيد بيعرفوا أخبارك. سلوي: تصدق صح. في أكتر من مرة تحصل معايا حاجات وأتفاجأ إنهم عرفينها، بس مجاش في دماغي. مازن: شوفتي بقاا. سلوي: لعع، مشفتش. مازن: قصدي إن لما تبطلي تنزلي الشغل وتروحي للجامعة أكيد هيستغربوا من كده. سلوي: إنت عايزهم يقتلوني؟ مازن: لا، وقتها أنا هقول إنك مراتي وف حمايتي. سلوي: يبقا هيقتلوني معايا.

مازن: وقتها هوريهم قسيمة الجواز، مش هيقدروا يعملوا حاجة. سلوي: بس إحنا مش متجوزين. مازن: هنتجوز، بس بعد ما تفكري. سلوي: امممم. طب سيبني لبكرة أفكر. مازن: تمام. أنا هنزل الشغل دلوقتي، وزي ما قولتلك متروحيش الشغل وانزلي الجامعة النهارده. سلوي: حاضر. مازن: اجهزي عشان أوصلك في طريقي. سلوي: فين طريقك؟ وهيا فين؟ مازن: هوصلك الأول، بعدها أنزل الشغل. سلوي: بعرف أروح لوحدي. مازن: ده من ضمن الخطة. سلوي: طبعًا.

مازن: عشر دقايق ألاقيكي جاهزة. سلوي: وجاي على نفسك ليه؟ خمس دقايق بس. ولا أقولك، هاجي معاك دلوقتي. مازن: لسانك ده عايز قص. سلوي: وإنت بقا اللي هتقصه؟ مازن: وماله. سلوي: طب هششش عشان متأخرش. طلع، وهيا أخدت شاور وجهزت. نزلت لقيته مستنيها تحت. مازن: كنتي اتأخرتي شوية تاني. سلوي: اتأخرت إيه؟ دي كلها ساعة بس، ده رقم قياسي. مازن: طب اتنيلي اركبي. سلوي: مش راكبة غير لما تقول بأدب. مازن: (وهو بيجز على سنانه) اركبي.

سلوي: توتو مش كده بردو. قول لو سمحت اتفضلي اركبي. مازن: وعلي إيه؟ خلي الناس تتفرج علينا وإحنا واقفين مع بعض كده. سلوي: (بصت حواليها، لقت فيه ناس كتير) ركبت على طول. ركب مازن واتجهوا للجامعة. سلوي: متفكرش إني ركبت عشانك. مازن: عارف. سلوي: وإنت بتعمل ليه كل ده؟ مازن: امممم عشان حبيتك مثلاً. سلوي: قديمة. مازن: ليه؟ سلوي: أصل أنا الكل بيحبني، فمجيش عليك. مازن: غرور. سلوي: ربنا يخليك.

مازن: متكلميش حد في الجامعة ولا تهزري مع حد، واستنيني هاخدك. سلوي: وده ليه إن شاء الله؟ مازن: هو كده. سلوي: ده عند أم ترتر اللي بتنور وتطفي، عارفها؟ مازن: لا شيفها. سلوي: أنا هنزل أحسن الضغط رفع. مازن: زي ما قولتلك. سلوي: في المشمش. نزلت من العربية، وأول ما جت تدخل.